آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
متحدہ عرب امارات میں ہونے والے ٹی ٹوئنٹی ورلڈکپ میں آج پہلے سیمی فائنل میں نیوزی لینڈ نے انگلینڈ کو پانچ وکٹوں سے شکست دے کر ٹی ٹوئنٹی ورلڈکپ کی تاریخ میں پہلی مرتبہ فائنل میں جگہ بنا لی ہے۔
محمد صہیب
نیوزی لینڈ نے انگلینڈ کو شکست دے کر فائنل میں کوالیفائی کر لیا ہے اور اب اس کا مقابلہ آسٹریلیا یا پاکستان میں سے کس ٹیم سے ہو گا، اس کا فیصلہ کل شام سات بجے دبئی انٹرنیشنل کرکٹ سٹیڈیم میں ہونے والے دوسرے سیمی فائنل کے اختتام پر ہو گا۔
’ہم نے ایک دوسرے کے ساتھ متعدد مرتبہ میچ کھیلے ہیں، اور ہمیں معلوم تھا کہ یہ ایک بہترین میچ ہو گا اور ہم انتہائی خوش ہیں کہ ہم نے اس کارکردگی کے دوران جس دلیری کا مظاہرہ کیا۔‘
’مچل نے اوپر سے بہترین بیٹنگ کا مظاہرہ کیا لیکن، ’میچ اپس‘ کے حساب سے بیٹنگ کرنا انتہائی اہم تھا۔ مچل کی شخصیت انتہائی نمایاں تھی، وہ بہترین کھیلے، انھوں نے اس سے پہلے ٹاپ آرڈر میں نہیں کھیلا تھا، ٹی ٹوئنٹی کرکٹ میں چھوٹی چھوٹی چیز بھی انتہائی اہم ہوتی ہے۔ ہمارے ہاتھ میں وکٹیں تھیں جو انتہائی اہم تھا۔ نیشم آئے اور انھوں نے ہٹنگ کرنا شروع کی اور میچ کا مومنٹم تبدیل کر دیا۔ جو آخر میں نتیجہ خیز ثابت ہوا۔‘
انگلش ٹیم کے کپتان اوئن مورگن کا کہنا ہے کہ سیمی فائنل میں فتح کا مکمل سہرا نیوزی لینڈ کی ٹیم کے کپتان کین ولیم سین اور ان کی ٹیم کو جاتا ہے، انھوں نے ہمیں آج ہر شعبے میں بے بس کیا ہے۔
اپنی کمزرویوں سے متعلق پوچھے گئے سوال پر اوئن مورگن نے کہا کہ آج جو کھیل انھوں نے پیش کیا ہے انھیں اس میں کوئی خامی نظر نہیں آتی ہے، ہم نے خوب مقابلہ کیا ہے اور بہتر کھیل پیش کیا مگر پھر بھی شکست آج کی رات ہمارے مقدر میں رہی۔
ایک سوال کے جواب میں انگلش ٹیم کے کپتان کا کہنا تھا کہ میچ میں اہم مواقع کی نشاندہی کرنا ایک مشکل امر ہے۔ ان کے مطابق نیوزی لینڈ نے اپنی پوزیشن بہتر بنائی اور پھر انھوں نے جارحانہ انداز اختیار کیا اور پھر وہ کھیل میں دوبارہ آ گئے۔
انھوں نے ہمیں ایک فاصلے پر رکھا۔ یہ ایک سست وکٹ تھی اور ہمیں چھکے مارنے کے لیے بہت کوشش کرنی پڑی۔
ان کے مطابق ہم نے اپنی طرف سے اچھا ہدف دیا تاہم انھوں نے نیوزی لینڈ کے بلے باز نیشم کو چھکے مارنے کا پورا کریڈٹ دیا۔
ان کے مطابق انھیں امید ہے کہ وہ پھر جیتیں گے۔ ان کے مطابق وہ ابھی بھی بہتر کھیل پیش کر رہے ہیں اور ان کے مطابق وہ اب ایک تبدیل صورتحال میں کھیلنا پسند کریں گے۔ ان کے مطابق انھیں اپنی ٹیم کا کپتان ہونے پر فخر ہے۔
نیوزی لینڈ کو آخری چار اوورز میں 57 رنز درکار تھے، یعنی 14 کی اوسط۔ لیکن پھر جمی نیشم آئے اور چھا گئے۔
نیوزی لینڈ نے یہ سکور صرف تین اوورز میں پورا کر لیا۔ اس دوران ڈیرل مچل اور نیشم نے چھ چھکے اور دو چوکے لگائے، اور پھر نیوزی لینڈ نے مڑ کر بھی نہیں دیکھا۔
ڈیرل مچل نے 47 گیندوں پر 72 رنز کی اننگز کھیلی اور نیوزی لینڈ کی بیٹنگ کو بکھرنے نہیں دیا۔
متحدہ عرب امارات میں ہونے والے ٹی ٹوئنٹی ورلڈکپ میں آج پہلے سیمی فائنل میں نیوزی لینڈ نے انگلینڈ کو پانچ وکٹوں سے شکست دے کر ٹی ٹوئنٹی ورلڈکپ کی تاریخ میں پہلی مرتبہ فائنل میں جگہ بنا لی ہے۔
ڈیرل مچل نے 47 گیندوں پر 72 رنز کی اننگز کھیلی اور نیوزی لینڈ کی بیٹنگ کو بکھرنے نہیں دیا جبکہ جمی نیشم کے 11 گیندوں پر 27 رنز بھی انتہائی اہم رہے اور انھوں نے جارڈن کے اوور میں 23 رنز حاصل کر کے میچ کا پانسہ پلٹ دیا۔
مچل نے لگاتار دو چھکے لگا کر نیوزی لینڈ کو فتح اور فائنل کے بہت قریب کر دیا ہے۔
عادل رشید کے آخری اوور میں نیشم آؤٹ تو ہو گئے ہیں لیکن انھوں نے نیوزی لینڈ کی میچ میں واپسی یقینی بنا دی ہے۔
ڈیرل مچل جو گذشتہ 11 گیندوں سے دوسرے اینڈ پر خاموش تماشائی بنے بیٹھے تھے انھوں نے بھی اپنی موجودگی کا اظہار کرواتے ہوئے ایک چھکا مار کر اپنی نصف سنچری مکمل کر چکے ہیں۔
جمی نیشم کے باعث نیوزی لینڈ کی میچ میں واپسی ہوئی ہے۔
نیشم نے ایک اور چھکا مارا ہے، تاہم یہ چھکا دراصل جاس بٹلر کا گھٹنا باؤنڈری سکرٹنگ سے ٹکرانے کے باعث ہوا ہے۔
جارڈن کے اوور میں 23 رنز بنے، اور نیوزی لینڈ اب میچ میچ میں واپس آ چکا ہے۔
17 اوور کے آغاز میں ہی جمی نیشم نے جارڈن کو دباؤ میں ڈال دیا ہے اور آغاز کی تین گیندوں پر 13 رنز بنا لیے ہیں۔
گلین فلپس بھی لونگسٹون کی گیند پر پویلین لوٹ گئے ہیں۔ انھوں نے لونگسٹون کو لانگ آف باؤنڈری سے باہر چھکا مارنے کی کوشش کی، اور اس دوران کیچ ہو گئے۔
ڈیون کونوے دباؤ محسوس کر رہے تھے اور انھوں نے لونگسٹون کو قدموں کا استعمال کرتے ہوئے سٹریٹ باؤنڈری کی جانب مارنے کی کوشش کی لیکن انھیں بٹلر نے سٹمپ کر دیا۔
انگلینڈ کو اس وقت وکٹوں کی اشد ضرورت ہے کیونکہ ڈیرل مچل اور کونے کی شراکت اب خاصی مستحکم ہو چکی ہے۔
نیوزی لینڈ کو جیت کے لیے 42 گیندوں پر 75 رنز درکار ہیں۔
ڈیون کونوے نے بالآخر جارحانہ انداز اپنا لیا ہے اور انھوں نے مارک وڈ کے اوور میں تھرڈ مین کے اوپر سے چھکا مارا ہے۔
کونوے اپنے جارحانہ انداز کے باعث جانے جاتے ہیں اور اگر نیوزی لینڈ کو اس ہدف کا تعاقب کرنا ہے تو انھیں بہترین بلے بازی کا مظاہرہ کرنا ہو گا۔
انگلینڈ کے بولرز نے پہلے 10 اوورز میں عمدہ بولنگ کا مظاہرہ کرتے ہوئے نیوزی لینڈ کے لیے ہدف تک رسائی مشکل بنا دی ہے۔
تاہم نیوزی لینڈ نے دو سے زیادہ وکٹیں بھی نہیں گنوائیں جس سے ابھی ان کے لیے آحری اوورز میں جارحانہ بیٹنگ کرنے کی گنجائش بچتی ہے۔
انگلش بولرز نے کیوی بلے بازوں کو باندھ کے رکھا ہوا ہے اور انھیں کھل کر کھیلنے کا موقع نہیں مل رہا۔ آخری باؤنڈ چھٹے اوور میں لگی تھی، اور ابھی نو اوورز مکمل ہو چکے ہیں۔
