میچ کا لائیو پیج ختم، ٹی ٹوئنٹی ورلڈ کپ کی کوریج جاری!, یہ صفحہ اب مزید اپ ڈیٹ نہیں کیا جا رہا!
بی بی سی اردو کی ٹی ٹوئنٹی ورلڈکپ کی لائیو کوریج جاری رہے گی۔ اس حوالے سے مزید پڑھنے کے لیے ہماری اب تک کی کوریج ملاحظہ کریں۔
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
انڈیا کا رن ریٹ افغانستان سے بہتر ہو گیا، سکاٹ لینڈ کا ہدف 39 گیندوں میں حاصل کر لیا
ٹی ٹوئنٹی ورلڈ کپ کے 37ویں میچ میں آج انڈیا نے سکاٹ لینڈ کو آٹھ وکٹوں سے شکست دے دی ہے۔ اہم بات یہ کہ انڈیا نے یہ ہدف صرف 39 گیندوں میں مکمل کیا جس کے باعث انڈیا کا نیٹ رن ریٹ افغانستان سے بھی بہتر ہو گیا ہے۔ اب پورے انڈیا کی نظریں افغانستان اور نیوزی لینڈ کے میچ پر ہیں۔
لائیو کوریج
آسٹریلیا کو آسٹریلیا میں خاموش کرنے والے انڈین کپتان کی خوب سے خوب تر ہونے کی کہانی, آج وراٹ کوہلی کی سالگرہ بھی ہے، اسی مناسبت سے ان کے بارے میں یہ تحریر پڑھیں!
آسٹریلیا کو آسٹریلیا میں خاموش کرنے والے وراٹ کوہلی کی کہانی دراصل ایک نوجوان کی اپنے آپ کو بہتر سے بہتر کرنے کی لگن پر مبنی ہے۔
ان کی پہچان صرف ان کی بیٹنگ ہی نہیں بلکہ ان خود اعتمادی بھی ہے جس کی بدولت وہ انڈین کرکٹ کے لیے وہ کچھ کر پائے ہیں جو ان سے پہلے کوئی نہیں کر پایا اور ان کا مزاج ایسا ہے کہ ان سے نفرت کرنے والے بھی ان سے محبت کیے بنا نہیں رہ پاتے۔
نیوزی لینڈ بمقابلہ افغانستان: گروپ 2 کے لیے فیصلہ کن میچ
سات نومبر کو نیوزی لینڈ اور افغانستان کی ٹیمیں مدِ مقابل ہیں اور بظاہر یہ میچ اب افغانستان نیوزی لینڈ اور انڈیا کے لیے انتہائی اہم ہو گیا ہے۔
نیوزی لینڈ اگر یہ میچ جیت جائے تو اس کی سیمی فائنل تک رسائی یقینی ہو جائے گی۔ لیکن اگر افغانستان نے نیوزی لینڈ کو ہرا دیا، تو پھر انڈیا اور افغانستان میں ایک ٹیم بہتر نیٹ رن ریٹ پر سیمی فائنل کے کوالیفائی کرے گی۔
خیال رہے کہ انڈیا گروپ 2 کا آخری میچ آٹھ نومبر کو کھیل رہی ہے اس لیے افغانستان کی جیت کی صورت میں اسے نمیبیا کے خلاف میچ میں معلوم ہو گا کہ اسے سیمی فائنل تک رسائی کے لیے کیا کرنا ہے۔
انڈیا کی جیت پر مداح خوشی سے نہال!
انڈیا نے پہلے دو میچوں میں مایوس کن کارکردگی دکھانے کے بعد افغانستان اور سکاٹ لینڈ کے خلاف بہترین آلراؤنڈ کارکردگی کا مظاہرہ کیا ہے۔
گراؤنڈ میں موجود انڈین مداح انڈیا کی اتنی بہترین پرفارمنس کے باعث خاصے خوش دکھائی۔
’حریف کمزور ضرور تھا، لیکن انڈیا کا جارحانہ انداز دیکھنے کے قابل تھا‘
’دو میچ قبل انڈیا کا نیٹ رن ریٹ منفی ایک اعشاریہ چھ تھا، اب صورتحال یکسر بدل گئی ہے‘
ہم ایسی ہی کارکردگی کے لیے کوشاں تھے: وراٹ کوہلی
انڈیا کے کپتان وراٹ کوہلی نے میچ کے اختتام پر بات کرتے ہوئے کہا کہ ’یہ ایک بہترین کارکردگی تھی، اور ہم ایسی ہی کارکردگی کے لیے کوشاں تھے۔
’میں آج کی کارکردگی کے بارے میں زیادہ بات نہیں کرنا چاہوں گا کیونکہ ہمیں معلوم ہے کہ ہم کیسا کھیل سکتے ہیں۔ ٹی 20 کرکٹ میں یہ چھوٹی چھوٹی چیزیں جیسے ٹاس اور کنڈیشنز کا کردار خاصا اہم ہوتا ہے اور ہمیں خوشی ہے کہ ہم دوبارہ اچھی کارکردگی دکھا رہے ہیں۔
’ہم نے میچ سے پہلے اس بارے میں بات کی تھی کہ ہمیں انھیں 100 سے 120 کے ٹوٹل پر روکنا ہوگا۔ کیونکہ اگر اس سے زیادہ ہو جاتا، تو ہمارے بلے بازوں کے لیے کم اوورز میں اس کا تعافب مشکل ہو جاتا۔ ہم نے اس ہدف کو اس سے بھی کم رکھا اور اپنے بلے بازوں کو مومنٹم میں آنے کا وقت دیا۔‘
بریکنگ, انڈیا نے سکاٹ لینڈ کو آٹھ وکٹوں سے شکست دے دی!
یوں تو انڈیا نے سکاٹ لینڈ کو آٹھ وکٹوں سے شکست دے دی ہے لیکن اہم بات یہ ہے کہ یہ ہدف صرف 39 گیندوں میں پورا کیا گیا۔
انڈیا کو افغانستان سے بہتر نیٹ رن ریٹ حاصل کرنے کے لیے یہ ہدف 43 گیندوں میں پورا کرنا تھا لیکن انڈین اوپنرز کی جارحانہ بیٹنگ کی بدولت، انڈیا نے باآسانی یہ ہدف ساتویں اوور میں حاصل کری لیا۔
کے ایل راہول نے 18 گیندوں پر نصف سنچری بنائی۔
بریکنگ, راہول نصف سنچری بنانے کے بعد آؤٹ، انڈیا کو جیت کے لیے چار رنز درکار!
راہول یہ ہدف چھکے سے پورا کرنے کی کوشش میں لانگ آن پر کیچ ہو گئے ہیں۔
انھوں نے اپنی 19 گیندوں پر محیط اننگز میں چھ چوکے اور تین چھکے لگائے۔
بریکنگ, راہول کی 18 گیندوں پر نصف سنچری مکمل!
آج راہول ایک مختلف ہی رنگ میں دکھائی دیے۔ انھوں نے چوکوں چھکوں کی بارش کرتے ہوئے انڈیا کو اپنا نیٹ رن ریٹ افغانستان سے بہتر بنانے کا موقع دے دیا ہے۔
بریکنگ, سکاٹ لینڈ کو پہلی کامیابی، روہت شرما ایل بی ڈبلیو!
سکاٹ لینڈ کو آخر کار پہلی کامیابی حاصل ہو گئی ہے۔ روہت شرما کو میٹ وہیل نے بہترین یارکر کروا کے ایل بی ڈبلیو کر دیا ہے۔
بریکنگ, راہول کا ایک اور چھکا، انڈین اوپنرز سکاٹش بولرز سے کھیلتے ہوئے!
انڈیا کے دونوں ہی اوپنرز بہترین فارم میں دکھائی دے رہے ہیں۔ اس اوور میں بھی پہلے راہول نے چوکا، اور پھر چھکا جڑ دیا ہے۔
بریکنگ, روہت شرما نے شریف کا استقبال چھکے سے کیا، انڈیا کی ٹورنامنٹ کی تیز ترین ففٹی!, انڈیا کا سکور: چار اوورز میں 53/0
روہت شرما ایک سٹائلش بلے باز ہیں اور انھوں نے شریف کی بہلی گیند پر ان کا استقبال مڈوکٹ کے اوپر سے مارے گئے چھکے سے کیا۔ انڈیا اس وقت جارحانہ موڈ میں ہے اور ان کے دونوں اوپنرز بہترین بلے باز کا مظاہرہ کر رہے ہیں۔
اس اوور میں روہت شرما نے دو چوکے اور ایک چھکا مارا اور 14 رنز وصول کیے۔
راہول کا چھکا، تیسرے اوور میں 16 رنز, انڈیا کا سکور: تین اوورز میں 39/0
انڈین اوپنرز نے تیسرے اوور میں 16 رنز حاصل کر لیے ہیں۔ راہول نے پہلے ایونز کو چوکا اور پھر چھکا رسید کیا۔ اور پھر جب وہ دوسرے اینڈ پر پہنچے تو روہت شرما نے آف سائیڈ باؤنڈری پر چوکا مار دیا۔
انڈین بلے باز اس ہدف کو کم سے کم اوورز میں مکمل کرنے کے لیے کوشاں ہیں۔
بریکنگ, انڈیا کے اوپنرز کا جارحانہ آغاز!, انڈیا کا سکور: دو اوورز میں 23/0
انڈیا کے اوپنرز نے اس ہدف کے تعاقب میں جارحانہ آغاز کیا ہے اور پہلے روہت شرما کے ایک چوکے کے بعد اب کے ایل راہول نے دوسرے اوور کے آغاز میں ہی دو چوکے مار دیے۔
اس اوور میں راہول اپنے اچھوتے انداز میں نظر آئے اور انھوں نے اوور کی پانچویں گیند پر بھی چوکا مار کر اوور میں 15 رنز بنا لیے۔
انڈیا کو افغانستان سے بہتر نیٹ رن ریٹ کے لیے یہ ہدف سات اعشاریہ ایک اوورز میں پورا کرنا ہے۔
بریکنگ, نیٹ رن ریٹ کی دوڑ: انڈیا کو ہدف کم سے کم اوورز میں پورا کرنا ہو گا!
انڈیا کو اپنا نیٹ رن ریٹ بہتر بنانے کے لیے یہ ہدف کم سے کم اوورز میں پورا کرنا ہو گا۔
اگر انھیں اپنا نیٹ رن ریٹ مثبت ایک سے زیادہ کرنا ہے تو پھر یہ ہدف 11 اعشاریہ دو اوورز میں پورا کرنا ہو گا۔ اگر نیوزی لینڈ سے زیادہ کرنا ہے تو آٹھ اعشاریہ پانچ اوورز میں اور اگر افغانستان سے بھی بہتر کرنا ہے تو سات اعشاریہ ایک اوورز میں۔
بریکنگ, انڈیا نے سکاٹ لینڈ کو 85 رنز پر آؤٹ کر دیا!
بمراہ نے ایک اور بہترین یارکر مار کر سکاٹ لینڈ کی اننگز تمام کر دی ہے۔ اس طرح انڈیا کو جیت کے لیے 86 رنز درکار ہیں۔
بریکنگ, اوور کی تیسری وکٹ، شامی کا ایک اور خوبصورت یارکر!, سکاٹ لینڈ کا سکور: 17 اوورز میں 83/9
شامی کے یارکرز تقریباً پرفیکٹ ہو چکے ہیں۔ انھوں نے اوور کی پہلی گیند پر بھی یارکر ہی کے ذریعے وکٹ لی تھی، اور اب بھی انھوں نے یارکر کا سہارا لیا اور ایک اور سکاٹش بلے باز کو بولڈ کر دیا۔
بریکنگ, شریف رن آؤٹ! سکاٹ لینڈ کی بیٹنگ ڈھیر ہونے لگی!
شامی ابھی ایل بی ڈبلیو کے لیے اپیل کر ہی رہے تھے کہ شریف کو محسوس ہوا کے انھیں رن لینا چاہیے۔ وہ بھاگے اور رن لینے کی کوشش کی، لیکن اشان کشن نے انھیں رن آؤٹ کر دیا۔
بریکنگ, شامی نے مکلیوڈ کو بولڈ کر دیا!
محمد شامی نے اس میچ اپنی دوسری وکٹ بھی حاصل کر لی ہے۔ انھوں نے مکلیوڈ کو ایک بہترین یارکر کروا کے انھیں پویلین کی راہ دکھائی۔ انھوں نے 28 گیندوں پر 16 رنز بنا رکھے تھے۔
