ورلڈ ٹی ٹوئنٹی: سری لنکا کی بنگلہ دیش کے خلاف پانچ وکٹوں سے فتح

لائیو کوریج

1. 24 اکتوبر 2021میچ ختم مگر ورلڈ ٹی ٹوئنٹی کی کوریج جاری!

   بنگلہ دیش کی سری لنکا کے خلاف پانچ وکٹوں سے فتح کے بعد یہ لائیو کوریج ختم کی جا رہی ہے۔۔۔

   لیکن آپ ورلڈ ٹی ٹوئنٹی کے دیگر میچوں کے بارے میں جاننے کے لیے ہمارے خصوصی پیج پر آسکتے ہیں!

2. 24 اکتوبر 2021میچ کا فائنل سکور کارڈ

3. 24 اکتوبر 2021سری لنکا کی پانچ وکٹوں سے فتح!

   بنگلہ دیش کے خلاف سری لنکا نے 172 رنز کے ہدف کے تعاقب میں یہ میچ پانچ وکٹوں سے جیت لیا ہے۔

   اسلانکا نے 49 گیندوں پر 80 رنز بنائے جس میں پانچ چوکے اور پانچ چھکے شامل تھے۔ انھیں میچ کا بہترین کھلاڑی قرار دیا گیا۔

   بنگلہ دیش کی طرف سے شکیب اور نسیم نے دو، دو کھلاڑیوں کو آؤٹ کیا۔

4. 24 اکتوبر 2021نسیم نے راجاپکسا کو بولڈ کردیا

   راجاپکسا نصف سنچری بنانے کے بعد نسیم کی گیند پر بولڈ ہوگئے ہیں۔

   سری لنکا کو 10 گیندوں پر سات رنز درکار ہیں۔

5. 24 اکتوبر 2021راجاپکسا کی 28 گیندوں پر نصف سنچری مکمل

   راجاپکسا کریز پر اس وقت آئے تھے جب شکیب نے ایک ہی اوور میں دو وکٹیں حاصل کی تھیں۔ لیکن وہ تیزی سے رنز بنا کر اپنی ٹیم کو جیت کے قریب لائے۔

   خیال رہے کہ آغاز میں لیٹن داس نے ان کا ایک کیچ چھوڑا تھا۔

6. 24 اکتوبر 2021راجاپکسا اور اسلانکا کے درمیان 80 رنز کی شراکت

   بنگلہ دیش کی جانب سے چار وکٹیں حاصل کرنے کے بعد اسلانکا نے راجاپکسا کے ساتھ اہم شراکت قائم کر کے میچ کا رُخ بدل دیا ہے۔ اسلانکا نے اب تک 44 گیندوں پر 73 رنز بنائے ہیں۔

   سری لنکا کو اب 18 گیندوں پر 13 رنز درکار ہیں۔

7. 24 اکتوبر 2021سیف الدین کے اوور میں سری لنکا کے 22 رنز, 24 گیندوں پر 24 رنز درکار

8. 24 اکتوبر 2021راجاپکسا کے دو چھکے، اسلانکا کے ساتھ 50 رنز کی شراکت

   راجاپکسا اور اسلانکا کریز پر ڈٹے ہوئے ہیں۔ راجاپکسا نے 16ویں اوور میں دو چھکے لگائے ہیں۔

9. 24 اکتوبر 2021سری لنکا کو 30 گیندوں پر 46 رنز درکار

10. 24 اکتوبر 2021لیٹن داس نے ایک اور کیچ گِرا دیا

    مستفیض الرحمان کی گیند پر لیٹن داس نے اسلانکا کا کیچ گِرا دیا ہے۔ اسلانکا نصف سنچری بنانے کے بعد ناٹ آؤٹ ہیں۔

    لیٹن داس نے پہلا کیچ راجاپکسا کا ڈراپ کیا تھا۔

11. 24 اکتوبر 2021سری لنکا کو چھ اوورز میں 51 رنز درکار

12. 24 اکتوبر 2021اسلانکا کے دو چھکے

    محمداللہ کے اوور میں اسلانکا نے پہلا چھکا قدموں کا استعمال کرتے ہوئے سیدھا لگایا۔ اور پھر دوسرا چھکا ڈیپ سکوئر لیگ کی جانب لگایا۔

    وہ 36 گیندوں پر 63 رنز بنا چکے ہیں۔

13. 24 اکتوبر 2021سری لنکا کو 42 گیندوں پر 67 رنز درکار

14. 24 اکتوبر 2021اسلانکا کی نصف سنچری مکمل

    اسلانکا نے 32 گیندوں پر اپنی نصف سنچری مکمل کر لی ہے۔ سری لنکا کی جیت کے لیے ان کی کریز پر موجودگی اہم ہوگی۔

15. 24 اکتوبر 2021راجاپکسا کا کیچ ڈراپ

    راجاپکسا نے عفیف کی گیند پر سویپ لگائی مگر فائن لیگ پر ان کا کیچ لیٹن داس نے ڈراپ کردیا۔

    انھوں نے 14 گیندوں پر اب تک 20 رنز بنائے ہیں۔

16. 24 اکتوبر 2021راجاپکسا کا ڈیپ کوور کے اوپر سے چھکا

17. 24 اکتوبر 2021سری لنکا کو آٹھ اوورز میں 82 رنز درکار

    12 اوورز کے اختتام پر سری لنکا نے 90 رنز بنائے ہیں اور انھیں چار وکٹوں کا نقصان ہوا ہے۔ کریز پر اسلانکا اور راجاپکسا موجود ہیں۔

    سری لنکا نے گذشتہ دو اوورز میں صرف 10 رنز بنائے ہیں۔

18. 24 اکتوبر 2021ہسرنگا چھ رنز بنا کر کیچ آؤٹ

    سیف الدین کی گیند پر ہسرنگا چھ رنز بنانے کے بعد کیچ آؤٹ ہوگئے ہیں۔

    سری لنکا کو اب 62 گیندوں پر 93 رنز درکار ہیں۔ ان کے چار کھلاڑی آؤٹ ہوچکے ہیں۔

19. 24 اکتوبر 2021شکیب کی ٹی ٹوئنٹی ورلڈ کپ میچوں میں سب سے زیادہ وکٹیں

    بنگلہ دیش کے شکیب الحسن ٹی ٹوئنٹی ورلڈ کپ میچوں میں سب سے زیادہ وکٹیں حاصل کرنے والے کھلاڑی بن گئے ہیں۔

    انھوں نے شاہد آفریدی کا 39 وکٹوں کا ریکارڈ توڑ کر اب تک 41 وکٹیں حاصل کر لی ہیں۔

20. 24 اکتوبر 2021آوشکا فرنینڈو بغیر کوئی رن بنائے بولڈ

    شکیب نے نویں اوور میں اپنی دوسری وکٹ حاصل کر لی ہے۔ آوشکا فرنینڈو بغیر کوئی رن بنائے شکیب کی سیدھی گیند پر بولڈ ہوگئے ہیں۔

    172 رنز کے ہدف کے تعاقب میں سری لنکا کی تین وکٹیں گِر چکی ہیں اور انھوں نے نو اوورز میں 72 رنز بنائے ہیں۔