بی بی سی لائیو کوریج اختتام کو پہنچی, یہ صفحہ اب مزید اپ ڈیٹ نہیں کیا جائے گا
انڈیا کی فتح کے ساتھ ہی بی بی سی کا لائیو پیج اپنے اختتام کو پہنچا۔
کرکٹ ورلڈ کپ 2019 کی مکمل تفصیل پڑھنے کے لیے بی بی سی اردو کا خصوصی ضمیے پر کلک کریں
آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
انڈیا نے سری لنکا کو سات وکٹوں سے شکست دے دی
کرکٹ کے 12 ویں عالمی کپ کے 44 ویں میچ میں انڈیا نے سری لنکا کو سات وکٹوں سے شکست دے دی ہے۔
لائیو کوریج
راجہ وقاص علی and محمد صہیب
بریکنگ, میچ کا بہترین کھلاڑی
انڈین بلے باز روہت شرما کو ان کی شاندار سنچری پر میچ کے بہترین کھلاڑی قرار دیا گیا۔ شرما نے 14 چوکوں اور دو چھکوں کی مدد سے 103 رنز بنائے۔
رواں ورلڈ کپ میں یہ روہت شرما کی پانچویں سنچری تھی۔
بریکنگ, امپائر ایئن گولڈ کا بھی آخری میچ!
انگلینڈ سے تعلق رکھنے والے امپائر ایئن گولڈ آج ایک روزہ میچوں میں امپائرنگ سے ریٹائر ہو گئے ہیں۔
ایئن گولڈ انگلینڈ کے سابق وکٹ کیپر بھی تھے اور وہ ’گنر‘ کے نک نیم سے جانے جاتے تھے۔
انھوں نے اپنے امپائرنگ کریئر کا آغاز 13 سال قبل سری لنکا اور انگلینڈ کے ٹی ٹوئنٹی میچ سے کیا تھا۔ گولڈ نے اپنے کامیاب کیریئر میں 140 ایک روزہ میچوں کے علاوہ 74 ٹیسٹ میچوں میں بھی امپائرنگ کے فرائض سر انجام دیے۔
بریکنگ, انڈیا کی سری لنکا پر سات وکٹوں سے فتح!
انڈیا نے سری لنکا پر سات وکٹوں سے فتح حاصل کر کے اس ورلڈ کپ میں اپنی آٹھویں کامیابی حاصل کر لی ہے۔
آج سری لنکا نے ٹاس جیت کر پہلے بیٹنگ کا فیصلہ کیا تو ایسا لگ رہا تھا کہ ان کے بلے باز ایک بڑا ہدف جوڑنے میں کامیاب ہو جائیں گے۔ لیکن اس کے برعکس پہلے 15 اوورز میں ہی سری لنکا کے چار بلے باز پویلین لوٹ گئے۔
پھر سری لنکا کے سابق کپتان اینجلو میتھیوز نے شاندار سنچری بنا کر سری لنکا کو اچھے ہدف کی جانب گامزن کردیا۔
یہ ایک روزہ میچوں میں ان کی تیسری سنچری تھی۔ سری لنکا نے مقررہ پچاس اوورز میں سات وکٹوں کے نقصان پر 264 رنز بنائے۔
جواب میں انڈین اوپنرز نے خوبصورت بیٹنگ کا مظاہرے کرتے ہوئے 189 رنز کی اوپننگ شراکت بنائی جس میں روہت شرما کے شاندار 103 رنز بھی شامل تھے۔
لوکیش راہل نے ورلڈ کپ میں اپنی پہلی سنچری بنا کر انڈیا کو شکھر دھون کی کمی محسوس نہیں ہونے دی۔
انڈیا نے یہ ہدف تین وکٹوں کے نقصان پر پورا کر لیا۔ انڈیا کا سیمی فائنل میں مقابلہ کس ٹیم سے ہوتا ہے، اس کا فیصلہ جنوبی افریقہ اور آسٹریلیا کے درمیان میچ کے نتیجے سے ہو گا۔
بریکنگ, الوداعی میچ میں لستھ مالنگا کی ایک وکٹ
سری لنکا کی جانب سے آخری ورلڈ کپ کھیلنے والے لستھ مالنگا نے اپنے 10 اوورز میں 82 رنز دے کر ایک کھلاڑی کو آؤٹ کیا۔
بریکنگ, انڈیا کا سکور: 42 اوورز، تین وکٹوں کے نقصان پر 253 رنز, ہاردک پانڈیا 0 ، وراٹ کوہلی 30
بریکنگ, انڈّیا کو تیسرا نقصان
انڈیا کو یکے بعد دیگرے دو وکٹوں کا نقصان اٹھانا پڑا۔ پہلے لوکیش راہل 111 رنز بنا کر آؤٹ ہوئے اور پھر پنت چار رنز بنا کر آؤٹ ہوئے
بریکنگ, لوکیش راہل آؤٹ
انڈیا کے آؤٹ ہونے والے دوسرے بلے باز لوکیش راہل آؤٹ تھے۔ انھوں نے 11 چوکوں اور ایک چھکے کی مدد سے 111 رنز کی شاندار اننگز کھیلی۔
بریکنگ, انڈیا کا سکور: 40 اوورز، ایک وکٹ کے نقصان پر 234 رنز, لوکیش راہل 102 ، وراٹ کوہلی 24
بریکنگ, روہت شرما کے بعد لوکیش راہل کی بھی سنچری!
روہت شرما کے بعد کوکیش راہل نے بھی اپنی سنچری مکمل کر لی ہے۔ انھوں نے نو چوکوں اور ایک چھکے کی مدد سے شاندار سنچری مکمل کی۔
بریکنگ, انڈیا کا سکور: 30 اوورز، ایک وکٹ کے نقصان پر 189 رنز, لوکیش راہل 90 ، وراٹ کوہلی 8
بریکنگ, جنوبی افریقہ کا آُسٹریلیا کو 326 رنز کا ہدف
جنوبی افریقہ نے فاف ڈو پلیسی کے 100 اور راسی وان ڈر ڈوسن کے 95 رنز کی بدولت مقررہ 50 اوورز میں 325 رنز بنائے۔
کیا آسٹیریلیا اس ہدف کا تعاقب کر پائے گا؟
بریکنگ, انڈیا کے 200 رنز مکمل
انڈیا نے 33 ویں اوور میں 200 رنز مکمل کر لیے ہیں۔ اب تک کی اننگز میں 24 چوکے اور دو چھکے شامل ہیں۔
بریکنگ, وراٹ کی آتے ہی خوبصورت ڈرائیو!
کور اور مڈ آف کے بیچ میں سے خوبصورت ڈرائیو سے وراٹ کوہلی نے اپنا اکاؤنٹ کھولا اور مداح اش اش کر دیے۔
بریکنگ, اور روہت شرما آؤٹ ہو گئے
روہت شرما ایک مرتبہ پھر سنچری بناتے ہی آؤٹ ہو گئے۔ سری لنکا کو بالاخر پہلی وکٹ مل گئی۔ روہت کو رجیتھا نے 103 رنز پر آؤٹ کیا۔
بریکنگ, انڈیا کا سکور: 30 اوورز، بغیر کسی نقصان کے 189 رنز, لوکیش راہل 81 ، روہت شرما 103
لیکن ڈبل سنچری کیوں نہیں بنائی ۔۔۔
بریکنگ, دنیا ’ہٹ مین‘ کو روکنے میں ناکام!, روہت کی ایک اور سنچری مکمل!
انڈیا بلے باز روہت شرما نے 13 چوکوں اور دو چھکوں کی مدد سے اپنی سنچری مکمل کر لی ہے۔
یہ رواں ورلڈ کپ میں روہت شرما کی پانچویں جبکہ ایک روزہ میچوں میں 27 ویں سنچری ہے۔ اس ورلڈ کپ کو اگر روہت شرما کا ورلڈ کپ کہا جائے تو غلط نہ ہو گا۔
یہ ایک ورلڈ کپ میں کسی بھی بلے باز کی سب سے زیادہ سنچریاں ہیں۔
بریکنگ, انڈیا کی نصف اننگز مکمل!, لوکیش راہل 68 ، روہت شرما 81
انڈیا نے اپنی نصف اننگز کے اختتام پر بغیر کسی نقصان کے اب تک 152 رنز بنائے ہیں۔
روہت شرما اور لوکیش راہل نے شاندار بلے بازی کا مظاہرہ کرتے ہوئے انڈیا کو ایک مضبوط آغاز فراہم کیا ہے۔
بریکنگ, انڈیا کا سکور: 23 اوورز، بغیر کسی نقصان کے 137رنز, لوکیش راہل 60 ، روہت شرما 75
