انڈیا بمقابلہ نیوزی لینڈ: بی بی سی اردو کی لائیو کوریج اختتام کو پہنچی
ہم نے پوری کوشش کی کہ آپ تک اس میچ کی لائیو کوریج پہنچائیں۔ میچ نہ ہو سکا لیکن۔۔
ناٹنگھم میں بارش کی وجہ سے میچ منسوخ
ورلڈ کپ 2019 میں آج ٹرینٹ برِج کے میدان میں انڈیا اور نیوزی لینڈ کا میچ ہونا تھا لیکن بارش کی وجہ سے ٹاس بھی نہ ہو سکا اور کئی گھنٹوں کے انتظار کے بعد میچ منسوخ کر دیا گیا ہے۔
لائیو کوریج
بارش سے متاثر ہونے والی ٹیمیں
اب تک بارش سے صرف انگلینڈ، آسٹریلیا اور افغانستان بچے ہوئے ہیں۔
سری لنکا کے دو میچ بارش کی وجہ سے منسوخ ہو چکے ہیں جن میں سے ایک پاکستان اور دوسرا بنگلہ دیش کے خلاف تھا اور دونوں میچ برسٹل میں کھیلے جانے تھے۔
،تصویر کا ذریعہGetty Images
بریکنگ, میچ منسوخ کر دیا گیا
نیوزی لینڈ اور انڈیا کو ایک ایک پوائنٹ مل گیا۔ انڈیا پوائنٹس ٹیبل پر انگلینڈ سے آگے تیسرے نمبر پر آگیا ہے جبکہ نیوزی لینڈ پہلے نمبر پر ہی ہے۔
ایک بار پھر پچ کا معائنہ
ٹرنیٹ برج گراونڈ میں امپائر ایک بار پھر پچ کا معائنہ کر کے واپس پویلین لوٹ گئے ہیں۔ گروانڈ اب بھی گیلا ہے اور پچ پر کور برقرار ہیں۔
اگر مزید ڈیڑھ گھنٹے تک بارش کا سلسلہ جاری رہا اور گروانڈ اس قابل نہ ہو سکا جہاں میچ ہو سکے تو پھر میچ کو ختم کرنے کے علاوہ کوئی چارہ نہیں ہو گا۔ اب تو ٹی ٹوئنٹی میچ کے امکانات کم ہوتے جا رہے ہیں۔
،تصویر کا ذریعہGetty Images
آپ کی آواز, محمد شفیق کی رائے
محمد شفیق، لاہور:پاکستانی ٹیم دنیا کی واحد ٹیم ہے جو بولنگ کر رہی ہو تو لگتا ہے بیٹنگ پِچ ہے اور اگر بیٹنگ کر رہی ہو تو لگتا ہے بولنگ پِچ ہے۔
آپ کی آواز, رانا کاشف اسلم کا پاکستانی ٹیم کو مشورہ
رانا کاشف اسلم، لاہور: انڈیا کے خلاف شاہین کی جگہ شاداب، آصف یا شعیب ملک کی جگہ عماد وسیم اور اگر کوئی سرپرائز دینا ہو تو حسن کی جگہ حسنین کو کھلانا چاہیے۔
ابھی میچ نہیں ہو رہا تو آئیے محمد عامر کی ہی بات کر لیں, محمد عامر ورلڈ کپ 2019 میں اب تک سب سے زیادہ وکٹیں لے چکے ہیں۔ کیا انڈیا کے خلاف پاکستان کی ساری امیدیں محمد عامر سے وابستہ ہیں؟
بریکنگ, مزید ایک گھٹنہ میچ شروع ہونے کا امکان نہیں
اب امپائروں نے برطانوی وقت کے مطابق 13:30 بجے پچ کا معائنہ کرنے کا فیصلہ کیا ہے۔ ابھی کم از کم مزید ایک گھنٹہ میچ شروع ہونے کا امکان نہیں۔ مجکمہ موسمیات کی پیشگوئی کےمطابق دو بجے سے چار بجے کے درمیان مزید بارش کا امکان ہے۔ اب یہ میچ شاید پچاس اووروں کا نہ ہو سکے۔
،تصویر کا ذریعہGetty Images
انڈیا کا مداح
کرکٹ کا یہ مداح انڈیا کے ہر میچ کے دوران اپنے مخصوص میک اپ کے ساتھ گراؤنڈ میں موجود ہوتا ہے۔ اتنا زیادہ میک کرنے کے لیے اسے کتنا وقت درکار ہوتا گا۔ اندازہ لگانا مشکل نہیں۔
،تصویر کا ذریعہGetty Images
،تصویر کا کیپشنتماشائی تماشائیوں کا انتظار
ٹرینٹ برج کرکٹ گروانڈ میں تماشائیوں کی ایک بڑی تعداد میچ کے شروع ہونے کے انتظار میں ہے۔ پچ سے کور ہٹائے جا رہے ہیں۔ اگر موسم اچھا رہا تو کچھ دیر میں میچ شروع ہونے کا امکان ہے۔
،تصویر کا ذریعہGetty Images
’امام الحق ایسے کیوں کھیلتے ہیں؟‘
میچ شروع ہونے میں تاخیر ہے تو اس دوران آپ سمیع چوہدری کا یہ کالم پڑھ سکتے ہیں جو انھوں نے پاکستان کی آسٹریلیا سے شکست کے بعد لکھا ہے۔۔۔
بریکنگ, امپائر اب سے 30 منٹ بعد پھر گراؤنڈ کا جائزہ لیں گے
پوائنٹس ٹیبل پر کون کہاں کھڑا ہے, گروپ مرحلے میں 45 میں سے 17 میچوں کے بعد کی صورتحال
انڈیا کے نئے ہتھیار
انڈیا کی ٹیم کی اصل طاقت اس کی عمدہ بیٹنگ لائن اپ میں ہے لیکن حالیہ عرصہ اس کے لیگ سپنروں نے ٹیم کی کامیابیوں میں اہم کردار ادا کیا ہے۔ انڈیا کی ٹیم جب بڑا سکور کر کے مخالف ٹیم کو ہدف حاصل کرنے کی دعوت دیتی ہے اور اس کی کامیابی کا بڑا انحصار مڈل اووروں میں اپنے سپنروں کی کارکردگی پر ہوتا ہے۔ ابھی تک چاہل اور کلدیپ یادیو نے کپتان کوہلی کو مایوس نہیں کیا ہے۔
،تصویر کا ذریعہGetty Images
نیوزی لینڈ کی ٹیم کی ریڑھ کی ہڈی
کین ولیمسن نیوزی لینڈ کے سب سے قابل اعتماد بیٹسمین ہیں۔ کین ولیمسن نے رواں ورلڈ کپ کے تینوں میچوں میں عمدہ کارکردگی کا مظاہرہ کیا ہے۔ کین ولیمسن نے افغانستان کے خلاف 79 رنز بنا کر اپنی ٹیم کی فتح کو یقینی بنایا۔ انھوں نے بنگلہ دیش کے خلاف 40 رنز کی کارآمد اننگز کھیلی۔ کین ولیمسن اپنے ون ڈے کیریئر میں گیارہ سنچریوں کی مدد سے پانچ ہزار سے زیادہ رنز سکور کر چکے ہیں۔
،تصویر کا ذریعہGetty Images
شیکھر دھون کیوں نہیں کھیل رہے؟
ان کو ڈاکٹروں نے کم سے کم تین ہفتے آرام کا مشورہ دیا ہے۔ لیکن کیوں؟ یہاں پڑھیے
،تصویر کا ذریعہGetty Images
ورلڈ کپ کے کامیاب بولر، لاکی فرگوسن
نیوزی لینڈ کی اب تک تین فتوحات میں فاسٹ بولر لاکی فرگوسن نے اہم کردار ادا کیا ہے۔ فرگوسن اب تک ورلڈ کپ میں تین میچوں میں آٹھ وکٹیں لے چکے ہیں۔ انھوں نے سری لنکا کے خلاف پہلے میچ میں تین، جبکہ افغانستان کے خلاف چار کھلاڑیوں کو آؤٹ کیا۔ لاکی فرگوسن اپنے ون ڈے کیریئر میں 30 میچوں میں 26 کی اوسط سے 54 وکٹیں حاصل کر چکےہیں۔
،تصویر کا ذریعہGetty Images
انڈیا کی ممکنہ ٹیم
شیکھر دھون کے زخمی ہونے کی وجہ سے کے ایل راہل اب روہت شرما کے ساتھ اننگز کا آغاز کریں گے۔
انڈیا کی ممکنہ ٹیم: روہت شرما، کے ایل راہل، وراٹ کوہلی، وجے شنکر، ایم ایس دھونی، ہاردک پانڈیا، کیدر جادیو، بھویشنور کمار، کلدیپ یادو، یوزویندرا چاہل، چسپریت بمرا۔
،تصویر کا ذریعہGetty Images
نمی کی وجہ سے ٹاس میں تاخیر
گذشتہ چند روز سے بارش کی وجہ سے میدان کے مختلف حصوں میں نمی ہے جسے خشک کرنے کی کوشش کی جا رہی ہے اس لیے امپائرز نے ٹاس میں تاخیر کر دی ہے۔ امپائرز اب سے 30 منٹ میں دوبارہ صورتحال کا جائزہ لیں گے۔
،تصویر کا ذریعہge
کانٹے دار مقابلے کی امید
انڈیا نے اب تک ٹورنامنٹ میں دو میں سے دو میچ جیتے ہیں جبکہ نیوزی لینڈ نے اپنے تینوں میچ جیتے ہیں۔ اگر بارش نے اجازت دی تو ایک کانٹے دار مقابلہ ہونے کی امید ہے لیکن ساتھی ہی آپ کو یہ خبر بھی دیتے چلیں کہ بارش کے 50 فیصد امکانات ہیں۔
،تصویر کا ذریعہge
