پی ایس ایل: ملتان سلطانز کی 19 رنز سے جیت

لائیو کوریج

1. 7 مار چ 2018اب یہ صفحہ مزید اپ ڈیپ نہیں کیا جارہا

   پاکستان سپر لیگ کے میچوں کی بی بی سی لائیو کوریج کے لیے دیکھتے رہیے بی بی سی اردو ڈاٹ کام۔

2. 7 مار چ 2018ملتان سلطانز کا جشن

3. 7 مار چ 2018مین آف دی میچ: صہیب مقصود 85 رنز (42 گیندیں)

   صہیب مقصود کی 85 رنز کی شاندار اننگز پر انھیں مین آف دی میچ قرار دیا گیا ہے۔

4. 7 مار چ 2018بال عرفان کو بھی نظر نہ آیا

   زلمی کے اوپنر فلیچر نے اس میچ میں محمد عرفان کی ایک گیند پر ٹورنامنٹ کے اب تک کے میچوں کا سب سے لمبا چھکا لگایا۔ یہ چھکا 114 میٹر دور گیا۔ میچ کے بعد رمیض راجہ نے عرفان سے پوچھا کہ اتنا لمبا چھکا کیسے کھا لیا۔ محمد عرفان نے برجستہ کہا وہ گیند تو انھیں بھی نظر نہیں آئی۔ عرفان نے کہا کہ وہ لینتھ بال اندر لانے کی کوشش کر رہے تھے لیکن اوس کی وجہ سے بال گیلا تھا اور وہ اندر نہ آیا۔ انھوں نے کہا کہ اس کے بعد وہ واپس اپنی لائن پر آ گئے۔

5. 7 مار چ 2018محمد عرفان کا جوتا ملنا مشکل

   محمد عرفان نے بتایا کہ ان کے جوتے کا نمبر 17 یوکے ہے جو آخری نمبر ہے۔ انھوں نے کہا کہ یہ نمبر بڑی مشکل سے ملتا ہے ۔ انھوں نے کہا کہ تمام دوستوں کو کہا ہوا ہے کہ جہاں کہیں بھی سترہ نمبر کا جوتا نظر آئے اٹھا لینا۔

6. 7 مار چ 2018بریکنگ, ملتان سلطانز کی فتح

   ملتان سلطانز نے پشاور زلمی کو پی ایس ایل کے دوسرے راونڈ کے پہلے میچ میں انیس رنز سے شکست دے دی ہے۔ اس میچ میں صہیب مقصود نے انتہائی شاندار اننگز کھیلی اور 85 رنز سکور کیے جو اب تک اس ٹورنامنٹ کا سب سے زیادہ سکور ہے۔ ان کی ناقابل شکست اننگز دیکھنے سے تعلق رکھتی تھی۔ اس اننگز میں ان کے سات چھکے اور چار چوکے قابل دید تھے۔ باولنگ سہیل تنویر اور پولارڈ نے تین تین کھلاڑیوں کو آوٹ کیا۔ زلمی کی طرف سے محمد حفیظ نے نصف سنچری سکور کی لیکن وہ یہ میچ نہ بچا پائے۔

7. 7 مار چ 2018زلمی کی ساتویں وکٹ گر گئی

   حسن علی آخری اوور میں چھکا لگانے کی خواہش دل ہی میں لے کر پویلین لوٹ گیے۔ ان کی وکٹ پولارڈ نے لی۔

8. 7 مار چ 2018آخری اوور میں 31 رنز درکار

   زلمی کو آخری اوور میں میچ جیتنے کے لیے 31 رنز درکار ہیں۔

9. 7 مار چ 2018سہیل تنویر کی ایک اوور میں دو وکٹیں

   سہیل تنویر نے ڈاسن کے بعد حماد عاظم کو بھی آوٹ کر دیا۔ زلمی کے کیمپ میں اضطراب

10. 7 مار چ 2018زلمی کو آخری اوورز میں نقصان، ڈاسن آوٹ

    ڈاسن سہیل تنویر کی گیند پر چھکا لگانے کی کوشش میں باونڈری پر کیچ ہو گئے۔ میچ زلمی کے ہاتھوں سے نکل رہا ہے۔

11. 7 مار چ 2018اٹھارہواں اوور مہنگا رہا

    جنید خان کا اٹھارہواں اوور کافی مہنگا ثابت ہوا اور اس اوور میں 17 رنز بنے۔

12. 7 مار چ 2018محمد حفیظ کی نصف سنچری

    محمد حفیظ نے 36 گیندوں پر اپنی نصف سنچری مکمل کی

13. 7 مار چ 2018ڈاسن نے اٹھارہویں اوور کی پہلی گیند پر شاندار چھکا لگایا

    زلمی کو میچ جتنا ہے تو انھیں ابھی کئی اور چھکے لگانے ہوں گے۔

14. 7 مار چ 2018میچ ملتان سلطانز کی گرفت میں جاتا ہوا

    زلمی کی بیٹنگ اس رفتار سے سکور نہیں کر پا رہی جس رفتار سے انھیں میچ جیتنے کے لیے کرنے چاہیں۔ سولہ اوور گزر گئے ہیں اور ابھی ان کا مجموعی سکور 128 رنز ہے۔

15. 7 مار چ 201836 گیندیں باقی اور 81 رنز کی ضرورت

    زلمی کی اننگز کے صرف چھ اوور باقی رہ گئے ہیں اور ان کی چار ووکٹیں گر چکی ہیں۔

16. 7 مار چ 2018محمد عرفان نے رکی ویسلز کو آوٹ کر دیا

    محمد عرفان کی گیند پر رکی ویسلز ایک کٹ شاٹ کھیلنے کی کوشش میں پوائنٹ پر کیچ آؤٹ ہو گئے۔ ان کا کیچ احمد شہزاد نے لیا۔ زلمی کی چار ووکٹیں گر گئیں۔ اب ان کا ہدف اوربھی دور نظر آنے لگا ہے۔

17. 7 مار چ 2018خفیظ کا ایک اور چھکا

    محمد حفیظ نے محمد عرفان کو ایک اور چھکا لگایا اور زلمی کا مجموعی سکور سو سے زیادہ ہو گیا۔

18. 6 مار چ 201812 اوورز گئے، 8 رہ گئے

    زلمی کا سکور 83 رنز ہوا ہے اور انھوں نے 101 رنز بنانے ہیں۔ صرف 48 گیندیں باقی ہیں۔

19. 6 مار چ 2018حفیظ کا چھکا

    حفیظ کا چھکا جو انھوں نے پولارڈ کی ایک سلو گیند پر لگایا۔ زلمی کو ابھی کئی اور چھکوں کی ضرورت ہے۔

20. 6 مار چ 2018آدھے اوور ہو گئے

    زلمی کے 65 رنز ہوئے ہیں اور انھیں باقی دس اووروں میں 119 رنز بنانے ہیں۔ میچ ان کے لیے مشکل ہوتا جا رہا ہے۔