ضیا احمد جنیوا

پیرس میں گم

جنیوا سے ضیا احمد کا آداب۔

کچھ سال پہلے کی بات ہے، بیگم صاحبہ پیرس میں گھومتے گھومتے کھوگئیں۔ شہر کے نقشے پر غور کرتے ہوئے ان کی ایک تصویر ہے جس کے پسِ منظر میں دیوار پر فنِ مصوّری کا ایک نایاب شاہکار نمایاں ہے جو دیکھنے والے سے انگریزی میں کہہ رہا ہے:

’کینگروؤں کے ساتھ جِنسی تعلق بند کرو!‘

ویسے انگریزی کے اس جملے کے مرکزی لفظ کو فعل اور اسم صفت دونوں معنوں میں استعمال کیا جاسکتا ہے۔ اس لیے ممکن ہے کہ مصوّر کہنا چاہ رہے ہوں:

’ان کمینے کینگروؤں کو روکو!‘

میرا تو بیگم صاحبہ سے ایک ہی سوال تھا: ’کیا پیرس میں کینگرو ہوتے ہیں؟‘

آپ کا ردًِعمل

عطیق صاحب زادہ، پیرس، فرانس:
تصویر میں جو دیوار نظر آ رہی ہے، یہ کسی کنسٹرکشن والی جگہ کے گرد عارضی دیوار ہے۔ ایسی دیواروں پر اکثر شوقیہ آرٹِسٹ اپنی صلاحیتوں کا آطہار کرتے رہتے ہیں۔ باقی، کنگرو تو آپ کو ہر ملک میں ملتے ہیں، مختلف کلر اور شیپز کے۔۔۔

ڈاکٹر حسن، پیرس:
آج میرا پیرس میں تیسرا دن ہے اور مجھے ایسی خبر پاکر کافی دلچسپی ہو رہی ہے کہ کینگرو کا اشارہ کس طرف ہے۔ بظاہر اس کا مطلب کوئی نہیں۔ ہو سکتا ہے اس کا اشارہ کسی ایک خاص طبقے کی طرف ہو؟ دیکھتے ہیں آگے کیا ہوتا ہے۔۔۔

بابر ارشد، فیصل آباد، پاکستان:
الفاظ کی آڑ میں کسی سِسٹم پر چوٹ کرنا کم لوگوں کو آتا ہے۔ ویسے میں بھی ایک بلاگر ہوں۔۔۔

جاوید اقبال ملک، چکوال، پاکستان:
میں انتہائی معضرت کے ساتھ کہوں گا کہ پڑھنے والوں کو آسان پڑھنے کو دیں۔ یہ بھائی جان نہ جانے کیا باتیں کر رہے ہیں؟ اور اس میں کوئی سبق تو ہو۔ وسعت اللہ خان جیسے لوگوں کو چانس دیں۔ اگر وہ نہیں تو میری خدمات حاصل کریں۔

فتح عالم، فرانس:
گزشتہ دس سالوں میں مجھے تو فرانس میں کبھی ایسی تصویر نظر نہیں آئی۔ بائے دا وے، فرانس میں انگلش گرافٹی کی تعداد اتنی ہی ہے جتنی پاکستان میں ہندی گرافٹی کی۔

خوش حال پریمی، نامعلوم:
یہ کسی غیر انسانی زبان کا بلاگ ہے۔

احمر زیدی، مسی ساگا:
بہت دنوں بعد ایک ایسا بلاگ پڑھا جسے پڑھتے ہی مجھے ہنسی آگئی۔ بہت اچھے۔ مجھے لگتا ہے کہ یہ پوسٹر فرانس میں کینگروؤں کی امیگریشن پر احتجاج کررہا ہے۔

زبیر شبیر، لاہور:
بہت دلچسپ لیکن میں بی بی سی اردو ڈاٹ کام کے پڑھنے والوں سے یہی کہوں گا کہ ہر کوئی کچھ سوچ کر ہی لکھتا ہے۔

دلنواز حکیم، ٹورنٹو:
ہوسکتا ہے کہ مصور آسٹریلینز کے متعلق بات کر رہا ہو مگر پھر بھی اس جملے کی کوئی سینس نہیں بنتی۔ اگر کینگروؤں کو روکنا ہی مقصود ہے تو کیا یہی وہ واحد راستہ ہے جن سے انہیں روکا جا سکتا ہے۔۔۔؟؟