اگر آپ اس علاقے میں یا جائے وقوع کے قریب تھے تو ہمیں لکھ بھیجیں۔اس کے لیے آپ صفحہ کی بائیں جانب دیا گیا ای میل فارم استعمال کر سکتے ہیں۔

صبح ساڑھ سات بجے گاڑی آئی اور کھڑی ہوئی تو اُس میں بم تھا۔ دھماکا ہوا اور بس تباہ ہو گئی ہے۔ لوگ ادھر اُدھر بھاگ رہے تھے۔ میں جس سی این جی سٹیشن پر کام کرتا ہوں یہاں بھی نقصان ہوا۔

بہت زور دھماکا تھا یہاں بجلی کی لائنیں اور شییشے بھی ٹوٹے ہیں۔

یہ گاڑی روزانہ آتی ہے اور لوگ اس پر بیٹھتے ہیں۔ یہاں سے چار پانچ لوگ بیٹھتے ہیں۔ جیسے ہی گاڑی یہاں آ کر رکی اس میں دھماکا ہوا اور گاڑی کے ٹکڑے ہو گئے ہیں۔

مرنے والے تو بیس پچیس تھے اور تیس پینتس زخمی بھی ہوئے ہیں اور ہم زخمی کو گاڑیوں میں بیٹھا کر بھیجتے رہے۔

دھماکے والی جگہ پر ایک موٹر سائیکل پڑی تھی جس کا نمبر آرآئی ایس395تھا اور وہ مکمل طور پر جل چکی تھی جبکہ اس کے قریب چھ گاڑیاں کو بھی شدید نقصان پہنچا۔

ایک گاڑی کے ٹوٹے ہوئے شیشوں میں سے کسی فوجی اہلکار کی ایک ٹوپی پڑی نظر آرہی تھی۔

ایک سائیکل بھی جائے وقوعہ پر پڑی تھی جو کسی اخبار فروش کی تھی اور اس کے پاس اخبارات بکھرے ہوئےتھے۔

دھماکے سے قریبی گھروں کے شیشے بھی بھی ٹوٹ گئے اوردھماکے کی جگہ پر خون اور گوشت کے لوتھڑے پڑے تھے۔

بس کے ٹکڑے بھی دور دور جاکر گرے، اور بس کے ٹکڑے بجلی کی تاروں پر جا کر بھی لگے جس سے تاریں ٹوٹ گئیں۔

جب میں گھر سے باہر نکلا تو سات آٹھ لاشیں ہمارے سامنے پڑی ہوئی تھیں۔ کچھ لوگوں کی لاشیں جلی ہوئی تھیں۔ میرا گھر کوئی دو سو میٹر دور ہے اُس جگہ سے جہاں دھماکا ہوا لیکن میری گاڑی پر بھی انسانی جسم کا ٹکڑا آ کر گرا۔

میں نے پولیس کو فون کیا کہ وہ جلدی جلدی گاڑی اور ایمبولینس بھیجیں۔

مجھے تو یہ ہی لگتا ہے دھماکا بس کے اندر ہوا ہے کیونکہ بس اندر سے باہر پھٹی ہوئی تھی۔

ایک آدمی اپنے بچوں کو سکول لے کر جا رہا تھا اور کی گاڑی کا شیشہ بھی ٹوٹ گیا اور اُس کے بچے زخمی ہوگئے اور وہ اپنی گاڑی یہیں چھوڑ کر اپنے بچوں کو ہسپتال لے گیا۔

صبح صبح رش کم تھا، شروع میں جب دھماکا ہوا تو میں نے باہر نکل کر جب دیکھا تو کچھ لوگ زخمی حالت میں بس کے اندر بیٹھے ہوئے تھے۔

ٹیکسی چلاتا ہوں جی، بچوں کو صبح سکول چھوڑے جا رہا تھا۔ بہت شدید دھماکا تھا اور بہت سے لوگ ہلاک اور زخمی ہوئے۔

میری گاڑی میں جو تین بچے تھے وہ زخمی ہو گئے اور میں نے اُن کو ایدھی کی گاڑی پر ہسپتال بھیجا۔

گاڑی میں بہت سے سوراخ ہوئے اور یہ سب بم کے ٹکڑوں سے ہوا، شکر ہے کہ گاڑی کی ٹینکی بچ گئی ورنہ آگ لگ جاتی۔

سکول کی بھی بہت سی بچیاں زخمی ہوئی تھیں۔