اقوام متحدہ کے سیکریٹری جنرل کوفی عنان کہتے ہیں کہ ایچ آئی وی اور ایڈز پر قابو پانا ہی سب سے بڑا چیلنج ہے۔ گزشتہ برس برصغیر میں ایح آئی وی سے متاثر ہونے والوں اور ایڈز سے مرنے والے افراد کی تعداد میں پچھلے کسی بھی سال کے مقابلے میں زیادہ اضافہ ہوا اور اس پر قابو پانے کی کوششیں بالکل ناکافی ثابت ہوئیں۔ کیا ایح آئی وی ایڈز کے بارے میں آپ کے ذہن میں کوئی سوال ہے؟ کیا آپ جاننا چاہتے ہیں کہ یہ بیماری کیسے پھیلتی ہے، یا ہندوستان اور پاکستان میں اس کی روک تھام کے لیے کیا اقدامات کیے جارے ہیں، اور وہ کتنے مؤثر ہیں، یا پھر اس مرض میں مبتلا لوگوں کے ساتھ کیسا سلوک کیا جاتا ہے؟ ہم نے بدھ بتاریخ آٹھ جون کو بی بی سی اردو ریڈیو کے پروگرام سیربین میں اپنے خصوصی پروگرام ٹاکنگ پوائنٹ میں آپ کے ہر سوال کا جواب دینے کے لیے ہندوستان میں غیر سرکاری تنظیم ، ناز فاؤنڈیشن کی سربراہ انجلی گوپالن اور پاکستان میں سندھ کے ایڈز کنٹرول پروگرام کے سابق سربرار ڈاکٹر شرف شاہ کو دعوت دی ہے۔ آپ ای میل کے ذریعہ ہمیں اپنے سوال بھیج سکتے ہیں۔ اپنا نام اور ٹیلی فون نمبر ضرور لکھئے گا، ہم خود آپ سے رابطہ کریں گے۔ | 
آپ کی آواز:پہلا صفحہ
یہ صفحہ دوست کو ای میل کیجیئے
پرِنٹ کریں
