کوفی عنان سیکریٹری جنرل، اقوام متحدہ

اقوام متحدہ کے سیکرٹری جنرل کوفی عنان

ایک چھوٹا قرضہ، بچت کا کھاتہ، ایک پے چیک گھر بھیجنے کا آسان طریقہ کم آمدنی والی فیملی یا غریب لوگوں کے لئے کافی اہم ثابت ہوسکتے ہیں۔

مائیکروفائننس یعنی چھوٹی سطح پر سرمایہ کاری کے ذریعے غریب لوگ زیادہ پیسہ کما سکتے ہیں، وسائل کی تعمیر کرسکتے ہیں، اور غیرمتوقع نقصانات سے خود کو محفوظ بناسکتے ہیں۔

چھوٹی سطح پر سرمایہ کاری کے ذریعے غریب لوگ روز مرہ کی جدوجہد سے آگے بڑھ کر اپنے مستقبل کی تعمیر کرسکتے ہیں۔ وہ پیسہ اچھی غذا، صحت، مکان اور بچوں کی تعلیم میں لگاسکتے ہیں۔

اگر ہمیں اقوام متحدہ کے ہزاریہ ترقیاتی اہداف کو حاصل کرنا ہے تو ہمیں اسی طرح کی ترقی کی راہ ہموار کرنے کی ضرورت ہے۔

ہمیں یہ معلوم ہونا چاہئے کہ مائکروفائننس خیرات نہیں ہے۔ یہ ایک طریقہ ہے جو کم آمدنی والے خاندانوں کو وہی حقوق اور سہولیات فراہم کرے گا جو دیگر لوگوں کو دستیاب ہیں۔ چھوٹی سطح پر سرمایہ کاری اس بات کا اعتراف ہے کہ غریب لوگ مسئلہ نہیں، ایک حل ہیں۔

اس طرح کی سرمایہ کاری کے ذریعے غریب لوگوں کی امنگوں، خیالات اور خوابوں کی تعمیر کی جاسکتی ہے۔ یہ ایک طریقہ ہے جس کے ذریعے مفید منصوبوں کو کامیاب بنایا جاسکتا ہے اور غریب برادریوں کو ترقی کا موقع مل سکتا ہے۔

جب تجارتی ادارے ترقی نہیں کرتے، ممالک بھی ترقی نہیں کرتے۔ چلئے چھوٹی سرمایہ کاری کے سال کا آغاز کرتے ہیں تاکہ کروڑوں غریب خاندانوں کو ترقی کی راہ پر گامزن کیا جاسکے۔

آپ کی رائے

کوفی عنان کے بیان کو پڑھنے کے بعد سوچئے اور ہمیں لکھئے کہ چھوٹی سرمایہ کاری کے ذریعے آپ اپنے پڑوس کو کیسے بہتر بنائیں گے؟ آپ سوچئے اور دنیا کو یہ بتائیے کہ اگر صرف ایک سو ڈالر یعنی چھ ہزار روپئے آپ کے پاس ہوں تو آپ کم آمدنی والے خاندان کی ترقی کی راہ ہموار کرنے کیلئے کون طریقہ اپنائیں گے؟

شفقت خواجہ، اٹک:
اس سے ایک ماہ کا خرچ نہیں چل سکتا۔ اس سے کاروبار کیسے ہوسکتاہے؟