سبطین علی شاہ پرسچہ

میری بہنیں بھی پٹیکے کے دوسرے سکول میں پڑھتی تھیں۔ ہمیں لینے ہمارے ابو پہنچے۔ وہ رات ہم نے کھلے آسمان کے نیچے تیز بارش میں گزاری۔

گھر واپس پہنچے تو دیکھا کہ مکان گرے ہوئے تھے اور ہر طرف لوگوں کی چیخیں اور آوازیں آ رہی تھیں۔ سب لوگ مکانوں کے بارہ بیٹھے ہوئے تھے۔ میرا گھر بھی تباہ ہو گیا تھا۔

اب ہم کھلے آسمان کے نیچے رہ رہے ہیں۔ ابو نے کچھ ٹین کے شیٹوں کو ملا کر ایک جھونپڑآ سا بنایا ہے۔ اسی میں رہتے ہیں۔ ہمیں خیمے بھی نہیں ملے۔ ہمارا راشن بھی ختم ہوگیا۔ پھر جا کر بازار سے لانا پڑا۔

پہلے ہم جیسے رہتے تھے وہ صحیح تھا۔ اب جو کچھ ہو رہا ہے وہ صحیح نہیں۔

پہلے میں سکول جاتا تھا، وہاں پڑھتے تھے۔ اب سکول بھی نہیں ہے، سب گر چکا ہے۔ پہلے سکول سے واپس آکر شام کو پڑھائی کرتے تھے۔ دوستوں کے ساتھ کھیلتے تھے۔

اب تو میرے وہ دوست بھی نہیں رہے۔ میرے دو دوست سکول میں دب کر ہلاک ہو گئے۔ عاشق اور قائم۔ وہ میرے ہی ساتھ سکول میں پڑھتے تھے۔ ہم سب ساتھ کیا کرتے تھے۔ ساتھ پڑھتے تھے، کھیلتے تھے۔ میں ابھی باہر کرکٹ کھیل رہا تھا۔ عاشق اور قائم کی بہت یاد آتی ہے۔