اشرف حسین سکردو

یہاں پر ایک ستارہ ڈیم سائٹ پر کام ہو رہا تھا۔ اس میں پہلے ہی دراڑیں پڑی ہوئی تھیں، وہاں پر بہت تودے گرے اور پورا علاقہ تاریک ہو گیا تھا۔ بعد میں وہاں سے ہمارے کچھ دوستوں نے بتایا کہ وہاں بھی کوئی جانی نقصان نہیں ہوا ہے۔

آخری بار تین بج کر تریپن منٹ پر ہلکے جھٹکے پھر سے محسوس ہوئے تھے۔ تب سے خاموشی ہی ہے اور اب تک کسی جانی نقصان کا کچھ نہیں پتہ۔ اب تک یہاں سکردو شہر میں کوئی خاص واقعہ پیش نہیں آیا ہے، بس پہاڑوں سے تودے گرتے ہوئے نظر آ رہے تھے۔ اب تک شہر کے باہر کے حالات کے بارے میں کوئی واضح اطلاعات نہیں ہیں۔

آپ کی ای میل

جاوید خان، راولپنڈی، پاکستان

میں ایلیکٹرونک میڈیا کے بارے میں یہ کہنا چاہوں گا کہ اس مشکل وقت میں ان کا رویہ قابل اعتراض ہے۔ پی ٹی وی اور ایے ٹی وے کے علاوہ بیشتر ٹیلی ون چینل ڈرامے، گانے اور اینٹرٹینمنٹ شوز نشر کر رہے ہیں جو کہ ایس قومی سانحے اور تباہی کے موقع پر بالکل مناصب نہیں ہے۔ کیا ہو گیا ہے ان لوگوں کو؟

ارسلان خان، پشاور، پاکستان

میں پشاور کے ایڈورڈز کالج میں باسکٹ بال کھیل رہا تھا جب زلزلہ آیا۔ ایک دم سے ایسا لگا جیسے ہمارے زمین سامنے جھول رہی ہو۔ میں بیٹھ گیا۔ سارے سٹوڈنٹس کلاسوں سے باہر نکل آئے۔ ہم سب خوفزدہ تھے۔ یہ جھٹکے کوئی دو منٹ چلے اور اس کے کوئی پانچ چھ منٹ بعد پھر جھٹکا ہوا۔

عابد علی شیخ، سکھر، پاکستان

جتنا امدادی کام کیا جانا چاہیے تھا وہ نہیں ہوا ہے۔ ہمیشہ کی طرح اب بھی زلزلے سے لوگ پیسہ بنائیں گے۔