میں یہ کہہ رہا تھا:
درختو ہواؤں کو تم کھیل جانو، تو جانو
مگر ہم نہیں جانتے بوڑھے سبزوں کی دعوت کو جاتے ہوئے
ذہن کے رہگزاروں میں کیسے
نئے دن کی درزیدہ آہٹ کبھی سن سکیں گے؟
نہیں صرف پتھر ہی بے غم ہے پتھر کی نا تشنگی پر
درختو، ہوا کتنی تیزی سے گذری تمہارے برہنہ بدن سے
کہ اس میں روایات سرگوشیاں کر رہی تھیں
درختو، بھلا کس لئے نام اپنا، کئی بار دہرا رہے ہو؟
یہ شیشم یہ شم شی یہ شی شی ی ی ی - - -
مگر تم کبھی شی ی ی ر --------- بھی کہہ سکو گے؟
میں یہ کہہ رہا تھا - - -

ن م راشد