بگ باس کا 13واں سیزن: بگ باس کے گھر میں آج کل کیا چل رہا ہے؟
،تصویر کا ذریعہcolorstv
انڈیا کے معروف ریئلٹی شو ’بگ باس‘ کا سیزن 13 کئی معنوں میں مختلف ہے اور اس میں لوگوں کی دلچسپی کا اندازہ اس بات سے لگایا جا سکتا ہے کہ انڈیا اور پاکستان میں وقتاً فوقتاً اس سے منسلک ہیش ٹیگ ٹوئٹر پر ٹرینڈ کرتے رہتے ہیں۔
بی بی سی کے نامہ نگار مرزا اے بی بیگ کے مطابق تازہ ٹرینڈز میں ’سٹے سٹرانگ سدھارتھ‘ اور ’وی سٹینڈ بائی عاصم ریاض‘ شامل ہے جبکہ گذشتہ دن ’برنگ بیک آرہن‘ ٹرینڈ کر رہا تھا۔
جو بگ باس کو فالو کرتے ہیں ان کے لیے یہ نام اور ٹرینڈ عجیب نہیں ہوں گے لیکن جو بگ باس نہیں دیکھتے ہیں انھیں سوشل میڈیا پر اس کی مقبولیت دیکھ کر شاید حیرت ہو۔
اس پروگرام میں حصہ لینے والے افراد بگ باس کے گھر میں لڑتے ہیں جبکہ ان کے فینز سوشل میڈیا پر محاذ آرا ہیں۔
یہ بھی پڑھیے
End of سب سے زیادہ پڑھی جانے والی
بگ باس 13 کی اہم بات یہ ہے کہ یہ بالی وڈ کے سلطان سلمان خان کا لگاتار 10 واں سیزن ہے کہ وہ اس شو کی میزبانی کر رہے ہیں جبکہ بگ باس کا گھر جو پہلے لوکھنڈ والا میں ہوا کرتا تھا اب پہلی بار ممبئی منتقل ہوا ہے۔
29 ستمبر کو شروع ہونے والا بگ باس 13 کا یہ سیزن اپنے آخری نصف میں داخل ہو چکا ہے۔
،تصویر کا ذریعہGetty Images
بگ باس میں دلچسپی رکھنے والوں کا خیال ہے کہ یہ سیزن گذشتہ چند سیزن سے بہتر ہے اور بگ باس کے گھر میں اس بار زیادہ ہنگامہ آرائی ہے۔
اس گھر میں داخل ہونے والوں میں پہلے 13 افراد میں پانچ لڑکے اور آٹھ لڑکیاں شامل تھیں یعنی گرل پاور کا عنصر نظر آيا۔ چھٹے ہفتے تک پانچ افراد گھر سے بے گھر ہوئے جبکہ اسی دوران سات مزید افراد کو گھر میں وائلڈ کارڈ انٹری کے ذریعے لایا گیا۔
اس سے قبل وقت کے ساتھ ساتھ بگ باس کے گھر کے افراد کی تعداد مسلسل کم ہوتی رہتی تھی لیکن اس بار ابھی تک گھر بھرا پورا نظر آتا ہے۔
سوشل میڈیا ٹرینڈز سے یہ ظاہر ہوتا ہے کہ بگ باس کے گھر میں اس وقت اصل مقابلہ سدھارتھ اور عاصم میں ہے۔
سوشل میڈیا پر مباحثہ
اس سلسلے میں سب سے پہلے ’برنگ بیک ارہان‘ پر بات کرتے ہیں۔ اس ہیش ٹیگ سے پتا چلتا ہے کہ ارہان کو گھر سے نکال دیا گيا ہے۔
یہ ارہان کون ہیں؟ در اصل یہ مظہر شیخ ہیں جن کا سکرین والا نام ارہان خان ہے۔ وہ ماڈل اور ایکٹر ہیں۔ انھیں وائلڈ کارڈ کے ذریعے بگ باس کے گھر میں داخلہ ملا تھا۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
ان کے بارے میں کہا جاتا ہے کہ معروف ٹی وی اداکارہ رشمی ڈیسائی کے دوست ہیں۔ اور اس بار رشمی روز اول سے بگ باس کے گھر میں ہیں۔ رشمی نے معروف ٹی وی سیرئل ’اترن‘ میں اداکاری کی ہے جبکہ وہ دبنگ ٹو میں بھی نظر آئی ہیں۔
ایک ٹوئٹر صارف نے ارہان کے بارے میں لکھا: ’میں شو میں ارہان کی واپسی چاہتا ہوں۔ اس لیے نہیں کہ میں کوئی رومانوی کہانی دیکھنا چاہتا ہوں بلکہ اس لیے کہ اب کوئی بھی ایسا نہیں ہے جو رشمی کی طرف سے سدھارتھ اور ان کی ٹیم کا مقابلہ کر سکے، جس کے سبب وہ گھر میں بغیر مقابلے کے ہیں۔‘
یہ ٹویٹ بتاتا ہے کہ سدھارتھ بگ باس کے اس گھر میں ابھی تک انعام جیتنے کے سب سے بڑے دعویدار ہیں۔
بی بی سی کے نمائندے پنکج پریہ درشی بگ باس کو فالو کرتے ہیں اور اسے باقائدگی سے دیکھتے ہیں۔
انھوں نے بتایا کہ سدھارتھ شکلا ابتدا میں بہت جارحانہ نظر آئے لیکن اب انھیں سب سے زیادہ پسند کیا جاتا ہے اور وہ ایک مضبوط امیدوار ہیں۔
انھوں نے مزید بتایا کہ ان کی رشمی کے ساتھ شروع سے ہی ٹکر رہی ہے لیکن اب ایک کشمیری ماڈل عاصم ریاض سے ان کی ٹکر ہے جبکہ پہلے عاصم ریاض بگ باس کے گھر میں سدھارتھ کے اچھے دوست ہوتے تھے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
ایک ٹوئٹر صارف نے سٹے سٹرانگ سدھارتھ نامی ہیش ٹیگ کے ساتھ اس پر تبصرہ کرتے ہوئے لکھا: ’سڈ بگ باس میں ریڑھ کی ہڈی ہیں۔ عاصم نے آگے بڑھنے کے لیے سدھارتھ شکلا کا استعمال کیا۔ اور اب وہ سڈ کے خلاف ٹیم بنانا چاہتے ہیں اس لیے منصوبہ بنا کر لڑائی کی۔‘
بگ باس عام طور پر میدان جنگ کے طور پر جانا جاتا ہے جہاں امیدوار اپنی مختلف صلاحیتوں کا مظاہرہ کرتے ہوئے بڑی انعامی رقم کے حقدار ہوتے ہیں۔
پنکج پریہ درشی نے بتایا کہ اس میں ایک دوستی بھی ابھر رہی ہے اور یہ شہناز گل اور سدھارتھ کے درمیان دیکھی جا رہی ہے اور شاید یہی وجہ ہے کہ اکثر سوشل میڈیا پر سدناز ہیش ٹیگ ٹرینڈ کرتا رہتا ہے۔
ایک صارف نے سوشل میڈیا پر بگ باس کے ٹرینڈز پر تبصرہ کرتے ہوئے لکھا کہ یہ ٹرینڈ اس بات کی نشاندہی کرتے ہیں کہ بگ باس کے گھر میں کس کی حمایت کی جا رہی ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 3
یہ شو کلرز ٹی وی پر پیش کیا جا رہا ہے۔ حال ہی میں چینل نے فینز سے پوچھا تھا کہ اس شو کا اصل ہیرو کون ہے تو زیادہ تر لوگوں نے سدھارتھ کا نام لیا تھا جبکہ عاصم اور رشمی ڈیسائی بہت کم مارجن سے دوسرے اور تیسرے نمبر پر آئے تھے۔
ایک صارف پرجکتا پاٹل نے لکھا ’عاصم ریاض بگ باس گھر کے اصل ہیرو ہیں۔ وہ اصلی ہیرو اس لیے ہیں کہ وہ بغیر گندی سیاست، جعلی رشتے کے کھیل کو سمارٹ طریقے سے کھیل رہے ہیں اور وہ اپنے اصل کو ظاہر کر رہے ہیں جو کہ بہت ہی پیاری بات ہے۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 4
ماضی میں بگ باس کے ایک سیزن میں خود شامل رہنے والے معروف اداکار دارا سنگھ کے بیٹے وندو دارا سنگھ نے ’سٹے سٹرانگ سدھارتھ‘ ہیش ٹیگ کے ساتھ لکھا: ’جب سڈ کی مقابلے میں دیگر لوگوں کے ساتھ عاصم کے معاملے پر لڑائی ہو رہی تھی تو وہ عاصم اور ان کے مداحوں کو جارحانہ نظر نہیں آئے۔ آخر میں عاصم نے کیا کیا؟‘
’انھوں نے بھی وہی اشتعال انگیز حربہ استعمال کیا جو باقی لوگ کر رہے ہیں! گھر میں سڈ تنہا کھیل رہے ہیں اور ان کے مداح باہر تہنا ہیں۔‘
واضح رہے کہ اس بار بگ باس میں شامل سب افراد کا تعلق شوبز کی دنیا سے ہے اور کسی عام آدمی کو اس شو میں شامل نہیں کیا گیا ہے۔
