ኤርትራውያን ስደተኛታት ኣብ ሆንዱራስ ላቲን ኣሜሪካ ተታሒዞም

ሽዱሽተ ኤርትራውያ ዝርከብዎም ስደተኛታት ብናይ ጸጥታ ሓይልታት ሃገረ ሆንዱራስ ከም ዝተታሕዙ ማዕከናት ዜና'ቲ ከባቢ ሓቢረን።

እዞም ኤርትራውያን ስደተኛታት ንሕቡራት መንግስታት ኣሜሪካ ዘምርሑ ዝነበሩ ከምዝኽእሉ ይግመት።

ኤርትራውያን ስደተኛታት፡ ኣብ ሆንዱራስ ኮነ ካልኦት ናይ ደቡባውን ላቲንን ኣሜሪካ ሃገራት ክእሰሩ ልሙድ እዩ።

ቅድሚ ሕጂ'ውን ኣብ ከም ብራዚል፡ ኮሎምቢያ፡ ፓናማ፡ ኮስታሪካ፡ ኤልሳ ልቫዶር፡ ጓቴማላን ሜክስኮን፡ ኣብ በበይኑ እዋናት ኤርትራውያን ዝርከብዎም ካበ ዝተፋላለዩ ከባቢታት ዓለም ዝመጽኡ ስደተኛታት ኣብ ቀይዲ ክኣትዉ ጸኒሖም'ዮም።

እቲ ናይ ወዳእታ ክበጸሕዎ ዝደልዩ፡ ሃገረ ሕቡራት መንግስታት ኣሜሪካ ክኸውን እንከሎ፡ ሓሓሊፉ'ውን ንካናዳ ዝኣትዉ እውን ኣለዉ።