ప్యాంగ్‌యాంగ్ రారాజు

మరణించిన నియంత కొడుకు, 27 ఏళ్ల కిమ్ జోంగ్‌-ఉన్ కారు పక్కనే నడుస్తున్నారు. ఆయాత్ర పొడవునా చెమర్చిన కళ్లను ఆయన ఎన్నోసార్లు తుడుచుకుంటూనే ఉన్నారు.

సరిగ్గా కిమ్ వెనుక ఉత్తర కొరియాలో రెండో అత్యంత శక్తిమంతుడుగా భావించే ఆయన చిన్నాన్న చాంగ్ సాంగ్-తైక్ నడుస్తున్నారు. మరో వైపు చీఫ్ ఆఫ్ ఆర్మీ స్టాఫ్ రి యాంగ్-హో, రక్షణ మంత్రి కిమ్ యాంగ్-చున్ ఉన్నారు.

ప్యాంగ్‌యాంగ్‌లో ఇక అధికారం చెలాయించబోయే పెద్ద మనుషులు వీళ్లే. అందరూ అదే అనుకుంటున్నారు.

కమ్యూనిస్ట్ ప్రపంచానికి భిన్నంగా 1950లో కిమ్ జోంగ్‌-ఉన్ తాత కిమ్ 2-సంగ్ నార్త్ కొరియాలో వన్ మ్యాన్ వారసత్వ నాయకత్వాన్ని సృష్టించారు.

కిమ్ పెద్ద కొడుకు కిమ్ జోంగ్‌-ఇల్‌ను సుమారు రెండు దశాబ్దాలు తన వారసుడుగా పెంచారు. ఆయన ఎక్కడికి వెళ్లినా యువరాజు ఆయన వెంటే ఉన్నారు. 1994లో ఆయన మరణించినపుడు, కిమ్ జోంగ్‌-ఇల్ తక్షణం అధికారం అందుకున్నారు. కానీ 2011లో హఠాత్తుగా కన్నుమూసినపుడు, ఆయన కొడుకు ఉత్తర కొరియా మూడో సుప్రీం లీడర్‌ అయ్యేందుకు అప్పుడే శిక్షణ మొదలుపెట్టారు. దీంతో రాజరికం కుప్పకూలుతుందని చాలా మంది ఊహించారు.కానీ వారి అంచనా తప్పని త్వరలోనే నిరూపితమైంది.

కొన్ని నెలల్లోనే చీఫ్ ఆఫ్ స్టాఫ్ రి యాంగ్-హో, రక్షణమంత్రి కిమ్ యాంగ్-చున్ ఇద్దర్నీ తొలగించారు. రీ ఆచూకీ ఇప్పటికీ మిస్టరీగా మారింది.

తర్వాత 2013 డిసెంబర్‌లో కిమ్ జోంగ్‌-ఉన్ అత్యంత నాటకీయ ఎత్తు వేశారు. తన సొంత చిన్నాన్న, చాంగ్ సాంగ్-థైక్‌ను పార్టీ సమావేశం నుంచి పక్కకు లాగేశారు. రాజద్రోహం ఆరోపణలతో ఆయనకు మరణశిక్ష విధించారు. యాంటీ ఎయిర్ క్రాఫ్ట్ తుపాకీ ఉపయోగించాలని కూడా సూచించారని చెబుతారు. కానీ దీనిని ఎవరూ ధ్రువీకరించలేదు.

ఉత్తర కొరియాలో తమ తాతల కాలం నుంచీ జరగని అతిపెద్ద ప్రక్షాళనను 2012-2016 మధ్యలో కిమ్ చేశారు. దక్షిణ కొరియాలోని ఇన్‌స్టిట్యూట్ ఫర్ నేషనల్ సెక్యూరిటీ స్ట్రాటజీ నివేదికల ప్రకారం 140 మంది సీనియర్ సైనిక అధికారులకు, ప్రభుత్వఅధికారులకు ఆయన మరణశిక్ష విధించారు. మరో 200 మందిని తొలగించారు, జైల్లో పెట్టారు.

తన దారికి ఎవరైనా అడ్డుగా ఉన్నారని అనిపిస్తే వారందరినీ కిమ్ తొలగించారు. తనకు నమ్మకస్తులైన యువతరంతో ఆ స్థానాలు భర్తీ చేశారు. ఆయన సొంత సోదరికిమ్ యో- జోంగ్‌ వారందరికీ నాయకత్వం వహించేవారు. ఆమెను 2017లో 30 ఏళ్ల వయసులో పోలిట్‌బ్యూరోలో నియమించారు.

ప్రస్తుతం ప్యాంగ్‌యాంగ్‌లో అధికారం ఎవరి చేతుల్లో ఉందనే విషయానికి వస్తే, ఎలాంటి సందేహంలేదు. ఆ సుప్రీం లీడర్ కిమ్ జోంగ్‌-ఉన్.

చోయ్ కుటుంబం వ్యవసాయం చేసేది. వారు జపనీయులకు ఏ సేవలు చేయలేదు, వారిపై వ్యతిరేకత కూడా లేదు. దాంతో చోయ్‌ను యుద్ధం యూనిట్‌లోకి పంపించారు. ఆ సమయంలో ఆయన స్థితి విశ్వాసాన్ని నిరూపించుకునేలా లేదు.

“ఉత్తరకొరియాలో చిన్నప్పటి నుంచే బ్రెయిన్ వాష్ చేస్తారు. కిమ్ కుటుంబం దేవుళ్లని నాకు చెప్పారు. నేను కూడా దాన్ని నమ్మాను” అని ఆయన చెప్పారు.

‘‘కిమ్ఇల్-సంగ్ కొత్త ఏడాదిలో ప్రసంగించినపుడు, ఈ ఏడాది మనం మరింత ఎక్కువ బొగ్గు తవ్వకాలు జరపాలన్నారు. నేను గనుల దగ్గరకు వెళ్తానన్నాను. కిమ్ కుటుంబంపై నాకు అంత నమ్మకం ఉండేది.’’

సుప్రీం గార్డ్ కమాండ్ విదేశీ శత్రువుల నుంచి కిమ్ కుటుంబాన్ని రక్షించడానికి కాదు అని, సొంత ప్రజల నుంచి వారిని కాపాడుకోవడానికి మాత్రమే అని చోయ్ త్వరగానే గుర్తించాడు.

“కిమ్ కుటుంబానికి ప్రతి ఒక్కరూ శత్రువు కావచ్చు. ఉత్తర కొరియా సైన్యం, జనరల్ స్టాఫ్ డిపార్ట్‌మెంట్, పీపుల్స్ ఆర్మ్డ్ ఫోర్స్ మినిస్ట్రీతోపాటూ కొరియా ప్రజలంతా ఆయనకు శత్రువులుగా మారవచ్చు” అని అయన నాకు చెప్పారు.

తన తల్లిదండ్రులను కూడా నమ్మలేని విధంగా చోయ్‌కు శిక్షణ ఇచ్చారు.

కిమ్ కుటుంబాన్ని మృత్యుభయం వెంటాడేకొద్దీ, వారి వ్యక్తిగత భద్రతా దళాల సంఖ్య పెరుగుతూ వచ్చింది.

“ఈస్టర్న్ బ్లాక్ కుప్పకూలినపుడు, సోవియట్ యూనియన్ పతనమైనప్పుడు, వాటిని చూసిన కిమ్ కుటుంబం షాక్ అయ్యింది. దాంతో వాళ్లు సుప్రీం గార్డ్ కమాండ్స్ సంఖ్యను విపరీతంగా పెంచేశారు, ఇప్పుడు అందులో దాదాపు లక్ష 20 వేల మంది సైనికులు ఉన్నారు” అని ఆయన చెప్పారు.

మధ్యయుగం నాటి రాచరికంలో లాగే, కిమ్ పాలనను, వారి శక్తిని చూసి ఈర్ష్యతో. తన చుట్టూ శత్రువుల సంఖ్య కూడా పెరిగింది.

తరాల నుంచీ ఎన్నో రాజవంశాలలాగే, వీరు కొన్నిసార్లు తమ స్థానాన్ని కాపాడుకోడానికి హత్యలు చేశారు.

ఫిబ్రవరి 12న మలేసియా రాజధాని కౌలాలంపూర్‌లో ఉన్న ఒక రెస్టారెంటులో కొంతమంది స్నేహితులు కలిశారు. వారంతా సిటి ఐస్యా అనే ఇండోనేషియా మహిళ 25వ పుట్టినరోజు సంబరాల కోసం అక్కడికి వచ్చారు. స్నేహితుల్లో ఒకరు ఫోన్‌లో తీసిన వీడియోలో ఆమె నవ్వడం, కొవ్వొత్తి ఆర్పడం, పాడడం కనిపిస్తుంది.

ఐస్వా చెప్పిన వివరాల ప్రకారం ఆ రాత్రి ఆమె తన స్నేహితులకు ఒక ఆసక్తికరమైన వార్త చెప్పింది. తనకు ఒక టీవీ రియాలిటీ షోలో ఉద్యోగం వచ్చిందని అంది. అప్పటి వరకూ పనిచేస్తున్న కౌలాలంపూర్ బాత్‌హౌస్‌ నుంచి ఆమె తప్పించుకోబోతోంది. నువ్వు ఇక స్టార్ అయిపోతున్నావంటూ స్నేహితులు ఆమెను ఆటపట్టించారు.

తర్వాత రోజు ఉదయం కౌలాలంపూర్ ఎయిర్ పోర్టులో సిటి ఐస్యా తన లక్ష్యం అయిన బ్లూ టీషర్ట్, స్పోర్ట్స్ జాకెట్ వేసుకున్న ఒక బట్టతల మనిషిని చూసింది.అతడు చెక్ ఇన్ దగ్గరకు రాగానే, అతడి దగ్గరకు వేగంగా వెళ్లి ఒక ద్రవాన్నితన ముఖంపై పోసింది.

అతడు వచ్చీరాని ఇంగ్లీషులో “ఏం చేస్తున్నావ్”అని అరిచాడు

ఆమె “సారీ” అని, అక్కడ్నుంచి పారిపోయింది.

మొత్తం ఏం జరిగిందో ఐస్యా చెప్పింది. కానీ, మలేసియా అధికారులు తనపై హత్యాయత్నం ఆరోపణలు చేయకుండా ఆపలేకపోయింది. ఆమె ఈ పనిని ఒక టీవీ షో కోసం సరదాగా చేసింది.

కొన్ని మీటర్ల దూరంలో ఒక కేఫ్‌లో కూర్చున్న ఉత్తర కొరియా ఏజెంట్లుగా భావిస్తున్న ఒక బృందం తమ పని పూర్తైనందుకు సంతృప్తి చెందినట్టు కనిపించింది. డిపార్చర్ గేటులోంచి వారు నడిచి వెళ్లడం, దుబాయి విమానం ఎక్కడం సీసీటీవీ ఫుటేజిలో కనిపించింది.

లావుగా ఉన్న బట్టతల వ్యక్తికి ఇది ఇబ్బందిగా అనిపించింది. ఆయన ముఖం మండుతోంది, ఊపిరి తీసుకోవడం కష్టంగా ఉన్నట్టుంది. నిమిషాల్లోనే ఆయన కుర్చీలో స్పృహతప్పిపోయారు. విమానాశ్రయ సిబ్బంది ఒక అంబులెన్సు పిలిపించారు. అది కౌలాలంపూర్ వైపు వెళ్తుంటే ఆయన ఊపిరితిత్తులు ద్రవంతో నిండిపోయాయి. ఆయన చనిపోయాడు.

ఆయన పాస్‌పోర్టులో కిమ్ చౌల్, ఉత్తర కొరియా దౌత్యవేత్త అని ఉంది. నిజానికి చనిపోయిన వ్యక్తి కిమ్ జోంగ్-నమ్, కిమ్ జోంగ్-ఉన్ సవతి సోదరుడు.

కిమ్ జోంగ్-నమ్‌కు శక్తివంతమైన వీఎక్స్ అనే నర్వ్ ఏజెంట్‌తో విష ప్రయోగం చేశారు. అది ఒక్క చుక్క పీల్చినా చావు తథ్యం.

కిమ్‌ను ధైర్యంగా చంపారు. ఉత్తర కొరియా ఎలాంటి ప్రమేయం లేదని చెబుతున్నా, ఆధారాలు అన్నీ ప్యాంగ్‌యాంగ్‌లో ఉన్న ఆయన సవతి తమ్ముడి వైపే చూపిస్తున్నాయి.కానీ ఈ హత్యకు కారణం ఏంటి?

ఇద్దరికీ తండ్రి అయిన కిమ్ జోంగ్-ఇల్‌కు వివాదాస్పద ప్రేమకథ ఉంది. ఆయనకు ఇద్దరు అధికారిక భార్యలు, ముగ్గురు ప్రియురాళ్లు ఉన్నారు. వీళ్లతో ఆయనకు ఐదుగురు పిల్లలు పుట్టారు. కిమ్ జోంగ్‌-నమ్ ఆయన తొలి ప్రియురాలు సాంగ్ హై-రిమ్ కొడుకు. కిమ్ జోంగ్‌-ఉన్ ఆయన రెండో ప్రియురాలు కో యాంగ్-హుయ్ రెండో కొడుకు. ఆమె జపాన్‌లో పుట్టిన ఒక మాజీ నటి. ఈ నియంత తన ప్రియురాలిని, ఆమె పిల్లలను రహస్యంగా ఉంచాడు. వాళ్లు ఏకాంత భవనాల్లో ఉండేవారు. ఒకే తండ్రికి పుట్టినా కిమ్ జోంగ్‌-నమ్, కిమ్ జోంగ్‌-ఉన్ ఎప్పుడూ కలుసుకోలేదు.

పెద్ద కొడుకు కిమ్ జోంగ్‌-నమ్, కిమ్ జోంగ్-ఇల్ వారసుడు అవుతాడని చాలా మంది అనుకున్నారు. కానీ 2001లో నకిలీ పాస్‌పోర్టుతోజపాన్‌లోకి ప్రవేశించబోయాడని ఆయన్ను అరెస్ట్ చేశారు. అప్పుడు ఆయన టోక్యోలోని డిస్నీలాండ్‌ వెళ్లాలని అనుకున్నారు.

ఉత్తర కొరియా యువరాజుకు విమానం నుంచి దిగగానే దేశ బహిష్కరణ విధించారు. ప్యాంగ్‌యాంగ్‌లో ఆయన తండ్రి దీన్ని క్షమించరాని అవమానంగా భావించారు. కిమ్ జోంగ్‌-నమ్‌ను వారసుడిగా తప్పించి చైనాకు వెళ్లమని దేశం నుంచి బహిష్కరించారు. అలా కథ నడిచింది.

కానీ మొత్తం కథ అది కాదు.

సియోల్‌లో ఒక ఉత్తర కొరియా యువకుడిని ఇంటర్వ్యూ చేస్తున్నప్పుడు అక్కడ ఈ “నల్ల”ఆర్థిక వ్యవస్థ విస్తృతంగా ఉందనే విషయం నాకు అర్థమైంది.

దక్షిణ కొరియా అధ్యక్షుడు పార్క్ గుయెన్-హే, ఉత్తర కొరియాలో డీఎంజడ్ పక్కనే ఉన్న కేసాంగ్ ఇండస్ట్రియల్ జోన్ మూసివేయాలని అప్పుడే ఆదేశాలిచ్చారు.

‘‘నేను ఆ వార్త వినగానే.. చైనా వెళ్లి ‘చాకో పై’లుకొనుక్కురమ్మని మా నాన్నకు ఫోన్ చేసి చెప్పా’’అని ఆ యువకుడు నాకు చెప్పాడు.

ఇది నన్ను గందరగోళంలో పడేసింది.

నేను “సారీ, మీ నాన్న ఎక్కడున్నారు”అన్నా.

“ఉత్తర కొరియాలో”అన్నాడు.

“ఆయనకు నువ్వు ఎలా ఫోన్ చేశావ్” అన్నా.

వాళ్ల నాన్నకు మొబైల్ ఫోన్‌లో చైనా సిమ్ కార్డ్ ఉంది. ఇది అక్రమం, ప్రమాదకరం. కానీ అక్కడ సర్వసాధారణం. వారానికి ఒకసారి ఆయన చైనా సరిహద్దు వరకూ వెళ్తారు. తన కుమారుడికి ఫోన్‌ చేయడానికి చైనీస్ మొబైల్ నెట్ వర్క్ కనెక్ట్ చేస్తాడు.

“ఇంతకీ, చాకోపైలు తీసుకొచ్చారా” అని అడిగా

కేసాంగ్ ఇండస్ట్రియల్ జోన్‌లో నడుస్తున్న దక్షిణ కొరియా కంపెనీలు ఉత్తర కొరియా కార్మికులకు వేతనాల్లో కొంత భాగం తమ ఉత్పత్తుల రూపంలో చెల్లిస్తుంటాయి. దక్షిణ కొరియా ఉత్పత్తుల్లో ఒక ప్రముఖ ఉత్పత్తి చాకో పై.

అవి చాలా పాపులర్ అయ్యాయి. అవి ఒక రకంగా ఉత్తరాన బ్లాక్ మార్కెట్ కరెన్సీలా మారాయి. ఇప్పుడు కేసాంగ్ జోన్ మూసేయగానే, నల్ల బజారులో చాకో పై ధర ఆకాశాన్నంటుతుంది. దాంతో అతడు చైనా వెళ్లి తన కోసం వీలైనన్ని చాకో పై బాక్సులు తీసుకురమ్మని వాళ్ల నాన్నకు చెప్పాడు. వాటితో మంచి లాభాలు వస్తాయి.

తర్వాత ఈ ఏడాది ఏప్రిల్ 20న ఒక కొరియా వర్కర్స్ పార్టీ ప్లీనరీ సమావేశంలో కిమ్ జోంగ్‌-ఉన్ ఒక ప్రసంగం చేశారు.

“వృద్ధి చెందుతున్న మార్పును మరింత ఉన్నత దశకు చేర్చేందుకు అవసరమైన సామ్యవాద నిర్మాణం వేగవంతం కావాలి.”

ముందు ముందు అణ్వాయుధాలు, దీర్ఘ శ్రేణి క్షిపణి పరీక్షలన్నీ నిలిపివేస్తామని, ఉత్తర కొరియా ఆర్థిక వ్యవస్థపై దృష్టి పెట్టేందుకు “నూతన వ్యూహాత్మక రేఖ”ను అమలు చేస్తామని ఈ సమావేశంలో కిమ్ ప్రకటించారు. చైనా మార్గం అనుసరిస్తానని రైల్లో చేసిన ప్రమాణాన్ని నెరవేర్చే దిశగా కిమ్ జోంగ్‌-ఉన్ సన్నద్ధం అయ్యారని చెప్పడానికి ఇది ఒక సంకేతం అని పరిశీలకులు భావించారు.

సియోల్‌, యోన్సీ యూనివర్సిటీలోని జాన్ డెలురీ వారిలో ఒకరు.

కొత్త వ్యూహం ప్రకారం ఆర్థికశాస్త్రానికి ప్రాధాన్యం- వందకు వంద శాతం ఆర్థిక వ్యవస్థపైనే దృష్టి పెడతారని ఆయన చెప్పారు. “నేను నిజంగా ఆర్థికవ్యవస్థను మెరుగు పరచబోతున్నాను,. మీరు మళ్లీ శ్రమించాల్సిన అవసరం లేదు” అని కిమ్ చెప్పారు.

గత ఐదారేళ్లుగా అది సాధారణ అభివృద్ధి సాధించింది. కానీ ఎలాంటి పురోగతి లేదు. దానికి బదులు ఆయన అణు కార్యక్రమాలపైనే దృష్టి పెట్టారు.అందుకే మేం ఇప్పుడు ఒక మలుపు చూస్తున్నాం.

బ్రాడ్లీ కె మార్టిన్ లాంటి వారు మాత్రం కచ్చితంగా చెప్పలేకపోతున్నారు.

“అతడు గట్టిగా అనుకుంటే ఈ దేశాన్ని మార్చేయవచ్చు. మనకు తెలిసిన కిమ్ వల్ల ఇది అవుతుందో లేదో, నాకుతెలీదు. అలా చేయాలని తను అనుకుని ఉంటే ఆయనకు ఎన్నో ఏళ్లు ఆ అవకాశం వచ్చింది.తండ్రి, తాతల్లా తను కూడా “స్మారకాలు నిర్మిద్దాం” అన్నారు. వారిలో ప్రతి ఒక్కరూ అదే చేశారు.

“మరో ఆర్థిక వ్యవస్థ ఉందని వ్యూహాత్మకంగా అంగీకరించడం మినహా, ఆర్థిక వ్యవస్థలో నిజంగా సంస్కరణలు వచ్చాయనడానికి నాకు ఏ ఆధారాలూ కనిపించలేదు. అది ఉండి తీరాలి. ఆ మరో ఆర్థిక వ్యవస్థ అనేదే లేకుంటే అంతాచనిపోయి ఉండేవారు.”

కిమ్ జోంగ్‌-ఉన్ ఇప్పుడు తన దేశాభివృద్ధి కోరుకుంటుంటే ఆయన తను విధించిన ఆంక్షలను ఎత్తివేయాల్సి ఉంటుంది. ఆయనకు వాణిజ్యం, భారీ పెట్టుబడులు కావాలి. అది పొందాలంటే అమెరికా, దాని మిత్ర దేశాలు ఆయన్ను తన “అమ్ములపొదిలో అస్త్రం” అయిన అణ్వాయుధాలను వదులుకోమంటాయి. ఇప్పుడు ఆయన ఉద్దేశం అదేనా?

2017 జులై 4న వేకువ జామున ఉత్తర కొరియా పైన చాలా ఎత్తులో ఉన్న అమెరికా నిఘా ఉపగ్రహం ఉత్తర ప్యాంగ్‌యాంగ్ ప్రావిన్స్‌లోని ఎయిర్ ఫీల్డ్‌లో ఒక కదలికను గుర్తించింది. 16 చక్రాలు ఉన్న ఒక భారీ ట్రాన్స్‌పోర్టర్ ఎరెక్టర్ లాంచర్(టీఈఎల్)ను ఎయిర్ ఫీల్డ్ దగ్గరికి తీసుకొచ్చారు. దానిపైన వెనుక ఒక భారీ క్షిపణి ఉంది.

గంట తర్వాత క్షిపణిని నిలబెట్టడం, ప్రయోగం కోసం ఇంధనం నింపడాన్ని అమెరికా నిఘా అధికారులు గమనించారు. ఈ ఆపరేషన్ జరుగుతున్న సమయంలో ఒక వ్యక్తి సిగరెట్ తాగుతూ ఆ క్షిపణిచుట్టూ తిరగడం స్పష్టంగా కనిపించింది.

ఈ విషయం డిప్లొమాట్ మాగజైన్ ఎడిటర్ అంకిత్ పాండా చెప్పారు.దాని గురించి తనకు రహస్యంగా లీక్ చేశారని చెప్పారు. మండే స్వభావం ఉన్న రాకెట్ ఇంధనానికి అంత దగ్గరగా ఉన్నాడంటే, ఆ సిగరెట్ తాగుతున్న వ్యక్తి కచ్చితంగా కిమ్ జోంగ్‌-ఉన్ మాత్రమే అయ్యుంటారు.

క్షిపణిని తీయగానే దాని ప్రధాన ఇంజన్ ప్రయోగించారు. అది పెద్ద శబ్దంతో ఆకాశంలోకి దూసుకెళ్లింది. ఆకాశంలో సుమారు 3000 కిలోమీటర్లు ప్రయాణించాక జపాన్ సముద్రంలో పడి పేలిపోయింది. కిమ్ జోంగ్‌-ఉన్ సంతోషించారు. తర్వాత విడుదల చేసిన ఫొటోల్లో ఆయన చిరునవ్వు చిందిస్తూ సీనియర్ అధికారులను హత్తుకోవడం కనిపించింది. అక్కడ ఆయన చేతిలోఉన్న సిగరెట్ ఆ కథ చెప్పింది.

ఆ రాకెట్ ఒక కొత్త ఖండాంతర బాలిస్టిక్ క్షిపణి అని, అది అమెరికాను చేరగలదని ప్యాంగ్‌యాంగ్ ప్రకటించింది. డొనాల్డ్ ట్రంప్‌కు జులై 4 బహుమతిగా దాన్ని ప్రయోగించారు.

ఆర్థికంగా భారం అయినా, పరీక్షలు ఆపేయాలని అంతర్జాతీయంగా ఒత్తిడి ఎదురవుతున్నా, ఉత్తర కొరియా మొండిగా తన అణ్వాయుధ కార్యక్రమాన్ని కొనసాగించింది.

2011లో అధికారంలోకి వచ్చిన తర్వాత కిమ్ జోంగ్‌-ఉన్ ఉత్తర కొరియా అణు, క్షిపణి కార్యక్రమ వేగాన్ని మరింత పెంచారు. తన తండ్రి కంటేచాలా తక్కువ కాలంలోనే ఎన్నో బాలిస్టిక్ క్షిపణులు పరీక్షించారు.

గత ఏడాది నవంబర్ 29న సరికొత్త భారీ క్షిపణి హ్వాసాంగ్ 15ప్రయోగంతో ఇది ముగింపు దశకు చేరింది. “కొత్తక్షిపణికి ‘సూపర్ హెవీ వెయిట్ వార్‌హెడ్’ తీసుకెళ్లగల సామర్థ్యం ఉంది, ఇది అమెరికా మొత్తాన్నీ తాకగలదు” అని ఉత్తర కొరియా దేశ వార్తా సంస్థ కేసీఎన్ఏ తెలిపింది.

“దేశ అణు పాటవాన్ని పరిపూర్ణం చేయాల్సిన అవసరాన్ని, రాకెట్ పవర్ నిర్మించాల్సిన అవసరాన్ని చివరికి తాము పూర్తిగా కనుగొన్నామని” కిమ్ జోంగ్‌-ఉన్ ప్రకటించినట్టు కేసీఎన్ఏ తెలిపింది.

కిమ్ ఇక అమెరికాపై దాడి చేయగలరనే విషయాన్ని ఎంతోమంది విదేశీ నిపుణులు అంగీకరించారు.

అయితే, కిమ్ ప్రయోగించిన అణు క్షిపణులు రక్షణ కోసం కాదని మనం అంగీకరించాల్సి వస్తే, అవి ఎందుకు ఉన్నాయి? డూయీన్ కిమ్ ఇచ్చిన సమాధానాన్ని బట్టి “వేర్పాటువాదాన్నిసాధించడానికి, దక్షిణ కొరియాకు అండగా నిలిచేందుకు వస్తున్నఅమెరికాను అడ్డుకోవడానికి, పునరేకీకరణ సమయం ఆసన్నమైందని ప్యాంగ్‌యాంగ్ నిర్ణయించింది.’’

“ఉత్తరం వైపు ఉన్న ప్రజల మాటలు, వారి చర్యలు,వారి వ్యక్తిగత వ్యాఖ్యల ఆధారంగా బలవంతపు ఏకీకరణకు ఉపయోగించడానికి, దానిని నియంత్రించడానికి రెండింటికీ అణ్వాయుధాలు ఉపయోగపడతాయని అనిపిస్తోంది. వాటి గురించి వారు బహిరంగంగా, ప్రైవేటుగా మాట్లాడారు”.

కిమ్ అణ్వాయుధాలు ఏకీకరణ కోసమే అని, దానికి బలవంతం చేయాల్సిన అవసరం లేదని మైర్స్ అన్నారు.

“రెండు శత్రు దేశాలూ శాంతి ఒప్పందాలపై సంతకాలు చేసేలా ఒత్తిడి తీసుకురావాలి అంటే అమెరికాపై అణ్వాయుధాలతో దాడి చేయగల సామర్థ్యం ఉత్తరకొరియాకు అవసరం. ఆ దేశం ఇలాంటి గొప్ప బేరాన్ని ఎప్పుడూ కోరుకునేది.”

“వాషింగ్టన్‌తో జరిగే ఒప్పందంలో ద్వీపకల్పం నుంచి అమెరికా దళాలను ఉపసంహరించుకోవాల్సిన అవసరం ఉంటుంది. ప్యాంగ్‌యాంగ్ తరచూ చెప్పినట్టు, వారి తర్వాత అడుగు, 1960 నుంచి ఉన్న వాదన ప్రకారం ఉత్తర-దక్షిణ సమాఖ్య ఏర్పాటు చేయడం. తర్వాతేం జరుగుతుంది అనేది ఎవరైనా ఆలోచించడమంటే, అది తెలివి తక్కువ తనమే అవుతుంది.’’

పేదరికంతో వెనకబడ్డ ఉత్తర కొరియా ఆర్థికంగా, సైనిక పరంగా ఎంతో ముందున్న ఆధునిక దక్షిణ కొరియాపై ఏకీకరణ విధించాలని ఆలోచించడంలో అర్థం లేదు. బహుశా అది జరగచ్చు. కానీ “ఇది జరగదని, అది ప్యాంగ్‌యాంగ్ ఉద్దేశమే” అని బ్రాడ్లీ కె మార్టిన్ చెప్పారు.

“వారి ప్రథమ లక్ష్యం ఎప్పుడూ పునరేకీకరణ అనే నా నమ్మకం. చాలామంది దాన్ని ఎప్పుడో వదిలేశారు. తాము అది చేయలేమని వారికి తెలుసు. ప్రజలందరినీ మనం చూసుకోగలిగినప్పుడు, మనం ఏర్పరచగల ఆత్మవిశ్వాసం గురించి వారు తక్కువ అంచనా వేస్తారు. అదే మనం ఒకే వ్యక్తి నియంతృత్వ పాలనలో ప్రచార వ్యవస్థను నడిపిస్తుంటే, ఏదైనా చేయగలిగేలా ప్రజలను మనం ఒప్పించవచ్చు.”

నేను బీజింగ్‌ వెళ్లే దారిలో ఉండాలి. కానీ నేను ప్యాంగ్‌యాంగ్ హోటల్‌లోని ఒక గదిలో మసక వెలుతురులో కూర్చుని ఉన్నా. దూరంగా గోడపై కిమ్ ఇల్-సంగ్, కిమ్ జోంగ్‌-ఇల్ ఫొటోలు ఉన్నాయి. ప్రస్తుతం, వారి కవళికలు కోపంగా ఉన్నట్టు కినిపిస్తున్నాయి.

నాకు మగతగా, షాకింగ్‌గాఉంది. టేబుల్‌ అవతల ఎన్నో ఏళ్ల నుంచీ సిగరెట్ తాగుతున్నట్టు కనిపిస్తున్న ఒక సన్నటి వ్యక్తి నా వైపు ప్రశాంతంగా, భయపెట్టేలాచూస్తున్నాడు.

తన కుడి చేతిలోని వెలిగించని సిగరెట్ తిప్పుతూ “దీన్ని చాలా త్వరగా ముగించవచ్చు, నువ్వు ఇంటికి వెళ్లిపోవచ్చు. నీ నేరాన్ని ఒప్పుకుంటే, క్షమాపణ కోరితే ఇదంతా ముగుస్తుంది. లేదంటే పరిస్థితులు చాలాఘోరంగా ఉంటాయి” అన్నాడు.

ఒక గంట ముందు నేను ప్యాంగ్‌యాంగ్ విమానాశ్రయంలో బీజింగ్ వెళ్లే విమానం ఎక్కడానికి సిద్ధం అవుతున్నా. ఇప్పుడు నేను గంటలు, బహుశా రోజులు విచారణ ఎదుర్కొనేలా ఉన్నా.

నన్ను ప్రశ్నిస్తున్న ఆ వ్యక్తి చెప్పిన దాన్ని బట్టి నేను చేసిన నేరం ఏంటంటే “మార్షల్ కిమ్ జోంగ్-ఉన్‌ను అవమానించడం.” నాకు లోలోపల ఎక్కడో కలుక్కుమంది.

ఇది చాలా తీవ్రమైన నేరం. నేనలా ఎలా చేశానో తెలీడం లేదు. కానీ, నన్ను ప్రశ్నించడంతో ఒకటి మాత్రం స్పష్టమైంది. నా నేరాన్ని ఎక్కడో నిర్ణయించారు. ఇరికించారు. ఇప్పుడు ఆయన కచ్చితంగా నన్ను ఒప్పిస్తారు.

చీకటి పడగానే టీమ్ మారింది. బెదిరింపులు మరింత భయపెడుతున్నాయి. కొత్త ఇంటరాగేటర్ క్రూరమైన చూపులతో నా కళ్లలోకి సూటిగా చూశాడు.

“కెన్నెత్ బేను ప్రశ్నించింది నేనే. అంటే దానర్థం ఏంటో నీకు తెలుసనే అనుకుంటున్నా” అన్నాడు.

తెలుసు, కెన్నెత్ బే ఒక కొరియన్-అమెరికన్ పాస్టర్, ఉత్తరకొరియా ఆయనకు 15 ఏళ్ల కఠిన కారాగార శిక్ష విధించింది. 735 రోజులు జైల్లో ఉన్న తర్వాత ఒక ఒప్పందంతో ఆయన విడుదలయ్యారు.

నా విచారణ భయంకరంగా, వింతగా కూడా జరిగింది. నోబెల్ గ్రహీతలు ముగ్గురిని కవర్ చేసేందుకు నన్ను ప్యాంగ్‌యాంగ్‌ ఆహ్వానించారు. తర్వాత నన్ను జైల్లో బంధించారు. నాకు నచ్చని పాలన గురించి నేను రాయడమే దానికి కారణం.
“నాకు ఇది ప్రతికూలంగా అనిపించింది. కానీ నాకు అప్పగించిన పాత్రను అర్థం చేసుకోవడంలో నేను సైద్ధాతికంగా విఫలమయ్యా. ఉత్తర కొరియాలో జరుగుతున్న నిజాల గురించి బయటి ప్రపంచానికి అందించాను. నేను అతిక్రమించాను. ఒక శత్రువుగా మారాను.’’

కొన్ని వారాల తర్వాత సియోల్‌లో ఉంటున్న ఒక ఉత్తర కొరియావాసి దీని గురించి వివరంగా చెప్పారు.

“మనం చేసిన నేరం కిమ్ జోంగ్-ఉన్‌ను అవమానించడం మాత్రమే కాదు, మనం ఎక్కడ అలా చేశామనేది కూడా లెక్కలోకి వస్తుంది. ఆయన్నుతన సొంత రాజధానిలోనే అవమానించారు” అన్నారు.

నా నిర్బంధాన్ని, విడుదలను ఆమోదించగల ఏకైక వ్యక్తి కచ్చితంగా ఆయనే, కిమ్ జోంగ్-ఉన్.

“బయట పడాలంటే అదృష్టం ఉండాలి” అన్నాడు.

ప్రొఫెసర్ పైక్ హక్-సూన్ దక్షిణ కొరియాలో ఉన్న సీజోంగ్‌ ఇన్‌స్టిట్యూట్‌ నార్త్ కొరియన్ స్టడీస్ సెంటర్ డైరెక్టర్. దేశ బహిష్కరణ శిక్షతో మాత్రమే బయటపడ్డందుకు, ఆయన తనకు తాను అదృష్టవంతుడుగానే భావిస్తారు.

“కిమ్‌కు రాజుగా గుర్తింపు ఉంది. ప్రతిపక్షం నుంచి, ఇతరుల నుంచి ఎలాంటి విమర్శ వచ్చినా ఆయన ఆత్మ గౌరవం దాన్ని భరించలేదు. ఆయన్ను సవాలు చేసిన ఎవరైనా, ఏదేశమైనా కచ్చితంగా ప్రతీకారం రుచిచూడాల్సిందే” అని చెప్పారు.

చిన్న తప్పులకే విదేశీయులను నిర్బంధించిన సుదీర్ఘ చరిత్ర ఉత్తరకొరియాకు ఉంది. ప్రధానంగా కిమ్ జోంగ్-ఉన్ ప్రవృత్తి అదే. 2011 నుంచి 12 మంది విదేశీయులను, నలుగురు దక్షిణ కొరియా వాసులను ప్యాంగ్‌యాంగ్‌లో నిర్బంధించారు.

2016లో నన్ను నిర్బంధించే ముందు, ఒట్టో వార్మ్‌బీర్ అనే అమెరికా యువ పర్యాటకుడిని నిర్బంధించారు. ఒక హోటల్ గోడపై ప్రచార పోస్టర్ దొంగిలించిన నేరానికి 15 ఏళ్ల కఠినశిక్ష విధించారు. ఆయనకు విధించిన శిక్షకు, తనపై ఆరోపించిన నేరానికి ఎలాంటి సంబంధం లేనట్టు అనిపించింది.

మెదడు తీవ్రంగా దెబ్బతినడంతో వార్మ్‌బీర్ చివరికి అమెరికాకు తిరిగి రాగలిగారు. తర్వాత కొన్ని రోజులకే మరణించారు. చాలా మంది పరిశీలకులు ఆయన కేసును అసాధారణంగా భావించారు. అమెరికా బందీలను శారీరకంగా హింసించడం అనేది అరుదుగాజరుగుతుంది. వాళ్లు చాలా విలువైనవారు.