క్రికెట్: ఐసీసీ టోర్నమెంట్లలో ఇకపై మహిళలకు పురుషులతో సమానంగా ప్రైజ్ మనీ

లైవ్ కవరేజీ

1. 14 జులై 2023ప్రధాని మోదీకి ఫ్రాన్స్ అత్యున్నత పురస్కారం

   భారత ప్రధాని నరేంద్ర మోదీకి ఫ్రాన్స్ అత్యున్నత పురస్కారం లభించింది.

   'గ్రాండ్ క్రాస్ ఆఫ్ ది లెజియన్ ఆఫ్ హానర్' అనే పురస్కారంరతో మోదీని ఫ్రాన్స్ అధ్యక్షుడు ఎమ్మాన్యుయేల్ మేక్రాన్ సత్కరించారు.

   ఇది ఫ్రాన్స్‌కు చెందిన అత్యున్నత సైనిక లేదా పౌర పురస్కారం.

   రెండు రోజుల ఫ్రాన్స్ పర్యటనలో ఉన్న మోదీకి పారిస్‌లోలోని ఎలిసీ ప్యాలెస్‌లో మేక్రాన్ ఈ పురస్కారాన్ని అందజేశారు.

   ఈ గౌరవాన్ని అందుకున్న తొలి భారత ప్రధాని మోదీ కావడం విశేషం. జర్మనీ మాజీ చాన్స్‌లర్ ఏంజెలా మెర్కెల్, దక్షిణాఫ్రికా మాజీ అధ్యక్షుడు నెల్సన్ మండేలా, కింగ్ చార్లెస్‌ గతంలో ఈ పురస్కారాన్ని అందుకున్నారు.

   ఈ సందర్భంగా ఫ్రాన్స్ అధ్యక్షుడికి ప్రధాని మోదీ కృతజ్ఞతలు తెలిపారు.

2. 14 జులై 2023చంద్రయాన్-3: చంద్రుడివైపు విజయవంతంగా దూసుకుపోయిన ఇస్రో రాకెట్

3. 14 జులై 2023బేబీ సినిమా రివ్యూ: అమ్మాయిని ఓ అబ్బాయి ఇంత‌లా ప్రేమిస్తాడా... ఈ కథలో నిజమైన ప్రేమ ఎవరిది?

4. 14 జులై 2023ఏలూరు: ‘హాస్టల్లో హత్యకు గురైన అఖిల్ వర్ధన్‌ను చంపింది ఆ స్కూల్ విద్యార్థులే’.. మిస్టరీ ఛేదించిన పోలీసులు

5. 14 జులై 2023చంద్రయాన్-3 తరువాత ఇస్రో లక్ష్యం ఏమిటి? చంద్రయాన్-4లో మనుషులను పంపిస్తారా

6. 13 జులై 2023లైవ్ పేజీని ముగిస్తున్నాం.

   బీబీసీ తెలుగు లైవ్ పేజీని ఫాలో అయినందుకు ధన్యవాదాలు. ఈరోజ పేజీని ఇంతటితో ముగిస్తున్నాం.

   రేపు తాజా వార్తలతో లైవ్ అప్డేట్స్ పేజీలో మళ్ళీ కలుసుకుందాం.

   నమస్తే. గుడ్ నైట్.

7. 13 జులై 2023సెక్స్‌కు సమ్మతి తెలిపే వయసును 18 ఏళ్ళ కన్నా తగ్గించాలా?

8. 13 జులై 2023క్రికెట్: ఐసీసీ టోర్నమెంట్లలో ఇకపై మహిళలకు పురుషులతో సమానంగా ప్రైజ్ మనీ

   ఇక నుంచి ఐసీసీ క్రికెట్ టోర్నమెంట్లు అన్నింటిలో మహిళలకు పురుషులతో సమానంగా ప్రైజ్ మనీ ఇవ్వనున్నట్లు అధికారికంగా ప్రకటించారు.

   క్రికెట్లో మహిళలకు, పురుషులకు సమానంగా ప్రైజ్ మనీ ఉంటుందని అంతర్జాతీయ క్రికెట్ మండలి (ఐసీసీ) గురువారం ప్రకటించింది. దక్షిణాఫ్రికాలోని డర్బన్‌లో జరిగిన ఐసీసీ వార్షిక సదస్సులో ఈ మేరకు నిర్ణయం తీసుకున్నారు.

   ఐసీసీ తన అధికారిక ట్విట్టర్ హ్యాండిల్‌, వెబ్‌సైట్‌లో ఈ సమాచారాన్ని వెల్లడించింది.

   ఐసీసీ అంతర్జాతీయ టోర్నమెంట్‌లలో పాల్గొనే పురుష, మహిళా క్రికెటర్లు సమాన ప్రైజ్‌మనీ అందుకోవడం ఆనందంగా ఉందని ఐసీసీ చైర్మన్ గ్రెగ్ బార్క్లే తెలిపారు.

   ఐసీసీ నిర్ణయాన్ని బీసీసీఐ సెక్రటరీ జై షా స్వాగతించారు. లింగ సమానత్వం దిశగా ఒక పెద్ద అడుగు వేశామని ట్విటర్‌లో తెలిపారు.

9. 13 జులై 2023మనిషి ఒంటి మీద కంటికి కనిపించని గీతలు ఉంటాయని తెలుసా... ఆ రేఖల రహస్యమేంటి?

10. 13 జులై 2023GST దెబ్బకు జోరు మీదున్న ఆన్‌లైన్ గేమ్ ఇండస్ట్రీ కుప్పకూలుతుందా?

11. 13 జులై 2023అనిల్ అంబానీ డిఫెన్స్ కంపెనీ కూడా దివాలా... ఇప్పుడు రఫేల్ డీల్ పరిస్థితి ఏంటి?

12. 13 జులై 2023దిల్లీ వరదలు: స్కూళ్లు, కాలేజీలకు సెలవులు, ప్రభుత్వ ఉద్యోగులకు వర్క్ ఫ్రమ్ హోమ్

    దిల్లీలోని యమునా నది నీటిమట్టం పెరగడంతో పలు ప్రాంతాలు జలమయం అయ్యాయి. రోడ్లన్నీ నీటితో నిండిపోయాయి.

    దీంతో దిల్లీలోని పాఠశాలలు, కాలేజీలకు ఆదివారం వరకు సెలవులు ఇచ్చారు.

    లెఫ్టినెంట్ గవర్నర్ వీకే సక్సేనాతో దిల్లీ సీఎం అరవింద్ కేజ్రీవాల్ గురువారం సమావేశమయ్యారు.

    ఈ సమావేశం అనంతరం సీఎం అరవింద్ కేజ్రీవాల్ మాట్లాడుతూ, దిల్లీలోని పాఠశాలలు, కాలేజీలు, యూనివర్సిటీలను ఆదివారం వరకు మూసివేయాలని ఆదేశాలు జారీ చేసినట్లు తెలిపారు.

    అత్యవసర సేవలను అందించే ప్రభుత్వ కార్యాలయాలకు తప్ప, ఇతర అన్ని ప్రభుత్వ శాఖల సిబ్బందికి ఇంటి నుంచి పని చేసే అవకాశాన్ని కల్పించినట్లు చెప్పారు.

    వీలైనంత ఎక్కువ మందికి ఇంటి నుంచి పనిచేసే అవకాశాన్ని ఇవ్వాలని ప్రైవేట్ కార్యాలయాలకు ఆయన సూచించారు.

    రానున్న ఒకటి రెండు రోజులు ప్రజలకు నీటి ఇబ్బంది ఎదురుకావొచ్చని చెప్పారు. మూడు వాటర్ ట్రీట్‌మెంట్ ప్లాంట్‌లను మూసేసినట్లు వెల్లడించారు.

13. 13 జులై 2023చంద్రయాన్ 3: ఇలాంటి ప్రయోగాలకు ‘ముహూర్తం’ ఎలా నిర్ణయిస్తారు?

14. 13 జులై 2023భోజనం కావాలంటే దుస్తులు వద్దనుకోవాలి, దుస్తులు కావాలంటే పస్తులుండాలి - ఉప్పు, పసుపు, దువ్వెన కూడా కొనలేని ప్రజలు, ఇండియాలోనే అత్యంత పేద జిల్లా కథ ఇది

15. 13 జులై 2023IND vs WI: అశ్విన్‌కు 5 వికెట్లు, వెస్టిండీస్ తొలి ఇన్నింగ్స్ 150 ఆలౌట్

    భారత్, వెస్టిండీస్ జట్ల మధ్య బుధవారం మొదలైన తొలి టెస్టు మ్యాచ్‌లో భారత స్పిన్నర్ రవిచంద్రన్ అశ్విన్ 5 వికెట్లతో చెలరేగాడు.

    దీంతో, టాస్ గెలిచి తొలుత బ్యాటింగ్‌ ఎంచుకున్న వెస్టిండీస్ జట్టు తొలి ఇన్నింగ్స్‌లో 150 పరుగులకే ఆలౌటైంది.

    అలిక్ అథనాజ్ చేసిన 47 పరుగులే వెస్టిండీస్ తరఫున టాప్ స్కోర్. అతను 99 బంతుల్లో 6 ఫోర్లు, 1 సిక్సర్ సహాయంతో 47 పరుగులు చేశాడు.

    కెప్టెన్ క్రెగ్ బ్రాత్‌వైట్ 20, రహ్‌కీమ్ కార్న్‌వాల్ అజేయంగా 19 పరుగులు చేశారు.

    భారత బౌలర్లలో అశ్విన్ 60 పరుగులిచ్చి 5 వికెట్లు తీశాడు. మరో స్పిన్నర్ రవీంద్ర జడేజా 26 పరుగులిచ్చి 3 వికెట్లు పడగొట్టాడు. సిరాజ్, శార్దుల్ ఠాకూర్‌లకు చెరో వికెట్ దక్కింది.

    అనంతరం తొలి ఇన్నింగ్స్‌ను మొదలుపెట్టిన భారత్ తొలిరోజు ఆటముగిసే సమయానికి 23 ఓవర్లలో వికెట్ కోల్పోకుండా 80 పరుగులు చేసింది.

    ఓపెనర్లు రోహిత్ శర్మ (30 బ్యాటింగ్; 3 ఫోర్లు, 1 సిక్స్), యశస్వీ జైస్వాల్ (40 బ్యాటింగ్; 6 ఫోర్లు) క్రీజ్‌లో ఉన్నారు.

16. 13 జులై 2023ఈ పండ్లు తింటే అంగస్తంభన సమస్య రాదా?

17. 13 జులై 2023దిల్లీ: అత్యంత ప్రమాదకర స్థాయికి యమున నది నీటి మట్టం, దిల్లీలోని కొన్ని రోడ్లు, వీధుల్లోకి వరద నీరు

    దేశ రాజధాని దిల్లీలో యమున నది నీటి మట్టం అత్యంత ప్రమాదకరంగా ఉంది.

    వర్షాలతో పాటు హరియాణాలో హత్నీ కుండ్ బ్యారేజ్ నుంచి వరద నీటిని దిగువకు వదలడంతో యమున నది పొంగిపొర్లుతోంది.

    ఫలితంగా దిల్లీలోని పలు ప్రాంతాలు, రహదారులపై వరద నీరు వచ్చింది.

    యమున నది నీటి మట్టం ప్రమాద స్థాయి 206 మీటర్లు కాగా, జులై 12వ తేదీ రాత్రి 10 గంటలకు ఓల్డ్ రైల్వే బ్రిడ్జ్ (ఓఆర్‌బీ) వద్ద నీటి మట్టం 208.5 మీటర్లుగా రికార్డు అయింది.

    1978లో అత్యధికంగా 207.49 మీటర్ల నీటిమట్టం నమోదైంది. బుధవారం మధ్యాహ్నానికే వరద ఈ రికార్డు స్థాయిని దాటిపోయింది.

    యమున నది వరదల కారణంగా దిల్లీలోని కశ్మీరీ గేట్, నిగమ్ బోధ్ ఘాట్ ప్రాంతంతోపాటు, జీటీ కర్నాల్ రోడ్ ప్రాంతాలలో రహదారులపైకి నీరు వచ్చింది.

    అనేక మార్గాల్లో ట్రాఫిక్ జామ్ అయింది.

18. 13 జులై 2023గుడ్ మార్నింగ్

    బీబీసీ న్యూస్ తెలుగు లైవ్ పేజీకి స్వాగతం!

    నిన్నటి లైవ్ పేజీ కోసం ఈ లింక్ క్లిక్ చేయండి.