ఇది ఎవరి దగ్గరుంటే వారికి భవిష్యత్తులో తిరుగుండదు.. దీని కోసం యుద్ధాలూ జరగొచ్చు..

చమురు, గ్యాస్‌ల ఇప్పటి వరకు ప్రత్యక్ష, పరోక్ష యుద్ధాలు ఎన్నో జరిగాయి. కానీ, రాబోయే కాలంలో కొన్ని లోహాల కోసం యుద్ధాలు జరగొచ్చు.

మార్చి 8, ఉదయం 5:42 గంటలకు నికెల్ ధర చాలా వేగంగా పెరగడం మొదలు పెట్టినప్పుడు లండన్ మెటల్ ఎక్స్ఛేంజ్‌లో ఆందోళన నెలకొంది. 18 నిమిషాల వ్యవధిలో నికెల్ ధర టన్ను లక్ష డాలర్ల (సుమారు రూ.75లక్షల)కు చేరుకుంది. దీంతో మెటల్ ఆపరేషన్‌‌ను నిలిపేయాల్సి వచ్చింది.

ఈ రికార్డులు బద్దలు కావడానికి ముందు 24 గంటల్లో నికెల్ ధర 250శాతం పెరిగింది. యుక్రెయిన్‌‌పై రష్యా దాడి చేసిన తర్వాత మార్కెట్‌లో భారీ లోహ సంక్షోభం తలెత్తడం ఇదే తొలిసారి.

రష్యాపై పాశ్చాత్య దేశాలు విధించిన ఆంక్షలే ఈ ధరల పెరుగుదలకు కారణమని ఆర్ధిక నిపుణులు భావిస్తున్నారు. నికెల్ వంటి లోహానికి ప్రపంచంలో ఎంత ప్రాముఖ్యత ఉందో దీన్నిబట్టి స్పష్టమైంది. తక్కువ కాలుష్యం గల ఆర్థిక వ్యవస్థ వైపు వెళ్లడానికి ఈ లోహం చాలా ముఖ్యం.

ప్రపంచ గ్యాస్, పెట్రోల్‌ సరఫరాలో రష్యాది ప్రధాన పాత్ర. అయితే, రష్యా, యుక్రెయిన్ యుద్ధంతో చమురు, గ్యాస్‌లను ఆయుధాలుగా ప్రయోగించవచ్చని పశ్చిమ దేశాలు నిరూపించాయి.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)