సూర్యుడిని ఎన్నడూ చూడనంత స్పష్టంగా చూపించిన అమెరికాలోని టెలిస్కోప్

సూర్యుడి ఉపరితలాన్ని ఇప్పటివరకు ఎన్నడూ చూడనంత స్పష్టంగా చూపించే చిత్రాలను అమెరికాలోని ఒక భారీ టెలిస్కోప్ అందించింది.

సూర్యుడి ఉపరితలంపై కేవలం 30 కి.మీ. పరిధిలో ఉన్న అంశాలను కూడా ఈ చిత్రాలు స్పష్టంగా చూపిస్తున్నాయి.

హవాయి రాష్ట్రంలోని ప్రసిద్ధ డేనియర్ కె.ఇనోయి సోలార్ టెలిస్కోప్ ఈ చిత్రాలను అందించింది. ఈ టెలిస్కోప్‌నే 'డీకేఐఎస్‌టీ' అని వ్యవహరిస్తారు.

సూర్యుడు భూమికి 14.9 కోట్ల కిలోమీటర్ల దూరంలో ఉంటాడు. సూర్యుడి వ్యాసం సుమారు 14 లక్షల కిలోమీటర్లు. ఈ అంశాలను పరిగణనలోకి తీసుకుంటే, '30 కిలోమీటర్ల' పరిధిలోని ఉపరితల దృశ్యాలను కళ్లకు కట్టినట్లు చూపించగలగడం పెద్ద విశేషమే.

సూర్యుడిలో జరిగే వివిధ ప్రక్రియలు, మార్పులను అధ్యయనం చేయడానికి శాస్త్రవేత్తలు ఈ టెలిస్కోప్ వాడతారు. అంతరిక్ష వాతావరణాన్ని మెరుగ్గా అంచనా వేయడానికి ఈ పరిజ్ఞానం దోహదం చేస్తుందని వారు ఆశిస్తున్నారు.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)