సోనియా గాంధీ: ఆమె రాజకీయ నాయకురాలే కాదు.. కళల పరిరక్షకురాలు కూడా

మీకు తెలుసా.. సోనియా గాంధీ ఓ 'కళా పరిరక్షకురాలు.' రాజీవ్ గాంధీ ప్రధానిగా ఉన్నపుడు, ఇండియన్ ల్యాండ్‌స్కేప్ పెయింటింగ్స్ పరిరక్షణ కోసం ఆమె పని చేశారు.

1998లో కాంగ్రెస్ పార్టీ పరిస్థితి గాడితప్పినపుడు, సోనియా రాజకీయాల్లోకి వచ్చారు. ప్రస్తుతం సోనియా వయసు 72 సంవత్సరాలు. ఫారిన్ ల్యాంగ్వేజెస్‌లో మూడేళ్ల కోర్సు చేశారు సోనియా.

సోనియా ప్రధాన రాజకీయ ప్రత్యర్థి మోదీ గురించి, ఓ సంధర్భంలో మీడియా ఆమెను ప్రశ్నించింది. మోదీ తిరుగులేని నేత అని మీరు అభిప్రాయపడుతున్నారా? అన్న ప్రశ్నకు జవాబునిస్తూ..

‘‘ఎప్పటికీ నేను అలా అనుకోను.. 2004 సంవత్సరంలో జరిగిన ఎన్నికలను మీరు మరిచిపోకండి’’ అని సున్నితంగా సమాధానం చెప్పారు సోనియా.

సోనియా కాంగ్రెస్ అధ్యక్షురాలు అయ్యాక, తొలి ఎన్నికల్లో కాంగ్రెస్ ఓడిపోయింది. 2004 ఎన్నికల్లో విజయం సాధించి, కాంగ్రెస్ అతిపెద్ద రాజకీయ పార్టీగా అవతరించింది. కానీ, సోనియా ప్రధాని కాకుండా, మన్మోహన్ సింగ్‌ను ప్రధానిని చేశారు. అయినా, వివాదాలు మాత్రం కొనసాగాయి.

2019లో ఐదవసారి ఎంపీగా లోక్‌సభలో అడుగుపెట్టాలని సోనియా భావిస్తున్నారు. ఇలాంటి పరిస్థితుల్లో.. విపక్షాల నేతగా రాహుల్ ఎదగాల్సివుంది.

విపక్షాలన్నిటినీ ఏకతాటిపైకి తేగలిగిన సత్తా సోనియాకు ఉందని కాంగ్రెస్ భావిస్తోంది. సోనియా జీవితంలో మరిన్ని వివరాలు, విశేషాల కోసం పై వీడియో చూడండి.

ఇవి కూడా చదవండి

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)