Arolwg iard chwarae - Dechrau arni

micro:bit - cewri codio > arolwg iard chwarae

Does dim modd i chi gyflwyno data bellach, ond gallwch chi barhau i gwblhau’r gweithgareddau gyda’ch dosbarth.

Gweithgaredd dosbarth cyfan diddorol sy’n cyflwyno arolwg iard chwarae BBC micro:bit, a sut mae dechrau arni. Bydd y disgyblion yn trafod preifatrwydd a diogelwch data, ac yn creu map o’u hiard chwarae i ddiffinio ffiniau’r iard.

Gwylio’r fideo

• I gwblhau’r gweithgaredd arolwg hwn, byddwch chi angen y cyfarwyddiadau defnyddiol i athrawon a’r daflen waith i ddisgyblion.
• Yn y gweithgaredd hwn, mae disgyblion yn cael eu cyflwyno i arolwg iard chwarae BBC micro:bit ac yn gallu dechrau meddwl am y cwestiynau allweddol sy’n cael eu harchwilio a’r gwahanol feysydd pwnc a fydd yn cael sylw.
• Bydd yn ddefnyddiol iawn i ddisgyblion allu gweld map o iard chwarae eu hysgol i gefnogi gweithgareddau amrywiol yr arolwg – yn enwedig y gweithgaredd Mesur ardal. Gall disgyblion fwynhau sesiwn gwneud mapiau syml gyda’r opsiwn i gynnwys ymarfer gwaith maes hwyliog, cyn mynd i’r afael â’r gweithgareddau casglu data.

• Cyfrifiadureg/TGCh/ABGI/Iechyd a Lles: Diogelwch ar-lein – gwybodaeth bersonol a diogelwch; Defnydd priodol o wybodaeth bersonol.
• Daearyddiaeth/Dyniaethau: Deall cynlluniau/golygfeydd trem aderyn a lluniau o’r awyr; Dehongli a llywio map digidol; Adnabod nodweddion allweddol a lleoliad ar fap; Gwneud gwaith maes a chofnodi gwybodaeth; Creu map syml gyda symbolau ac allwedd.

• Cyflwyniad: Deall beth yw arolwg a sut mae’n ein helpu ni i ateb cwestiynau; Archwilio trosolwg o weithgareddau’r arolwg iard chwarae a chasglu data.
• Trafodaeth ynghylch preifatrwydd a diogelwch data: Atgyfnerthu gwybodaeth bresennol am y materion sy'n ymwneud â chasglu data personol a phreifatrwydd; Dysgu sut mae gwneud data personol yn ddienw yn gallu sicrhau nad oes modd adnabod unigolion; Deall rôl y Swyddfa Ystadegau Gwladol (ONS); Nodi sefyllfaoedd posib lle mae’n ddiogel rhannu data.
• Gwneud map: Creu map/cynllun amlinellol o’r iard chwarae a fydd yn cael ei ddefnyddio yn ystod yr arolwg, gan gynnwys symbolau ac allwedd syml; Defnyddio mapiau/cynlluniau/adnoddau mapio digidol sy’n bodoli eisoes i ddod o hyd i nodweddion a strwythurau; Defnyddio sgiliau gwaith maes i archwilio a chofnodi gwybodaeth am leoliad cyfarwydd.

• Cyfrifiadureg/TGCh/ABGI/Iechyd a Lles: Creu fideo byr cymar wrth gymar am breifatrwydd data; Gwneud stribed comig am ddiogelwch data a chadw gwybodaeth bersonol yn breifat; Creu poster/cerdd acrostig/rhestr cyngor campus ar gyfer ffyrdd o gadw data personol yn ddiogel.
• Daearyddiaeth/Dyniaethau: Ychwanegu llinellau grid a rhifau at y map o’r iard chwarae a defnyddio cyfeirnodau grid 4/6 ffigur i ddod o hyd i nodweddion allweddol; Defnyddio map ar gyfer gweithgaredd helfa drysor – efallai gyda phlant iau; Defnyddio map i gefnogi gweithgareddau cyfeiriannu gan ddefnyddio cwmpawd; Ychwanegu graddfa at y map ar ôl cyfrifo'r dimensiynau; Creu eu symbolau eu hunain ar gyfer nodweddion cyfarwydd ac ychwanegu eu hallwedd eu hunain; Defnyddio cwmpawd i nodi’r Gogledd ac ychwanegu hyn at y map gyda rhosyn cwmpawd.
• Hanes: Archwilio mapiau hŷn o’r ysgol a’r iard chwarae a chymharu â’r map presennol – gan nodi newidiadau a phethau sydd wedi aros yr un fath, a chreu llinell amser ar gyfer yr iard chwarae.
• Mathemateg: Nodi’r prif siapiau yn amlinell yr iard chwarae a thynnu eu llun ar y map, a mesur yr onglau amrywiol.
• Dylunio a Thechnoleg: Gwneud pos jig-so o luniau o’r awyr o’r iard chwarae.

Rhagor o adnoddau BBC micro:bit - arolwg iard chwarae