உங்கள் நகரம் எந்த அளவுக்கு வெப்பமாக உள்ளது?

  • பிபிசி விஷ்வல் மற்றும் டேட்டா ஜெர்னலிஸம் குழுவின் தயாரிப்பு
  • அறிவியல்

உலகம் சூடாகிக் கொண்டிருக்கிறது. 2019 ஜூலை மாதம், வரலாற்றில் பதிவானதிலேயே அதிக வெப்பமான மாதமாக இருக்கும் - 1880 - 1900 ஆண்டுகளுடன் ஒப்பிடும்போது கடந்த 10 ஆண்டுகளில் பூமியெங்கும் ஜூலை மாத வெப்ப நிலை அதிகமாக உள்ளது என்று இந்த உலக உருண்டை காட்டுகிறது.

1900-ல் இருந்து உலக வெப்பநிலை மாறுபாட்டைக் காட்டும் வரைபடம்

பருவநிலை மாற்றத்தின் மிக மோசமான பாதிப்புகளைத் தவிர்ப்பதற்கு, புவி வெப்ப நிலை உயர்வு 1.5 டிகிரிக்கு மேல் செல்லாமல் பார்த்துக் கொள்ள வேண்டும் என விஞ்ஞானிகள் எச்சரித்துள்ளனர். தொழில் புரட்சிக்கு அதாவது - 1850 - 1900 காலத்துக்கு - முந்தைய அளவைவிட 1.5 டிகிரி உயரக்கூடாது என்பது இதன் பொருள்.

அதிலிருந்து புவியின் வெப்பம் ஏற்கனவே 1டிகிரி அதிகமாகிவிட்டது.

கேட்பதற்கு இது பெரிய அளவு போலத்தெரியாது. ஆனால் வெப்பமயமாதலை கட்டுப்படுத்த நாடுகள் நடவடிக்கை எடுக்காவிட்டால், உலகம் `பேரழிவான மாற்றத்தை' சந்திக்கும் என்று உலக வெப்பமயமாதல் தொடர்பான முன்னணி சர்வதேச அமைப்பான ஐ.பி.சி.சி. கூறியுள்ளது.

கடல் மட்டங்கள் உயரும், பல நூறு மில்லியன் பேர் இடம் பெயர வேண்டி வரும். வறட்சிகள், வெப்ப அலைகள், பலத்த மழைகள் போன்று தீவிர வானிலை மாறுபாடு இருக்கும். அரிசி,சோளம், கோதுமை போன்ற பயிர்களை விளைவிக்கும் திறன் ஆபத்துக்குள்ளாகும்.

இப்போதைய வேகத்தில் புவிவெப்பம் தொடர்ந்தால், நூற்றாண்டு இறுதிக்குள் வெப்பநிலை 3 - 5 டிகிரி செல்சியஸ் அளவுக்கு உயரும்.

உங்கள் நகரைச் சுற்றி எவ்வளவு பகுதி ஏற்கெனவே வெப்பமாகிவிட்டது - அடுத்து என்ன நிகழும் என்பதைக் கண்டறியுங்கள்.

இந்த கலந்தாடலைக் காண தயவுசெய்து உங்கள் பிரவ்சரை அப்டேட் செய்யவும்

கண்டறிய கீழே உருட்டி இறக்கவும்

நாம் சிறிது எளிமைப் படுத்துவோம். இந்த வரி 10 ஆண்டுகளுக்கு ஒவ்வொரு மாதத்தின் சராசரியைக் காட்டுகிறது. {{city}} -ல் சமீபத்திய ஜூலை சராசரி {{startHighlight}}{{rolling_avg_2018_jul}}{{endHighlight}} மற்றும் ஜனவரியில் {{startHighlight}}{{rolling_avg_2018_jan}}{{startHighlight}} . ஆனால் 2100ல் வெப்பநிலை எப்படி இருக்கும்?

சிறந்த நேர சூழல்2100ல் உத்தேச வெப்பநிலை

ஜனவரி: 1900ல் இருந்து {{temp}} செல்சியஸ் {{diff}}

ஜூலை: 1900ல் இருந்து {{temp}} செல்சியஸ் {{diff}}

இது எப்படி நடக்கும்?

பசுமைக்குடில் வாயு வெளியாதல் இந்த நூற்றாண்டின் தொடக்கத்தில் உச்சத்துக்கு சென்று, பிறகு பெருமளவு குறையும். இது உலக வெப்ப நிலை உயர்வை 2 டிகிரி செல்சியஸ் அளவுக்கும் கீழே வைப்பதை நோக்கமாகக் கொண்டிருக்கும். இதற்கு கடுமையான பருவநிலை கொள்கைகள் தேவைப்படும்.

நடுத்தரம் - குறைந்த சூழல்2100ல் உத்தேச வெப்பநிலை

ஜனவரி: 1900ல் இருந்து {{temp}} செல்சியஸ் {{diff}}

ஜூலை: 1900ல் இருந்து {{temp}} செல்சியஸ் {{diff}}

இது எப்படி நடக்கும்?

பசுமைக்குடில் வாயு வெளியாதல் 2040க்குள் உச்சத்தை அடைந்து, பிறகு குறையும். பருவநிலை மாற்றத்தை சமாளிக்கும் பல அரசியல் இலக்குகளை ஒட்டி இது இருக்கும்.

நடுத்தரம் - உயர்வு சூழல்2100ல் உத்தேச வெப்பநிலை

ஜனவரி: 1900ல் இருந்து {{temp}} செல்சியஸ் {{diff}}

ஜூலை: 1900ல் இருந்து {{temp}} செல்சியஸ் {{diff}}

இது எப்படி நடக்கும்?

இது நடுத்தரம் - குறைவு சூழலில் சில அம்சங்களில் ஒரே மாதிரி இருக்கும். ஆனால் 2080 வரையில் பசுமைக்குடில் வாயுக்கள் குறையத் தொடங்காது.

மிகவும் மோசமான சூழல்2100ல் உத்தேச வெப்பநிலை

ஜனவரி: 1900ல் இருந்து {{temp}} செல்சியஸ் {{diff}}

ஜூலை: 1900ல் இருந்து {{temp}} செல்சியஸ் {{diff}}

இது எப்படி நடக்கும்?

21 ஆம் நூற்றாண்டு முழுக்க பசுமைக்குடில் வாயுக்கள் வெளியாவது தொடர்ந்து கட்டுப்படுத்தப் படாமல் இருக்கும் மோசமான சூழல் இது. உலகளவில் இதனால் வெப்ப நிலை உயர்வு 2100க்குள் 3 முதல் 5 டிகிரி செல்சியஸ் வரை இருக்கும்.

உலகம் முழுக்க நாடுகள் எடுக்கும் நடவடிக்கைகளைப் பொருத்து 2100 ல் இவற்றில் எந்த சூழல் அநேகமாக சாத்தியமாகும்

இது எங்கே அழைத்துச் செல்லும்?

நியூயார்க் அமைவிடத்தைக் காட்டும் உலக படம்
நியூயார்க்அமெரிக்கா

எட்டு மில்லியனுக்கும் அதிகமான மக்கள் தொகை உள்ள நியூயார்க் நகரம், உலகில் மிகப் பெரிய நகரங்களில் ஒன்று. ஆனால் கடலோர வெள்ளம் மற்றும் 2012 அக்டோபர் முதல் நவம்பர் வரை சாண்டி சூறாவளியைத் தொடர்ந்து வந்தது போன்ற புயல் சீற்றத்துக்கு ஆளாகும் ஆபத்து உள்ளது. அப்போது மன்ஹட்டன் செல்லும் சுரங்க ரயில் பாதைகள், சாலையோர சுரங்கப் பாதைகளில் வெள்ளம் புகுந்ததால் போக்குவரத்து தடை ஏற்பட்டு, 50க்கும் மேற்பட்டோர் உயிரிழந்தனர்.

பருவநிலை மாற்றம் அதிக தண்ணீரை வாரிக் கொட்டும் கடுமையான சூறாவளிகளைக் கொண்டு வரும் என எதிர்பார்க்கப் படுகிறது. கடல் மட்ட உயர்வையும் ஏற்படுத்தும். நியூயார்க் நகரின் கடலோர அமைவிடம், ஏறத்தாழ 1500 கி.மீ. கரையோரப் பகுதிகளை கொண்டிருப்பதால் பருவநிலை மாற்றம் தொடர்பான பாதிப்புகளுக்கு அதிக அளவில் ஆட்படும் ஆபத்து உள்ளது. சுமார் ஒரு மில்லியன் பேர் இருக்கும் - நகரில் கால்வாசி பகுதிகள், இந்த நூற்றாண்டின் மத்தியில் வெள்ள மண்டலத்தில் இருக்கும் என்று அமெரிக்க எமர்ஜென்சி ஏஜென்சி மதிப்பிட்டுள்ளது.

ஆர்டிக் பகுதியைக் காட்டும் உலகப் படம்
ஆர்க்டிக்

பருவநிலை மாற்றத்தால் அதிகம் பாதிக்கப்படும் பகுதியாக ஆர்டிக் பகுதி உள்ளது. உலகின் மற்ற பகுதிகளைவிட இந்தப் பகுதி இரண்டு மடங்கு வேகமாக சூடாகிறது. அதனால் உலக வெப்பமாதல் பாதிப்புகளுக்கு நிலக்கரி சுரங்கத்தில் கேனரி பறவை போல அது பார்க்கப் படுகிறது.

உலகின் மற்ற பிராந்தியங்களைப் போல, ஆர்க்டிக் பகுதியில் காற்று மற்றும் நீரின் வெப்பம் உயர்கிறது. ஆனால் ஆர்க்டிக் பெருங்கடல் கோடையில் உருகும் ஐஸ் நீராலும், குளிர்காலத்தில் உறையும் பனிக்கட்டியாலும் அமைந்துள்ளது. சமீபத்திய தசாப்தங்களில், ஐஸ் உருகும் வேகம், குளிர்காலத்தில் உறையும் வேகத்தைவிட அதிகமாக உள்ளது. அதனால் பனிக் குறைவு ஏற்படுகிறது. உலகின் மற்ற பகுதிகளுடன் ஒப்பிடும்போது, இந்தக் காரணத்தால் ஆர்க்டிக் பகுதியில் பெருமளவு வெப்ப மாறுபாடு ஏற்படுகிறது.

ஜகார்த்தா அமைவிடத்தைக் காட்டும் உலகப் படம்
ஜகார்த்தாஇந்தோனீசியா

10 மில்லியன் மக்கள் வாழும் இந்தோனீசிய தலைநகரம், fastest sinking cities in the world ஒன்றாக உள்ளது. நகரின் வடக்கில் சில பகுதிகள் ஆண்டுக்கு 25 செ.மீ. அளவுக்கு மூழ்கிக் கொண்டுள்ளன. நிலத்தடி நீரை அளவுக்கு அதிகமாக உறிஞ்சி எடுப்பதால், நிலத்தின் அடித்தட்டில் ஏற்படும் காலி இடம் காரணமாகவும், பருவநிலை மாற்றத்தாலும் கடல் நீர் மட்டம் உயர்வதாலும் இது நடக்கிறது. நகரைக் காப்பாற்ற 40 பில்லியன் டாலர் செலவில் 32 கி.மீ.க்கு கடல் சுவரும், 17 செயற்கைத் தீவுகளும் உருவாக்கப்படுகின்றன.

ஆனால், இது இடைக்கால ஏற்பாடு மட்டுமே என்று நிபுணர்கள் கூறுகின்றனர். 2050க்குள் நிலத்தடி நீரை உறிஞ்சுவதை நிறுத்த வேண்டும் என்று அவர்கள் கூறுகின்றனர். நீர்த்தேக்கங்களில் இருந்து குழாய் மூலம் கொண்டு வரும் நீரை நகரம் சார்ந்திருக்க வேண்டியிருக்கும். ஆனால், மற்ற கடலோரப் பகுதிகளில் உள்ளதைப் போல இங்கும் கடல் மட்டம் உயர்வது பெரிய சவாலாக நீடிக்கும். நீர் விரிவடைதல் - கூடுதல் வெப்பத்தால் நீர் விரிவடைதல் - மற்றும் துருவப் பகுதியில் பனி உருகுவதால் இது நிகழ்கிறது.

ஆய்வு நெறிமுறை

உங்கள் தகவலில் என் நகரம் ஏன் இடம் பெறவில்லை?

அதிகபட்ச மக்கள் தொகை கொண்ட 1,000 நகரங்களின் பட்டியலுடன் தொடங்கி, நாங்கள் அனைத்து நாடுகளையும் இதில் சேர்த்தோம். ஒரு நாட்டுக்கு 40 நகரங்களுக்கு மிகாமல் சேர்த்தோம். விடுபட்ட தலைநகரங்கள் இருந்தால் அதையும், பிரிட்டனில் கூடுதல் நகரங்களையும் சேர்த்தோம். பிரிட்டனில் அதிகபட்ச மக்கள் தொகை கொண்ட 40 நகரங்களை சேர்த்துக் கொண்டோம்.

உலகப் படம் எதைக் காட்டுகிறது?

பொதுவாகப் பயன்படுத்தப்படும் அடிப்படை கணக்கீடான, 1880- 1900 இடையில் ஜூலை மாத வெப்ப நிலை எத்தனை டிகிரி செல்சியஸ் உயர்ந்திருக்கிறது என்பதை உலகப் படம் காட்டுகிறது. இப்போது 2009 - 2018 என 10 ஆண்டு சராசரி, சமீபத்திய எச்சரிக்கையை மிகத் துல்லியமாகக் காட்டுகிறது. ஒரு டிகிரி தீர்க்கரேகை, ஒரு டிகிரி அட்சரேகை அளவுக்கு காட்டும் பகுதிகள் சுமாராக 100 X 100 கி.மீ. பரப்பைக் குறிக்கின்றன.

புவிக் கோளத்தில் சைபீரியாவில் குளுமையான பகுதி எப்படி இருக்கிறது?

உலக உருண்டை ஜூலை மாதத்துக்கான சராசரி வெப்பநிலை மாறுபாட்டைக் காட்டுகிறது. ஆண்டு சராசரி வெப்பநிலை மாற்றத்தை ஒப்பிட்டிருந்தால் இது மாறுபட்டிருக்கலாம் என்பது இதன் அர்த்தம். மேலும், மிக சமீபத்திய 10 ஆண்டுகளின் ஜூலை மாத வெப்ப நிலையை மட்டும் நாம் பார்ப்பதால், இயற்கையான மாறுபாடுகள் அதில் இருக்கலாம். உதாரணமாக, நாம் பயன்படுத்தும் 1880 - 1900 அடிப்படை கணக்கீட்டு காலத்துடன் ஒப்பிடும்போது சிறிது கோடைக்கால குளிர்ச்சி சைபீரியாவில் சமீபத்தில் காணப்பட்டது. அதே காலக்கட்டத்தில் அனைத்துப் பகுதிகளிலும், ஆண்டு வெப்பநிலைகள் உயர்ந்துள்ளன. ஆர்டிக் பகுதியில் உள்ளதை நெருங்கும் அளவுக்கு அதிக வெப்பமாதல் இருந்தது.

எனது நகரின் வெப்பநிலை எந்த அளவில் இருக்கிறது?

ஒவ்வொரு நகரின் வெப்பநிலை புள்ளிவிவரமும் குறிப்பிட்ட வானிலை மைய தகவலின் அடிப்படையில் எடுக்கப்படவில்லை. ஆனால், மேலே குறிப்பிட்டுள்ளவாறு 100 X 100 கி.மீ. பரப்புள்ள பகுதியின் சராசரி வெப்ப நிலையாக எடுக்கப் பட்டுள்ளது. அதாவது பூமியில் வெவ்வேறு பகுதிகளில் சதுர பரப்புக்கு உரிய தகவல்கள் சேகரிக்கப் பட்டுள்ளன. குறிப்பிட்ட நகருக்கான தகவலைப் பெறுவதற்கு, அந்த நகரின் மையப் பகுதியை நாங்கள் எடுத்துக் கொண்டோம். அந்த இடம் எந்த சதுர பரப்புக்கு உள்பட்டு வருகிறது என்று பார்த்து, அந்த பரப்புக்கு அன்றைய தினத்துக்கு உரிய தகவலை எடுத்துக் கொண்டோம். எனவே அருகில் உள்ள இரு நகரங்கள், ஒரே சதுரபரப்பில் இருந்தால், அவற்றுக்கு ஒரே மாதிரி வெப்பநிலை தகவல் இருக்கும்.

எனது நகரின் வெப்பநிலை தகவல் எங்கிருந்து வருகிறது?

கடந்த கால வெப்பநிலைகளுக்கு, Berkeley Earth ல் இருந்து தகவல்களை பயன்படுத்தியுள்ளோம். வானிலை மையங்கள் அளவிலான உலக அளவில் தரைபரப்பு வெப்பநிலை தகவல் தொகுப்பாக அது உள்ளது. இது 30,000 தரைப்பரப்பு கண்காணிப்பு நிலையங்களின் தகவல்களின் அடிப்படையில் உள்ளது. இது ஒருங்கிணைக்கப்பட்டு அல்லது நகர்ப்புற வெப்ப மாறுதல்கள் மற்றும் இதர இடையூறு வாய்ப்புகளுக்கு ஏற்ப சீர் செய்யப்பட்டுள்ளது.

வெப்பநிலை மாறுபாடுகள் வெப்ப நிலைகளைக் காட்டுவதில்லை. மாறாக அடிப்படை கணக்கீட்டில் (சராசரி தட்பவெப்பநிலை) இருந்து ஏற்பட்டுள்ள மாறுபாட்டைக் காட்டும். இதை உண்மையான வெப்ப நிலையாக மாற்றுவதற்கு, 1981 முதல் 2010 வரையிலான மதிப்புகளுடன் அவற்றை மாற்றி ஆய்வு செய்தோம். அந்த காலக்கட்டத்தில் ஒவ்வொரு மாதத்துக்கும் கவனிக்கப்பட்ட வெப்பநிலை தகவல்களில் உள்ள மாறுபாட்டை அதில் சேர்த்துக் கொண்டோம். துல்லியத்தன்மையை மேம்படுத்திக் கொள்வதற்கு, உலகளாவிய வளிமண்டல மறுபகுப்பு தகவல் தொகுப்பில் இருந்து ERA-Interim மாதாந்திர சராசரி எடுக்கப்பட்டது.

எதிர்கால வெப்ப நிலையை கணிப்பதற்கு, மாந்திர உத்தேச கணிப்பு வெப்ப நிலை தகவல்களை நாங்கள் பயன்படுத்தினோம். குறிப்பாக CMIP5 பன்முக-மாடல் முறையை பயன்படுத்தி, நான்கு வெவ்வேறு RCP வழித்தடங்களில் ஒவ்வொன்றுக்கும் 2100 வரையில் ஒவ்வொரு மாதத்துக்கும் எப்படி இருக்கும் என்ற தகவலைப் பெற்றோம். நமது கோள் எந்த வழித்தடத்தில் செல்கிறது என்பது வெளியிடப்படும் பசுமைக்குடில் பாதிப்பு வாயுக்களின் அளவைப் பொருத்து அமையும்.

நாங்கள் 1900 ஆம் ஆண்டு முதல் இப்போது வரையில் ஜனவரி மற்றும் ஜூலை மாதத்துக்கு 10 ஆண்டு கால தொடர் சராசரியை நாங்கள் கணக்கிட்டுள்ளோம். இந்த நூற்றாண்டின் இறுதி வரை, 2100 வரையில் வெப்பநிலை எப்படி இருக்கும் என்று கணித்துள்ளோம்.

ஜனவரி மற்றும் ஜூலை வெப்ப நிலையில் ஒவ்வொரு எதிர்கால உத்தேச மதிப்பீட்டிலும் உள்ள மாறுதல், 1880 - 1900 வரையிலான அடிப்படை கணக்கீட்டு அளவுடன் ஒப்பீடு செய்து கணிக்கப்பட்டது.

ஜூலை மாதம் என்பது, பல அமைவிடங்களுக்கு, வடக்கு கோளத்தில் கோடையின் உச்ச காலமாக இருக்கும். தெற்கு கோளத்தில் குளிர்பருவத்தின் உச்சமாக அது இருக்கும். ஜனவரியில் அது அப்படியே மாறுபட்டிருக்கும்.

இந்த வெப்ப நிலைகள் எந்த அளவுக்கு உறுதியானவையாக இருக்கும்?

இன்றைய மற்றும் எதிர்காலத்துக்கு கணிக்கப்பட்ட வெப்ப நிலைகள் நிச்சயமற்ற தன்மைக்கு உட்பட்டவைதான்.

முழுமையற்ற கண்காணிப்பு தகவல் என்பது, சில அமைவிடங்களுக்கு அருகில் உள்ள நிலையங்களின் கணக்கீட்டில் இருந்து தகவல் பெறப் பட்டுள்ளது என அர்த்தமாகும்.

வளிமண்டலத்தில் அதிகமாகியுள்ள கரியமில வாயு அடுக்கு பூமியின் எதிர்வினைசெயல்பாடு என வரும்போது, எதிர்கால கணிப்புகள் குறிப்பிடத்தக்க அளவுக்கு நிச்சயமற்ற தன்மை கொண்டதாக இருக்கும்.

நாங்கள் சராசரி மதிப்புகளை பிரதிபலித்திருக்கிறோம். ஐ.பி.சி.சி. பயன்படுத்தும் மாடல்கள் தொழில்மயமாக்கல் காலத்துடன் ஒப்பிடும்போது, கரியமில வாயு இரட்டிப்பாக உயர்கையில் பருவநிலை எதிர்வினையாக 2.1 டிகிரி செல்சியஸ் முதல் 4.7 டிகிரி செல்சியஸ் வரை உயரும் என்றும் சராசரியாக 3.1 டிகிரி செல்சியஸ் உயரும் என்றும் கணிக்கப்படுகிறது.

எதிர்காலத்துக்கான தனிப்பட்ட மாடல்களிலும் ஆண்டுக்கு ஆண்டு மாறுபாடுகள் தெரிகின்றன. நாங்கள் பயன்படுத்தும் பன்முக-மாடல் சராசரிக்கு எதிராக குறுகிய கால மாறுதல்கள் இருக்கின்றன.

2018க்கான வெப்பநிலை ஏன் வானிலை மைய தகவலுடன் ஒத்துப்போகவில்லை?

சராசரி வெப்பநிலைகள், உதாரணமாக பிரிட்டன் வானிலை மையம் போன்ற மையங்களில் பதிவான வெப்பநிலைகளுடன் ஒத்துப் போகாது. ஏனென்றால் மேலே குறிப்பிட்டவாறு இந்த வெப்பநிலைகள் பெரிய சதுர பரப்புக்குரிய அளவாக இல்லாமல், குறிப்பிட்ட வானிலை மையத்தில் எடுக்கப்பட்டவை. குறிப்பிட்ட மையம் கடல்மட்டத்தில் இருந்து எவ்வளவு உயரத்தில் உள்ளது, என்ன பயிர்கள் அங்கு உள்ளன அல்லது அந்த அமைவிடம் நகப்புறமா அல்லது கிராமப் புறமா என்பதெல்லாம், பரப்பின் சராசரி வெப்ப நிலையில் இருந்து இந்த மையத்தில் பதிவாகும் வெப்ப நிலையில் மாறுபாட்டைக் காட்டலாம்.

மேலும், தற்போது தெரிவிக்கப்படும் வெப்பநிலைகள், குறிப்பிட்ட நாள் என்பதைப் போன்ற குறிப்பிட்ட கால இடைவெளியில் பதிவு செய்யப்பட்டதாக அல்லது அன்றைய தினத்தின் அதிகபட்ச வெப்பநிலையாக இருக்கும். ஆனால், நமது கலந்தாடலில் பயன்படுத்தப்படும் தகவல்கள் மாதம் முழுவதற்குமான சராசரி வெப்பநிலையாக இருக்கிறது.

என் நகரின் சராசரி வெப்பநிலை ஏன் குறைவாகத் தெரிகிறது?

முதலில், இந்த வெப்பநிலைகள் பகல் மற்றும் இரவு நேர மதிப்புகளின் சராசரியாக உள்ளது. எனவே இயல்பாகவே இரவில் வெப்பநிலை குறைவாக இருக்கும். இரண்டாவதாக, அது மாதம் முழுவதற்குமான சராசரி மதிப்பு - அசாதாரணமாக வெப்பம் மற்றும் குளிர்ச்சியான நாட்கள் இருந்தால் அவை சராசரியாக கணக்கிடப் பட்டிருக்கும்.

தயாரிப்பு

வடிவமைப்பு : பிரினா ஷா மற்றும் இரெனே டே லா டோர்ரே ஏரெனாஸ். உருவாக்கம் : அலெக்சாண்டர் இவனோவ் மற்றும் பெக்கி ரஷ். எழுத்து மற்றும் தயாரிப்பு: நாஸ்ஸோஸ் ஸ்டைலியானவ், கிளாரா குவிபோர்க், பால் ரின்கன். ஆய்வு நெறிமுறை மற்றும் பகுப்பாய்வு உதவி ஜெக்கெ ஹாஸ்பாதர் Carbon Brief, கர்ஸ்டென் ஹோவ்டெயின் மற்றும் பிரியடெரிக் ஓட்டோ, ஆக்ஸ்போர்டு பல்கலைக்கழக சுற்றுச்சூழல் மாறுபாடு இன்ஸ்டிடியூட்

பருவநிலை மாற்றம் பற்றி கூடுதலாக