டெல்லி கலவரம் மற்றும் பீமா கோரேகாவ் வன்முறை

நாடாளுமன்றத்தில் அமித் ஷாவின் அறிக்கை மற்றும் யுஏஎச் பற்றிய குறிப்பு

அமர்வு நீதிமன்றத்தில் குற்றப்பத்திரிகை தொடர்பாக டெல்லி காவல்துறை சமர்ப்பித்த விண்ணப்பத்தின் முதல் வரி கூறுகிறது - "டெல்லி கலவரத்தின் பின்னணியில் உள்ள பெரிய சதித்திட்டத்தை விசாரிப்பதே தற்போதைய வழக்கு." ஜே.என்.யூ மாணவர் உமர் காலித் பிப்ரவரி 23 முதல் 25 வரை நடந்த டெல்லி கலவரத்தில் சதி செய்தார். இதில் அவருடன் தொடர்புடைய பல குழுக்களும் சம்மந்தப்பட்டுளன. "

இது நன்கு அறியப்பட்ட மற்றும் சிறந்த தயாரிப்புடன் வடிவமைக்கப்பட்ட சதி. உமர் காலித் ஆத்திரமூட்டும் உரையை நிகழ்த்தியதோடு, பிப்ரவரி 24-25 தேதிகளில் அமெரிக்க அதிபர் டொனால்ட் டிரம்ப் இந்தியாவிற்கு வருகை தந்தபோது ,மக்கள் தெருக்களிலும் பொது இடங்களிலும் கூடுமாறு கேட்டுக் கொண்டார். இந்தியாவில் சிறுபான்மையினர் துன்புறுத்தப்படுகிறார்கள் என்ற பிரச்சாரத்தை சர்வதேச அளவில் பரப்புவதே இதன் நோக்கமாக இருந்தது.

இந்த நோக்கத்தை நிறைவேற்ற துப்பாக்கிகள், பெட்ரோல் குண்டுகள், அமில பாட்டில்கள் ஏற்பாடு செய்யப்பட்டன

இங்குள்ள சிறப்பு என்னவென்றால், டெல்லி காவல்துறை உமர் காலித்தை 'சதித்திட்டத்தின் தலைவர்' என்று கூறி வருகிறது, ஆனால் காவல்துறையினர் அவரை இதுவரை கைது செய்யவில்லை

சதித்திட்டத்தின் கீழ், டெல்லியில் 21 இடங்களில் ஷாஹீன் பாக் வரிசையில், சிஏஏ எதிர்ப்பு ஆர்ப்பாட்டங்கள் தொடங்கப்பட்டதாகவும் விசாரணையில் கூறப்பட்டுள்ளது.

விசாரணையின் போது, ​​கலவரம் பற்றிய உடனடி தகவல்களை வழங்கிய பல வாட்ஸ்அப் குழுக்கள் கண்டுபிடிக்கப்பட்டுள்ளதாகவும், குற்றம் சாட்டப்பட்டவர்கள் அனைவரும் இந்த குழுக்களுடன் தொடர்புபட்டவர்கள் என்றும் சிறப்புப்பிரிவு கூறுகிறது.

எல்லாவற்றிற்கும் மேலாக, கான்ஸ்டபிள் ரத்தன்லாலைக் கொன்றது யார்?

சிசிடிவி வீடியோ காட்சிகளின் அடிப்படையில் போலீசாரால் 17 பேர் கைது செய்யப்பட்டுள்ளனர். அவர்கள் கையில் கட்டைகள், தண்டுகள் மற்றும் கற்கள் இருந்ததாக போலீசார் தெரிவித்தனர்.

ஆனால் இங்குள்ள சிறப்பு என்னவென்றால், தலைமை கான்ஸ்டபிள் ரத்தன்லாலின் பிரேத பரிசோதனை அறிக்கையின்படி, அவரது உடலில் 21 காயங்கள் இருந்தன. அதிகப்படியான இரத்தப்போக்கு காரணமாக அவர் இறந்தார் மற்றும் அவரது நுரையீரலில் ஒரு 'துப்பாக்கியால் சுடப்பட்ட காயமும் இருந்தது.

ஆனால் காவல்துறையினரின் சி.சி.டி.வி காட்சிகளின் விவரங்களின்படி, அவர்கள் யாரும் கையில் துப்பாக்கி-ரிவால்வர்கள் போன்றவற்றை வைத்திருக்கவில்லை மேலும், இந்த 17 பேரில் கான்ஸ்டபிள் ரத்தன்லாலை கொன்றது யார் என்று முழு குற்றப்பத்திரிகையிலும் காவல்துறை தெளிவாகக் குறிப்பிடவில்லை?

அங்கித் ஷர்மாவின் கொலை, தாஹிர் உசேன் மற்றும் போலீசாரின் 'சான்றுகள்'

தஹிர் உசேன் மீது டெல்லி கலவரம் தொடர்பாக மொத்தம் 11 வழக்குகள் உள்ளன. எஃப்.ஐ.ஆர் 65 - அங்கித் சர்மா கொலை, எஃப்.ஐ.ஆர் 101 - சந்த் பாக் வன்முறையில் முக்கிய பங்கு, எஃப்.ஐ.ஆர் 59 - டெல்லி கலவரங்களுக்குப் பின்னால் ஆழ்ந்த சூழ்ச்சி. இந்த மூன்று மிக முக்கியமானவை. எஃப்.ஐ.ஆர் 101 மற்றும் 65, இரண்டும் மிகவும் ஒத்ததாக உள்ளன.

அங்கித் ஷர்மாவின் தந்தை ரவீந்தர் குமாரின் எஃப்.ஐ.ஆர் படி, பிப்ரவரி 25 அன்று மாலை 5 மணியளவில், அங்கித் வீட்டிற்கான பொருட்களை வாங்க வெளியே சென்றார், ஆனால் அவர் நீண்ட நேரம் வராதபோது, ​​அவரது வீட்டார் அவரைத் தேடத் தொடங்கினர். அவர் அருகில் வசிக்கும் கலுவுடன் வெளியே சென்றிருப்பது தெரியவந்தது. அங்கித்தின் குடும்பத்தினர் கலுவிடம் கேட்டபோது, ​​சந்த் பாக் மசூதியில் இருந்து ஒரு சிறுவனைக் கொன்ற பிறகு, உடல் வடிகாலில் வீசப்பட்டது கண்டுபிடிக்கப்பட்டது. ரவீந்தர் குமார் தயால்பூர் காவல் நிலையத்திற்கு தகவல் தெரிவித்தபோது, ​​முக்குளிப்போர் உதவியுடன் அங்கித்தின் உடல் வெளியே எடுக்கப்பட்டது, உள்ளாடை கொண்டுமட்டுமே அவரை அடையாளம் காண முடிந்தது.

பத்தி 38 இல், சில நேரில் கண்ட சாட்சிகளை விசாரித்ததன் அடிப்படையில், "பிப்ரவரி 25 அன்று, இந்துக்களின் ஒரு கும்பல் தாஹிர் உசேனின் வீடு E-7, கஜூரி காஸிலிருந்து சிறிது தொலைவில் நின்றது. வீட்டின் அருகே 20-25 கலவரக்காரர்கள் இருந்தனர், அவர்கள் கைகளில் கம்பங்கள், கத்திகள் மற்றும் ஆயுதங்களை எடுத்துக் கொண்டனர். இரு தரப்பிலிருந்தும் மக்களை சமாதானப்படுத்தும் நோக்கத்துடன் அங்கித் கூட்டத்திலிருந்து வெளியே வந்தார், ஆனால் தாஹிர் உசேனின் ஆத்திரமூட்டலில், கூட்டம் அங்கித்தை பிடித்து, சந்த் பாக் புலியாவுக்கு முன்னால், 'பன்னி பேக்கர் கேக்' கடை இ -17, நாலா சாலை, கஜூரி காஸுக்கு கொண்டுசென்றது. கூர்மையான ஆயுதத்தால் தாக்கப்பட்டு அவர் கொல்லப்பட்டார் மற்றும் சடலம் வடிகாலில் வீசப்பட்டது." என்று போலீஸ் தெரிவித்தது.

ஏழு சாட்சிகளின் அடிப்படையில், இந்த சம்பவம் குறித்த விவரங்களை காவல்துறை முன்வைத்துள்ளது. அங்கித் வீட்டின் அருகே வசிக்கும் காலு என்ற நபரின் வாக்குமூலமும் உள்ளது, மேலும் சம்பவத்தின் போது அங்கித் உடன் அவர் இருந்தார்.

இருப்பினும், கொலை செய்த பின்னர் சந்த் பாக் மசூதியில் இருந்து யாரோ தூக்கி எறியப்பட்டதாக கும்பல் தன்னிடம் தெரிவித்ததாக, அங்கித்தின் தந்தை ரவீந்தர் குமார், போலீசில் புகார் அளித்திருந்தார். ஆனால் மசூதியில் அங்கித் கொல்லப்பட்டார் என்ற அவரின் கூற்று விசாரிக்கப்பட்டதா என்று போலீஸ் விசாரணையில் கூறப்படவில்லை. ஆம் என்றால், காவல்துறைக்கு அங்கு என்னகிடைத்தது? வழக்கமாக காவல்துறை முதலில் புகார்தாரரின் கூற்றுக்களை விசாரிக்கும்.

இந்த பகுதியின் சி.சி.டி.வி.கள் வேலை செய்யவில்லை அல்லது வன்முறையின் போது அவை உடைக்கப்பட்டன என்றும் காவல்துறை தனது விசாரணையில் கூறியுள்ளது.

மார்ச் 12 ஆம் தேதி நடந்த இந்த வழக்கில், சிறப்புப் பிரிவு , ஹசின் என்ற 20 வயது இளைஞரை கைது செய்தது. போலிஸ் அதன் விசாரணையில், தொலைபேசி உரையாடலின் போது, ​​ஒருவரை கொன்ற பின்னர் வடிகாலில் வீசியதாக அவர் ஒப்புக்கொண்டதை, போலீஸ் தனது விசாரணையில் கண்டறிந்தது. அறிக்கையின் 48-ஆவது பத்தியின்படி, அவர்தான் தனியாக கொலை செய்ததாக விசாரணையில் ஒப்புக்கொண்டுள்ளார்.

ஆனால் இந்த வழக்கில், கோச்சர் என்ற நேரில் கண்ட சாட்சி காவல்துறையினருக்கு அளித்த வாக்குமூலத்தில், அங்கித் சர்மா கொலை செய்யப்பட்ட நேரத்தில், அந்தப் பகுதி கவுன்சிலர் தாஹிர் உசேன் அங்கு இருந்ததாகவும், மக்களை கொலைக்கு தூண்டியதாகவும், இதன் விளைவாக ஸ்வரூப் ஹசீனுடன் சேர்ந்து, அன்ஸ், ஜாவேத் . ஷோயிப் ஆலம், குல்ஃபாம் மற்றும் ஃபிரோஸ் ஆகியோர், அங்கித் ஷர்மாவைக் கொன்றனர் என்று கூறியுள்ளார்.

தாஹிர் உசேனுக்கு, கலவரம் மற்றும் அங்கித் சர்மா கொல்லப்பட்டதில் உள்ள தொடர்பு குறித்து காவல்துறை முக்கியமாக இரண்டு விஷயங்களைச் சொல்கிறது.

1) கல்-செங்கல் துண்டுகள், உடைந்த பாட்டில்கள், பாட்டில்களில் அமிலம் மற்றும் பெட்ரோல் குண்டுகள் தாஹிர் உசேன் வீட்டில் இ-7, கஜூரி காஸ், பிரதான கரவால் நகரில், தடயவியல் குழுவால் கண்டுபிடிக்கப்பட்டது. கலகக்காரர்கள் தாஹிர் உசேன் வீட்டின் கூரையில் இருந்து ஆசிட் பாட்டில்கள், பெட்ரோல் குண்டுகள் மற்றும் கற்களை வீசினர். இந்த வீட்டின் முதல் தளத்தில் அவருக்கு ஒரு அலுவலகம் இருந்தது. இந்த வீட்டின் கூரை ஒரு ஏவுதளமாக பயன்படுத்தப்பட்டது, மேலும் தாஹிர் உசேன் வீட்டிற்கு எந்த சேதமும் ஏற்படவில்லை.

2) தாஹிர் உசேன் தனது உரிமம் பெற்ற துப்பாக்கியை ஜனவரி 7 ஆம் தேதி கஜூரி காஸ் காவல் நிலையத்தில் டெபாசிட் செய்திருந்தார், பிப்ரவரி 22 அன்று அதாவது வன்முறை தொடங்குவதற்கு முந்தைய நாள், அவர் கஜூரி காஸ் காவல் நிலையத்திலிருந்து தனது துப்பாக்கியை பெற்றுக்கொண்டார்.. அவர் ஏன் துப்பாக்கியை வெளியே எடுத்தார் என்பதற்கு தாஹிர், திருப்திகரமான பதில் அளிக்கவில்லை.இந்த கைத்துப்பாக்கியின் 100 தோட்டாக்களில், 22 பயன்படுத்தப்பட்டன, 14 எங்கே என்று தெரியவில்லை.

இதே விசாரணையில், 54 வது பத்தியில், தாஹிர் உசேனின் அழைப்பு தரவுகளின் அடிப்படையில் காவல்துறை இவ்வாறு தெரிவிக்கிறது. ”{அவர்,பிப்ரவரி 24 முதல் பிப்ரவரி 25 வரை டெல்லி காவல்துறையின் பி.சி.ஆர் வேனை பல முறை அழைத்ததாக கூறுகிறார். பிப்ரவரி 24 அன்று பி.சி.ஆர் பிற்பகல் 2.50 மணி முதல் மாலை 6 மணி வரை 6 முறை அழைக்கப்பட்டது, பிப்ரவரி 25 அன்று பி.சி.ஆர் தாஹிர் உசேன் எண்ணிலிருந்து 3.50 முதல் 4.35 வரை 6 முறை அழைக்கப்பட்டது.”

பிப்ரவரி 24 அன்று செய்த ஆறு அழைப்புகளில், நான்கு அழைப்புகள் மட்டுமே பி.சி.ஆருக்கு கிடைத்தன. அதில் மூன்று அழைப்புகள் தயால்பூர் காவல் நிலையத்துடன் இணைக்கப்பட்டன.

சம்பவம் நடந்த இடத்தில் பெரும் கூட்டம் இருந்ததாகவும், காவல்துறையினர் எண்ணிக்கையில் குறைவாக இருந்ததால், தாஹிர் உசேனின் அவசர அழைப்பை தொடர்ந்து உடனே அங்கு செல்லமுடியவில்லை என்றும் அவசரகால அதிகாரி கூறுகிறார். காவல்துறையினர் இரவில் தாமதமாக தாஹிர் உசேன் வீட்டை அடைந்தபோது, ​​அருகிலுள்ள கடைகளில் தீ பிடித்து இருப்பதையும், தாஹிர் உசேனின் வீடு சேதம் இல்லாமல் இருப்பதையும் அவர் கண்டார். தாஹிர் உசேன் அவரது வீட்டின் முன் நின்றுகொண்டிருந்தார். போலிசார் மேலும் கூறுகையில், "இதைப் பார்த்தால், தாஹிர் உசேன் கலகக்காரர்களுடன் இருந்ததாகத் தெரிகிறது, அவர் சட்டத்திலிருந்து தப்பிக்க வேண்டுமென்றே பி.சி.ஆரை அழைத்தார்".

கூட்டம் காரணமாக, ஒரு அவசர அழைப்பு வந்த பிறகும் காவல்துறையினர் அந்த இடத்தை அடைய முடியாமல் போனது ரு விசித்திரமான காரணம் என்று தெரிகிறது. மேலும், பிசிஆர் அழைப்பு ஒரு உள்நோக்கத்துடன் செய்யப்பட்டது என்பது காவல்துறையின் கருத்தாகத் தெரிகிறது, ஏனெனில் அதை நிரூபிக்க, காவல்துறை எந்தவொரு வலுவான ஆதாரத்தையும் அளிக்கவில்லை.

இரண்டாவதாக, கலவரத்திற்கு ஒரு நாள் முன்பு கைத்துப்பாக்கியை பெறுதல். உண்மையில் தேர்தலின் போது, ​​ விதிகள் படி உரிமம் பெற்ற துப்பாக்கிகள் டெபாசிட் செய்யப்படுகின்றன, தேர்தல் முடிவுகளுக்குப் பிறகு காவல் நிலையத்திலிருந்து அதை திரும்ப பெறுவது,பொதுவான செயல்.டெல்லியில் சட்டமன்றத் தேர்தல்கள் பிப்ரவரி 8 முதல் 11 வரை நடைபெற்றது.

உடலில் 51 காயங்கள் இருந்தன, அவை கத்தி, கம்பம் அல்லது கூர்மையான ஆயுதத்தால் ஏற்பட்டது என்று அங்கித் ஷர்மாவின் பிரேத பரிசோதனை அறிக்கையில் குறிப்பிடப்பட்டுள்ளது. அங்கித்தின் உடலில் குண்டு காயங்கள் எதுவும் காணப்படவில்லை.
எஃப்.ஐ.ஆர் 65 என்பது அங்கித் ஷர்மாவின் கொலை பற்றியது மற்றும் அவரது பிரேத பரிசோதனை அறிக்கை அவர் மீது தோட்டாக்கள் பயன்படுத்தப்படவில்லை என்பதைக் காட்டுகிறது.

இந்த கூற்றில் புதிதாக எதுவும் இல்லை. டெல்லி போலீஸ்,ஜூன் மாதத்தில், எஃப்.ஐ.ஆர் 101 இன் பத்தி 36 ல், கலவரத்தில் தாஹிர் உசேன் தனது பங்கை ஒப்புக்கொண்டார் என்று தெளிவாக எழுதியுள்ளது.

இருப்பினும், இந்த வாக்குமூலம் சிஆர்பிசி 161 இன் கீழ் கொடுக்கப்பட்டுள்ளது, அதாவது இந்த வாக்குமூலம் ஒரு மாஜிஸ்திரேட் முன்னிலையில் செய்யப்படவில்லை, எனவே தாஹிர் உசேனின் இந்த வாக்குமூலம் சட்டப்பூர்வமாக செல்லுபடியாகாது.
ஆகஸ்ட் 2 ம் தேதி, டெல்லி காவல்துறையின் விசாரணை அறிக்கையின் அடிப்படையில் சில ஊடக அறிக்கைகள் வெளிவந்தன, 'தாஹிர் உசேன் அரசாங்க வாக்குமூலத்தில்,தனது சகாக்களில் ஒருவரான காலித் சைஃபி மற்றும் பி.எஃப்.ஐ ம், வன்முறையைச் செய்ய தனக்கு உதவியதாக ஒப்புக் கொண்டார். என்று அவை தெரிவித்தன.

இந்த கூற்றில் புதிதாக எதுவும் இல்லை. டெல்லி போலீஸ்,ஜூன் மாதத்தில், எஃப்.ஐ.ஆர் 101 இன் பத்தி 36 ல், கலவரத்தில் தாஹிர் உசேன் தனது பங்கை ஒப்புக்கொண்டார் என்று தெளிவாக எழுதியுள்ளது.

ஆனால் ஜனவரி 8 ம் தேதி நடந்த கலவரங்களுக்காக உமர் காலித், தாஹிர் உசேன் மற்றும் காலித் சைஃபி இடையேயான சந்திப்பு நடந்த தேதியை போலீசார் மாற்றியுள்ளனர்.
இப்போது காவல்துறையினர் "பிப்ரவரி 4 ஆம் தேதி, சிஏஏ எதிர்ப்பு ஆர்ப்பாட்டத்தில் வர மக்களைத் தூண்ட வேண்டும் என்று முடிவு செய்யப்பட்டது. காலித் சைஃபியின் வேலை மக்களைத் தூண்டிவிட்டு தெருக்களில் அழைத்துச் செல்வதாகும்" என்று கூறுகிறது.
இருப்பினும், இந்த வாக்குமூலம் சிஆர்பிசி 161 இன் கீழ் கொடுக்கப்பட்டுள்ளது, அதாவது இந்த வாக்குமூலம் ஒரு மாஜிஸ்திரேட் முன்னிலையில் செய்யப்படவில்லை, எனவே தாஹிர் உசேனின் இந்த வாக்குமூலத்திற்கு சட்டப்பூர்வ செல்லுபடியாக்கம் இல்லை.

பீமா கோரேகாவ் வன்முறைச் சம்பவத்தில், நாடு முழுவதும் இருந்து மக்களை போலீசார் கைது செய்துள்ளனர். அவர்களில் சிலர் அறிஞர்கள், சிலர் வழக்கறிஞர்கள், சிலர் எழுத்தாளர்-கவிஞர்கள் மற்றும் சிலர் மனித உரிமைகள் அல்லது தலித் உரிமை ஆர்வலர்கள். அவர்கள் அனைவரும் அந்தந்த துறைகளைச் சேர்ந்த நன்கு அறியப்பட்டவர்கள். இவர்களில் சிலர் பொதுமக்கள் சார்பாக அரசுக்கு எதிராக சட்ட மோதலில் ஈடுபடுவதாக அறியப்படுகிறது. இந்த வழக்கில் குற்றம் சாட்டப்பட்ட நபர்களைப் பற்றி தெரிந்து கொள்ளுங்கள்.

சுதிர் தாவ்லே

சுதிர் தாவ்லே மகாராஷ்டிராவின் பிரபலமான சமூக ஆர்வலர், எழுத்தாளர் மற்றும் கவிஞர் ஆவார். மராத்தியில் வித்ரோஹி என்ற பத்திரிகையையும் வெளியிடுகிறார்.. அவர் தலித்துகளின் உரிமைகளுக்காக குரல் எழுப்பி வருகிறார். 2011 ஆம் ஆண்டில், அவர் தேசத்துரோக குற்றச்சாட்டில் கைது செய்யப்பட்டார், மேலும் ஒரு பயங்கரவாத அமைப்பில் உறுப்பினராக இருந்ததாக குற்றம் சாட்டப்பட்டார். பின்னர், நீதிமன்றம் அவரை குற்றவாளி என்று அறிவித்தது. அந்த நேரத்தில் அவரது வழக்கறிஞர் சுரேந்திர காட்லிங் ஆவார், அவர் தற்போது பீமா கோரேகாவ் வழக்கில் குற்றம்சாட்டப்பட்டவர்.

சுரேந்திர காட்லிங்

சுரேந்திர காட்லிங் நாக்பூரில் வசிக்கிறார், தொழில் ரீதியாக ஒரு வழக்கறிஞர் மற்றும் மனித உரிமை வழக்குகளை வாதிடுகிறார். இந்திய மக்கள் பொய்யர்கள் சங்கத்தின் பொதுச் செயலாளராகவும் உள்ளார். அவர் ஒரு தலித் ஆர்வலர். பல இயங்கங்களில் ஈடுபட்டுள்ளார். ஒரு வழக்கறிஞராக, அவர், யுஏபிஏ மற்றும் முந்தைய பயங்கரவாத எதிர்ப்பு சட்டங்களான தடா மற்றும் பொட்டா வின் கீழ் குற்றம்சாட்டப்பட்டவர்களுக்காக வாதிட்டுள்ளார். மாவோயிஸ்டுகளுடன் தொடர்பு கொண்டிருந்ததற்காக கைது செய்யப்பட்ட டெல்லி பல்கலைக்கழக பேராசிரியர் ஜி.என்.சாய்பாபாவின் வழக்கறிஞராகவும் ,அவர் இருந்தார். சாய்பாபா கட்சிரோலி நீதிமன்றத்தால் குற்றவாளி என அறிவிக்கப்பட்டார். ஊனமுற்ற சக்கர நாற்காலியில் இருக்கும் பேராசிரியரான ஜி.என்.சாய்பாபா தற்போது சிறையில் உள்ளார்.

ரோனா வில்சன்

ஜேஎன்யூ மாணவர் வில்சன் டெல்லியில் வசிக்கிறார். அரசியல் கைதிகளின் விடுதலைக்காக அவர் பிரச்சாரம் செய்து வருகிறார். அவர் கடந்த பல ஆண்டுகளாக இப்பகுதியில் மிகவும் சுறுசுறுப்பான தொண்டர்களில் ஒருவர். அரசியல் கைதிகளை விடுவிப்பதற்கான குழுவில் (சிஆர்பிபி) உறுப்பினராகவும் உள்ளார். ஜி.என் சாய்பாபாவின் மீட்பு மற்றும் விடுதலை இயக்கத்தையும் அவர் நடத்தி வருகிறார். அரசியல் மற்றும் கருத்தியல் ரீதியாக செயல்படும் ஆர்வலர்கள் கைது செய்யப்படுவதை அவர் எதிர்த்து வருகிறார்.

ஷோமா சென்

ஷோமா சென் ஒரு ஆங்கில பேராசிரியர், அவர் நாக்பூரின் ஆர்.டி.எம் பல்கலைக்கழகத்தில் ஆங்கிலத் துறையின் தலைவராக உள்ளார். பீமா கோரேகாவ் வன்முறையில் ஈடுபட்ட குற்றச்சாட்டில் அவர் நாக்பூரிலிருந்து கைது செய்யப்பட்டுள்ளார். பெண்கள், பழங்குடியினர் மற்றும் தலித்துகளின் உரிமைகள் தொடர்பான பிரச்சினைகளில் அவர் எழுதி வருகிறார், மேலும் அவற்றை மதிப்புமிக்க செய்தித்தாள்கள் மற்றும் பத்திரிகைகளில் எழுதியுள்ளார். அவர் ஜனநாயக உரிமைகளைப் பாதுகாப்பதற்கான குழுவில் உறுப்பினராக உள்ளார். அவர் மனித உரிமைத் துறையில் பணியாற்றும் பல அமைப்புகளுடன் தொடர்புடையவர். அவர், வடகிழக்கு முதல் பஸ்தர் வரை , அட்டூழியங்களால் பாதிக்கப்பட்ட பெண் அரசியல் கைதிகள் பற்றி குரல்கொடுத்து அவர்களுக்கு சட்ட உதவி வழங்கியுள்ளனர்.

மகேஷ் ரெளத்

பீமா கோரேகாவ் வழக்கில் கைது செய்யப்பட்டவர்களில், குறைவான வயதுடைய நபர் மகேஷ் ரவுத் ஆவார். இவர் மகாராஷ்டிராவின் கட்சிரோலி மாவட்டத்தைச் சேர்ந்தவர். மும்பை - டாடா இன்ஸ்டிடியூட் ஆப் சோசியல் சயின்சஸ் நிறுவனத்தில் தனது படிப்பை மேற்கொண்டார். கிராம மேம்பாடு குறித்து அறிவுள்ள இவர், பிரதமர் ஊரக வளர்ச்சித் திட்டத்தின் கீழ் ஃபெல்லோஷிப்பையும் பெற்றுள்ளார். அவர் கட்சிரோலியின் கிராமப்புறங்களில் பல கிராம சபைகளுடன் நெருக்கமாக பணியாற்றி வந்தார். கட்விரோலி என்பது மகாராஷ்டிராவின் பழங்குடி ஆதிக்கம் நிறைந்த பகுதி, இது மாவோயிஸ்ட் வன்முறையால் பாதிக்கப்பட்டுள்ளது. நீர், காடு, நில உரிமை தொடர்பான பிரச்சாரங்களிலும் அவர் தீவிரமாக செயல்பட்டு வருகிறார்.

வரவர ராவ்

ராவ் ஒரு பிரபலமான கவிஞர், எழுத்தாளர் மற்றும் சமூக சேவகர். ஆந்திராவிலும் தெலுங்கானாவிலும் தெலுங்கு கவிஞராக அறியப்படுகிறார். இவரது சுமார் 15 கவிதைத் தொகுப்புகள் வெளியிடப்பட்டுள்ளன, அவை பல மொழிகளிலும் மொழிபெயர்க்கப்பட்டுள்ளன. அவரது எழுத்துக்கள் மற்றும் கவிதைகள் காரணமாக, சிலர் அவரை மாவோயிஸ்டுகளிடம் அனுதாபம் காட்டுபவர் என்று கூட சொல்கிறார்கள். நாடு முழுவதும் பல அமைப்புகள் மற்றும் பிரச்சாரங்களுடன் நெருங்கிய உறவைக் கொண்ட ஒரு இடதுசாரி ஆர்வலராக அவர் கருதப்படுகிறார். அவர் இதற்கு முன்பு பலமுறை கைது செய்யப்பட்டுள்ளார். அவர் முதன்முதலில் 1973-இல் கைது செய்யப்பட்டார், ஆனால் ஒருபோதும் ஒரு குற்றச்சாட்டில் தண்டிக்கப்படவில்லை. ஆந்திர அரசுக்கும் நக்சலைட்டுகளுக்கும் இடையிலான பேச்சுவார்த்தைகளில் , மத்தியஸ்தராகவும் ஈடுபட்டார்.

வெர்னான் கோன்சால்விஸ்

மும்பையில் வசிக்கும் கோன்சால்விஸ் அங்குள்ள பல கல்லூரிகளில் கற்பித்திருக்கிறார். அவர் கடந்த பல ஆண்டுகளாக மதிப்புமிக்க பத்திரிகைகளுக்காக எழுதி வருகிறார். அவரை மகாராஷ்டிராவின் பயங்கரவாத தடுப்புப் படை 2007-இல் கைது செய்தது. அவர் நக்சலைட்டுகளுடன் தொடர்பு வைத்திருந்தார் மற்றும் வெடிபொருட்களை வைத்திருந்தார் என்று குற்றம்சாட்டப்பட்டது. அவர் சட்டவிரோத நடவடிக்கை தடுப்புச் சட்டத்தின் கீழ் கைது செய்யப்பட்டார், அதாவது யுஏபிஏ. யுஏபிஏ மற்றும் ஆயுதச் சட்டத்தின் கீழ் மும்பை நீதிமன்றத்தால் அவர் குற்றவாளி. என்று தீர்ப்பளிக்கப்பட்டு ஆறு ஆண்டுகள் சிறையில் கழித்த பின்னர், பெரும்பாலான குற்றச்சாட்டுகளில் இருந்து அவர் விடுவிக்கப்பட்டார்

அருண் ஃபெரேரா

ஃபெரேரா மும்பையில் வசிக்கும் மனித உரிமை வழக்கறிஞர். அவர் பல மனித உரிமை இயக்கங்களில் ஈடுபட்டுள்ளார். அவர் ஜனநாயக உரிமைகளைப் பாதுகாப்பதற்கான குழுவில் (சிபிடிஆர்) உறுப்பினராக இருந்துள்ளார், அவர் இந்திய மக்கள் வழக்கறிஞர்கள் சங்கத்துடனும் தொடர்பு கொண்டுள்ளார். மும்பையில் குடிசைப்பகுதிகளில் வசிக்கும் மக்களின் மறுவாழ்வுக்கான இயக்கத்தையும் அவர் தொடங்கினார். 2007-ஆம் ஆண்டில், அவர் ஒரு மாவோயிஸ்ட் என்று குற்றம் சாட்டப்பட்டு, யுஏபிஏ இன் கீழ் காவல்துறையினரால் கைது செய்யப்பட்டார். 2014-ஆம் ஆண்டில், அவர் அனைத்து குற்றச்சாட்டுகளில் இருந்தும் விடுவிக்கப்பட்டார். அவர் சிறையில் கழித்த நாட்களில் ஒரு புத்தகத்தை எழுதினார், மேலும் சிறையில் இருந்தபோது சட்ட ப்படிப்பையும் மேற்கொண்டார்.

சுதா பரத்வாஜ்

சுதா பரத்வாஜ் ஒரு பிரபலமான மனித உரிமை ஆர்வலர், தொழிலாளர் தலைவர் மற்றும் வழக்கறிஞர். சுதா பரத்வாஜ் பல ஆண்டுகளாக வெளிநாட்டில் படித்த பின்னர் பழங்குடியினர் அதிகம் வாழும் பகுதிகளில் சமூகப் பணிகளை செய்து வருகிறார். தொழிலாளர்கள் மற்றும் பழங்குடியினருக்கான வழக்கறிஞராக அவர் அரசாங்கத்திற்கு எதிராக போராடி வருகிறார், அதனால்தான் அவர் அரசாங்க எதிர்ப்பு மற்றும் மாவோயிஸ்டுகளுக்கு அனுதாபம் கொண்ட ஒரு செயற்பாட்டாளர் என்று அழைக்கப்படுகிறார். அவர் நன்கு அறியப்பட்ட சிவில் உரிமைகளுக்கான மக்கள் சங்கத்தின் செயலாளராகவும் உள்ளார்.

கெளதம் நவலகா

கெளதம் நவலகா ஒரு பிரபலமான ஆர்வலர். அவரும் ஒரு எழுத்தாளர். டெல்லியில் வசிக்கும் அவர்,இடதுசாரி மற்றும் தீவிரவாத இயக்கங்கள் குறித்து நிறைய எழுதியுள்ளார். அரசாங்கத்தின் வேண்டுகோளின் பேரில், கடத்தப்பட்ட போலீஸ்காரர்களை மாவோயிஸ்டுகளிடமிருந்து விடுவிப்பதற்கான பேச்சுவார்த்தைகளில் அவர் ஒரு மத்தியஸ்தரின் பங்கையும் வகித்துள்ளார். அவர் ஒரு சிவில் உரிமை ஆர்வலராக பல இயக்கங்களுடன் தொடர்புடையவர்.

ஆனந்த் தெல்டும்ப்டே

ஆனந்த் தெல்டும்ப்டே ஒரு அறிவு ஜீவி, அறிஞர் மற்றும் சர்வதேச புகழ் பெற்றவர். அவரது பல புத்தகங்கள் வெளியிடப்பட்டுள்ளன. அவர் ஒரு பொறியியலாளர் மற்றும் ஐ.ஐ.எம் அகமதாபாத்தில் பயின்றவர். அவர் பாரத் பெட்ரோலியத்தின் நிர்வாக இயக்குநராகவும் இருந்துள்ளார், ஆனால் இதன் பின்னர் அவர் படிப்பு-கற்பித்தல் பாதையைத் தேர்ந்தெடுத்தார். ஐ.ஐ.டி கரக்பூரில் பேராசிரியராக இருந்தார். தற்போது கோவா இன்ஸ்டிடியூட் ஆப் மேனேஜ்மென்ட்டில் மூத்த பேராசிரியராக உள்ளார். அவர் பல பத்திரிகைகள் மற்றும் இதழ்களில் தவறாமல் எழுதி வருகிறார். ஜனநாயக உரிமைகள் பாதுகாப்புக் குழுவின் (சிபிடிஆர்) உறுப்பினராக பல இயக்க்கங்களில் ஈடுபட்டுள்ளார்.

ஹனி பாபு எம்டி.

பீமா கோரேகாவ் வழக்கில் கைது செய்யப்பட்ட 12 வது நபர் ஹனி பாபு ஆவார். டெல்லி பல்கலைக்கழகத்தில் ஆங்கில இணை பேராசிரியராக உள்ள இவர், மொழியியலில் நிபுணத்துவம் பெற்றவர். டெல்லி பல்கலைக்கழக வலைதளத்தின்படி, அவர் மொழி அரசியல் மற்றும் சமூக அறிவியலிலும் ஆழ்ந்த ஆர்வம் கொண்டவர். ஜூலை 28 அன்று டெல்லியில் அவர் கைது செய்யப்பட்டார். அவர் தடைசெய்யப்பட்ட மாவோயிஸ்ட் கம்யூனிஸ்ட் கட்சியுடன் தொடர்பு வைத்திருப்பதாக குற்றம் சாட்டப்பட்டுள்ளது. பீமா கோரேகாவ் வன்முறையில் தடைசெய்யப்பட்ட அமைப்பின் பங்கை விசாரிக்கும் நிறுவனமான என்ஐஏ, ஹனி பாபு, எல்கர் பரிஷத்தின் அமைப்பாளர்களுடன் தொடர்பு கொண்டிருந்ததாகவும், இந்த உண்மையை நிரூபிக்க ஆதாரங்கள் இருப்பதாகவும் கூறுகிறது. மாவோயிஸ்டுகள் தொடர்பாக தண்டிக்கப்பட்டுள்ள மற்றொரு பேராசிரியர் ஜி.என்.சாய்பாவை விடுவிப்பதற்கான பிரசாரத்தில் ஹனி பாபு ஈடுபட்டிருந்தார், ஹனி பாபுவின் மனைவியும் டெல்லி பல்கலைக்கழகத்தின் மிராண்டா ஹவுஸ் கல்லூரியில் கற்பிக்கிறார். ஹனி பாபுவை அறிந்த பல சக பேராசிரியர்கள் அவர் ஒரு பிரபலமான பேராசிரியர் என்றும் மாணவர்கள் அவரது சொற்பொழிவுகளைக் கேட்க அதிக எண்ணிக்கையில் வருவார்கள் என்றும் கூறுகிறார்கள். ஹனி பாபு சாதி மற்றும் தலித்துகளின் பிரச்சினைகள் குறித்து தொடர்ந்து குரல் கொடுத்து வருகிறார்.

பீமா கோரேகாவ் நீதி விசாரணை ஆணையம்

ஜனவரி 1 ஆம் தேதி, பீமா கோரேகாவ் மற்றும் அதைச் சுற்றியுள்ள பகுதிகளில் வன்முறை வெடித்த பின்னர், நாடு முழுவதும் போராட்டங்கள் நடந்தன. இநதப்பிரச்சனை பெரிதானதும், வன்முறை எவ்வாறு தொடங்கியது என்பதை விசாரிக்க ஒரு நீதி ஆணையம் அமைக்கப்பட்டது. பல 'உண்மை கண்டறியும்' குழுக்கள் வெவ்வேறு நபர்களை சுட்டிக்காட்டின. இதற்கிடையில், போலீஸ், கிராமப்புற காவல்துறை மற்றும் புணே நகர காவல்துறை, இரண்டு வெவ்வேறு திசைகளில் விசாரணை நடத்தியது. மகாராஷ்டிராவின் அப்போதைய தேவேந்திர ஃபட்னாவிஸ் அரசு, 2018, பிப்ரவரி 9 அன்று வன்முறையை விசாரிக்க இரண்டு உறுப்பினர்களைக் கொண்ட நீதி ஆணையத்தை அமைத்தது. இந்த குழுவின் தலைவராக கொல்கத்தா உயர்நீதிமன்றத்தின் ஓய்வு பெற்ற தலைமை நீதிபதி ஜே.என்.பட்டேல் நியமிக்கப்பட்டார்.

இந்த ஆணையம், தனது அறிக்கையை நான்கு மாதங்களில் சமர்ப்பிக்கவிருந்தது, ஆனால் இப்போது வரை கமிஷனின் பதவிக்காலம் நான்கு முறை நீட்டிக்கப்பட்டுள்ளது, இறுதி அறிக்கை இன்னும் வரவில்லை. நான்காவது முறையாக, ஆணையத்தின் பதவிக்காலம் 2020 ஏப்ரல் 4 வரை நீட்டிக்கப்பட்டது, ஆனால் அதன்பிறகு கொரோனா காரணமாக, லாக் டவுன் தொடங்கியது. இரண்டரை ஆண்டுகளுக்கு முன்பு, நான்கு மாதங்களில் அறிக்கை சமர்ப்பிக்க வேண்டிய ஆணையம், தற்போது ஆறு மாத நீட்டிப்பை மீண்டும் கோரியுள்ளது.

இதுவரை 29 சாட்சிகள் தங்கள் வாக்குமூலங்களை ஆணையத்திற்கு அளித்துள்ளனர், மேலும் 50 சாட்சிகளை ஆணையத்திற்கு முன் ஆஜராகக் கூறும் சம்மன் அனுப்பப்படும் என்று எதிர்பார்க்கப்படுகிறது. இந்த ஆணையம் தேசியவாத காங்கிரஸ் கட்சியின் (என்சிபி) தலைவர் சரத் பவாரை சாட்சியாக அழைத்துள்ளது. இதற்கு முன், பவார் ஆணைத்திடம் பிரமாண பத்திரத்தை தாக்கல் செய்துள்ளார். இது தவிர, வெவ்வேறு நபர்கள், அரசு அதிகாரிகள் மற்றும் அமைப்புகளால் தாக்கல் செய்யப்பட்டுள்ள சுமார் 500 பிரமாணப் பத்திரங்கள், ஆணையத்தால் பெறப்பட்டுள்ளன.

இந்துத்துவ தொண்டர்

பீமா கோரேகாவ் வன்முறையில் இடதுசாரி தொண்டர்கள் ஈடுபட்டதாக எழுந்த குற்றச்சாட்டுகளை புணே நகர காவல்துறை விசாரித்த நிலையில்,மறுபுறம் புணே கிராம காவல்துறை 1 ஜனவரி 2018 அன்று நிகழ்ந்த வன்முறைக்கு பின்னால் பல இந்துத்துவ தலைவர்களின் பங்கு இருப்பதான புகார்களை விசாரித்தது.

இந்துத்துவ தலைவர்கள் பீமா கோரேகாவ் மற்றும் அதைச் சுற்றியுள்ள பகுதிகளில் வன்முறைக்காக கும்பலைத் தூண்டினர் என்று .ஜனவரி 2 ம் தேதி, பிம்ப்ரி காவல் நிலையத்தில் எஃப்ஐஆர் பதிவு செய்யப்பட்டது, ஜனவரி 1 ம் தேதி தலித் அமைப்புகளின் கூட்டத்தில் வன்முறையை நிகழ்த்திய செய்த கும்பலுக்கு, இந்துத்துவ தலைவர்கள் மிலிந்த் எக்போடே மற்றும் சம்பாஜி பிடே ஆகியோர் தலைமை தாங்கினர் என்று புகார் அளித்த அனிதா சால்வே குறிப்பிட்டுள்ளார்.

அவர் சம்பவ இடத்தில் இருந்ததாகவும், குற்றம் சாட்டப்பட்ட இருவரையும் தனது கண்களால் பார்த்ததாகவும், எஃப்ஐஆர் பதிவு செய்த பெண்மணி கூறுகிறார். 'வெற்றி விழா’ நிகழ்ச்சியில் பங்கேற்க தனது தோழி அஞ்சனாவுடன், தான் அங்கு சென்றதாக புகார் அளித்த பெண் கூறுகிறார். அவரது தோழி ஷிகார்பூர் டோல் பிளாசாவை கடந்து சனஸ்வாடியை அடைந்தபோது, ​​அங்கு இருந்த கூட்டம், கற்களை வீசி தீ வைக்கத் தொடங்கியது.

கூட்டத்தில் இருந்த பலரிடம் ஆயுதங்கள் இருந்ததாகவும், அவற்றைக்கொண்டு மக்களை அவர்கள் அடிப்பதாகவும் எஃப்.ஐ.ஆரில் பதிவு செய்யப்பட்டுள்ளது. எஃப்.ஐ.ஆரில், சம்பாஜி பிடே சிவாஜிநகர் அறக்கட்டளையின் தலைவராகவும், மிலிந்த் எக்போடே, இந்து ஜனஜாகரன் சமிதியின் தலைவராகவும் உள்ளனர் என்று கூறப்பட்டுள்ளது. இவர்களுடன் பல உயர் சாதி மக்களுக்கு தொடர்பு உள்ளதாகவும் குற்றம் சாட்டப்பட்டுள்ளது. மிலிந்த் எக்போட்டேயின் முன் ஜாமீனை செஷன்ஸ் நீதிமன்றம், உயர் நீதிமன்றம் மற்றும் உச்ச நீதிமன்றம் நிராகரித்தபோது, ​​அவர் மீது கலகம் மற்றும் துன்புறுத்தல் உள்ளிட்ட கடுமையான குற்றச்சாட்டுகள் சுமத்தப்பட்டன. அவர், புணே போலீசாரால் 2018 மார்ச் 14 அன்று கைது செய்யப்பட்டார். அனிதா சால்வேவின் புகாரின் பேரில் பதிவு செய்யப்பட்ட வழக்கில், புணே நீதிமன்றம் அவரை 4 ஏப்ரல் 2018 அன்று ஜாமீனில் விடுவித்தது. ஆனால் ஷிகார்பூர் போலீசாரின் புகாரின் பேரில் அவர் மீண்டும் கைது செய்யப்பட்டார். வன்முறைக்கு சற்று முன்பு, எக்போடே மற்றும் அவரது ஆதரவாளர்கள், சில துண்டு பிரசுரங்களை விநியோகித்ததாக ஷிகார்பூர் போலீசார் தெரிவித்தனர்.

ஏப்ரல் 19 அன்று புணே செஷன்ஸ் நீதிமன்றம் அவருக்கு ஜாமீன் வழங்கியது. இரண்டாவது குற்றம் சாட்டப்பட்டவரான சம்பாஜி பிடே, 2018 ஜனவரி 1 ஆம் தேதி பீமா கோரேகாவில் தங்கியிருந்து மக்களைத் தூண்டியதாக குற்றம் சாட்டப்பட்டபோதிலும், கைது செய்யப்படவில்லை. பல அமைப்புகள் அவர் மீது நடவடிக்கை எடுக்கக் கோரி நீதிமன்றத்தையும் அணுகின. இந்த வழக்கில் காவல்துறை இதுவரை குற்றப்பத்திரிகையை தாக்கல் செய்யவில்லை. மேலே குறிப்பிட்டுள்ள இரண்டு எஃப்.ஐ.ஆர்களைத் தவிர, பீமா கோரேகாவ் வன்முறை தொடர்பாக, புணே காவல்துறை சரகப்பகுதிகளில், மொத்தம் 30 வழக்குகள் பதிவு செய்யப்பட்டுள்ளன. 

யார் இந்த எக்போடே மற்றும் பிடே?

புணேவின் இந்துத்துவ தொண்டர் மிலிந்த் எக்போடே, தனது சித்தாந்தத்தின் காரணமாக பல சர்ச்சைகளில் சிக்கியுள்ளார். அவர் அனைத்து இந்து அகாடி என்ற அமைப்பை நடத்தி வருகிறார், அவர் நீண்ட காலமாக, பசுக்கள் பாதுகாப்பு இயக்கத்தை நடத்தி வருகிறார். பிரதாப்கர் கோட்டையில் இருந்த முகலாய தளபதி அஃப்சல் கானின் கல்லறையை அகற்ற அவர் கடுமையான போராட்டத்தை தொடங்கினார். அதன் பின்னர் சதாரா மாவட்டத்திற்குள் அவர் நுழைவது மீது தடைவிதிக்கப்பட்டது.

காதலர் தினம் கொண்டாடப்படுவதை எதிர்த்தும் அவர் ஆர்ப்பாட்டங்களை நடத்தினார். அவர் அரசியல் ரீதியாகவும் தீவிரமாக செயல்பட்டு வருகிறார், மேலும் இந்து மகாசபை, சிவசேனை மற்றும் பாஜகவுடன் தொடர்பு கொண்டிருந்தார். அவர் 2014 சட்டமன்றத் தேர்தலில் சிவசேனை தரப்பில் போட்டியிட்டார், ஆனால் தோல்வியை தழுவினார். புணே மாநகராட்சியின் கவுன்சிலராகவும் அவர் இருந்துள்ளார். சம்பாஜி பிடே வை, அவரது ஆதரவாளர்கள் குருஜி அழைக்கின்றனர். 85 வயதான இந்துத்துவ தொண்டர் பிடே, மேற்கு மகாராஷ்டிராவின் சாங்லியைச் சேர்ந்தவர்.

அவர்கள் சிவப்பிரதிஸ்தான் இந்துஸ்தான் என்ற அமைப்பை நடத்துகிறார்கள். இந்துத்துவா குறித்து சொற்பொழிவுகளைச் செய்ய அவர் இடத்திலிருந்து இடத்திற்குச் செல்கிறார். அவர் தனது ஆரம்ப நாட்களில் ராஷ்டிரிய ஸ்வயம் சேவக் சங்கத்துடன் (ஆர்.எஸ்.எஸ்) தொடர்பு கொண்டிருந்தார், ஆனால் பின்னர் சிவபிரதிஸ்தானை நிறுவ ஆர்.எஸ்.எஸ்ஸிலிருந்து விலகினார். பிரதமர் நரேந்திர மோடி மற்றும் பிற பாஜக தலைவர்களுடனான அவரது நெருக்கம் பொது களத்தில் உள்ளது.

பிடே தனது அறிக்கைகள் மற்றும் தனது செயல்பாடுகள் காரணமாக சர்ச்சையில் சிக்கியுள்ளார். 2008 மற்றும் 2009 ஆம் ஆண்டுகளில், சாங்லியில் கலவரத்தைத் தூண்டியது உட்பட, அவர் மீது பல கடுமையான குற்றச்சாட்டுகளும் இருந்தன. ஆனால் பீமா கோரேகாவ் சம்பவத்திற்கு ஆறு மாதங்களுக்கு முன்னரே அவருக்கு எதிரான குற்றச்சாட்டுகள் அனைத்தும் கைவிடப்பட்டதாக தகவல் அறியும் உரிமை(ஆர்டிஐ) மூலம் தெரியவந்துள்ளது.