Shirika la Umoja wa Mataifa la laani kusitishwa kwa misaada kwa madai ya kusaidia Hamas
Nchi tisa zilisitisha ufadhili kwa UNRWA kwa madai kuwa wafanyikazi wake walihusika katika shambulio la Oktoba 7.
Moja kwa moja
Asha Juma
Mona Lisa: Mchoro wa da Vinci warushiwa supu na waandamanaji
Maelezo ya video, Tazama: Supu ilivyorushwa kwenye mchoro wa Mona Lisa Waandamanaji wamerushia supu mchoro wa Mona Lisa ambao umelindwa kwa kioo nchini Ufaransa, wakitaka haki ya “chakula chenye afya na kinachozalishwa na njia himilivu”.
Mchoro huo wa Leonardo da Vinci wa karne ya 16 ni mojawapo ya sanaa maarufu sana duniani, na upo kwenye jumba la makumbusho ya Louvre katikati mwa Ufaransa.
Katika taarifa, The Louvre imesema kwamba mchoro huo haukuharibiwa kwasababu umewekewa kioo cha kuulinda.
Video inaonyesha wanawake wawili waliokuwa wamevaa nguo zilizoandikwa "food counterattack" wakiutupia supu mchoro huo.
Kisha wanasimama mbele ya mchoro wenyewe, wakisema: "Ni kipi chenye umuhimu zaidi? Sanaa ama haki ya chakula chenye afya na kinachozalishwa na njia himilivu?
"Mfumo wenu wa kilimo ni mbovu. Wakulima wetu wanakufa wakati wakifanya kazi," wanaongezea.
Kisha maafisa wa usalama wanaanza kuweka vizuizi mbele ya eneo hilo, kabla ya watu katika jumba hilo kuondolewa.
Kundi linalojiita Riposte Alimentaire (Food Counterattack) limekiri kuhusika katika jambo hilo.
Katika taarifa kwenye mtandao wa X, zamani ukifahamika kama Twitter, kundi hilo lilisema kuwa maandamano hayo ni sehemu ya juhudi za kujumuisha “chakula katika mfumo wa kawaida wa usalama wa jamii”.
Liliongeza kuwa mfumo wa sasa wa chakula “unaleta unyanyapaa kwa watu walio kwenye hatari zaidi na hauheshimu haki yetu ya kupata chakula”.
Chanzo cha picha, Getty Images
Mali, Niger, Burkina Faso wajiondoa kutoka Ecowas huku mvutano ukizidi kuongezeka
Chanzo cha picha, Getty Images
Nchi tatu za Afrika Magharibi zinazoongozwa na jeshi zimesema kuwa zinaondoka katika jumuiya ya kiuchumi ya kanda ya Ecowas kutokana na vikwazo vilivyowekwa dhidi yao.
Niger, Mali na Burkina Faso zimesema katika taarifa ya pamoja iliyosomwa kwenye televisheni ya taifa kwamba Jumuiya ya Kiuchumi ya Afrika Magharibi (ECOWAS) imeshindwa kuwasaidia katika vita dhidi ya ugaidi na ukosefu wa usalama.
"Baada ya miaka 49, watu mashujaa wa Burkina Faso, Mali, na Niger kwa masikitiko makubwa wanaona kwamba shirika la (Ecowas) limekengeuka kutoka kwa maadili ya waasisi wake na ari ya Pan-Africanism," Kanali Amadou Abdramane, Msemaji wa jeshi la Niger, alisema katika taarifa hiyo.
Ecowas iliweka vikwazo vya kiuchumi na kuzisimamisha kwa muda nchi hizo tatu baada ya jeshi kuchukua mamlaka katika mfululizo wa mapinduzi, na kuzidisha mvutano wa kisiasa katika eneo la Sahel.
Kujiondoa kwao kutoka Ecowas kunatarajiwa kutatiza zaidi matakwa ya viongozi wa Afrika Magharibi ya kukabidhi madaraka kwa raia katika uchaguzi unaotarajiwa baadaye mwaka huu.
Shambulio la kanisa katoliki Istanbul: Watu wenye silaha wamuua mtu mmoja wakati wa misa ya Jumapili
Chanzo cha picha, Getty Images
Mtu mmoja ameuawa katika shambulizi lililofanywa na watu wenye silaha waliojifunika nyuso zao dhidi ya kanisa moja la kikatoliki mjini Istanbul. Vyombo vya habari vya ndani pia viliripoti majeraha kadhaa.
Ufyatulianaji wa risasi ulitokea katika kanisa la Santa Maria wakati wa misa ya Jumapili asubuhi mwendo wa 11:40 saa za ndani (08:40 GMT).
Waziri wa mambo ya ndani wa Uturuki amelaani "shambulio hilo baya" na kusema uchunguzi umeanzishwa. Polisi wanaendelea kuwasaka washukiwa hao.
Sababu ya shambulio hilo haikufahamika mara moja.
Papa alitoa msaada wake baada ya shambulio hilo, akielezea "ukaribu wake na jumuiya ya Kanisa la Santa Maria Draperis" mwishoni mwa sala yake ya kila wiki huko Vatican.
Waumini walikuwa wakihudhuria misa hiyo wakati watu wawili wenye silaha, wanaoripotiwa kuwa wamevalia barakoa, waliingia katika kanisa la 19th Century na kufyatua risasi kiholea.
Waziri wa mambo ya ndani wa Uturuki, Ali Yerlikaya, alisema kuwa mtu aliyetambuliwa kama CT - ambaye alikuwa miongoni mwa waliohudhuria ibada ya Jumapili - alikufa katika shambulio hilo.
Alisema mamlaka inaendelea na kazi ya kuwakamata wauaji ambao walitoroka baada ya kutekeleza tukio hilo.
Vyombo vya habari vya ndani vinaripoti kwamba waumini wengine kadhaa.
Afcon 2023: Mauritania iko tayari kuweka historia zaidi na kocha wao 'kama Jose Mourinho'
Chanzo cha picha, Getty Images
Hali nzuri ya kutotabirika ya Kombe la Mataifa ya Afrika imeonyeshwa kikamilifu katika mashindano ya mwaka huu yenye ghadhabu na matukio kadhaa ya mapema yenye kuashiria mchezo wa hali ya juu.
Mauritania walihusika na kushtua mashabiki zaidi wakati walipopata ushindi wao wa 1-0 dhidi ya mabingwa mara mbili wa Algeria katika mchezo wa mwisho wa Kundi D waliwaondoa Les Verts.
Ushindi huo ulikuwa muhimu kwa Mauritania kama ulivyokuwa kwa Algeria.
Ushindi wa kwanza kabisa wa Afcon kwao uliopatikana katika jaribio la tisa, ulihakikisha kwamba taifa hilo la kaskazini-magharibi mwa Afrika litafuzu kwa mara ya kwanza katika hatua ya 16 bora.
Mauritania ilionekana kuwa na mchezo wa kiwango cha chini baada ya kushindwa na Burkina Faso na Angola, lakini mechi ya mtoano na Cape Verde sasa inangoja katika Uwanja wa Felix Houphouet-Boigny wa Abidjan Jumatatu (17:00 GMT).
"Inashangaza kwetu kufika raundi inayofuata kwa mara ya kwanza, hisia kubwa kwa timu kujua tumewafurahisha watu wa Mauritania," beki wa kati Lamine Ba aliambia BBC Sport Africa.
"Tulipokea video nyingi nzuri na ujumbe kwenye mitandao ya kijamii - samahani siwezi kujibu kila mtu. Pia, Wamauritania wengi wanaishi Ivory Coast na imekuwa vizuri kuwaona hapa.
"Tulifurahia wakati huu lakini katika shindano hili huwezi kutumia muda kufikiria matokeo - tayari tumeangazia mchezo unaofuata na tunafanya kazi kuhakikisha tunafanikiwa raundi inayofuata."
Bosi Abdou ni 'kama Jose Mourinho'
Ba aliichezea Mauritania kwa mara ya kwanza 2022 na kuingia kwa mara ya kwanza kwenye fainali za Afcon imekuwa tukio la kukumbukwa.
Mchezaji huyo wa zamani wa akademi ya Paris St-Germain alichangia pakubwa katika kuzima mashambulizi ya Algeria huku timu yake ikishikilia matokeo makubwa zaidi katika historia ya nchi hiyo.
"Tunajisikia fahari kwa sababu ni Algeria na kabla ya mchezo hakuna aliyefikiri kwamba tungeweza kufanya hivyo kwa sababu tulipoteza michezo miwili ya kwanza," Ba mzaliwa wa Ufaransa alisema.
"Lakini tulicheza vizuri katika michezo hiyo, ingawa hatukushinda. Kusema kweli, nilijua tunaweza kufanya hivyo dhidi ya Algeria."
Mauritania imeongozwa kwa kiasi kikubwa na kocha Amir Abdou, ambaye aliwasaidia Wacomoro kutinga hatua ya 16 bora kwa mara ya kwanza katika michezo hiyo miaka miwili iliyopita.
Abiria afungua mlango wa ndege na kutembea juu ya bawa
Chanzo cha picha, Getty Images
Mwanamume mmoja amekamatwa nchini Mexico baada ya kufungua mlango wa dharura wa ndege na kutembea juu ya bawa.
Mwanamume huyo alichukua hatua baada ya ndege hiyo iliyokuwa ikielekea Guatemala City kukwama kwa saa nyingi kwenye lami bila kiyoyozi wala maji kwa abiria.
Uwanja wa ndege wa Kimataifa wa Mexico ulisema hakuna madhara yoyote yaliyotokea, lakini abiria huyo amefikishwa kwa polisi.
Abiria wenzake, hata hivyo, wameandika taarifa ya pamoja, wakisema mtu huyo aliungwa mkono na kila mtu.
Tukio hilo lilitokea Alhamisi iliyopita, mwendo wa saa 11:30 - takriban saa tatu baada ya ndege ya Aeromexico kupangwa kusafiri kutoka Mexico City.
Ucheleweshaji huo ulisababishwa na suala la matengenezo, ripoti ya tukio ilisema.
Iliendelea kueleza kuwa kubadilishwa kwa ndege kumekuwa muhimu baada ya abiria huyo ambaye hajatambuliwa kuunga mkono kwa kauli moja na wenzake.
Haijabainika iwapo mwanamume huyo atasalia kizuizini - au ni mashtaka gani anaweza kukabiliwa nayo.
Abiria waliokasirika, hata hivyo, walichukulia tukio hilo kwa mtazamo tofauti.
"Abiria wote kwenye ndege kutoka CDMX [Mexico City] kwenda Guatemala [ndege] AM 0672 wanasema kwamba abiria aliyefungua dirisha la dharura alifanya hivyo kwa ajili ya ulinzi wa kila mtu, kwa msaada wa kila mtu, kwa sababu kuchelewa na ukosefu wa hewa ilisababisha hali hatari kwa afya ya abiria," barua iliyoandikwa kwa mkono na abiria wenzake inasomeka.
"Aliokoa maisha yetu," waliandika - na kuongeza majina na saini zao kwenye barua iliyosambazwa kwenye mitandao ya kijamii.
Korea Kaskazini yarusha makombora kutoka pwani ya mashariki - Seoul
Chanzo cha picha, Getty Images
Korea Kaskazini imerusha makombora kadhaa baharini katika pwani yake ya mashariki, jeshi la Korea Kusini linasema.
Katika miezi ya hivi karibuni serikali ya kikomunisti yenye silaha za nyuklia imefanyia majaribio makombora mara kwa mara, na hivyo kuibua mvutano wa kikanda.
Tukio hilo lililotokea Jumapili lilifanyika karibu na bandari ya Sinpo. Si idadi wala aina ya makombora hakuna kinachofahamika kufikia sasa.
Siku ya Jumatano Korea Kaskazini ilifanyia majaribio kombora jipya la kimkakati liitwalo Pulhwasal-3-31, shirika la habari la Yonhap la Korea Kusini linasema.
Wakiripoti uzinduzi huo mpya, ambao ulifanyika saa 08:00 (23:00 GMT Jumamosi), Wakuu wa Pamoja wa Wafanyakazi wa Korea Kusini (JCS) walisema "jeshi letu limekuwa likishirikiana kwa karibu na Marekani kufuatilia dalili za ziada za chokochoko za Korea Kaskazini".
Ukraine yasema imefichua ufisadi mkubwa wa silaha
Chanzo cha picha, RFE
Idara ya usalama ya Ukraine inasema kuwa imefichua ufisadi katika ununuzi wa silaha uliofanywa na wanajeshi wenye thamani ya takriban $40m (£31m).
Idara hiyo imesema watu watano wakuu katika wizara ya ulinzi na katika msambazaji wa silaha walikuwa wakichunguzwa.
Ilisema maafisa wa ulinzi walitia saini mkataba wa makombora 100,000 mnamo Agosti 2022.
Malipo yalifanywa mapema, na pesa zingine zilihamishiwa nje ya nchi, lakini hakuna silaha zilizotolewa.
Ufisadi umekuwa kikwazo kikubwa katika azma ya Ukraine ya kujiunga na Umoja wa Ulaya.
Idara hiyo ilisema uchunguzi "umefichua" maofisa wa wizara ya ulinzi na wasimamizi wa muuzaji silaha Lviv Arsenal, "ambao waliiba karibu hryvnia bilioni 1.5 katika ununuzi wa makombora".
“Kulingana na uchunguzi huo, maafisa wa zamani na wa sasa wa vyeo vya juu wa Wizara ya Ulinzi na wakuu wa kampuni tanzu wanahusika katika ubadhirifu huo,” ilisema.
Idara hiyo ilisema licha ya mkataba wa makombora hayo kuafikiwa miezi sita baada ya Urusi kuzindua uvamizi wake kamili wa Ukraine, "hakuna hata ganda moja la silaha" lililowahi kutumwa.
Mmoja wa washukiwa alizuiliwa wakati akijaribu kuondoka Ukraine na kwa sasa yuko kizuizini, Idaya hiyo ilisema.
Mwendesha mashtaka mkuu wa Ukraine anasema fedha zilizoibiwa zimekamatwa na zitarejeshwa kwenye bajeti ya ulinzi.
Nigeria yaifunga Cameroon katika 16 bora
Chanzo cha picha, Getty Images
Nigeria ilitinga robo fainali ya Kombe la Mataifa ya Afrika 2023 baada ya Ademola Lookman kufunga mabao mawili na kuwashinda Cameroon waliokatishwa tamaa 2-0 katika hatua ya 16 bora mjini Abidjan.
Fowadi huyo wa Atalanta alifunga bao la kwanza dakika tisa kabla ya kipindi cha mapumziko baada ya Victor Osimhen kumlazimisha Oumar Gonzalez kufanya makosa na kisha kumshawishi Lookman kupiga mpira zaidi ya kipa Fabrice Ondoa, ambaye alipendekezwa zaidi ya Andre Onana.
Mshambulizi wa zamani wa timu ya taifa ya Uingereza ya Vijana wasiozidi umri wa miaka 21, Lookman alifunga bao hilo dakika ya 90 baada ya moja ya hatua bora zaidi za mchezo huo, akifunga goli la Calvin Bassey na kuibua sherehe kubwa miongoni mwa mabingwa hao mara tatu.
Licha ya kumtambulisha Vincent Aboubakar, mfungaji bora wa michuano ya 2021, akiwa amechelewa kujiunga na timu yake kwa mara ya kwanza baada ya jeraha la misuli, Cameroon ilishindwa kusajili shuti lililolenga lango.
Super Eagles watakutana na Angola, ambao walifanya vyema katika ushindi wa 3-0 dhidi ya Namibia mapema, katika nane bora Ijumaa, pia katika Uwanja wa Felix Houphouet-Boigny.
Kocha wa Cameroon Rigobert Song atakabiliwa na shinikizo kubwa kurejea nyumbani kufuatia kushindwa kwake hivi karibuni, baada ya kuondoka kwenye Kombe la Dunia la 2022 katika hatua ya makundi.
Rais wa shirikisho la kandanda la Cameroon Samuel Eto'o, ambaye alikuwa akitazama jukwaani, sasa atalazimika kuamua iwapo atambakisha au kumfukuza mchezaji mwenzake wa zamani.
Wakicheza kwenye uwanja ambapo walishinda taji lao la kwanza kati ya matano ya bara, wakiifunga Nigeria katika fainali ya 1984, Indomitable Lions walionekana kutoungana kwa muda wote, kwani wamekuwa kwa sehemu kubwa ya michuano hiyo.
Cameroon wamewashinda Waafrika Magharibi katika fainali tatu za Kombe la Mataifa ya Afrika, lakini Super Eagles mara nyingi huwa na matokeo bora zaidi wanapokutana mapema.
Meli kubwa zaidi ya kitalii ulimwenguni yaondoka Miami
Chanzo cha picha, Getty Images
Meli kubwa zaidi ya watalii duniani imefunga safari kutoka Miami, Florida, katika safari yake ya kwanza, lakini kuna wasiwasi kuhusu utoaji wa methane wa meli hiyo.
Meli hiyo ina urefu wa mita 365 (futi 1,197) ina sitaha 20 na inaweza kubeba abiria 7,600. Inamilikiwa na Royal Caribbean Group.
Inaendelea na safari ya siku saba ya kuvuka nchi kadhaa.
Wanamazingira wanaonya meli inayotumia gesi ya kimiminika (LNG) itavujisha methane hatari angani.
Ingawa LNG huwaka vizuri zaidi kuliko mafuta ya asili ya baharini kama vile mafuta ya fyueli, kuna hatari kwamba baadhi ya gesi hutoka, na kusababisha methane kuvuja kwenye angahewa.
Methane ni gesi chafu yenye nguvu zaidi kuliko kaboni dioksidi.
"Ni hatua mbaya," Bryan Comer, mkurugenzi wa Mpango wa Baharini katika Baraza la Kimataifa la Clean Transportation (ICCT), alinukuliwa akisema na shirika la habari la Reuters.
"Tunaweza kukadiria kuwa kutumia LNG kama mafuta ya baharini hutoa zaidi ya 120% ya uzalishaji wa gesi chafu katika mzunguko wa maisha kuliko mafuta ya baharini," alisema.
Mapema wiki hii, ICCT ilitoa ripoti ikisema kwamba uzalishaji wa methane kutoka kwa meli zinazotumia mafuta ya LNG ulikuwa wa juu kuliko kanuni za sasa zinavyodhaniwa.
Shirika la Umoja wa Mataifa la laani kusitishwa kwa msaada baada ya madai ya shambulio la Hamas
Chanzo cha picha, Reuters
Mkuu wa shirika la Umoja wa Mataifa la kuhudumia wakimbizi wa Kipalestina UNRWA amezitaka nchi zilizositisha ufadhili kufikiria upya uamuzi wao.
Zaidi ya watu milioni mbili katika Ukanda wa Gaza wanautegemea "kwa ajili ya maisha yao," Philippe Lazzarini alisema.
Nchi nane, ikiwa ni pamoja na Uingereza, zilichukua hatua hiyo baada ya Israel kuliambia shirika hilo baadhi ya wafanyakazi wake walihusika katika mashambulizi mabaya ya Hamas ya Oktoba 7 dhidi ya Israel.
Shirika hilo linasema linachunguza na tayari limewafuta kazi wafanyikazi hao.
Israel kwa muda mrefu imekuwa ikishutumu matawi tofauti ya Umoja wa Mataifa - ikiwa ni pamoja na UNRWA - kwa upendeleo na hata chuki dhidi ya Wayahudi.
Nchi ambazo sasa zimesitisha ufadhili wa UNRWA ni Australia, Canada, Finland, Ujerumani, Italia, Uholanzi, Uingereza na Marekani.
Iiliundwa mwaka wa 1949, Shirika la Umoja wa Mataifa la UNRWA, ndilo kubwa zaidi la Umoja wa Mataifa linalofanya kazi huko Gaza. Inatoa huduma za afya, elimu na misaada mingine ya kibinadamu kwa Wapalestina huko Gaza, Ukingo wa Magharibi, Jordan, Lebanon na Syria. Limeajiri karibu watu 13,000 ndani ya Gaza.
Tangu Israel ianze mashambulizi yake kujibu mashambulizi ya Hamas UNRWA imetumia vituo vyake kote Gaza kuwahifadhi mamia kwa maelfu ya raia waliokimbia makazi yao.
Hujambo na karibu katika matangazo yetu ya moja kwa moja ikiwa ni tarehe 28/01/2024
