Ecowas yapuuzilia mbali mpango wa mpito wa miaka mitatu wa Niger

Moja kwa moja

1. 21 Agosti 2023Ushindi wowote wa Zanu-PF nchini Zimbabwe utakuwa wa uongo - Chamisa

   

   Chanzo cha picha, Getty Images

   Kiongozi wa upinzani nchini Zimbabwe Nelson Chamisa amesisitiza kuwa ushindi wowote wa chama tawala cha Zanu-PF katika uchaguzi mkuu wa wiki hii hautakuwa dhihirisho sahihi la nia ya wananchi.

   Aliiambia BBC kwamba matokeo kama hayo katika kura za urais na wabunge siku ya Jumatano hayatadhihirisha matakwa ya watu, na anadaiwa tayari umeingiliwa na chama tawala na unyanyasaji wa polisi.

   Si Zanu-PF wala polisi wamejibu madai hayo. Bw Chamisa, ambaye anaongoza Chama cha Citizens Coalition for Change (CCC), pia aliiambia BBC mamlaka yaliyokuwa yakishikiliwa na Zanu-PF tangu 1980 yanakaribia mwisho, na kwamba ni serikali mpya pekee inayoweza kufufua nchi hiyo.

   Zimbabwe iko tayari kwa mabadiliko, Zimbabwe iko huru mwishowe na Zimbabwe itaona uongozi mpya na siasa mpya, siasa mpya zinaanza.

   ''Sina shaka akilini mwangu kwamba watu wa Zimbabwe wamesema na wameamua kwamba wanataka maisha mapya, na kuna maafikiano kamili kote, kutoka maeneo ya vijijini hadi mijini, ambayo wanahitaji. mabadiliko''.

   ''Sina shaka katika akili yangu kwamba watu wa Zimbabwe wamesema na wameamua kwamba wanataka maisha mapya, na kuna makubaliano kamili, kutoka vijijini hadi mijini, kwamba wanahitaji mabadiliko''.

   ''Na sisi ni uso wa mabadiliko, uso wa matumaini, uso wa siku zijazo." kutoka kwa Kiongozi Nelson Chamisa, Chama cha Wananchi (CCC) Na sisi ni uso wa mabadiliko, uso wa matumaini, uso wa siku zijazo."

2. 21 Agosti 2023850 bado hawajulikani walipo baada ya moto wa Maui, Meya asema

   

   Chanzo cha picha, Getty Images

   Takribani watu 850 bado hawajulikani walipo baada ya moto mkubwa wa msituni katika eneo la Maui, Meya wa Kaunti hiyo Richard Bissen amesema.

   Zaidi ya watu 1,200 ambao walikuwa kwenye orodha ya waliopotea wamepatikana wakiwa salama, Bw Bissen alisema Jumatatu.

   Watu 114 wamethibitishwa kufariki. Rais Joe Biden ameratibiwa kuzuru kisiwa hicho kwa mara ya kwanza tangu mioto mibaya ishuke mapema mwezi huu.

   Moto huo uliharibu sehemu kubwa ya mji wa kihistoria wa Maui wa Lahaina na moto huo sasa unachukuliwa kuwa janga mbaya zaidi la asili katika historia ya jimbo la Hawaii.

   "Maisha yetu yamebadilika na mambo hayatakuwa sawa," Bw Bissen alisema katika video iliyowekwa kwenye mitandao ya kijamii.

   "Kitakachokuwa sawa ni jinsi tunavyojaliana hali tunapohuzunika na kuyapitia haya pamoja." Hadi sasa, 27 kati ya waliofariki wametambuliwa na familia 11 zimearifiwa, alisema.

   Bw Bissen alisema idadi ya watu 850 waliopotea ni "habari chanya" kwa sababu iliashiria kupungua kutoka zaidi ya 2,000 baada ya moto huo.

   Aliwataka wale ambao walikuwa na wapendwa wao ambao bado hawajapatikana kutoa sampuli ya DNA kusaidia katika utafutaji wa kurejesha.

3. 21 Agosti 2023Mason Greenwood: Mshambuliaji wa Manchester United kuondoka katika klabu hiyo

   

   Chanzo cha picha, Getty Images

   Mshambulizi wa Manchester United Mason Greenwood ataondoka katika klabu hiyo kwa makubaliano ya pande zote mbili baada ya uchunguzi wa ndani wa miezi sita kuhusu mwenendo wake.Greenwood alikamatwa Januari 2022 kufuatia madai yanayohusu nyenzo ambayo ilichapishwa mtandaoni.

   Mashtaka dhidi ya mchezaji huyo wa kimataifa wa Uingereza mwenye umri wa miaka 21, ikiwa ni pamoja na kujaribu kubaka na kushambulia, yalitupiliwa mbali tarehe 2 Februari 2023.United ilisema katika taarifa: "Wale wote wanaohusika, ikiwa ni pamoja na Mason, wanatambua ugumu wa yeye kurejesha maisha yake ya Manchester United.

   "Kwa hivyo imekubaliwa kuwa itakuwa sahihi zaidi kwake kufanya hivyo nje ya Old Trafford, na sasa tutashirikiana na Mason kufikia matokeo hayo."Kulingana na ushahidi tulionao, tumehitimisha kuwa nyenzo zilizowekwa mtandaoni hazikutoa picha kamili na kwamba Mason hakufanya makosa ambayo alishtakiwa hapo awali.

   Hayo yamesemwa, kama Mason anakiri hadharani leo. amefanya makosa ambayo anachukua jukumu."Katika taarifa, Greenwood alikubali kwamba "alifanya makosa" na kuchukua "sehemu yake ya uwajibikaji", lakini akaongeza: "Sikufanya mambo niliyoshutumiwa.

   "Alisema: "Uamuzi wa leo umekuwa sehemu ya mchakato wa ushirikiano kati ya Manchester United, familia yangu na mimi. Uamuzi bora kwetu sote ni mimi kuendelea na maisha yangu ya soka nje ya Old Trafford, ambapo uwepo wangu hautakuwa kikwazo kwa klabu. Naishukuru klabu kwa usaidizi wao tangu nilipojiunga nikiwa na umri wa miaka saba.

   Siku zote kutakuwa na sehemu yangu ambayo ni United."Ninashukuru sana familia yangu na wapendwa wangu wote kwa msaada wao, na sasa ni kwangu kulipa imani ambayo wale wanaonizunguka wameonyesha. Nina nia ya kuwa mwanasoka bora, lakini muhimu zaidi baba bora na kutumia vipaji vyangu kwa njia chanya ndani na nje ya uwanja."

4. 21 Agosti 2023Rais Ruto atangaza sasa Waindonesia kuingia Kenya bila Visa

   

   Chanzo cha picha, Ikulu Kenya

   Rais William Ruto Jumatatu alitangaza kwamba Kenya imeondoa vikwazo vya viza kwa wamiliki wa pasipoti wa Indonesia baada ya mazungumzo ya pande mbili na kiongozi wa nchi hiyo ya Kusini Mashariki mwa Asia Joko Widodo.

   Ruto aliuambia mkutano na waandishi wa habari baada ya mkutano huo katika Ikulu ya Nairobi kwamba kulingana na Kenya kuwa wazi kwa biashara, kulegezwa na kukomeshwa kwa vizuizi vya visa vya kuingia kwa Waindonesia ni jambo kuu.

   "Kwa upande wetu kama Kenya, tumechukua uamuzi wa kuongeza muda wa kuingia bila viza sio tu kwa wenye pasipoti za kidiplomasia na huduma bali pia kwa wote walio na pasipoti za Indonesia," alisema.

   Majadiliano ya Ruto na Widodo yaligusa biashara na uwekezaji pamoja na ushirikiano katika elimu ya juu, elimu ya msingi, na ukuzaji wa chanjo.

   Nairobi ilitia saini Hati nne za Makubaliano (MOUs) na Jakarta, pamoja na Barua ya Nia ya kuimarisha ushirikiano katika kukuza mtiririko wa uwekezaji kati ya nchi hizo mbili.

   Kenya wakati huo huo ilijitolea kujadili Makubaliano ya Biashara ya upendeleo na Indonesia. Rais Ruto alisema makubaliano hayo yatazingatia Jumuiya ya Afrika Mashariki (EAC) na kanuni za biashara za bara hilo.

5. 21 Agosti 2023Mamia waripotiwa kufariki wakati wa mgomo katika hospitali huko Msumbiji,

   

   Chanzo cha picha, Getty Images

   Takribani watu 620 wanaripotiwa kufariki katika Hospitali Kuu ya Maputo katika siku 40 zilizopita kutokana na mgomo wa wahudumu wa afya.

   Madaktari wa Msumbiji wamegoma kwa mara ya kwanza katika historia ya nchi hiyo, na madaktari haswa wameongeza mgomo wao kwa siku 21 zaidi licha ya kutishiwa kuuawa.

   Wakati huu huduma ya chini itatolewa kwa wagonjwa, madaktari wanasema, "ili watu wetu wasiteseke tena". Wafanyakazi wanaogoma wanasema wanakosa dawa na vifaa muhimu na hata wanapaswa kulipa kutoka mifukoni mwao kununua ambulensi zenye vifaa vya kimsingi.

   Wanasema hawana budi ila kugoma na wanataka Waziri wa Afya Armindo Tiago atimuliwe kazi, hata hivyo, inasema inasikitika kwamba madaktari wamechukua uamuzi wa kurefusha mgomo wao licha ya maendeleo ambayo inasema wamefanya katika kutimiza matakwa yao.

   

   Chanzo cha picha, Dossier & Factos

6. 21 Agosti 2023Luis Rubiales : Rais wa FA Uhispania akosolewa kwa kumpiga busu mchezaji

   

   Chanzo cha picha, bbc

   Rais wa shirikisho la soka la Uhispania Luis Rubiales amekosolewa kwa kumbusu midomo Jenni Hermoso baada ya Uhispania kushinda Kombe la Dunia la Wanawake.

   Rubiales alimbusu Hermoso wakati wa hafla ya utambulisho kufuatia ushindi wa 1-0 wa Uhispania dhidi ya Uingereza kwenye fainali Jumapili.

   "Sikupenda," Hermoso alisema kwenye Instagram, lakini taarifa iliyotolewa baadaye kwa niaba yake ilimtetea Rubiales.

   Waziri wa serikali Irene Montero alisema: "Ni aina ya unyanyasaji wa kijinsia ambao wanawake hupitia kila siku."

   Montero, waziri wa usawa wa Uhispania, aliongeza kuwa hadi sasa imekuwa "isiyoonekana" na kwamba ni kitu "hatuwezi kuhalalisha".

   "Hatupaswi kudhani kwamba kumbusu mtu bila ridhaa ni kitu 'kinachotokea'," alisema.

   Katika maoni yaliyotolewa baadaye na shirikisho la soka la Uhispania Hermoso - mfungaji bora wa muda wote wa Uhispania - alisema wakati huo ulikuwa "ishara ya asili ya mapenzi".

   "Ilikuwa ni ishara ya hiari ya kuheshimiana kwa sababu ya furaha kubwa inayoletwa na kushinda Kombe la Dunia," mshambuliaji huyo mwenye umri wa miaka 31 aliongeza.

   Vitendo vya Rubiales vilishutumiwa vikali kwenye mitandao ya kijamii, akiambiwa jiuzulu sasa hivi 'dimision yani' - kwa Kiingereza - ikivuma kwenye X, ambayo zamani ilijulikana kama Twitter, nchini Uhispania.

   Rubiales aliliambia shirika la utangazaji la Uhispania COPE kwamba lilikuwa "busu kati ya marafiki wawili wakisherehekea jambo fulani" na wale walioliona kwa njia tofauti kama "wajinga na wajinga".

   “Tuwapuuze na tufurahie mambo mazuri,” aliongeza.

7. 21 Agosti 2023Tutakemea kila inapobidi, tusiambiwe tunachanganya dini na siasa-Askofu Shoo

   

   Chanzo cha picha, Ikulu Tanzania

   Mkuu wa Kanisa la Kiinjili la Kilutheri Tanzania (KKKT) Askofu Dkt.Fredrick Shoo amewaomba viongozi wa dini zote, wanasiasa, waache kujaribu kuwagawa watu kwa misingi ya dini au misingi ya itikadi iwayo yote ya kisiasa kwa misingi ya maslahi binafsi.

   Amesema hayo katika sherehe za maadhimisho ya miaka 60 ya Kanisa la Kiinjili la Kilutheri Tanzania zilizofanyika jijini Arusha Kaskazini mwa Tanzania.

   Amesema kuwa pale ambapo wanaona hapajakwenda sawa, kama walivyofanya,hawataacha kuwaona, kuwashauri na hata kukemea watakemea na kuwa wakifika kwenye hatua hiyo wasiambiwe wasichanganye dini na siasa.

   ‘’Umoja wa taifa letu la Tanzania, mshikamano ni muhimu kuliko mtu au kundi lolote’’

   Ameiomba serikali ‘’Kukataa na kukemea kwa nguvu zote wale wote wanaoonesha dalili za kutugawa kwa utofauti wa dini zetu’’.

   ‘tuko tayari kushirikiana na wewe, kukuombea na kukuunga mkono katika jitihada zako kwa maslahi mapana ya taifa letu.’’

   Askofu Dokta Fredrick Shoo anasema Viongozi wa Dini walishapeleka maoni yao kuhusu DP World, hivyo ana imani na Rais atafanyia kazi maoni waliyoyapeleka.

   Amesema anamshukuru Mungu kwa kumjaalia Rais hekima kwa kukaa kimya, Jambo lenyewe linahitaji hekima kubwa kuliendea na wao wanamuombea dua jambo hili lisitumike kugawa watu kutokana na malengo yao binafsi.

   Kwa upande wake Rais wa Tanzania, Samia Suluhu Hassan amesema aliamua kunyamaza kimya na ataendelea kunyamaza.

   ‘’Amewahakikishia watanzania kuwa hakuna wa kuligawa taifa la Tanzania

   ‘’Hakuna mwenye misuli na ubavu wa kuligawa taifa hili, hakuna mwenye misuli na ubavu wa kuliuza taifa hili, hakuna mwenye misuli na ubavu wa kuharibu amani na usalama tuliojenga kwenye taifa hili.

   Amesema Serikali inawategemea sana viongozi wa kiroho katika kukuza, kusimamia na kuenzi na maadili.

8. 21 Agosti 2023Walinzi wa mpaka wa Saudia wawaua mamia ya Waethiopia - Human Rights Watch

   

   Chanzo cha picha, AFP

   Shirika la kutetea haki za binadamu la Human Rights Watch limewashutumu walinzi wa mpakani wa Saudi Arabia kwa kuwaua mamia ya wahamiaji wa kiuchumi wa Ethiopia waliokuwa wakijaribu kuvuka kutoka Yemen yenye vita.

   Wanasema takribani watu 655 wameuawa na walinzi tangu mapema mwaka jana.

   Baadhi walipigwa risasi, wengine kuuawa au kulemazwa na silaha za vilipuzi.

   Shirika hilo lilitumia miezi kadhaa kukusanya ushahidi, baada ya Umoja wa Mataifa kutoa madai kama hayo mwaka jana.

   Human Rights Watch imeyataja mauaji hayo kuwa yameenea na ya kimfumo, na yanasema yanaweza kuwa uhalifu dhidi ya ubinadamu.

   Mwezi Machi, serikali ya Saudia ilikataa kabisa pendekezo lolote kwamba vikosi vyake vilihusika katika mauaji ya kuvuka mpaka.

   Saudi Arabia imetupilia mbali ripoti ya Human Rights Watch inayoelezea mauaji ya kikatili yaliyofanywa na walinzi wa mpaka wa mamia ya wahamiaji wa Ethiopia kwenye mpaka wa Ufalme huo na Yemen. Afisa wa Saudi alisema ripoti hiyo kulingana na mahojiano na manusura haikuwa ya kuaminika.

9. 21 Agosti 2023Somalia yapiga marufuku TikTok na Telegram

   

   Chanzo cha picha, Getty Images

   Somalia imetangaza kupiga marufuku mitandao ya kijamii ya Tiktok na Telegram na jukwaa la kamari la mtandaoni la 1XBet.

   Serikali inasema majukwaa haya yanatumiwa na "magaidi na vikundi vinavyohusika na kueneza uasherati ... kueneza picha za video, picha na kupotosha jamii". Haya yanajiri huku Somalia ikitangaza lengo kubwa la kuliangamiza kundi la wanamgambo wa al-Shabab, ambalo bado linadhibiti maeneo makubwa ya nchi hiyo, ndani ya miezi mitano ijayo.

   Watoa huduma za mtandao wanatakiwa kutekeleza marufuku hiyo ifikapo Agosti 24 la sivyo watachukuliwa hatua za kisheria ambazo hazijabainishwa, ilisema taarifa ya wizara ya mawasiliano na teknolojia.

   Mkutano wa hivi karibuni wa mtandao na usalama wa mitandao ya kijamii katika mji mkuu, Mogadishu, uliangazia athari mbaya za majukwaa ya mtandaoni kwa vijana, ikiwa ni pamoja na "kusababisha baadhi yao kupoteza maisha".

10. 21 Agosti 2023Ecowas yapuuzilia mbali mpango wa mpito wa miaka mitatu wa Niger

    

    Chanzo cha picha, AFP

    Jumuiya ya nchi za Afrika Magharibi, Ecowas, imepuuzilia mbali mbinu ya mazungumzo iliyotangazwa na kiongozi wa mapinduzi ya Niger kwamba utawala wa kiraia hauwezi kurejeshwa kwa miaka mitatu.

    Kamishna wa masuala ya kisiasa wa Ecowas, Abdel-Fatau Musa, alisema ratiba hiyo haikubaliki.

    Siku ya Jumamosi, Jenerali Abdourahamane Tchiani alisema mazungumzo ya kitaifa yanahitajika ili kuweka misingi ya utaratibu mpya wa kisiasa nchini Niger.

    Ecowas imetishia kuchukua hatua za kijeshi kumrejesha madarakani rais aliyeondolewa madarakani.

    Umati wa watu umejitokeza tena katika mji mkuu, Niamey, kuunga mkono mapinduzi hayo.

    Lakini waandishi wa habari wanasema wengine wanaopinga unyakuzi wa kijeshi wa mamlaka wanaogopa kutoa maoni yao kwa umma.

    Unaweza pia kusoma:

    • Mgogoro wa mapinduzi Niger: Wahusika wakuu ni akina nani?
    • Mapinduzi ya Niger mtihani wa demokrasia Afrika Magharibi
    • Kwa nini mapinduzi ya Niger yanaigusa dunia nzima?

11. 21 Agosti 2023Wafuasi wa mapinduzi walifanya maandamano katika mji mkuu wa Niger

    

    Chanzo cha picha, AFP

    Mamia ya wafuasi wa mapinduzi walikusanyika katika mji mkuu wa Niger Niamey katika maandamano siku ya Jumapili kuonyesha uungaji mkono wao kwa utawala wa kijeshi.

    Waandamanaji waliopeperusha bendera za Niger na Urusi walionyesha mshikamano na wanajeshi waliompindua rais wao mteule, Mohamed Bazoum, mwezi uliopita.

    Ilifuatia tangazo la Jumamosi na mtawala wa kijeshi, Jenerali Abdourahamane Tchiani, kuonya dhidi ya uingiliaji wowote kutoka nje.

    Alitangaza pia mpango wa mpito wa miaka mitatu, na kusema kanuni za mpito zitaamuliwa ndani ya siku 30 katika "mazungumzo" yaliyoandaliwa na viongozi wa mapinduzi.

    Katika hotuba yake kwa njia ya televisheni muda mfupi baada ya kukutana na ujumbe wa amani kutoka jumuiya ya kanda ya Afrika Magharibi, Ecowas, Jenerali Tchiani alisema nchi hiyo haitaki vita lakini alionya kwamba wanajilinda dhidi ya uingiliaji wowote wa kigeni.

    Alikashifu vikwazo vya Ecowas vilivyowekewa nchi hiyo akisema havikulenga kutafuta suluhu bali "kutupiga magoti na kutudhalilisha".

    Ilikuwa ni onyesho zaidi la kukaidi baada ya wapatanishi wa Ecowas kufanya mazungumzo ya amani na viongozi wa junta katika juhudi za mwisho za kufikia suluhisho la kidiplomasia kwa mzozo wa kisiasa.

    Ecowas imesema kikosi chake cha kusubiri kiko tayari kuingilia kati ikiwa juhudi za amani za kutatua mgogoro huo hazitafanikiwa.

    Unaweza pia kusoma:

    • Mgogoro wa mapinduzi Niger: Wahusika wakuu ni akina nani?
    • Mapinduzi ya Niger mtihani wa demokrasia Afrika Magharibi
    • Kwa nini mapinduzi ya Niger yanaigusa dunia nzima?

12. 21 Agosti 2023Baghdad, ponografia ilionyeshwa barabarani badala ya matangazo ya biashara

    

    Chanzo cha picha, AFP

    Skrini kubwa kwenye makutano yenye shughuli nyingi huko Baghdad siku ya Jumamosi ilianza ghafla kuonyesha filamu ya ngono badala ya tangazo.

    Mamlaka ilizima kwa muda mabango yote ya elektroniki katika mji mkuu.

    Video na picha za tukio kama hilo lisilo la kawaida kwa mji mkuu wa Iraki ya Kiislamu zilienea haraka kwenye mitandao ya kijamii.

    Polisi walimkamata mshukiwa na kutangaza kuwa alikuwa fundi katika kampuni inayoendesha mabango ya kielektroniki huko Baghdad.

    Kulingana na polisi, alikuwa na mzozo wa kifedha na kampuni hiyo na, kwa kulipiza kisasi, aliweka ponografia kwenye skrini badala ya kutangaza.

    Kulingana na shirika la AFP, likinukuu chanzo katika vyombo vya sheria vya Iraq, ponografia kwenye skrini iliendelea kwa dakika chache tu, hadi vikosi vya usalama vilipofika na kukata kebo.

    

    Chanzo cha picha, Twitter

    Siku ya Jumapili, mamlaka mjini Baghdad iliamua kuzima mabango yote ya kielektroniki.

    Kulingana na afisa wa shirika linalosimamia matangazo ya biashara skrini zitazimwa hadi wataalam watapopata namna ya kudhibiti matukio kama haya.

13. 21 Agosti 2023Mamia ya Wahamiaji waliuawa na walinzi wa mpaka wa Saudi Arabia– ripoti

    

    Walinzi wa mpaka wa Saudi wanatuhumiwa kwa mauaji ya umati ya wahamiaji kwenye mpaka wa Yemen katika ripoti mpya ya Human Rights Watch.

    Ripoti hiyo inasema mamia ya watu, wengi wao wakiwa ni Waethiopia wanaovuka Yemen inayokumbwa na vita ili kufika Saudi Arabia, wameuawa kwa kupigwa risasi.

    Wahamiaji wameiambia BBC kwamba walikatwa miguu na mikono kwa risasi na waliona miili iliyoachwa kwenye njia.

    Awali Saudi Arabia ilikana madai ya mauaji yaliyopangwa.

    Ripoti ya Human Rights Watch (HRW) iliyopewa jina la They Fired On Us Us Like Rain, ina ushuhuda wa wazi kutoka kwa wahamiaji ambao wanasema walipigwa risasi na wakati mwingine kulengwa kwa mashambulizi ya milipuko kutoka kwa polisi na wanajeshi wa Saudia kwenye mpaka wa kaskazini mwa Yemen na Saudi Arabia.

    Wahamiaji waliowasiliana kando na BBC wamezungumza kuhusu vivuko vya kutisha wakati wa usiku ambapo makundi makubwa ya Waethiopia, wakiwemo wanawake wengi na watoto, walishambuliwa walipojaribu kuvuka mpaka kutafuta kazi katika ufalme huo wenye utajiri wa mafuta.

    "Milio ya risasi iliendelea na kuendelea," Mustafa Soufia Mohammed mwenye umri wa miaka 21 aliiambia BBC.

    Alisema baadhi katika kikundi lake la wahamiaji 45 waliuawa waliposhambuliwa na risasi walipokuwa wakijaribu kuvuka mpaka Julai mwaka jana.

14. 21 Agosti 2023Flat Holm: Mtu anayeishi peke yake kwenye kisiwa

    

    Simon Parker aliacha kazi yake kama mhandisi ili kuishi peke yake kwenye kisiwa cha mbali

    Msemo wa zamani unasema: "Hakuna mtu ambaye ni kisiwa ", lakini kwa kisa cha Simon Parker, unaweza tu kutokubaliana na msemo huu.

    Baada ya kifo cha rafiki wa karibu, mhandisi wa zamani wa ndege ya Royal Air Force alihitaji mabadiliko.

    Hakujua kwamba yangempelekea kuwa mlinzi wa Flat Holm, kisiwa kilicho karibu na pwani ya Wales, na, na kuwa mmiliki wa nyumba wa baa yake pekee.

    "Ni ofa ambayo sikuweza kuiacha," alisema.

    Kikiwa maili nne kutoka pwani ya Cardiff, katikati ya Mfereji wa Bristol, Kisiwa cha Flat Holm hakina umeme au maji na hukabiliwa na hali mbaya ya hewa.

    Parker mwenye umri wa miaka 38 anafanya kazi ili kusaidia kuhifadhi kisiwa hicho lakini pia anajitolea kuwa mtu wa mikono, mfanyakazi wa baa na mwongozaji wa watalii wa mara kwa mara.

    Anatumia siku yake kuwatazama ndege na kuandaa kisiwa kwa misimu tofauti.

    Mhandisi huyo wa zamani wa ndege ya Red Arrows alisema fursa hiyo ilikuja wakati mzuri.

    

    Kifo cha rafiki yake ndicho kilimsukuma Simon kufanya mabadiliko na kuamua kuishi kisiwani.

    "Nilikuwa na hali mbaya kwa miaka kadhaa. Nilipitia kipindi kibaya ambapo nilijitahidi na nikajipoteza.

    "Nilikuwa nikitafuta mahali ambapo ningehisi ni kama nyumbani, kwa kweli, sikuhisi kuwa na la kufanya, hisia za kumpoteza rafiki yangu zilikuwa ndani yangu na nilihitaji kujifariji."

    Aliongeza kuwa mabadiliko hayo yamekuwa "ya kuridhisha na mazuri sana".

15. 21 Agosti 2023Donald Trump athibitisha kuwa hatashiriki mijadala ya urais ya chama cha Republican

    

    Chanzo cha picha, ICON SPORTSWIRE VIA GETTY IMAGES

    Donald Trump amethibitisha kuwa hatashiriki mijadala ya urais ya chama cha Republican na wapinzani wake katika kinyang'anyiro cha kuwania Ikulu ya White House.

    Rais huyo wa zamani alisema kura ya maoni ya hivi punde ilionyesha kuwa alikuwa na idadi "ya kutosha kuwa maarufu" mbele ya watu wengine wanaotarajiwa kuteuliwa kugombea urais wa chama hicho katika uchaguzi wa 2024.

    "Umma unanijua mimi ni nani na nilikuwa na Urais gani wenye mafanikio," Bw Trump, 77, aliandika kwenye kwenye mtandao wa kijamii.

    Mjadala wa kwanza wa mchujo wa urais wa chama cha Republican utakuwa tarehe 23 Agosti.

    Mjadala wa pili unaweza kufanyika siku inayofuata. Angalau mijadala miwili zaidi inatarajiwa katika miezi ijayo.

    Upigaji kura katika uchaguzi wa mchujo wa chama cha Republican utaanza katika jimbo la Iowa tarehe 15 Januari 2024, lakini kuna uwezekano wa mijadala zaidi kufanyika.

    Kura za maoni za hivi karibuni zimeonyesha mara kwa mara kuwa Bw Trump - ambaye anakabiliwa na mashtaka kadhaa ya jinai - kwa sasa ndiye anayeongoza miongoni mwa wagombea wengine wanaotarajiwa kuteuliwa na chama cha Republican, kugombea urais.

16. 21 Agosti 2023Paa Kwesi Asare wa Ghana ashinda Tuzo ya BBC ya Komla Dumor ya 2023

    

    Chanzo cha picha, BENZILLA_CLICKS/3NEWS.COM

    Tuzo ya BBC News Komla Dumor ya 2023 imetolewa kwa mtangazaji wa Runinga ya Ghana na mwanahabari Paa Kwesi Asare.

    Paa Kwesi Asare mwenye umri wa miaka 36 ni mwandishi wa habari wa nane kupokea tuzo hiyo na wa kwanza kutoka Ghana, sawa na marehemu Komla Dumor.

    Asare kwa sasa ni mkuu wa habari za biashara katika kituo binafsi cha televisheni ya Ghana TV3 Channel , ambapo amefanya kazi kwa miaka saba kama mmoja wa watangazaji wake wakuu wa habari.

    Tuzo hiyo iliundwa kwa heshima ya Dumor, mtangazaji wa BBC World News, ambaye alikufariki ghafla akiwa na umri wa miaka 41 mnamo 2014.

    Alikuwa amefanya kazi kwa bidii katika kuleta habari za Kiafrika za kipekee kwa ulimwengu, akiwakilisha upande wa Afrika unaojiamini, wenye ujuzi na ujasiriamali.

    Majaji walivutiwa na uandishi wa habari thabiti wa Asare na uwezo wake wa kueleza mada tata kwa mvuto na kwa uwazi.

    "Huu kwangu ni wakati mzuri katika kazi yangu na fursa nitainyakua kwa mikono miwili," alisema Asare, ambaye atafanya kazi miezi mitatu na waandishi wa habari wa BBC News wa London kwenye TV, redio na mtandaoni.

    Mtangazaji huyo wa Ghana pia atapata mafunzo na kuongozwa na wanahabari wakuu wa BBC.

    Kama sehemu ya mpango huo, atasafiri hadi katika nchi ya bara la Afrika kuripoti habari ambayo itatangazwa kwa watazamaji wa BBC ulimwenguni.

    "Ninahisi mwenye furaha sana kushinda tuzo ya BBC News Komla Dumor," Asare alisema.

    "Hii bila shaka ni tuzo ya heshima zaidi kwa mwanahabari yeyote wa Kiafrika. Nilivutiwa sana na kipaji cha Komla na kupatikana kuwa nastahili kutembea katika viatu vyake sio tu ni furaha bali pia ni bahati kubwa."

    Waandishi wengine wa habari waliowahi kutwaa tuzo hiyo ni Dingindaba Jonah Buyoya, Victoria Rubadiri, Solomon Serwanjja, Waihiga Mwaura, Amina Yuguda, Didi Akinyelure na Nancy Kacungira, mshindi wa kwanza.

    Mwaka jana, mshindi wa tuzo hiyo Buyoya alisafiri hadi Ushelisheli kuripoti jinsi mimea ya baharini inavyoweza kusaidia kukabiliana na mabadiliko ya tabia nchi

17. 21 Agosti 2023Muuguzi wa Uingereza kuhukumiwa kwa mauaji ya watoto saba

    

    Chanzo cha picha, POLISI WA CHESHIRE

    Muuguzi Lucy Letby anatazamiwa kuhukumiwa baadaye baada ya kupatikana na hatia ya kuua watoto saba, na kumfanya kuwa muuaji wa mfululizo wa watoto nchini Uingereza katika nyakati za kisasa.

    Mtoto huyo mwenye umri wa miaka 33 pia alipatikana na hatia ya kujaribu kuwaua watoto wengine sita wachanga katika Hospitali ya Countess ya Chester.

    Kesi hiyo ilidumu kwa zaidi ya miezi 10 na inaaminika kuwa kesi ndefu zaidi ya mauaji nchini Uingereza.

    Amedai kuwa hatafika mahakamani kwa ajili ya kusikilizwa.

    Timu yake ya wanasheria ilisema hataki kufuata kesi kwa njia ya video kutoka gerezani, sababu za kutohudhuria kesi yake katika mahakama ya Crown ya Manchester hazijawekwa wazi.

    Letby - ambaye kwa makusudi aliwadunga watoto hewa, kuwalisha watoto wengine maziwa kwa nguvu na kuwatia sumu watoto wawili wachanga kwa insulini kati ya Juni 2015 na Juni 2016 - alikataa kutokea kizimbani huku hukumu za hivi punde zikisomwa Ijumaa.

    Alilia huku akiinamisha kichwa chake wakati aliposikia kuwa awamu ya pili ya hukumu dhidi yake itasikilizwa tarehe 11 Agosti.

18. 21 Agosti 2023Hujambo na karibu kwa matangazo yetu ya moja kwa moja leo ikiwa ni tarehe 21.08.2023