Vita vya Ukraine: Mashambulizi ya Ukraine yatakuwa ya muda mrefu na ya umwagaji damu, anasema Jenerali wa Marekani

Moja kwa moja

1. 1 Julai 2023Na mpaka hapo ndio tunafikia mwisho wa matangazo yetu ya moja kwa moja kwa leo tukutane tena hapo kesho majaaliwa

2. 1 Julai 2023Amri ya kutotoka nje yatangazwa katika miji kadhaa kufuatia usiku wa nne wa ghasia

   

   Chanzo cha picha, EPA

   Usiku nne wa ghasia, polisi 45,000 walihamasishwa, amri ya kutotoka nje ilitangazwa katika miji kadhaa na zaidi ya 2,300 kukamatwa.Imekuwa wiki ndefu nchini Ufaransa - lakini ilikuwaje hadi kufikia hatua hii?

   Jumanne:

   • Nahel M, mwenye umri wa miaka 17 kutoka Nanterre, kitongoji cha Paris, alipigwa risasi na polisi wakati wa ukaguzi wa trafiki.
   • Mara baada ya picha za tukio hilo kuonekana kwenye mitandao ya kijamii, maandamano huanza
   • Polisi 1,200 wametumwa

   Jumatano:

   • Waandamanaji wanalenga majengo ya umma na kuchoma magari
   • Mamlaka yatangaza kuwa itapeleka zaidi ya polisi 9,000 kukabiliana na machafuko yanayoongezeka

   Alhamisi:

   • Afisa aliyempiga risasi Nahel alikamatwa na kushtakiwa kwa mauaji ya hiari
   • Mamake Nahel, Mounia, anaongoza maandamano ya kumkumbuka mwanawe.Zaidi ya watu 6,000 wanadhaniwa kuhudhuria
   • Mvutano unafikia kilele katika ghasia kote Ufaransa.Uporaji unaripotiwa katika miji kadhaa

   Ijumaa:

   • Rais Macron afanya mkutano wa kitengo cha mgogoro na kuahidi kutumia rasilimali zaidi kukabiliana na machafuko hayo
   • Matukio yameghairiwa Ufaransa, amri za kutotoka nje zinatekelezwa na usafiri wa umma hufunga mapema
   • Mamlaka hupeleka polisi 45,000

   Jumamosi:

   • Ufaransa inaamsha uharibifu zaidi na uporaji
   • Mamlaka yatangaza zaidi ya watu 1,300 walikamatwa usiku mmoja

3. 1 Julai 2023Liverpool kumsajili kiungo wa RB Leipzig kwa £60m

   

   Chanzo cha picha, EPA

   Liverpool wanajipanga kumsajili kiungo wa RB Leipzig Dominik Szoboszlai.

   Klabu hiyo ya Ligi ya Premia iliiambia Leipzig kwamba wataanzisha kipengele cha kutolewa cha mchezaji huyo cha euro 70m (£60.1m).

   Kiungo mshambuliaji wa Hungary mwenye umri wa miaka 22 aliisaidia Leipzig kumaliza nafasi ya tatu kwenye Bundesliga na kushinda Kombe la Ujerumani msimu uliopita.

   Siku ya Jumamosi, Szoboszlai alipewa ruhusa na Leipzig kusafiri hadi Uingereza kufanyiwa vipimo vya afya na Liverpool.

   Szoboszlai alicheza mechi 31 kwenye Bundesliga msimu uliopita, akifunga mabao sita na kusajili mabao manane.

   Alisajiliwa kutoka kwa klabu ya Red Bull Salzburg ya Austria Januari 2021 na tangu wakati huo amefunga mabao 20 na kusaidia kufungwa kwa magoli 21 katika mechi 91.

4. 1 Julai 2023Urusi na Ukraine: Mashambulizi ya Ukraine yatakuwa ya muda mrefu na ya umwagaji damu, anasema Jenerali wa Marekani

   

   Chanzo cha picha, Reuters

   Urusi na Ukraine: Mashambulizi ya Ukraine yatakuwa ya muda mrefu na ya umwagaji damu, anasema Jenerali wa Marekani Mark Milley.

   Mashambulizi ya Ukraine dhidi ya Urusi yatakuwa magumu na "ya kumwaga damu sana", afisa wa ngazi ya juu zaidi wa kijeshi wa Marekani amesema.

   Jenerali Mark Milley alisema hakushangazwa kwamba maendeleo yalikuwa ya polepole kuliko ilivyotabiriwa - lakini akaongeza kuwa Ukraine "inaendelea kwa kasi".

   "Inaenda polepole kidogo, lakini hiyo ni sehemu ya asili ya vita," alisema.

   Inakuja wakati Volodymyr Zelensky akiwashutumu "baadhi" washirika wa Magharibi kwa kuchelewesha mafunzo yaliyoahidiwa kwa marubani wa Ukraine.

   Nchi kadhaa za Magharibi zimeahidi kutoa mafunzo kwa marubani wa Kyiv kuhusu ndege za kivita za F-16 zilizotengenezwa Marekani, lakini rais wa Ukraine alisema baadhi ya washirika wamekuwa "wakiburuza miguu" juu ya ahadi hiyo.

   Rais Zelensky hapo awali alikiri kwamba mashambulizi ya Ukraine yalikuwa yanapiga hatua pole pole.

   Jenerali Milley, mwenyekiti wa wakuu wa wafafanyakazi, aliiambia hadhira katika Klabu ya Kitaifa ya Waandishi wa Habari mjini Washington siku ya Ijumaa kwamba mashambulizi hayo "yalikuwa yakiendelea kwa kasi, kwa makusudi yakipitia maeneo magumu sana ya migodi... mita 500 kwa siku, mita 1,000 siku, siku mita 2,000 , namna hiyo’’

   Aliongeza kuwa hakushangaa kwamba maendeleo yalikuwa ya polepole kuliko ilivyotarajiwa. "Vita vya karatasi na vita halisi ni tofauti. Katika vita halisi, watu halisi hufa," alisema.

   "Nilichosema ni kwamba hii itachukua wiki sita, nane, 10, itakuwa ngumu sana. Itakuwa ndefu sana, na itakuwa ya umwagaji damu sana. Na hakuna mtu anayepaswa kuwa na udanganyifu wowote. kuhusu lolote kati ya hayo.", aliongeza.

   vita vya Ukraine: Mengi zaidi

   • YA MSINGI:Mzozo wa Ukraine: Kwanini Urusi inaivamia Ukraine na Putin anataka nini?
   • UFAFANUZI:Mzozo wa Ukraine: Swift ni nini na kwa nini kuipiga marufuku Urusi ni muhimu sana?
   • UCHAMBUZI:Mzozo wa Ukraine: Putin humsikiliza nani?
   • KWENYE RAMANI:Uvamizi wa Ukraine: Shambulio la Urusi kwenye ramani
   • ZELENSKY:Volodymyr Zelensky: Mfahamu rais wa Ukraine aliyeacha umaarufu wake wa TV na kuingia kwenye siasa
   • PUTIN:Vladimir Putin: Rais wa Urusi aliyeagiza shambulio Ukraine

5. 1 Julai 2023Mazishi ya Nahel aliyeuawa na afisa wa polisi siku ya Jumanne yafanyika katika Paris

   

   Chanzo cha picha, Reuters

   Mazishi ya kijana mwenye umri wa miaka 17 aliyeuawa na afisa wa polisi siku ya Jumanne yanaendelea katika kitongoji cha Paris cha Nanterre.

   Vyombo vya habari vya Ufaransa vinaripoti kwamba watu tayari wanamiminika kwenye nyumba ya mazishi kutoa heshima zao kwa Nahel na familia yake.

   Mazishi yatakuwa ya faragha kabisa, na mawakili wa mama yake Nahel wamevitaka vyombo vya habari kukaa mbali na makaburi.

   Wanahabari wetu wamekuwa wakiripoti, hali imekuwa ya wasiwasi huko Nanterre tangu Nahel alipopigwa risasi na kuuawa.

   Ijapokuwa hakuna mikusanyiko ya watu wote iliyopangwa sambamba na mazishi, mikusanyiko ya papo hapo inaweza kutokea.

6. 1 Julai 2023Mama ambaye alimchoma kisu mtoto mara mbili kwenye moyo afungwa jela miaka 20

   

   Mwanamke aliyemuua mtoto wake wa kiume mwenye umri wa wiki nane na kujaribu kumuua dadake mwenye umri wa miaka miwili amefungwa jela kwa kipindi kisichopungua miaka 20.

   Mwanamke huyo, ambaye jina lake haliwezi kutajwa kwa sababu za kisheria, alikubali kuwa aliwachoma kisu watoto huko Ireland Kaskazini mnamo tarehe 27 Julai 2021 lakini alikana mashtaka.

   Katika taarifa, baba wa watoto hao alisema: "Maneno hayawezi kuelezea kile ambacho mimi na familia yangu tumepitia.

   "Hatutawahi kumuona mwanangu akikua lakini hatutamsahau."

   Mwanamke huyo alihukumiwa katika Mahakama ya Taji ya Belfast mwezi Machi.

   Alipewa kifungo cha maisha moja kwa moja na muda wake wa chini sasa umewekwa.

   'Uhasama na uadui'

   Wakati wa kesi wakili wa mwendesha mashitaka alieleza kuwa mshtakiwa aliwachoma visu watoto wake kutokana na "chuki " dhidi ya mpenzi wake, jambo ambalo alilikanusha.

   Daktari wa magonjwa ya akili aliambia mahakama kuwa mwanamke huyo alimwambia: "Aliharibu maisha yangu hivyo nikaharibu yake."

   Baada ya mwanamke huyo kuwachoma kisu watoto hao alipiga simu tano, ikiwamo moja ya baba wa watoto hao, ikimwambia binti yao "amelazwa akivuja damu taratibu".

7. 1 Julai 2023Zaidi ya watu 1,300 wakamatwa huku ikiingia siku ya nne ya ghasia nchini Ufaransa

   

   Chanzo cha picha, Reuters

   Wizara ya mambo ya ndani sasa imesema kuwa watu 1,311 walikamatwa kote Ufaransa jana usiku, vyombo vya habari vya Ufaransa vimeripoti.

   Machafuko makubwa yameripotiwa katika miji kote Ufaransa usiku kucha, na kukamatwa kwa watu hao jioni hii, kulingana na waziri wa mambo ya ndani.

   Hata hivyo, Gérald Darmanin anasisitiza kuwa kumekuwa na "kudorora" kwa ghasia usiku wa leo, baada ya maafisa wa polisi 45,000 kutumwa kote nchini hapo awali.

   Kwa mrejeo, ghasia hizo zilianza Jumanne baada ya polisi kumpiga risasi mvulana mwenye umri wa miaka 17 mwenye asili ya Algeria, aliyetajwa kama Nahel M.

   Afisa aliyempiga risasi Nahel ameomba radhi kwa familia, lakini kifo cha kijana huyo kimefufua malalamishi kuhusu polisi na ubaguzi wa rangi katika vitongoji vya Ufaransa.

   Nahel ni nani?

   Mtoto wa pekee aliyelelewa na mama yake, alikuwa akifanya kazi kama dereva wa gari la mizigo na alicheza ligi ya raga.

   Elimu yake ilielezwa kuwa ya kusuasua. Aliandikishwa katika chuo kimoja huko Suresnes karibu na mahali alipokuwa akiishi, ili kupata mafunzo ya kuwa fundi umeme.

   Wale waliomfahamu Nahel, ambaye alikuwa na asili ya Algeria, walisema alikuwa akipendwa sana huko Nanterre ambako aliishi na mama yake Mounia na inaonekana hakuwahi kumjua baba yake.

   Rekodi yake ya kuhudhuria chuo ilikuwa mbaya. Hakuwa na rekodi ya uhalifu lakini alijulikana na polisi.

   Alikuwa amempa mama yake busu kubwa kabla ya kwenda kazini, na maneno "Nakupenda, Mama".

   Ilikuwa tu baada ya simu hii kwamba alipiga simu 999, akiwaambia polisi: "Nmemuua mtoto wangu kwasababu yake."

   Watoto wote wawili walipelekwa kwenye idara ya dharura katika Hospitali ya Royal Belfast ya Watoto Wagonjwa na walitibiwa wamelazwa kando.

   Msichana huyo alitibiwa vyema jeraha la kuchomwa kifuani lakini kakake mtoto alitangazwa kuwa amefariki.

   Baada ya kukamatwa mshtakiwa alifungua kesi ya kuwachoma kisu watoto wake na kisha kujigeuzia kisu huku akitaka wote wafe pamoja.

8. 1 Julai 2023Mshukiwa wa mauaji ya Florida alikamatwa baada ya miaka 40

   

   Chanzo cha picha, OFISI YA SHERIFF YA KAUNTI YA HILLSBOROUGH

   Mshukiwa wa mauaji ya Florida ambaye alishiriki mara tatu kwenye filamu ya America's Most Wanted alikamatwa baada ya kutoroka kwa takriban miongo minne.

   Donald Santini, 65, anadaiwa kutumia majina 13 bandia kukwepa kukamatwa kwa mauaji ya mwanamke wa Florida mwenye umri wa miaka 33 mwaka 1984, mamlaka ilisema.

   Alikuwa akihudumu kama rais wa bodi ya maji katika jimbo la California wakati wa kukamatwa kwake.

   Santini alirejeshwa Florida ambako anakabiliwa na shtaka la mauaji.

   Alikuwa anatafutwa kwa mauaji ya Cynthia Wood, mwenye umri wa miaka 33 wakati huo akipitia talaka na mumewe. Alikuwa mtu wa mwisho kuonekana naye tarehe 6 Juni, 1984 kabla ya wapelelezi kugundua mwili wake, ulionyongwa na kuachwa kwenye mfereji.

   "Kukamatwa kwa Donald Santini kunaleta kufungwa kwa kesi iliyodumu kwa muda mrefu na kutoa haki kwa mwathiriwa na familia yake baada ya takriban miongo minne ya kusubiri," Sheriff Chad Chronister wa Kaunti ya Hillsborough, Florida alisema katika taarifa.

   Mamlaka ilisema alitambuliwa kama mshukiwa muda mfupi baada ya mauaji hayo na alitoroka kaunti ya Hillsborough mara moja.

9. 1 Julai 2023Maisha ya ngono ya chura adimu mwenye 'madoa ya chui' yafichuliwa

   

   Chanzo cha picha, ISIS IBANEZ

   Timu ya wanasayansi wote wanawake wamelazimika kustahimili joto la nyuzi 50 na nyoka wenye sumu ili kufuatilia chura "chui-mabaka" ambaye kwa hakika hajulikani kisayansi na kujifunza jinsi anavyozaliana.

   Wanasayansi wa uhifadhi wa Argentina wanapigania kumlinda chura huyu mdogo wa Santa Fe, ambaye yuko hatarini huku makazi yake katika mojawapo ya misitu yenye ukame zaidi duniani, Dry Chaco, yakitoweka kwa kukatwa kwa miti.

   Waligundua jinsi inavyojificha kwenye mapango, akiibuka tu pale anapotaka kumuita mwenzi.

   "Haikuwa safari rahisi kufikia sasa, lakini tumedhamiria kufanya kile tunachoweza kupata mustakabali wa myama huyu wa jamii ya amfibia wa ajabu," alisema Isis Ibañez, ambaye anaongoza mradi wa vyura wa Santa Fe, ulioko Buenos Aires.

   Chura wa Santa Fe ( Leptodactylus laticeps ) hajulikani kwa kiasi kikubwa kisayansi licha ya kugunduliwa zaidi ya karne moja iliyopita.

   Anapatikana Ajentina, Bolivia na Paraguay pekee, chura huyo sasa ni nadra kutokana na upotevu wa misitu mikavu ya kitropiki anamoishi.

   Watafiti waliweka mitego ya kamera ili kupata vyura hao wenye rangi angavu na kusoma tabia zao.

   Vyura wengi huvutia wenza kwa kuita kwa sauti kubwa kutoka kwenye bwawa, au kijito , lakini spishi hii huishi chini ya ardhi.

   Timu hiyo ya wanasayansi ilibaini kuwa vyura dume walijitokeza usiku ili kutangaza uwepo wao, kisha wakaruka chini kwenye mashimo yao na vyura jike waliopendezwa.

10. 1 Julai 2023Watu 48 wathibitishwa kufariki katika ajali ya barabarani Kenya

    

    Chanzo cha picha, AFP

    Takriban watu 48 wamethibitishwa kufariki na wengine kadhaa kulazwa hospitalini katika Kaunti ya Kericho kufuatia ajali mbaya iliyotokea katika barabara ya makutano ya Londiani Ijumaa jioni.

    Waziri wa Uchukuzi wa Kenya Kipchumba Murkomen alipotembelea aneo la tukio la ajali, amesema kuwa lori lililohusika katika ajali hiyo halikuwa la ndani ya Kenya kwani lilikuwa na nambari ya usajiri ya Rwanda.

    Ajali hiyo ya iliyotokea majira ya saa kumi na mbili unusu jioni ilitokea baada ya lori kupoteza mwelekeo, na kuwagonga wapiti njia, wafanyabiashara na mabasi ya abiria al maarufu matatu yaliyokuwa kando ya barabara.

    Lori hilo liliyagonga mabasi manne, lori mbili, gari la kibinafsi na basi linguine kubwa la abiria.

    Lori hilo lilikuwa likielekea Kericho kabla ya kushindwa kuacha njia, na kuwagonga makumi ya wachuuzi waliokuwa wakiendelea na shughuli mbali mbali kando ya barabara kuu ya Nakuru-Kericho.

    Waziri wa Barabara Kipchumba Murkomen alitembelea eneo hilo Jumamosi asubuhi, akiandamana na maafisa wengine.

    Alisema juhudi za uokoaji zinaendelea zikihusisha maafisa kutoka mashirika mbalimbali ya serikali ya kitaifa na kaunti.

    "Juhudi za uokoaji zitafuatiwa na uchunguzi kubaini chanzo cha ajali hiyo," aliongeza.

    Walioshuhudia ajali hiyo walisema, dereva wa lori hilo alikuwa akijaribu kukwepa kuligonga basi lililokuwa limeegeshwa barabarani baada ya kuwa na kasoro ya kimitambo kabla ya kushindwa kulimudu.

    Zaidi ya watu 60 kufikia sasa wamekimbizwa katika hospitali tofauti za Londiani, Kericho na Nakuru ambako wanapokea matibabu kwa sasa.

    Jana jioni, juhudi za uokoaji zilikwama kutokana na mvua kubwa iliyoshuhudiwa katika eneo la tukio.

    Rais William Ruto aliongoza taifa kuomboleza vifo hivyo.

    Akitumia Twitter Ijumaa usiku, alitweet, "Nchi inaomboleza pamoja na familia ambazo zimepoteza wapendwa wao katika ajali mbaya ya barabarani eneo la Londiani, Kaunti ya Kericho. Inasikitisha kwamba baadhi ya walioaga dunia ni vijana wenye mustakabali mzuri na biashara. watu ambao walikuwa kwenye kazi zao za kila siku." Aliendelea, "Tunawaombea wapone haraka wote walionusurika; mko kwenye mawazo yetu. Tunawaomba madereva wa magari kuwa waangalifu sana barabarani, hasa wakati huu tunapokabiliwa na mvua kubwa."

    Ruka X ujumbe

    Ruhusu maudhui? (Mitandao ya kijamii)

    Mkala hii imebeba madhui yaliyotoka kwenye mitandao ya kijamii. Tunaomba ruhusa yako kabla kitu chochote hakija pakiwa, sababu wanaweza wakawa wanatumia Cookies na tekinolojia nyingine. Unaweza ukasoma sera sera ya kutumia cookies katika mitandao ya kijamii kabla ya kukubali. Kutazama maudhui haya chagua accept and continue

    Bonyeza kisha endelea

    Onyo: BBC haihusiki na maudhui ya nje

    Mwisho wa X ujumbe

11. 1 Julai 2023Hujambo na karibu tena kwa matangazo yetu ya mubashara leo tarehe 01.07.2023