BBC News, Swahili
Ruka hadi maelezo

Moja kwa moja, Iran yalipiza kisasi kwa washirika wa Marekani baada ya meli zake za mafuta kuharibiwa

Iran imeanza kulipiza kisasi dhidi ya washirika wa Marekani katika eneo la Ghuba, baada ya Marekani kuharibu meli tano za mafuta za Iran. Vikosi vya Houthi vinavyoungwa mkono na Iran vilishambulia miji minne kusini mwa Saudi Arabia kwa makombora na ndege zisizo na rubani, huku watu 73 wakijeruhiwa na baadhi ya vituo vya mafuta kushika moto. Iran pia imerusha makombora kuelekea kituo cha kijeshi cha Marekani nchini Jordan, huku Jordan ikisema ilifanikiwa kuyadungua mengi ya makombora hayo.

Muhtasari

Iran yalipiza kisasi kwa washirika wa Marekani baada ya meli zake za mafuta kuharibiwa

Moja kwa moja

Na Mariam Mjahid

  1. Tetesi za Soka Ulaya Jumatano: Liverpool yamfuatilia Thiaw

    n

    Chanzo cha picha, Getty Images

    Liverpool na Manchester United zinaendelea kumfuatilia beki wa Ujerumani, Malick Thiaw, mwenye umri wa miaka 25, lakini Newcastle haina mpango wa kumuuza. . (Caught Offside)

    Winga wa Sunderland, Chemsdine Talbi, mwenye umri wa miaka 21, yuko mbioni kujiunga na klabu ya Al Ittihad ya Ligi Kuu ya Saudi Arabia.

    (Football Insider)

    Fulham inatarajiwa kuanza mazungumzo ya kuongeza mkataba wa beki wake, Calvin Bassey, mwenye umri wa miaka 26, anayewindwa na Inter Milan.

    (Teamtalk)

    Winga wa Bournemouth, Rayan, mwenye umri wa miaka 20, ana kipengele cha kuvunja mkataba chenye thamani ya pauni milioni 130, kitakachoanza kutumika katika dirisha la usajili la majira ya joto 2027. (David Ornstein via the Athletic - subscription required)

    Newcastle itampa kiungo Joe Willock, mwenye umri wa miaka 27, mkataba mpya iwapo ataendelea kuonyesha kiwango kizuri chini ya kocha Matthias Jaissle. (Football Insider)

    Kiungo wa zamani wa Real Madrid, James Rodriguez, mwenye umri wa miaka 35, yuko kwenye mazungumzo ya kujiunga na Avellino ya Serie B, inayofundishwa na beki wa zamani wa Italia, Alessandro Nesta.(Marca)

    Chelsea iko tayari kuwasilisha ofa kwa kiungo wa Bournemouth, Alex Scott, mwenye umri wa miaka 23, katika dirisha la usajili la Januari(Teamtalk)

  2. Iran yalipiza kisasi kwa washirika wa Marekani baada ya meli zake za mafuta kuharibiwa

    S

    Chanzo cha picha, EPA/SHUTTERSTOCK

    Iran imerusha makombora ya balistiki dhidi ya kambi ya kijeshi ya Marekani karibu na Al Azraq nchini Jordan, kwa mujibu wa taarifa ya Walinzi wa Mapinduzi ya Kiislamu, IRGC, iliyonukuliwa na vyombo vya habari vya serikali.

    Vyombo vya habari vya Iran pia vimechapisha video vinavyodai kuonyesha makombora ya Iran yakirushwa kuelekea Jordan. Kamandi Kuu ya Marekani, CENTCOM, haijatoa maelezo kuhusu madai hayo.

    Mashambulizi hayo yanakuja baada ya CENTCOM kusema imeharibu meli tano za mafuta za Iran, Kaviz, Charminar, Horizon 1, Riesco na Derya, katika Ghuba ya Oman na karibu na Kisiwa cha Kharg.

    CENTCOM imesema iliwataka wafanyakazi wa meli hizo kuondoka kabla ya kuzishambulia na kuzifanya zishindwe kufanya kazi.

    Jumamosi, CENTCOM ilisema pia iliharibu meli tatu za mafuta za Iran baada ya Walinzi wa Mapinduzi kujaribu kushambulia meli ya kubeba ndege za kivita ya Marekani na meli ya kivita yenye makombora.

    Waziri wa Mambo ya Nje wa Marekani, Marco Rubio, amesema Iran itaendelea kupoteza meli za mafuta kila inapojaribu kushambulia meli za kivita za Marekani.

  3. Hujambo na karibu kwa matangazo ya moja kwa moja ya tarehe 9/09/ 2026.