Kwa Picha: Uharibifu wa Kimbunga Irma Caribbean

Usomaji maandishi tu kupunguza gharama za data

7 Septemba 2017

Kimbunga hivi cha ngazi ya juu zaidi kimesababisha uharibifu mkubwa sana visiwa vya Caribbean, na jimbo la Florida limewekwa kwenye hali ya tahadhari Marekani.

Gustavia Saint-Barthélemy — Maelezo ya picha, Kimbunga hicho kimeharibu nyumba na biashara, na kukatiza umeme maeneo mengi. Watu 10 wamethibitishwa kufariki kufikia sasa. Hapa ni ufukweni katika mji wa Gustavia kisiwa cha Saint-Barts

British Virgin Islands — Maelezo ya picha, Katika visiwa vya Virgin Islands vya Uingereza, upepo mkubwa na mawimbi vinaonekana vikisukuma meli na boti hadi ufukweni

Kimbunga — Maelezo ya picha, "Ni janga kubwa, kisiwa kimeharibiwa 95%. Nimesikitishwa sana," afisa wa kisiwa cha Saint-Martin Daniel Gibbs amesema kwenye mahojiano.

Kimbunga — Maelezo ya picha, Jeshi la Uholanzi limetoa picha za kutoka angani zikionesha uharibifu Sint Maarten, eneo la kisiwa cha St Martin linalomilikiwa na Uholanzi. Kisiwa hicho kimegawanywa mara mbili - eneo la Uholanzi na la Ufaransa.

Fajardo, Puerto Rico. — Maelezo ya picha, Katika jimbo la Puerto Rico. Nusu ya nyumba na biashara hazina umeme na maeneo mengi ya kisiwa hicho yamefurika maji.

Puerto Rico — Maelezo ya picha, Ingawa Puerto Rico haijapigwa moja kwa moja, maafisa wa uokoaji wamelazimika kuondoa miti iliyoanguka pamoja na vifusi barabarani.

Puerto Rico — Maelezo ya picha, Kina cha maji kinatarajiwa kupanda kwa hadi 20ft (6m) maeneo mengi ya pwani Caribbean

Haiti — Maelezo ya picha, Kaskazini mwa Haiti, watu waliondoa vitu vyao vya thamani kutoka kwenye paa za nyumba wakijiandaa kwa Irma.

Kimbunga — Maelezo ya picha, Kituo cha Taifa cha Vimbunga cha Marekani kimetahadharisha kwamba juhudi za kulinda maisha na mali zinafaa kuharakishwa kabla ya kimbunga hicho kupitia maeneo yanayotarajiwa kupigwa na kimbunga hicho.

Dominican Republic — Maelezo ya picha, Wakazi maskini wa Santo Domingo katika Jamhuri ya Dominika wana wasiwasi kuhusu athari za upepo na maji kwenye nyumba zao.

Richard Branson — Maelezo ya picha, Richard Branson amekuwa katika kisiwa chake cha kibinafsi cha Necker, katika Visiwa vya Virgin vya Uingereza wakati wa kimbunga hicho.

Kimbunga — Maelezo ya picha, Vimbunga vimekuwa vikipiga pwani ya Florida mara kwa mara lakini Irma ndicho kimbunga chenye nguvu zaidi kuwahi kutokea Atlantiki katika kipindi cha mwongo mmoja.

Kimbunga — Maelezo ya picha, Wakazi wa Key West, Florida, wamekuwa wakijiandaa na wengine kuondoka maeneo yaliyo hatarini.

Kimbunga — Maelezo ya picha, Baadhi ya maduka Florida yameishiwa na maji ya chupa. Katika baadhi ya maeneo, kumeripotiwa makabiliano kati ya wateja wakipiganuia maji na chakula.

Kimbunga — Maelezo ya picha, Baada ya Irma, vimbunga Jose na Katia. Vinatarajiwa kufuata. Kimbunga Katia kinatishia pwani ya Mexico.