O lay thy loof in mine lass

Available for over a year

O lay thy loof in mine lass, In mine lass, in mine lass, And swear on thy white hand lass, That thou wilt be my ain. A slave to love's unbounded sway, He aft has wrought me meikle wae; But now he is my deadly fae, Unless thou be my ain. O lay thy loof in mine lass, In mine lass, in mine lass, And swear on thy white hand lass, That thou wilt be my ain. There's monie a lass has broke my rest, That for a blink I hae lo'ed best; But thou art queen within my breast For ever to remain. O lay thy loof in mine lass, In mine lass, in mine lass, And swear on thy white hand lass, That thou wilt be my ain.