Port Talbot

Available for over a year

A hud y lleuad llawn arian oer mor bell o’n byd yn llusgo llanw lliw dur o gyfandir i gyfandir, a chroeswyntoedd y marchnadoedd mawr yn chwerthin trwy goridorau grym ac yn poeri ewyn i wyneb dyn, mae cwtsh o deulu yng nghwch bach eu cartref yn cyfri eu ceiniogau dros fins ar dôst, a chadwyn hen angor trwm yn bygwth llithro, ddolen wrth ddolen, trwy ddwylo garw’r gŵr a chwipio’u byd megis deilen i’r fagddu sydd am fygu’u fflam dragwyddol, a gadael dim ond adlewyrchiad lleuad oer yn ofn yn eu llygaid llawn.