le Cathy NicDhòmhnaill

Available for 28 days

Air a' phrògram an-diugh tha sinn a' dèanamh luaidh air Dòmhnall MacRath nach maireann, a bhàsaich an t-seachdain sa chaidh. B' e seinneadair a bh' ann an Dòmhnall air an robh meas mòr aig an t-sluagh. Tha Cathy NicDhòmhnaill a' cluinntinn mun dìleab phrìseil a dh'fhàg Dòmhnall againn - le cuimhneachain air òige is togail Dhòmhnaill, mar a bhiodh e a' tàladh an t-uabhas gu na taighean-seinnse is na cèilidhean aig am biodh e, agus criomagan de ghuth Dhòmhnaill fhèin a' seinn is ag innse mu bheatha, Air aoigheachd a' cuimhneachadh air tha an t-seinneadair Cairistìona Cheanadach, a bhuineas do Sgìre nan Loch an Leòdhas; Alasdair MacIlleathain à Dùn Bheagain, a chuir eòlas air an Glaschu nuair a bha e ag obair anns a' Phark Bar, Campbell MacIlleDhuinn a chluich còmhla ris iomadach uair, agus Donaidh Dòmhnallach a bha eòlach air Dòmhnall fad iomadach bliadhna bho òige air na Lochan.