Tirada dhimashada qaraxyadii Muqdisho oo korodhay

Waxaa koradhay tirada dadkii ku dhintay qaraxyadii galabta ka dhacay magaalada muqdisho.

Qaraxyadan oo ahaa labo qarax ayaa waxa wararkii ugu dambeeyay ay sheegayaan in ay ku dhinteen 14 qof.

Qaraxa hore ayaa waxa uu ahaa gaari walxaha qarxa laga soo buuxiyay oo lala beegsaday hotelka NAASA HABLOOD 2 oo ku yaal inta u dhaxaysa Ex-Baarlamaan iyo Tiyaatarka.

Farmaajo: $100 kun oo dollar ayaan siindoonaa qofkii qarax soo sheega

Qaraxii Muqdisho: Dareenkii Shacabka oo dariiqyada usoo baxay

Qarixii Soobe ka dib "Muqdisho ma niyad jabin"

Ka dib qaraxa ayaa waxaa hotelka galay koox hubaysan halkaasi oo risaas laga maqlayay.

Saraakiisha gurmadka ambalaasyada ayaa BBC-da u xaqiijiyey in 17 dhaawac ah goobta ay ka qaadeen.Kooxda Alshabab ayaa sheegatay masuuliyada labada weerar ee Muqdisho ka dhacay.

Qaraxyadani ayaa ku soo beegmay ka dib qaraxii waynaa ee 14 bishan ka dhacay muqdisho kaasi oo ay ku dhinteen in ka badan 300 oo qof.