TOOS, Xoghayaha Maaliyadda ee Mareykanka oo ka digay cawaaqibka ka dhalan kara la-macaamilka shirkadaha diyaaradaha ee Iran

Tebin toos ah

1. 19 Daqiiqadood ka horKu dhowaad 600 oo qof oo reer Burundi ah oo lagu xannibay xadka Kenya iyo Tanzania

   

   Xigashada Sawirka, Getty Images

   Qiyaastii 600 oo qof oo reer Burundi ah oo Kenya ka baxay ayaa lagu xannibay xadka Isebania ee Kenya iyo Tanzania, kuwaas oo aan heysan baasaboorro ama dukumentiyo safar oo sax ah.

   Alexis Ntinanirwa, oo ah madaxa ururka dadka reer Burundi ee ku nool Kenya, ayaa BBC Gahuza u sheegay, in dadkaasi ay ku safrayeen gaadiid kala duwan, balse saraakiisha socdaalka ay u diideen inay ka gudbaan xadka dhinaca Sirari ee Tanzania.

   Wuxuu sheegay in Safaaradda Burundi ee Kenya ay xaaladda la socoto, isla markaana ay wadahadallo kula jirto dowladaha Kenya iyo Tanzania, si reer Burundi loogu oggolaado inay safarkooda sii wataan iyaga oo aan qasab ku noqon inay Nairobi dib ugu soo laabtaan si ay u soo qaataan dukumentiyada safarka.

   Waxaa uu sheegay in dadkaas ay hadda ku sugan yihiin garoon kubbadda cagta oo ku yaalla xadka, iyagoo sugaya go’aan.

   Mr. Ntinanirwa wuxuu sheegay in ururkooda, oo kaashanaya Safaaradda Burundi ee Kenya, uu sidoo kale wadahadallo kula jiro Hay’adda Caalamiga ah ee Socdaalka (IOM), Laanqayrta Cas iyo Hay’adda Qaramada Midoobay u qaabilsan Qaxootiga (UNHCR), si loo siiyo gargaar degdeg ah oo ay ka mid yihiin cunto iyo hoy.

   Wuxuu intaas ku daray in helitaanka gaadiid lagu qaado dadkan reer Burundi ee doonaya inay dalkooda ku laabtaan ay yahay caqabad kale oo hadda wax laga qabanayo.

   Arrintan ayaa ku soo beegmaysa iyadoo boqolaal reer Burundi ah ay maalmo badan isugu soo ururayeen Safaaradda Burundi ee magaalada Nairobi, iyagoo raadinaya dukumentiyo safar si ay dalkooda ugu laabtaan.

   Waxay sheegeen inay ka cabsi qabaan hadalladii Madaxweynaha Kenya, William Ruto, ee ku saabsanaa ganacsatada yaryar ee ajaanibta ah.

   Dowladda Kenya waxay ajaanibta siisay 90 maalmood si ay u dhammaystiraan habraacyada looga baahan yahay inay dalka ugu noolaadaan, uga shaqeeyaan ama ganacsi uga sameeyaan. Waxay sidoo kale sheegtay inaan qof ama koox loo oggolaan doonin inay cabsi geliyaan, dhibaateeyaan ama ka hor istaagaan ajaanibta inay sii wataan hawlahooda.

2. Saacad ka horIlaalada Kacaanka Iran oo sheegatay inay weerartay Maraakiib

   Ilaalada Kacaanka Iran ayaa sheegtay in ciidamada badda ee Ilaalada Kacaanku ay weerareen “laba markab oo Maraykan ah iyo siddeed markab oo ah nooca qaada shidaalka”, iyagoo sheegay inay waxyeello weyn gaarsiiyeen.

   Sheegashadan ayaa timid kadib weerarkii Maraykanka uu ku qaaday shan Maraakiib nooca Shidaalka ah oo Iran leedahay.

   Bayaanka Ilaalada Kacaanka oo la soo saaray subaxnimadii Arbacada, 8-da Sebtembar, ayaa sidoo kale lagu sheegay in “10 markab oo xadgudub sameeyay” la weeraray.

   Ilaalada Kacaanka ayaa sheegtay in maraakiibtaasi ay isku dayayeen inay maraan waxa ay ku tilmaantay “aagga mamnuuca ah ee aan ammaan ahayn” ee marin-biyoodka Hormuz.

   Wararkan weli si madax-bannaan looma xaqiijin.

   Dhanka kale, CENTCOM ayaa bayaan ay soo saartay saqdii dhexe ee Talaadada ku sheegtay in bartilmaameedsiga shanta maraakiib nooca shidaalka oo Iran leedahay ah taasi oo jawaab u ahaa weerar Iran ay ku qaaday maraakiibta dagaalka ee Maraykanka.

   CENTCOM waxay sheegtay in maraakiibta Maraykanka aan waxyeello loo geysan, ayna sii wadeen hawlgalladooda.

3. 2 Saacadood ka horIlaalada Kacaanka Iran oo sheegatay inay weerartay saldhig Maraykan ah oo Jordan ku yaalla

   Ilaalada Kacaanka Iran ayaa sheegtay inay bartilmaameedsatay saldhig Maraykan ah oo ku yaalla Jordan, kadib markii saacadihii la soo dhaafay ay baahiyeen muuqaallo ay ku tilmaameen inay muujinayaan weerar gantaallo ah oo lagu qaaday goobo ku yaalla dalkaas.

   Bayaanka ay Ilaalada Kacaanku soo saareen saqdii dhexe ee habeenkii Talaadada ayay ku sheegeen in bartilmaameedku ahaa “Saldhigga Blue ee Maraykanka” ee Jordan.

   Waxay sheegeen in weerarka lagu qaaday hangarrada lagu dayactiro, lagu diyaariyo laguna daadgureeyo diyaaradaha dagaalka noocyada F-15, F-16 iyo F-35, iyo sidoo kale goobaha ay diyaaraduhu ku xareysan yihiin.

   Ilaalada Kacaanka ayaa sheegtay in weerarka loo adeegsaday gantaallo ballistic ah oo culus, kuwaas oo ku shaqeeya shidaal adag iyo shidaal dareere ah, isla markaana ay sababeen “burbur weyn”.

   Ilaalada Kacaanka ayaa sheegtay in weerarradan ay jawaab u ahaayeen weerarrada Maraykanka uu ku qaaday booyadaha saliidda ee Iran.

4. 5 Saacadood ka horIran oo sheegtay inay gantaallo ku weerartay saldhigyada Maraykanka ee Jordan

   Wakaaladaha wararka rasmiga ah ee Iran ayaa baahiyay muuqaallo ay sheegeen inay muujinayaan weerar gantaallo ah oo lagu qaaday saldhigyo milatari oo Maraykanku ku leeyahay Jordan.

   Wakaaladahan ayaa, iyaga oo baahiyay muuqaalada, sheegay in waxa ka muuqda ay yihiin gantaallo laga soo riday Iran oo dul maraya hawada Jordan, kuna sii jeeda bartilmaameedyadooda.

   Ilaa hadda, ma jirto xaqiijin madax-bannaan oo ku saabsan sheegashada Iran ama muuqaalada la baahiyay.

5. 7 Saacadood ka horCENTCOM: Waxaan burburinnay shan maraakibta qaadda shidaalka oo siday shidaal cayriin oo ay Iran leedahay

   

   Xigashada Sawirka, Reuters

   Taliska Dhexe ee ciidamada Maraykanka (CENTCOM) ayaa Talaadadii, 8-da Sebtembar, sheegay in ciidamadiisu ay “burburiyeen” shan Markab oo siday shidaal cayriin oo Iran ay iska leedahay, kadib laba weerar oo gantaallo ballistic ah oo Ilaalada Kacaanka Iran ay labadii maalmood ee la soo dhaafay ku qaadeen markab ay leeyihiin ciidamada badda Maraykanka.

   CENTCOM ayaa bayaan ku sheegay in ciidamada badda Maraykanku ay si guul leh uga baaqsadeen weerarrada gantaallada Iran, ayna sii wadeen roondooyinka biyaha gobolka.

   Taliska ayaa sidoo kale sheegay in aanu jirin askari ama shaqaale Maraykan ah oo ku dhaawacmay weerarrada.

   CENTCOM waxay sheegtay in jawaab laga bixinayo weerarradii ugu dambeeyay ee Iran, ciidamada Maraykanku ay bartilmaameedsadeen markabka shidaal ee MT Cavuso, MT Charminar, MT Horizon 1 iyo MT Risko, kuwaas oo ku sugnaa Badda Cumaan, iyo MT Darya oo ku dhow jasiiradda Kharg.

   Milatariga Maraykanka ayaa sheegay in shaqaalaha markabka shidaal loo sheegay inay maraakiibta ka baxaan ka hor inta aan la weerarin, kadibna markabka la bartilmaameedsaday oo la curyaamiyay.

   CENTCOM ayaa Iran ku eedaysay inay markabkan Shidaal u adeegsanaysay shabakad qarsoodi ah oo balaayiin dollar ku kacaysa, taas oo shidaal lagu kala wareejiyo, si dhaqaale loogu helo Ilaalada Kacaanka iyo xulafadeeda gobolka.

   Taliska ayaa sidoo kale sheegay in Iran aysan awood u lahayn inay si wax ku ool ah u difaacdo Maraakiibtan nooca Shidaalka qaada ah.

   Bayaanka CENTCOM ayaa intaa ku daray in 5-tii Sebtembar, kadib markii Ilaalada Kacaanku isku dayeen inay weeraraan markab diyaaradaha qaada oo Maraykan ah iyo markab kale oo ku hubaysan gantaallada hagaha, ciidamada CENTCOM ay burburiyeen saddex markab oo Shidaal oo kale oo Iran leedahay.

   Wakaaladaha wararka rasmiga ah ee Iran ayaa xaqiijiyay in Maraakiibtan shidaalka lagu weeraray meel ka baxsan xeebta dekedda Jask, balse weli ma aysan soo sheegin weerarro lagu qaaday booyadaha kale.

6. 7 Saacadood ka horAraqchi: Wadahadallada Iran iyo Cumaan ee marin-biyoodka Hormuz horumar ayay sameeyeen

   Wasiirka Arrimaha Dibadda Iran, Abbas Araghchi, ayaa sheegay in “horumar la taaban karo” laga gaaray wadahadallada u dhexeeya Iran iyo Cumaan ee ku saabsan samaynta marin ku-meelgaar ah oo ay maraan maraakiibta isticmaasha marin-biyoodka Hormuz.

   Araghchi ayaa arrintan ku sheegay khadka taleefanka isaga oo la hadlay dhiggiisa Japan, Toshimitsu Motegi.

   Waxa uu sheegay in dib loogu soo celiyo marin-biyoodka Hormuz xaaladdiisii caadiga ahayd ay ku xiran tahay “in dhinaca Maraykanku soo laabto, u hoggaansamo ballanqaadyadiisa, isla markaana saxiixo heshiiska is-afgaradka ee Islamabad.”

   Hubanti la’aanta ku saabsan dib u furista marin-biyoodka Hormuz ayaa timid xilli Hassan Qashqavi, afhayeenka Guddiga Amniga Qaranka iyo Siyaasadda Dibadda ee Baarlamaanka Iran, uu maanta faahfaahin ka bixiyay sida loo bixin doono khidmadaha maraakiibta isticmaala marin-biyoodka.

   Qashqavi ayaa sheegay in dakhliga laga helo qorshaha khidmadaha laga qaadayo maraakiibta mara Hormuz, marka laga soo tago miisaaniyadda sanadlaha ah ee la ansixiyay, loo isticmaali doono “nolol-maalmeedka shacabka oo qaab badeecooyin ah, xoojinta difaaca dalka iyo kaabayaasha dhaqaalaha.”

   Qorshaha istiraatiijiga ah ee marin-biyoodka Hormuz, oo ka kooban sagaal qodob oo la xiriira marin-biyoodka iyo saddex qodob oo ku saabsan wax-ka-beddelka sharciga aagagga badda, ayaa Baarlamaanka Iran lagu soo bandhigay bartamihii bishii Agoosto.

   Qorshaha ayaa loo gudbiyay Guddiga Amniga Qaranka iyo Siyaasadda Dibadda ee Baarlamaanka.

   Mas’uuliyiinta Jamhuuriyadda Islaamiga ah ayaa rajaynaya inay dakhli joogto ah ka helaan khidmadaha laga qaado maraakiibta isticmaasha marin-biyoodkan istiraatiijiga ah.

7. 8 Saacadood ka horXuutiyiinta Yemen oo sheegay in Sacuudigu weerarro aargoosi ah qaaday

   Xuutiyiinta Yemen ayaa sheegay in Sacuudi Carabiya ay Talaadadii qaaday weerarro aargoosi ah, kadib weerarro ay kooxdaasi ku qaaday xarumo shidaal oo sababay dhaawaca tobannaan qof.

   Telefishinka Al-Masirah oo ay maamulaan Xuutiyiintu ayaa sheegay in weerarrada Sacuudigu ay ka dhaceen gobollada Taiz iyo Ma’rib.

   Mas’uuliyiinta Sacuudiga weli kama aysan hadlin wararka ku saabsan weerarrada.

   Hase yeeshee, horay ayay u sheegeen in weerarro ay Xuutiyiintu habeenkii qaadeen ay sababeen in si “ku-meelgaar ah” loo hakiyo shaqada xarumo shidaal, isla markaana ay ku dhaawacmeen 73 qof.

   Mas’uuliyiinta Sacuudiga ayaa markaas sheegay inay ka jawaabi doonaan weerarrada Xuutiyiinta.

   Xoghayaha Guud ee Qaramada Midoobay ayaa cambaareeyay weerarrada ay Xuutiyiintu qaadeen.

   Sheekooyinka kale ee aad sii akhrin karto:

   'Shaqadayduwaa inaan uur u qaado haweenka aan uur yeelan karin'

   Sida maskaxda duqsigu u sharxi karo hab-dhaqanka aadanaha

   Maxay bakteeriyada wanaagsan ee afku muhiim ugu tahay caafimaadkaaga? Maxaad cuni kartaa si aad u ilaaliso?

8. 8 Saacadood ka horIlaalada Kacaanka Iran oo digniin u diray shaqaalaha Maraakibta qaadda Shidaalka ee Bahrain iyo Kuwait

   

   Xigashada Sawirka, Reuters

   Ciidamada Badda ee Ilaalada Kacaanka Iran ayaa soo saaray digniin ku saabsan in si dhow loo beegsan karo Makiibta Shidaalka ee ku sugan dekedaha iyo xeebaha Bahrain iyo Kuwait.

   Bayaan ay ciidamadaasi soo saareen fiidnimadii Talaadada ayay ku sheegeen in digniintan ay jawaab u tahay weerarrada ciidamada Maraykanka ay ku qaadeen Maraakiibta Shidaalka ee Iran.

   Waxay sheegeen in dhammaan shaqaalaha maraakiibta Shidaalka qaada ee ku dhow dekedaha Kuwait iyo Bahrain loo diray digniin, maadaama labada dal ay martigeliyaan ciidamada Maraykanka.

   “Waxaan uga digaynaa inay si degdeg ah uga baxaan maraakiibtooda, haddii ay deked ku jiraan ama ay meel ku xiran yihiin, maadaama la beegsan doono,” ayaa lagu yiri bayaanka.

   Ilaalada Kacaanka ayaa sidoo kale sheegtay in digniinta ay khusayso dhammaan shaqaalaha Maraakiibta qaadda Shidaalka ee ku sugan agagaarka dekedaha labada dal.

   Sheekooyinka kale ee aad sii akhrin karto:

   'Shaqadayduwaa inaan uur u qaado haweenka aan uur yeelan karin'

   Sida maskaxda duqsigu u sharxi karo hab-dhaqanka aadanaha

   Maxay bakteeriyada wanaagsan ee afku muhiim ugu tahay caafimaadkaaga? Maxaad cuni kartaa si aad u ilaaliso?

9. 9 Saacadood ka horAmnesty International: Tobannaan qof oo rayid ah ayaa lagu dilay laguna dhaawacay Tehran

   Hay’adda Amnesty International ayaa sheegtay in tobannaan qof oo rayid ah lagu dilay laguna dhaawacay goobo ay dadku ku badan yihiin oo ku yaalla Tehran, intii lagu jiray dagaalka 40-ka maalmood socday ee u dhexeeyay Iran, Maraykanka iyo Israa’iil.

   Hay’addu waxay ku baaqday in baaritaan madax-bannaan oo aan eex lahayn lagu sameeyo weerarrada Maraykanka iyo Israa’iil.

   Agnes Callamard, xoghayaha guud ee Amnesty International, ayaa sheegtay in weerarrada Maraykanka iyo Israa’iil ay dhici karto inay noqon karaan dambiyo dagaal.

   Sida lagu sheegay baaritaanka Amnesty International, marka laga soo tago dhimashada dadka rayidka ah, weerarradu waxay sidoo kale sababeen burbur baahsan oo soo gaaray guryaha, goobaha ganacsiga iyo dhismayaasha rayidka ah.

   Amnesty International ayaa ugu baaqday Maraykanka, Israa’iil iyo Iran inay dhisaan guddi caalami ah oo xaqiiqo-raadin ah, kaas oo baaraya eedeymaha la xiriira xadgudubyo culus oo ka dhan ah sharciga caalamiga ah oo ay geysteen dhammaan dhinacyada ku lugta leh dagaalka.

10. 9 Saacadood ka horWarbaahinta Iran oo sheegtay qarax laga maqlay Jask

    Warbaahinta Iran ayaa sheegtay in qarax laga maqlay magaalada Jask ee gobolka Hormozgan.

    Wakaaladda wararka Fars ayaa sheegtay in qaraxu dhacay abbaaro 9:45 habeenimo xilliga maxalliga ah.

    “Abbaaro 9:45 habeenimo, waxaa magaalada Jask laga maqlay qarax,” ayay Fars sheegtay.

    Wakaaladdu waxay soo xigatay ilo maxalli ah oo sheegay in dhawaqa qaraxa laga maqlay dhanka badda, meel u dhow deegaanka Sang Siyah.

    Ilohooda ayaa sidoo kale sheegay in qaraxu dhacay laba jeer oo isku xigta, iyadoo labada qarax ay u dhaceen masaafo gaaban.

    Sheekooyinka kale ee aad sii akhrin karto:

    'Shaqadayduwaa inaan uur u qaado haweenka aan uur yeelan karin'

    Sida maskaxda duqsigu u sharxi karo hab-dhaqanka aadanaha

    Maxay bakteeriyada wanaagsan ee afku muhiim ugu tahay caafimaadkaaga? Maxaad cuni kartaa si aad u ilaaliso?

11. 8 Sebtembar 2026Mareykanka oo BBC u sheegay in gujis Maraykanku leeyahay ay cilad farsamo ku timid Gacanka Hormuz

    Taliska Dhexe ee ciidamada Maraykanka, CENTCOM, ayaa BBC uga jawaabay sheegashada Iran ee ah inay “qabatay” gujis Maraykanku leeyahay oo aan naaquuda lahayn , kaas oo ku sugnaa marin-biyoodka Hormuz.

    Afhayeenka CENTCOM, Kabtan-Leytenant Tim Hawkins, ayaa bayaan uu soo saaray ku sheegay in gujis ka tirsan ciidamada badda Maraykanka ay cilad farsamo ku timid in ka badan hal maalin ka hor.

    “Gujisku wuxuu ku guda jiray roondo biyaha aaggaas, isagoo taageeraya hawlgallada socda,” ayuu yiri.

    Waxa uu intaa ku daray in gujiskaasi ahaa nooc hore oo aan ururin xog xasaasi ah, isla markaana uusan sidin qalab raadaar ama dareemayaal sir ah.

    “Hawlgallada Maraykanka ee biyaha gobolka ayaa weli socda,” ayuu yiri Hawkins.

    Saacado ka hor, wakaaladda wararka Fars oo xiriir dhow la leh Ilaalada Kacaanka Iran ayaa sheegtay inay “qabatay” gujis Maraykanku leeyahay oo ah nooc casri ah.

    Fars ayaa sheegtay in gujiska uu ka mid yahay “gujisyada aan naaquudaha lhayn ee ugu casrisan uguna caqliga badan” ee ciidamada Maraykanka.

    Wakaaladdu waxay sidoo kale sheegtay in gujiska lagu qabtay “albaabka laga galo” marin-biyoodka Hormuz.

    Sheekooyinka kale ee aad sii akhrin karto:

    'Shaqadayduwaa inaan uur u qaado haweenka aan uur yeelan karin'

    Sida maskaxda duqsigu u sharxi karo hab-dhaqanka aadanaha

    Maxay bakteeriyada wanaagsan ee afku muhiim ugu tahay caafimaadkaaga? Maxaad cuni kartaa si aad u ilaaliso?

12. 8 Sebtembar 2026Iran oo sheegtay inay qabatay gujis Maraykanku leeyahay

    Wakaaladda wararka Fars oo xiriir dhow la leh Ilaalada Kacaanka Iran ayaa sheegtay in Iran ay “qabatay” gujis Maraykan ah oo iskiis u shaqeeya.

    Fars ayaa sheegtay in gujiskaasi uu ka mid yahay “gujisyada aannaaquudaha lahayn ee ugu casrisan garaadkan badan” ee ciidamada Maraykanka.

    Wakaaladdu waxay intaa ku dartay in gujiska lagu qabtay “albaabka laga galo” marin-biyoodka Hormuz.

    Dhinaca Maraykanka weli kama uusan hadlin sheegashada Iran.

    Sheekooyinka kale ee aad sii akhrin karto:

    'Shaqadayduwaa inaan uur u qaado haweenka aan uur yeelan karin'

    Sida maskaxda duqsigu u sharxi karo hab-dhaqanka aadanaha

    Maxay bakteeriyada wanaagsan ee afku muhiim ugu tahay caafimaadkaaga? Maxaad cuni kartaa si aad u ilaaliso?

13. 8 Sebtembar 2026Taliyaha Ciidamada Dhulka ee Iran: Waxaan si buuxda ula soconnaa xaaladda xuduudaha

    Sarreeye Guuto Cali Jahanshahi, oo ah taliyaha Ciidamada Dhulka ee Milatariga Iran, ayaa sheegay in ciidamadiisu ay “si buuxda xog sirdoon uga hayaan xuduudaha Iran”, isla markaana aysan u oggolaan doonin “cadowga inuu sameeyo xitaa dhaqdhaqaaq yar”.

    Mr Jahanshahi ayaa sheegay in awoodda sirdoon ee Iran ay sababtay in la ogaado lana fashiliyo qorshayaasha hawlgallada dhulka ee cadowga ka hor inta aysan qaadin tallaabo wax ku ool ah.

    Waxa uu intaas ku daray in cadowgu uusan awood u lahayn inuu ka hirgeliyo ujeeddooyinkiisa meelaha u dhow xuduudaha Jamhuuriyadda Islaamiga ah ee Iran.

    Taliyaha Ciidamada Dhulka ayaan faahfaahin ka bixin waxa uu ugu yeeray “ogaanshaha bartilmaameedyada cadowga”.

    Iran ayaa horey u sheegtay inay duqeymo milatari ku bartilmaameedsatay qaar ka mid ah fariisimo ay kooxo ka soo horjeeda dowladda Iran ku leeyihiin waqooyiga Ciraaq.

    Sheekooyinka kale ee aad sii akhrin karto:

    'Shaqadayduwaa inaan uur u qaado haweenka aan uur yeelan karin'

    Sida maskaxda duqsigu u sharxi karo hab-dhaqanka aadanaha

    Maxay bakteeriyada wanaagsan ee afku muhiim ugu tahay caafimaadkaaga? Maxaad cuni kartaa si aad u ilaaliso?

14. 8 Sebtembar 2026Xoghayaha Maaliyadda Mareykanka oo ka digay cawaaqibka ka dhalan kara la macaamilka shirkadaha diyaaradaha Iran

    Ka dib markii Mareykanku ku dhawaaqay cunaqabatayn cusub, Xoghayaha Maaliyadda Mareykanka Scott Bessent ayaa uga digay dadka iyo shirkadaha la macaamila diyaaradaha Iran.

    Mr Bessent ayaa qoraal uu ku daabacay barta bulshada ee X ku sheegay: “Iyadoo qayb ka ah hawlgalka dhaqaale ee lagu go'doominayo Iran, waxaan ballanqaadnay inaan tallaabooyin adag ka qaadi doonno kuwa taageera nidaamka Iran, gaar ahaan kuwa siiya il dhaqaale.”

    Xoghayaha Maaliyadda Mareykanka ayaa intaas ku daray: “Maanta waxaan fulinnay ballanqaadkaas, annagoo cunaqabatayn ku soo rognay shirkado sii wada taageerada shirkadda diyaaradaha ee Mahan Air.”

    “Arrintani ha noqoto digniin ku socota kuwa ganacsi la sameeya shirkadaha kale ee diyaaradaha Iran ee maanta cunaqabataynta lagu soo rogay. Waxaad halis ugu jirtaan in laga go'doomiyo nidaamka maaliyadeed ee caalamka,” ayuu yiri.

    Dowladda Mareykanka ayaa saacado ka hor ku dhawaaqday inay liiska cunaqabataynta ku dari doonto dhammaan shirkadaha diyaaradaha Iran ee aan hore loogu soo rogin cunaqabatayn.

    Mareykanka ayaa sheegay in tallaabadan ay qayb ka tahay dadaalladiisa lagu doonayo in Iran dhaqaale ahaan looga go'doomiyo caalamka.

    Wasaaradda Maaliyadda Mareykanka ayaa sheegtay in tallaabadii ugu dambeysay ay cunaqabatayn ku soo rogtay 36 qof iyo hay'ado lagu eedeeyay inay taageeraan waaxda duulista ee Iran.

    Sheekooyinka kale ee aad sii akhrin karto:

    'Shaqadaydu waa inaan uur u qaado haweenka aan uur yeelan karin'

    Sida maskaxda duqsigu u sharxi karo hab-dhaqanka aadanaha

    Maxay bakteeriyada wanaagsan ee afku muhiim ugu tahay caafimaadkaaga? Maxaad cuni kartaa si aad u ilaaliso?

15. 8 Sebtembar 2026Yaa ka mid ah 30-ka ciyaaryahan ee u sharaxan Abaalmarinta Ballon d’Or 2026?

    

    Xigashada Sawirka, Getty Images

    Kylian Mbappé, Lionel Messi, Harry Kane iyo Erling Haaland ayaa ka mid ah 30-ka ciyaaryahan ee kubbadda cagta ah ee loo sharaxay abaalmarinta Ballon d’Or ee ragga sannadkan.

    Guuleystihii sannadkii hore, Ousmane Dembélé, waxaa liiska ku weheliya toddobo ka mid ah saaxiibbadiis kooxda PSG, oo ah kooxda ku guuleysatay horyaalka Yurub, waxaana ka mid ah garabka weerarka ee hibada gaarka ah leh, Khvicha Kvaratskhelia oo u dhashay Georgia.

    Weeraryahanka France iyo Real Madrid, Kylian Mbappé, oo xagaagan noqday gooldhaliyaha ugu sarreeya taariikhda Koobkii Adduunka ayaa sheegay inuu dareemayo in sannadkan laga yaabo inuu yahay waqtigii ku habboonaa ee uu ku guuleysan lahaa abaalmarinta.

    Liiska haweenka waxaa si gaar ah uga maqan Aitana Bonmatí oo saddex jeer ku guuleysatay abaalmarinta, taas oo inta badan xilli ciyaareedkii hore dhaawac ku maqneyd.

    Kuwa loo arko inay ugu cad-cad yihiin inay iyada beddelaan waxaa ka mid ah saaxiibbadeeda kooxda Barcelona, Alexia Putellas, Patri Guijarro iyo Ewa Pajor.

    Xafladda abaalmarinta Ballon d’Or ayaa lagu qaban doonaa London 26-ka Oktoobar.

    Sheekooyinka kale ee aad sii akhrin karto:

    'Shaqadaydu waa inaan uur u qaado haweenka aan uur yeelan karin'

    Sida maskaxda duqsigu u sharxi karo hab-dhaqanka aadanaha

    Maxay bakteeriyada wanaagsan ee afku muhiim ugu tahay caafimaadkaaga? Maxaad cuni kartaa si aad u ilaaliso?

16. 8 Sebtembar 2026Ingiriiska, Faransiiska iyo Canada oo war wadajir ah soo saaray

    Hoggaamiyeyaasha UK, Faransiiska iyo Canada ayaa soo saaray bayaan wadajir ah oo ku saabsan cunaqabataynta isku dubbaridan ee ay ku dhawaaqeen, taas oo lagu soo rogay deegaannada Israa’iil ka dhistay Daanta Galbeed.

    Bayaanka ay soo saareen Ra’iisul Wasaare Burnham, Madaxweynaha Macron iyo Ra’iisul Wasaare Carney ayaa sheegay in tallaabadoodu “ay astaan u tahay isbeddel kale oo muhiim ah oo ku yimid habka aan u wajahno ilaalinta xalka labada dowladood”.

    “Waxaa la gaaray waqtigii la qaadi lahaa tallaabooyin dheeraad ah si loo ilaaliyo ballanqaadkeenna ku aaddan xalka labada dowladood, danahayaga iyo qiyamkeenna, ka hor inta aysan goori goor noqon.”

    Bayaanka, saddexda hoggaamiye waxay xalka labada dowladood ku tilmaameen mid “muhiim u ah nabadda, xasilloonida iyo amniga Bariga Dhexe iyo meelo ka baxsan”, sidoo kalena muhiim u ah danaha qaran ee UK, Faransiiska iyo Kanada.

    Waxay sheegeen: “Ballaarinta nidaamsan ee deegaannada Israa’iil ee Daanta Galbeed, oo ay ku jirto go’aankii ugu dambeeyay ee dowladda Israa’iil ay ku horumarinayso deegaanka E1, iyo sidoo kale kororka weyn ee rabshadaha ay geystaan dadka deeggaameynta wadaa, waxay khatar toos ah oo degdeg ah ku yihiin aragtidaas nabadeed.”

    Bayaanku wuxuu intaas ku darayaa: “Markaan qaadnay tallaabadan wadajirka ah, waxaan mar kale caddeyneynaa rabitaankeenna ku aaddan iskaashi dhow oo wax-ku-ool ah oo aan la yeelanno Israa’iil, taageeradayada joogtada ah ee shacabka Israa’iil iyo sida aan hagar la’aanta ah uga go’an tahay amniga Israa’iil.”

    Hoggaamiyeyaashu waxay sidoo kale sheegeen inay si wadajir ah u guddoomin doonaan kulan ka dhacaya Golaha Guud ee Qaramada Midoobay dhammaadka bishan, si ay “u horumariyaan dadaalladeenna una raadiyaan nabad”.

    Sheekooyinka kale ee aad sii akhrin karto:

    'Shaqadaydu waa inaan uur u qaado haweenka aan uur yeelan karin'

    Sida maskaxda duqsigu u sharxi karo hab-dhaqanka aadanaha

    Maxay bakteeriyada wanaagsan ee afku muhiim ugu tahay caafimaadkaaga? Maxaad cuni kartaa si aad u ilaaliso?

17. 8 Sebtembar 2026Markaad kaadiso kadib, ma dareentaa inay dhibco kaa soo dareeraan? Ogow xanuunka ku haya

    Dhibicda kaadida ee timaada dhowr ilbiriqsi kadib marka la kaadiyo ama musqusha laga soo baxo waxaa loo yaqaanaa Post-Micturition Dribbling ama PMD.

    Inkastoo ay u muuqato dhibaato fudud, haddana waxay saameyn ku leedahay nolol-maalmeedka, kalsoonida iyo caafimaadka maskaxda ee rag badan.

    Fikradda guud ayaa ah in PMD uu ku yimaado da'da, balse dhab ahaantii wuxuu si isku mid ah ugu badan yahay ragga da'da yar. Waxaa keena murqaha miskaha oo daciifa oo tabar-darro ku timaado, kaadida oo ku hararta kaadi-mareenka oo si buuxda u soo bixi weydo, iyo qaab aan wanaagsaneyn oo loo kaadiyo.

    Si kastaba ha ahaatee, xaaladdan si fudud ayaa loo xakameyn karaa iyadoo la sameeyo jimicsiyo gaar ah iyo farsamooyin fudud.

    Si loo daweeyo PMD, waa in marka hore la fahmo waxa keena, calaamadihiisa iyo daawooyinka waxtarka leh.

    Halkan ka sii akhriso sheekada

18. 8 Sebtembar 2026Sidee ayay Israa’iil uga falcelisay go’aanka UK ee cunaqabataynta?

    Wasiirka Arrimaha Dibadda ee Israa’iil, Gideon Saar, ayaa hadda soo saaray jawaabta Israa’iil ee ku saabsan ku dhawaaqistii UK ee cunaqabataynta.

    Wuxuu yiri:

    • Saar wuxuu dowladda hadda ka talisa UK ku tilmaamay mid “cadow ah” oo “si nidaamsan uga shaqaynaysa” arrimo ka dhan ah Israa’iil.
    • Isagoo si gaar ah uga hadlay ku dhawaaqistii maanta, wuxuu UK ku eedeeyay “faragelin cad” oo lagu sameynayo geeddi-socodka doorashada, iyadoo doorasho guud laga qorsheeyay Israa’iil bisha soo socota.
    • Wasiirka arrimaha dibaddu wuxuu sidoo kale dowladda ku eedeeyay inay gacan ka geysanayso kororka nacaybka loo qabo Yuhuudda.
    • Arrinta ku saabsan horumarinta deegaanka E1, oo Miliband uu horay u sheegay in UK ay doonayso inay ka hortagto, Saar wuxuu maanta sheegay in aan wax go’aan cusub ah laga gaarin arrintaas. Mar kale ayuu dowladda ku eedeeyay inay isku dayayso inay saameyn ku yeelato xilli ololaha doorashadu socdo.
    • Afarta tallaabo ee aargoosiga ah ee Saar ku dhawaaqay waxaa ka mid ah xiritaanka Qunsuliyadda Britain ee Jerusalem iyo ka saarista wakiillada Britain ee Xarunta Caalamiga ah ee Taageerada Qasa.

    Sheekooyinka kale ee aad sii akhrin karto:

    'Shaqadayduwaa inaan uur u qaado haweenka aan uur yeelan karin'

    Sida maskaxda duqsigu u sharxi karo hab-dhaqanka aadanaha

    Maxay bakteeriyada wanaagsan ee afku muhiim ugu tahay caafimaadkaaga? Maxaad cuni kartaa si aad u ilaaliso?

19. 8 Sebtembar 2026War deg deg ah, Wasiirka arrimaha dibadda Israa’iil oo ku dhawaaqay tallaabo culus

    Wasiirka arrimaha dibadda Israa’iil, Gideon Saar, oo hadlayey ayaa sheegay in Israa’iil ay xiri doonto qunsuliyadda UK ee Jerusalem.

    Sida ay sheegtay dowladda Britain, “Qunsuliyadda Guud ee Britain ee Jerusalem waxay dowladda UK ku meteshaa Jerusalem, Daanta Galbeed iyo Qasa”, waxayna ka shaqaysaa “danaha siyaasadeed, ganacsi, amni iyo dhaqaale ee u dhexeeya UK iyo Falastiin”.

    Sheekooyinka kale ee aad sii akhrin karto:

    'Shaqadaydu waa inaan uur u qaado haweenka aan uur yeelan karin'

    Sida maskaxda duqsigu u sharxi karo hab-dhaqanka aadanaha

20. 8 Sebtembar 2026Israa’iil oo ka jawaabtay tallaabadii ay ku dhawaaqday UK

    Isagoo ku hadlayey afka Cibraaniga, wasiirka arrimaha dibadda Israa’iil, ,Gideon Saar, ayaa dowladda UK ku eedeeyay inay faragelin ku hayso doorashada Israa’iil, taas oo dhici doonta dhammaadka bisha Oktoobar.

    Wuxuu sheegay in shacabka Israa’iil ay si cad oo aan mugdi ku jirin u diidan yihiin in la dhiso dowlad Falastiini ah, wuxuuna dowladda UK ku eedeeyay inay hurinayso nacaybka loo qabo Yuhuudda.