TOOS, Ukraine oo eedeyn xooggan u jeedisay Israa'iil

Tebin toos ah

1. 54 Daqiiqadood ka horWar deg deg ah, Imaaraadka oo ku dhawaaqay ka bixitaanka ururka dalalka soo saara shidaalka

   Dowladda isku-tagga Imaaraatka carabta ayaa sheegtay in ay isaga baxayso ururada ay ku midaysan yihiin dalalka waaweyn ee soo saara shidaalka, ka dib ku dhowaad 60 sano.

   UAE ayaa sheegtay go'aanka uu ku salaysan yahay ''Istaraatiijiyadeeda muddada dheer ee aragtida dhaqaalaha iyo taariikhdeeda ku lug lahaanshaha tamarta''

   Go'aanka ayaa sida mid kamid ah falanqeeyayaasha uu sheegay ku qeexay ka bixitaanka ''bilowga dhammaadka Opec''.

   WARAR DHEERAAD AH

   Haweeneey saddex saacadood ku dhex xayirnayd saxaro kadib markii uu suuli la dumay

   Sida dagaalka Iran oo uga sii daray xaalka caruurta nafaqa-darradu hayso ee Soomaaliya

   Mid ka mid ah hugaamiyaasha Yurub oo sheegay in Iran ay 'bahdilayso' Maraykanka

2. Saacad ka horWar deg deg ah, Ukraine oo eedeyn xooggan u jeedisay Israa'iil

   

   Xigashada Sawirka, AFP

   Madaxweyne Volodymyr Zelensky ayaa cambaareeyay Israa’iil kadib markii ay ka heshay Ruushka miro laga soo xaday qaybo kamid ah dhulka ay Ruushku ka haystaan Ukraine.

   Waxa uu sheegay inuu jiro markab labaad oo isu diyaarinayay dejinta mirahaasi uu haatan taagan tahay dekedd ku taala Israa’iil. Israa’iil ayaa ku cambaaraysay Ukraine inay eedda iska samaynayso, ayna u baahan yihiin caddeymo

   WARAR DHEERAAD AH

   Haweeneey saddex saacadood ku dhex xayirnayd saxaro kadib markii uu suuli la dumay

   Sida dagaalka Iran oo uga sii daray xaalka caruurta nafaqa-darradu hayso ee Soomaaliya

   Mid ka mid ah hugaamiyaasha Yurub oo sheegay in Iran ay 'bahdilayso' Maraykanka

3. 2 Saacadood ka horWar deg deg ah, Daawo xaalka Tehran ee ku hoos jirta harka xabbad-joojinta

   

   Xigashada Sawirka, AFP Via Getty Images

   Xabbad-joojinta u dhaxaysa IIraan iyo Maraykanka ayaa weli taagan, laakiinse nolosha ayaa weli ka fog sideey ahayd maalmihii dagaalka kahor.

   Ganacsiyo badan ayaa weli xiran iyada oo suuqu uusan ahayn sidii uu ahaan jiray sabab la xiriirta macaamiil la’aan.

   Muwaadiniinta Iiraan ayaa weli ka hadlaya kacsanaanta sicir bararka ee maalmahan.

   Eeg Sawirada hoose ee xaalka Tehran ee maalmahan.

   

   Xigashada Sawirka, AFP Via Getty Images

   

   Xigashada Sawirka, AFP Via Getty Images

   

   Xigashada Sawirka, AFP Via Getty Images

   

   Xigashada Sawirka, AFP Via Getty Images

   WARAR DHEERAAD AH

   Haweeneey saddex saacadood ku dhex xayirnayd saxaro kadib markii uu suuli la dumay

   Sida dagaalka Iran oo uga sii daray xaalka caruurta nafaqa-darradu hayso ee Soomaaliya

   Mid ka mid ah hugaamiyaasha Yurub oo sheegay in Iran ay 'bahdilayso' Maraykanka

4. 2 Saacadood ka horWar deg deg ah, Shirkadda diyaaradaha Maali oo laashay duulimaadkii Magaalooyin kamid ah dalkaasi

   

   Xigashada Sawirka, Wikebedia

   Shirkadda diyaaradaha Maali ayaa laashay duulimaadyada tagaya ama ka imaanaya laba magaalo oo dhaca Waqooyiga iyo Bartamaha dalkaasi, kadib markii mucaaradka ay dileen wasiirkii difaaca dhammaadkii toddobaadka ayna qabsadeen dhowr magaalo oo muhiim ah.

   Wararka ka imaanaya caasimada Bamako ee Koonfur Galbeed dalkaasi ayaa sheegaya xasilooni aan cago badan ku taagnayn ay saaka jirto.

   Hoggaamiyaha kooxda milatari ee dalkaasi ka Talisa ee dalkaasi awoodda ku qabsatay lix sano kahor Jeneraal Assimi Goita ayaan la arkin ama laga maqal fagaarayaasha tan iyo intii kooxda mucaaradka ee jihaad doonka ee isbahaysiga la ah kooxda mucaaradka Tuareg ay qaadeen weeraradooda Sabtida, taasi oo meesha ka saartay milatarigii iyo calooshood u shaqaystayaashii Ruushka.

   WARAR DHEERAAD AH

   Haweeneey saddex saacadood ku dhex xayirnayd saxaro kadib markii uu suuli la dumay

   Sida dagaalka Iran oo uga sii daray xaalka caruurta nafaqa-darradu hayso ee Soomaaliya

   Mid ka mid ah hugaamiyaasha Yurub oo sheegay in Iran ay 'bahdilayso' Maraykanka

5. 3 Saacadood ka horSweden oo ka deerineysa keydka shidaalka diyaaradaha ee ay haysato

   Sweden waxay soo saartay “digniin hor dhac ah” oo ku saabsan suurtagalnimada inuu go'o shidaalka diyaaradaha, sabab la xiriiirta saameynta dagaalka Bariga Dhexe.

   Wasiirka Tamarta ee Sweden, Ebba Busch, ayaa shir jaraa’id oo ay qabatay Talaadadii ku sheegtay in digniintan “lagu soo saaray qiimeyn ay sameysay Hay’adda Tamarta.”

   Sida ay sheegtay Hay’adda Tamarta ee Sweden, dalka wuxuu wajihi karaa xadidnaan shidaalka diyaaradaha ah oo noqoneysa xaaladda ugu xun, inkastoo xaaladda mustaqbalka ay ku xirnaan doonto sida suuqu ula qabsado duruufaha hadda jira.

   Shirkadda duulimaadyada ee Jarmalka, Lufthansa, ayaa hore u shaacisay inay baajineyso 20,000 oo duulimaadyo gaagaaban oo Yurub ah xagaagan, iyadoo sheegtay in kororka weyn ee qiimaha shidaalka uu ka dhigay duulimaadyadan kuwo “aan faa’iido lahayn.”

   Fatih Birol, madaxa International Energy Agency, ayaa laba toddobaad ka hor ka digay in Yurub “laga yaabo inay haysato kaliya qiyaastii lix toddobaad oo kayd shidaal diyaaradeed ah.”

6. 4 Saacadood ka horIiraan oo sheegtay in ay diyaar u tahay in barto dalalka caalamka sida looga adkaan karo Maraykanka

   

   Xigashada Sawirka, EPA/Shutterstock

   Wasiir ku-xigeenka Difaaca Iraan, Reza Talayeh-Nik, ayaa sheegay in dalkiisu diyaar u yahay inuu la wadaago waayo-aragnimadiisa dalalka madaxbannaan ee ku saabsan sida looga adkaan karo Maraykanka.

   “Iraan si buuxda ayay diyaar ugu tahay inay khibradeeda la wadaagto dalalka xubnaha ka ah Ururka Iskaashiga Shanghai (SCO),” ayay warbaahinta dowladda Iraan ka soo xigatay mas’uulkan.

   Iraan waxay ridday tiro badan oo diyaaradaha aan duuliyaha lahayn (drones) iyo gantaallo ah oo ay ku beegsatay dalalka deriska iyo Israa’iil intii uu socday dagaalkii u dhexeeyay dabayaaqadii Janaayo ilaa horraantii Abriil. Arrintani waxay kordhisay kalsoonida ciidanka militariga Iran.

   Dhawaan, saraakiisha Iraan waxay kulamo la yeesheen wasiirrada difaaca ee Ruushka iyo Belarus.

   Dhankooda, Ruushka iyo Belarus waxay sheegeen inay xoojin doonaan xiriirka ay la leeyihiin Iraan.

   Kadib dagaal socday 40 maalmood oo u dhexeeyay Maraykanka, Israa’iil iyo Iraan, waxaa bishan horraanteedii la gaaray xabbad-joojin, balse wada-hadalladii diblomaasiyadeed ayaa hakad galay.

7. 5 Saacadood ka horXoghayaha Maaliyadda ee Maraykanka oo sheegay in Iiraan dhawaan wajihi doonto shidaal yari

   Xoghayaha Maaliyadda ee Maraykanka ayaa sheegay in xannibaadda badda ay khatar gelisay warshadaha saliidda ee Iiraan isla markaana ay dhowaan sababi doonto in hoos dhac wayn ku yimaado batroolka ay haysato Iiraan.

   Scott Besant ayaa ku qoray X-Net: “Iyadoo hoggaamiyeyaasha haray ee Ilaalada Kacaanka ay ku xanniban yihiin sida jiir biyo liqay oo ku jira tuubooyinka bulaacadaha, warshadaha saliidda ee Iiraan waxay ku dhow yihiin inay istaagaan sababo la xiriira xannibaadda Maraykanka.”

   Wuxuu sii raaciyay: “Dhawaan bamku wuu istaagi doonaa, markaasna Iiraan waxay la kulmi doontaa shidaal yari".

8. 5 Saacadood ka horWar deg deg ah, Golayaasha wakiilada iyo deeganka Soomaaliland oo Muddo xileedkoodii loo kordhiyey

   

   Xigashada Sawirka, SNLTV

   Hargeisa, Golaha Guurtidada jamhuuriyadda iskeed madaxbanaanideyda ugu dhawaaqday ee Soomaaliland ayaa muddo xileedka labada gole ee Golayaasha wakiilada iyo deegaanka u kordhiyey, sida ay tebisay warbaahinta dowladda, labadaan gole ayaa loogu daray muddo gaareysa 27 bilood oo ka bilaabaneysa maanta.

   Muddo xileedka wax beddelka lagu sameeyey ayaa ku ekaa Luulyo 2026 ee nagu soo aadan, kadibna waxa ay ahayd in doorasho la aado, hadda waxa uu dhammaan doonaa Luulyo 2028-ka illaa iyo hadda cadda sababta keentay in la kordhiyo, marka laga yimaado duruufo dhaqaale oo Soomaaliland ka jira sida uu sheegay xoghayaha golaha guurtida Cabdinasir "duruufaha keenay dib u dhaca doorashooyinka ay yihiin colaado ka jira gobollada dalka qaar iyo abaaro, roobki gu'gaga oo dalka wada gaarin iyo duruufo dhaqaale oo sababtay colaadda Bariga dhexe", ayuu yiri.

   Dhanka kale, goor horaba waxaa ka falceliyey ururada bulshada rayid ee Somaaliland.

   baahinteenna ayaa kala socon kartaan qodobkaan oo faahfaahsan.

9. 6 Saacadood ka horIiraan oo warbixin kasoo saartay khasaarihii ka dhashay duqeyntii lala beesaday mid kamid ah Iskuullada dalkaas bilowgii dagaalka.

   

   Xigashada Sawirka, Reuters

   Iiraan ayaa soo saartay faahfaahin ku saabsan tirada dhimashada ee ka dhalatay weerar halis ah oo lagu qaaday dugsi ku yaalla Iiraan maalintii ugu horreysay ee dagaalka Bariga Dhexe, sida ay warbaahinta dowladda sheegtay.

   Toddobaatan iyo saddex wiil iyo 47 gabdhood ayaaku dhintay weerarkii 28-kii Febraayo lala eegtay dugsi hoose oo ku yaalla Minab, sida ay sheegeen idaacadda dowladda ee IRIB iyo warbaahinta maxalliga ah.

   Weerarku wuxuu dhacay maalintii ay Mareykanka iyo Israa’iil bilaabeen weerarro ka dhan ah Iiraan. Iyadoo jawaab ka bixinaysa, Tehraan ayaa weerartay bartilmaameedyo ku yaalla Israa’iil iyo dalalka Khaliijka.

   Lix iyo labaatan macallin, toddobo waalid, darawal bas dugsi, iyo fshaqaale farmashi oo ka shaqaynayay rug caafimaad oo ku dheggan dugsiga ayaa sidoo kale ku dhintay sida ay IRIB ku sheegtay qoraal ay ku daabacday Telegram.

   Taas ayaa ka dhigaysa tirada dhimashada 155 halkii ay ka ahayd in ka badan 175 oo hore loo sheegay.

   Gantaal nooca Tomahawk ee Mareykanka ayaa ku dhacay dugsiga hoose sababo la xiriira qalad ku yimid bartilmaameedka, sida lagu sheegay natiijooyin hordhac ah oo ka soo baxay baaritaan milatari oo Mareykan ah ee ay tebisay The New York Times.

   Madaxweyne Trump ayaa markii hore sheegay in Iiraan lafteedu ay mas’uul ka tahay inkastoo Iiraan aysan haysan gantaalada Tomahawk.

   Wasiirka arrimaha dibadda ee Iiraan, Cabbaas Araghchi ayaa weerarkaa ku tilmaamay khudbad muuqaal ah oo uu u jeediyay Golaha Xuquuqda Aadanaha ee Qaramada Midoobay “weerar si qorshaysan oo heerar kala duwan loo fuliyay.”

10. 7 Saacadood ka horWar deg deg ah, Markab nooca raaxada ah Ruush laga leeyahay oo ka gudbay Marinka Hormuz

    

    Xigashada Sawirka, Reuters

    Markab weyn oo nooca raaxada ah kaas oo la sheegay inuu leeyahay qof ku dhow Madaxweynaha Ruushka Vladimir Putin ayaa ka gudbay Marinka Hormuz, iyada oo ay xannibaadda socota.

    Markabkan oo dhererkiisu yahay 142 mitir laguna magacaabo “Nord” ayaa loo tirinayo Alexei Mordashov, oo ah maalqabeen Ruush ah oo cunaqabateyn saaran tahay.

    Markabku wuxuu ka soo shiraacday Dubai kuna, waxa uuna sii jeeday Muscat dhammaadkii toddobaadkan, wuxuuna ka mid ahaa maraakiib yar oo gaar loo leeyahay oo ka gudba marinkan bilihii u dambeeyay.

    Iiraan waxay toddobaadkan gashay wada-hadallo heer sare ah oo ay la leedahay Ruushka, iyadoo weli uu socdo khilaafka u dhexeeya dalkaas iyo Maraykan ee ku saabsan furitaanka Marinka Hormuz.

    Mr Mordashov, oo xiriir dhow la leh Putin, si rasmi ah looma oga inuu yahay milkiilaha markabka, balse diiwaannada Nord waxay muujinayaan in markabka la diiwaangeliyay sannadkii 2022 iyadoo lagu qoray shirkad ay leedahay xaaskiisa.

    Qiimaha doontan raaxada ah ayaa lagu qiyaasay in ka badan 500 milyan oo doolar.

    Xogta Marine Traffic waxay muujineysaa in markabka calanka Ruushka sita uu ka baxay Dubai habeenkii Jimcaha, isla markaana uu gaaray Al Moj, oo ah deked ku taal caasimadda Cumaan, subaxnimadii Axadda.

    Isu socodka maraakiibta ee marinkan Gacanka Faaris ayaa hadda aad uga hooseeya heerarkii ka hor dagaalka.

    Akhrin Dheeraad ah:

    Pakistan oo loo haysto dilka dad Afghaanistiyiin ah xilli ay dalal kale dhexdhexaadinayso

    Waa kuma ninkii weeraray xafladii cashada ee Trump ku sugnaa?

11. 7 Saacadood ka horDuulimaadyada Gudaha Iiraan oo dib u bilowday

    

    Xigashada Sawirka, Reuters

    Todobaadyo xabbad-joojin ah dadka reer Iiraan waxa ay heleen nafis yar oo aan la ogeyn waqtiga uu ku egyahay, waxa ayna dib u bilaabeyn in nolosha caadiga ah sii wataan.

    dhanka diyaaradaha maamulaha guud ee shirkadda diyaaradaha ee Jamhuuriyadda Islaamiga ah ee Iiraan (Homa) ayaa sheegay in marka laga reebo hal ka mid ah diyaaradaha shirkadda ee nooca Airbus 319, oo la burburiyay intii ay socotay duqeymihii cirka ee ka dhacay garoonka Bushehr, inta kale ee diyaaradaha rakaabka ee shirkaddu ay diyaar u yihiin inay shaqo galaan oo ay galaan duulimaadyada maalinlaha ah sameeyaan.

    Taher Abdolhai ayaa u sheegay wakaaladda wararka ee dowladd ee IRNA: “Hadda, inta badan diyaaradaha Iiraan Air waxay sameeyaan duulimaadyo caalami ah, waxaana ilaa hadda la bilaabay duulimaadyo ku wajahan Baku, Qatar, Najaf, Baghdad, Istanbul, iyo Madiina (safarka Xajka).”

    Sidoo kale, duulimaadyo xaddidan ayaa dib uga bilaabmay garoonka Imaam Khomeini ee Tehraan.

    Akhrin Dheeraad ah:

    Pakistan oo loo haysto dilka dad Afghaanistiyiin ah xilli ay dalal kale dhexdhexaadinayso

    Waa kuma ninkii weeraray xafladii cashada ee Trump ku sugnaa?

12. 7 Saacadood ka hor"Marinka Hormuz waa Nukliyeerka dhaqaalaha Iiraanna waxa ay dooneysaa in adduunka kaga hortagto"- Marco Rubio

    

    Xigashada Sawirka, Getty Images

    Xoghayaha Arrimaha Dibadda ee Maraykanka, Marco Rubio, ayaa xiritaanka Marinka Hormuz ku tilmaamay “mid u dhigma hubka nukliyeerka marka la eedayo dhanka dhaqaalaha,” isagoo sheegay in Iiraan ay isku dayayso inay sidaas ugu adeegsato adduunka.

    Wareysi uu siiyay warbaahinta Fox News, Marco Rubio wuxuu yiri: “Iiraan waxay ku faantaa inay qafaalan karto 20 ilaa 25 boqolkiibta tamarta adduunka.” Wuxuu intaas ku daray in haddii Iiraan loo oggolaado inay hesho hub nukliyeer, “ay qafaalan doonto Bariga Dhexe oo dhan.”

    Marco Rubio wuxuu xusay inuu rajaynayo in dagaalkan ka dib, adduunka oo dhan uu garan doono khatarta ay Iiraan leedahay.

    Sida uu sheegay, waxa Iiraan ay rabto inay adduunka ku sameyso iyada oo adeegsanaysa hub nukliyeer, waxay hadda ku sameyneysaa iyada oo adeegsanaysa saliidda.

    Rubio wuxuu kaloo sheegay in dhammaan mas’uuliyiinta dowladda Iiraan ay yihiin xagjir, balse qaar ka mid ah ay aaminsan yihiin inay tahay inay maamulaan dalka iyo dhaqaalaha.

    Wasiirku wuxuu sidoo kale adkeeyay in Maraykanku uusan doonayn inuu waxyeelleeyo shacabka Iiraan.

    Mar uu soo hadal qaaday mudaharaadyadii ka dhanka ahaa dowladda Iiraan horaantii sanadkan iyo sida ay dowladdu ula dhaqantay dadka mudaharaadayay, wuxuu yiri: “Waxaan rabnay in codka shacabka Iiraan la maqlo halkii la dili lahaa 30,000 ilaa 40,000 oo qof oo waddooyinka jooga.”

    Akhrin Dheeraad ah:

    Pakistan oo loo haysto dilka dad Afghaanistiyiin ah xilli ay dalal kale dhexdhexaadinayso

    Waa kuma ninkii weeraray xafladii cashada ee Trump ku sugnaa?

13. 7 Saacadood ka horWar deg deg ah, Markabkii labaad oo kooxaha Burcadeed afduubtayn

    

    Xigashada Sawirka, AFP via getty

    Burcad-badeed ayaa markale qabsatay markab kale oo ku sugnaa xeebaha Soomaaliya iyadoo heerka khatarta ay sii kordheyso, arbacadii asbuucii hore ayey ahayd markii kooxo hubeesan ay markab ka khafaasheyn.

    Hay’adaha kormeerka badaha ayaa ka digaya in khatartu ku soo korortay maraakiibta ka shaqaysa xeebaha Soomaaliya kadib markii markab xamuul ah uu noqday kii ugu dambeeyay ee lagu qabsado fal burcad-badeednimo.

    Hay'adda ka shaqeysa halwaha ganacsiga badda ee UK (UKMTO) ayaa kor u qaaday heerka khatarta ee aaggaas ilaa kadib markii ay sheegtay in “dad aan la oggolayn” ay la wareegeen markabka ayna u jiheeyeen dhanka dhulka xeebta Garacad, ee Soomaaliya.

    Ugu yaraan afar markab ayaa la kulmay isku day afduub toddobaadkii la soo dhaafay dhacdooyin loo malaynayo burcad-badeednimo, kuwaas oo ay ku jiraan doon kalluumeysi iyo markab shidaal qaada.

    Ilaa saddex sano ka hor, burcad-badeednimadu waxay ku dhowaatay inay ka dabar go’do qaybtan Badweynta Hindiya oo hore caan ugu ahayd barta afduubyada, balse hadda dib ayay u soo laabatay.

    maamulka Punland ayaa sheegay in ay tallaabo ciidan ka qaadi doonaan kooxahaan afduubanaya maraakiibta.

    Akhrin Dheeraad ah:

    Pakistan oo loo haysto dilka dad Afghaanistiyiin ah xilli ay dalal kale dhexdhexaadinayso

    Waa kuma ninkii weeraray xafladii cashada ee Trump ku sugnaa?

14. 8 Saacadood ka horMaxay tahay sababta dib loogu dhigay doorashooyinkaa Koofur galbeed Soomaaliya?

    

    Xigashada Sawirka, NIEBC

    Warsaxaafadeed ay Isniintii soo saarayn Guddiga madaxa banaan ee doorashooyinka qaranka iyo soohdimaha Soomaaliya ayaa lagu sheegay in cabasho uga timid ururada ka qeyb galaya doorooshooyinka darteed ay keentay baajinta doorooashooyinka maamulka Koofur galbee Soomaaliya, kuwaas oo lagu waday in qabsoomaan maanta oo taariikhu tahay 28 bisha Abriil, 2026.

    Qoraalka kasoo baxay guddiga ayaa lagu sheegay in taarikhda soo gudbinta musharaxiinta ee ka dambeysta ay noqon doonto " Maalinta Taladaada ah ee 05-ka May 2026", halka doorashadu ay noqon doonto 10-ka isla bisha May.

    Doorashada ka dhici lahayd KGS ayaa ahayd doorasho qof iyo cod ah oo lagu soo dooranayo golaha deegaanka.

    Akhrin Dheeraad ah:

    Pakistan oo loo haysto dilka dad Afghaanistiyiin ah xilli ay dalal kale dhexdhexaadinayso

    Waa kuma ninkii weeraray xafladii cashada ee Trump ku sugnaa?

15. 8 Saacadood ka horPuntland oo ciidan ka qaadeysa kooxaha afduubtay markabka laga leeyahay Pakistaan

    

    Xigashada Sawirka, MAXAMED DAHIR

    Burcad-badeed ayaa afduubtay markab shidaal siday oo ay saarnaayeen 17 shaqaale ah, kaas oo marayay meel u dhow xeebaha Soomaaliya, sida ay BBC-da u sheegeen dhowr sarkaal amni.

    Sida ay saraakiishu sheegeen, markabka oo lagu magacaabo Honour 25 ayaa habeenkii Arbacada la qabsaday kadib markii lix nin oo hubeysan ay xoog ku galeen, xilli uu ku sugnaa qiyaastii meel 30 mayl-badeed badda uga baxsan xeebta, shaqaalaha saaran markabka ayaa u kala dhashay oo u dhashay dalalka Pakistan, Hindiya, Srililank, iyo Myanmar ayaa ku jira gacanta kooxda Burcad Badeeda ah, sida ay sheegtay Hay’adda la socota dhaqdhaqaaqa maraakiibta ganacsiga ee maraya biyaha caalamiga ah, ee fahdigeedu yahay UK ee la yiraahdo UKMT.

    Maamulka Puntland ayaa sheegay inay tallaabo ciidan ka qaadi doonaan kooxaha haysta Markabka, wasiirka Madaxtooyada Puntland Cabdifitaax Maxamed Cabdinuur oo BBC Somali la hadlay ayaa sheegay in qorshuhu uu yahay in laga hortago dhibaatada kooxahan, xitaa haddii ay ku qasbadaaan in ay qaadaan tallaabo ciidan ay qaadi doonaan, wasiirka mar uu hadlayey waxa uu yir "waxaanu sameyn doonnaa hawl-gallo ciidan oo runtii sharciga lagu horkeeni doono nimankaas fal dambiyeedka sameeyey, waxa ayna puntland qaadi doontaa tallaabooyinka lagu yaqaanay".

    Sheekada oo faahfaahsan

16. 9 Saacadood ka horYaa awood badan Pakistan iyo Afghanistan?

    

    Xigashada Sawirka, Getty Images

    Xiisada u dhaxeysa Pakistan iyo Afgaanistaan ​​ayaa gaartay meeshii ugu sareysay kadib dagaaladii habeenkii Khamiista ka dhacay xuduuda iyo howlgaladii ugu dambeeyay ee ciidamada cirka Pakistan ay ka fuliyeen gudaha Afgaanistaan.

    Labada dal waxay sheegteen inay dileen tobonaan askari oo midba midka kale ka dilay, sidoo kalena ay qabsadeen saldhigyo xuduudeed, ayna khasaare xooggan u geysteen bartilmaameedyo ciidan. BBC way awoodi wayday inay si madax banaan u xaqiijiso khasaarahan.

    Hawlgalladan militari ee ka dhanka ah Afqaanistaan ​​ee Pakistan ayaa loogu magac daray 'Ghadbullah Haqq'.

    Sii akhri: Isbarbardhig: awoodda Afghanistan iyo Pakistan

17. 9 Saacadood ka horWar deg deg ah, Iiraan oo diiwaan gelisay dhacdooyin ka dhashay duqeymihii iyo weerarradii Mareykanka iyo Israa'iil

    Maxamed Reza Zafarghandi, wasiirka caafimaadka ee Iran, ayaa sheegay in qoraalladiisii ugu dambeeyay intii uu socday dagaalka u dhexeeya Mareykanka iyo Israa’iil ee ka dhanka ahaa Iran, “ku dhowaad 240 weerar lagu qaaday xarumaha caafimaadka iyo isbitaallada la diiwaangeliyay, oo ay ku jiraan 50 isbitaal iyo ku dhowaad 50 xarumood oo gurmad degdeg ah oo waxyeello soo gaartay.”

    Sarkaalkan dowladda Iran ayaa sheegay in faahfaahinta weerarradan la diiwaangeliyay oo la kaydiyay.

    Maalmihii ugu horreeyay ee duqeymaha cirka ee ay Mareykanka iyo Israa’iil ka fuliyeen Tehran, sawirro muujinaya burburka dhowr isbitaal oo ku yaalla caasimadda ayaa la baahiyay, taasoo keentay in war-baahinta caalamka ka hadlaan.

18. 28 Abriil 2026Xaaska Trump oo ka carootay hadal uu yiri nin majaajileyste ah

    

    Xigashada Sawirka, Getty Images

    Xaaska madaxweyne Trump ee Melania ayaa ku tilmaantay majaajiliistaha lagu magacaabo Jimmy Kimmel nin fulay ah, ka dib markii uu sheegay inay “ula muuqato haweeney sugaysa inay noqoto carmal.”

    Ninkaan ayaa soo jeedinayay khudbad majaajilo ah ka hor munaasabaddii Sabtida Washington ka dhacday, oo markii dambe lagu kala cararay kadib markii uu nin isku dayay inuu weeraro xafladda kaas oo lagu eedeyay inuu doonayay inuu dilo Trump iyo saraakiil kale oo Mareykan ah.

    Sii akhri : Maxaa ka jira in xaaska Trump ay xiriir la lahayd Jeffrey Epstein?

19. 28 Abriil 2026Trump muxuu ka yiri soo jeedinta ka timid Iiraan?

    

    Xigashada Sawirka, Getty Images

    Sarkaal Mareykan ah ayaa Isniintii sheegay in madaxweyne Donald Trump uusan ku qanacsanayn soo jeedin ka timid Iiraan, sababtoo ah ma aysan ka hadlin barnaamijka nukliyeerka ee Iiraan.

    Reuters ayaa soo xigatay sarkaalka Mareykanka isagoo oronayaTrump: “Ma jecla soo jeedintan.”Trump ayaa kala hadlay soo jeedinta la-taliyeyaashiisa sare-sare ee amniga qaranka Mareykanka.

    Khilaafka u dhexeeya Mareykanka iyo Iran ayaa weli meel sare taagan, iyadoo sahayda tamarta ee gobolka ay hoos usii dhacayso.

    Ilo dhanka Iiraan ah ayaa horrey u sheegay in soo jeedintu ay dib u dhigeyso wadahadallada ku saabsan barnaamijka nukliyeerka ee Iiraan ilaa uu dagaalku dhammaado, lana xalliyo khilaafaadka la xiriira maraakiibta iyo marin-biyoodka Hormuz.

    Washington ayaa sheegtay in arrimaha nukliyeerka ay tahay in la wajaho bilowga hore.

    Ilo ka socda Pakistan, oo dhexdhexaadin ka dhex wada, dhinacyada ayaa sheegay in dadaallada lagu doonayo in lagu yareeyo farqiga u dhexeeya Mareykanka iyo Iiraan aysan istaagin.

    Si kastaba ha ahaatee, rajada dib u soo nooleynta dadaallada nabadda ayaa sii yaraanaysa tan iyo markii Trump uu toddobaadkan dhammaadkiisa ku dhawaaqay inuu baajiyay booqasho ay ku tegi lahaayeen magaalada caasimadda Pakistan ee Islamabad ergaygiisa gaarka ah Steve Wittkopf iyo wiilka uu sodogga u yahay ee Jared Kushner.

20. 28 Abriil 2026War deg deg ah, Faahfaahin kiiska ninkii isku dayay inuu dilo Trump

    

    Xigashada Sawirka, Social Media

    Dhageysiga xiga ee kiiska Cole Thomas Allen, oo lagu tuhunsan yahay isku day dilka madaxweynaha Maraykanka, ayaa loo qorsheeyay Khamiista.Dhageysigan waxaa lagu go’aamin doonaa inta uu Allen ku sii jiri doono xabsiga ilaa maxkamaddiisa ay ka bilaabanayso.

    Halkan waxaan faahfaahin doonaa eedeymaha loo haysto iyo ciqaabaha suurtagalka ah:Eedda koowaad: Isku day dilka Madaxweynaha Maraykanka. Haddii lagu helo dembi, wuxuu wajihi karaa xabsi daa’in oo federaal ah.

    Eedda labaad: Gudbinta hub gobol ilaa gobol si loogu fuliyo dembi culus. Haddii lagu helo dembigan, wuxuu wajihi karaa ilaa 10 sano oo xabsi federaal ah.

    Eedda saddexaad: Rasaas ku ridid hub inta lagu jiro fal dembiyeed rabshado wata. Haddii lagu helo dembigan, wuxuu wajihi karaa ilaa 10 sano oo xabsi federaal ah.