Jeneraal Goobaale oo Muqdisho lagu dilay

Qarax ka dhacay magaalada Muqdisho ayaa lagu dilay Jeneraal Maxamed Jimcaale Goobaale oo ahaa taliyihii qaybta saddexaad ee ciidammada qaranka Soomaaliya.

Waxaa sidoo kale qaraxaasi ku dhintay qaar ka mid ah ilaaladiisa.

Qaraxa ayaa lala beegsaday kolonyo uu la socday jeneraalku.

Qaraxu wuxuu ka dhacay meel aan sidaa uga fogayn wasaaradda difaaca.

Ururka Al-shabaab ayaa sheegtay masuuliyadda weerarkaas.

Waxay ku eedeeyeen in uu maleegayay hawlgalo qarsoodi ah oo iyaga ka dhan ah.