එක්සත් ජාතීන්ගේ න්යෂ්ටික නිරීක්ෂණ සංවිධානය සමග පැවති සහයෝගීතාව අත්හිටුවීමේ පනතක් සම්මත කිරීමට ඉරාන පාර්ලිමේන්තුව පියවර ගෙන තිබේ. ඒ, තම න්යෂ්ටික මධ්යස්ථානවලට ඊශ්රායල සහ ඇමෙරිකාව එල්ල කළ ගුවන් ප්රහාර උපුටා දක්වමිනි.
ඉරාන-ඊශ්රායල ගැටුම සම්බන්ධයෙන් දින 10කට ආසන්න කාලයක් අප ඔබ වෙත ගෙන ආ සජීව තොරතුරු විකාශය මින් අවසන් කරනවා.
නමුත්, මෙම ගැටුමේ වර්ධනයන් සහ අනෙකුත් ලිපි අපගේ වෙබ් පිටුව ඔස්සේ කියවීමට ඔබට හැකියාව තිබෙනවා.
මෙම සජීව වෙබ් පිටුව සමග විශාල පාඨක පිරිසක් එක්ව තිබුණා. විශ්වසනීය තොරතුරු දැන ගැනීමට තවදුරටත් අපත් සමග රැඳී සිටින්න.
ස්තූතියි!
ඇමෙරිකානු ප්රහාර ඉරානයේ න්යෂ්ටික මධ්යස්ථානවලට "දැඩි ලෙස හානි" කළ බව ත් ඒවා වසර ගණනාවකින් පසුබෑමට ලක් වුණු බව ත් CIA ප්රධානියා පවසනවා.
මෙම ප්රකාශය සිදුවන්නේ, ඇමෙරිකාව විසින් එල්ල කරන ලද ප්රහාරයෙන් ඉරානයේ න්යෂ්ටික මධ්යස්ථාන විනාශ නොවූබවට හෙළිදරව් කළ බුද්ධි අංශ වාර්තාවක් උපුටා දක්වමින් මාධ්ය වාර්තා කර දිනකට පසුව ය.
ඉරානයේ න්යෂ්ටික වැඩසටහන සම්පූර්ණයෙන් ම විනාශ වී ඇතැයි නිශ්චිතව සඳහන් නොකළ ද ප්රධාන ස්ථාන විනාශ කර ඇති බව CIA අධ්යක්ෂ ජෝන් රැට්ක්ලිෆ් පැවසුවා.
මේ අතර, ජනාධිපති ට්රම්ප් නැවතත් කියා සිටියේ මෙම ප්රහාරයෙන් ඉරානයේ න්යෂ්ටික මධ්යස්ථාන "මුළුමනින් ම විනාශ වී" ඇති බවයි.
එක්සත් ජාතීන්ගේ න්යෂ්ටික නිරීක්ෂණ සංවිධානය සමග පැවති සහයෝගීතාව අත්හිටුවීමේ පනතක් සම්මත කිරීමට ඉරාන පාර්ලිමේන්තුව පියවර ගෙන තිබෙනවා.
ඒ, තම න්යෂ්ටික මධ්යස්ථානවලට ඊශ්රායල සහ ඇමෙරිකාව එල්ල කළ ගුවන් ප්රහාර උපුටා දක්වමින්.
මෙම පියවර ජාත්යන්තර පරමාණුක බලශක්ති ඒජන්සිය (IAEA) සමග පවතින ආතතීන් උත්සන්න කරන අතර එමගින් ඉරානයේ න්යෂ්ටික වැඩසටහන පිළිබඳ ගෝලීය වශයෙන් සිදුවන නිරීක්ෂණයේ විශාල පරතරයක් ද ඇති කළ හැකියි.
බදාදා (ජූනි 25) සම්මත කරන ලද මෙම නව නීතිය මගින් IAEA කාර්ය මණ්ඩලයේ පරීක්ෂණ, නිරීක්ෂණ ක්රියාකාරකම් සහ වාර්තා කිරීම නවත්වනු ඇත.
ඒ සඳහා ඉරානයේ උත්තරීතර ජාතික ආරක්ෂක කවුන්සිලයේ අවසාන අනුමැතිය අවශ්ය වුව ද, මෙම පනත් කෙටුම්පත ටෙහෙරානයේ න්යෂ්ටික වැඩසටහන පිළිබඳ ප්රතිපත්තියේ සැලකිය යුතු වෙනසක් පෙන්නුම් කරනවා.
කමිටු ප්රකාශක පාර්ලිමේන්තු මන්ත්රී එබ්රහිම් රෙසායි පැවසුවේ, මෙම පියවර ඉරානයේ ස්වෛරීභාවය තහවුරු කිරීමට සහ ඔහු "දේශපාලනීකරණය වූ ආයතනයක්" ලෙස හැඳින්වූ දෙයට එරෙහිව කිරීමක් ලෙස අදහස් කරන බවයි.
ඔබ යළිත් එක්ව සිටින්නේ, ඉරාන-ඊශ්රායල ගැටුමේ තොරතුරු සජීවීව ගෙන වෙබ් පිටුව සමගයි.
මැද පෙරදිග තත්ත්වය පිළිබඳ සජීව තොරතුරු ගෙන ඒම අප තාවකාලිකව අවසන් කරනවා.
නමුත්, යම් විශේෂ සිදුවීමක් වුවහොත් අප ඒ පිළිබඳව ඔබ වෙත තොරතුරු එසැණින් ගෙන ඒමට සූදානමින් සිටිනවා.
අප සමග රැඳී සිටි ඔබට ස්තූතියි.
'ඊශ්රායලය ඉරානයට එල්ල කළ ප්රහාරය අපි දැඩි ලෙස හෙළා දකිනවා' යැයි කොළඹ රුසියානු තානාපති ලෙවාන් ජගරියාන් අද (ජුනි 25 වැනිදා) කොළඹදී ප්රකාශ කළා.
ලොව ඇතැම් රටවලට න්යෂ්ටික අවි තබා ගැනීමටත්, ඉරානය වැනි රටවලට ඒවා තබා ගැනීමට නොහැකි වීමටත් හේතුව කුමක් ද? මේ විඩියෝවෙන් ඒ ගැන පැහැදිලි කරනවා.
ඉරානයේ පාලන තන්ත්ර වෙනසක් දැකීමට තමාට අවශ්ය නැති බව ට්රම්ප් පවසනවා.
"හැකි ඉක්මනින් සියල්ල සමනය වෙනවා දකින්න මම කැමතියි. පාලන තන්ත්ර වෙනස අවුල්සහගත තත්ත්වයක් ඇති කරනවා, ඒ වගේ ම අපිට ඒ වගේ අවුල්සහගත තත්ත්වයක් දකින්න අවශ්ය නැහැ," ඔහු තවදුරටත් පැවසුවා.
ඉරාන ගැටුමට උදව් කිරීමට ව්ලැදිමීර් පුටින් කතා කළ බව ට්රම්ප් පවසන නමුත්, ඔහු එම යෝජනාව ප්රතික්ෂේප කර රුසියානු ජනාධිපතිවරයාට මෙසේ පැවසූ බව ඔහු සඳහන් කරනවා: "නෑ මට ඉරානය සම්බන්ධ ප්රශ්නයට උදව් ඕනේ නැහැ. මට උදව් ඕනේ ඔයා සම්බන්ධ ප්රශ්නෙට."
ඊශ්රායලය වෙනුවෙන් ඔත්තු බැලීමේ චෝදනා ලැබූ පුද්ගලයින් තිදෙනෙකු ඉරානය එල්ලා මරා දැමූ බව ඉරාන අධිකරණ ප්රවෘත්ති ඒජන්සිය පවසනවා.
"ඝාතන සිදු කිරීම" සඳහා රට තුළට ආයුධ ගෙන ඒමට උත්සහ කිරීම සම්බන්ධයෙන් ද ඔවුන් වරදකරුවන් වූ බව මිසාන් පුවත් ඒජන්සිය පැවසුවා.
ඊශ්රායලයට "උදව් සහ ආධාර සැපයීම" සම්බන්ධයෙන් ඉඩ්රිස් අලි, අසාද් ෂෝජායි සහ රසූල් අහමඩ් රසූල් යන තිදෙනා එලෙස අධිකරණය හමුවේ චෝදනාවට ලක්වුණු බව එම පුවත් ඒජන්සිය තවදුරටත් සඳහන් කළා.
මේ අතර, දින 12ක් පුරා පැවති සටන් අතරතුර ඊශ්රායලය සමග සබඳතා පැවැත්වූ බවට චෝදනා ලැබූ පුද්ගලයින් 700 දෙනෙකු ඉරානය විසින් අත්අඩංගුවට ගනු ලැබ ඇති බව රාජ්ය අනුබද්ධ නූර් නිවුස් වාර්තා කරනවා.
සඳුදා (ජූනි 24) සවස ඇමෙරිකානු ජනාධිපති ඩොනල්ඩ් ට්රම්ප් නිවේදනය කළේ, ඊශ්රායලය සහ ඉරානය සටන් විරාමයකට එකඟ වූ බවත් එය කල් පවතින සාමයකට මග පාදනු ඇති බවත් ය.
මෙම සටන් විරාමය පැවතුණහොත්, එය ස්ථිර සාමයක් බවට පරිවර්තනය වනු ඇතැයි අපේක්ෂා කෙරෙනවා.
නමුත් අනෙකුත් ගැටුම්වලදී මෙන්, මේ සඳහා ද විශාල දක්ෂ රාජ්ය තාන්ත්රික ප්රයත්නයන් අවශ්ය වෙනවා.
සටන් විරාමය යන්නෙන් අදහස් කරන්නේ කුමක් ද?
එක්සත් ජාතීන්ගේ සංවිධානයට අනුව, "සටන් විරාමය" යන වචනය සඳහා තනි, විශ්වීයව පිළිගත් අර්ථ දැක්වීමක් නොමැති නමුත් එම වචනය "වෙඩි තැබීම නැවත් වන්නැයි" යන හමුදා නියෝගයෙන් පැමිණ ඇති අතර, එය "වෙඩි තැබීමේ" නියෝගයට ප්රතිවිරුද්ධ අර්ථයක් ගෙන දේ.
සටන් විරාමයක් ස්ථිර ද නැතිනම් තාවකාලික ද?
එය දෙආකාරයෙන් ම විය හැකි යැයි එක්සත් ජාතීන්ගේ සංවිධානය පවසනවා.
ඇතැම් අවස්ථාවලදී, යුද්ධයක ප්රතිවිරුද්ධ පාර්ශව දෙක තාවකාලික හෝ මූලික සටන් විරාමයකට එකඟ වෙනවා.
ඒ, ප්රචණ්ඩත්වය අඩු කිරීමට හෝ මානුෂීය අර්බුදයක් සමනය කිරීමට වෙන්න පුළුවන්.
2023 නොවැම්බර් 24 සිට නොවැම්බර් 30 දක්වා කාලය තුළ ඊශ්රායලය සහ හමාස් ප්රමුඛ සටන්කාමී කණ්ඩායම් තාවකාලික සටන් විරාමයකට එකඟ වූ විට, හමාස් සංවිධානය සිරකරුවන් 240ක් පමණ නිදහස් කිරීම වෙනුවෙන් ප්රාණ ඇපකරුවන් 105 දෙනෙකු නිදහස් කළා.
සාකච්ඡා සඳහා උපකාරී වන සහ ස්ථිර හෝ නිශ්චිත සටන් විරාමයක් සඳහා මාවතක් සැකසීමට උපකාරී වන පරිසරයක් නිර්මාණය කිරීමටත් මූලික සටන් විරාමයකට එකඟ වෙන්න පුළුවන්.
තවත් අවස්ථාවලදී, සටන් කරන පාර්ශවයන්ගෙන් එක් පාර්ශවයක් හෝ පාර්ශව දෙක ම තමන් නැවත ශක්තිමත් කර ගැනීම සඳහා මූලික සටන් විරාමයක් භාවිත කිරීමට උත්සහ කරන්න පුළුවන්.
නියත (හෝ ස්ථිර) සටන් විරාමයක් සාමාන්යයෙන් ඇති වන්නේ සටන් කරන දෙපාර්ශවය අතර සාර්ථක සාම සාකච්ඡාවලින් පසුව යි.
සාමාන්යයෙන් එයට හඳුනාගත් හමුදාවන් නිරායුධ කිරීම හෝ විසුරුවා හැරීම ඇතුළත් වෙනවා. නමුත් ගිවිසුමක් අත්සන් කිරීමෙන් පසුව ත් පසු විපරම් ආරක්ෂක විධිවිධාන වසර ගණනාවක් පුරා පැවතිය හැකි යි.
ජේම්ස් ලැන්ඩේල්
රාජ්ය තාන්ත්රික වාර්තාකරු
බොහෝ යුද්ධවලදී, සාකච්ඡා මාර්ගයෙන් සටන් විරාමවලට එළඹෙන අතර, සමාජ මාධ්යවලින් සටන් විරාම ප්රකාශයට පත් කෙරෙන්නේ නැහැ.
ඒ නිසා, ඊශ්රායලය සහ ඉරානය අතර සටන් විරාමය අසාමාන්ය දෙයක් වන අතර එය බොහෝ දුරට එක්සත් ජනපදය විසින් පනවන ලද්දක්.
ඒ කියන්නේ අපැහැදිලි දේවල් ගොඩක් තියෙනවා. මේ සටන් විරාමය උල්ලංඝණය කිරීමක් කියන්නේ මොකක් ද?
ඊට දඬුවම කුමක් ද? එවැනි තත්ත්වයන් යටතේ නීත්යනුකූල පළිගැනීමක් ලෙස සලකනු ලබන්නේ කුමක් ද?
උදාහරණයක් ලෙස, යේමනයේ හූති වැනි ඉරානයට සමීපව මිත්ර කණ්ඩායමක් ඊශ්රායලයට පහර දුන්නොත් කුමක් කළ යුතු ද? ඊට ප්රතිචාර වශයෙන් ඊශ්රායලය නීත්යනුකූලව ඉරානයට පහර දෙයි ද? පහර දෙන්න පුළුවන් ද?
මෙම විරාමයේ කොන්දේසි යනු දෙපාර්ශවය ම ඔවුන්ගේ මිසයිල ප්රහාර නැවැත්වීමට වඩා වැඩි යමක් නොවන බව පෙනේ. ඉරානය තම න්යෂ්ටික වැඩසටහන පිළිබඳ සාකච්ඡා නැවත ආරම්භ කරනු ඇතැයි අපේක්ෂා කෙරේ ද?
ඊට සහනයක් ලෙස ආර්ථික සම්බාධක ලිහිල් කිරීමක් ලබා ගත හැකි ද? තවමත් පිළිතුරු නොමැති ප්රශ්න ගණනාවක් ඇත.
ඉරානයේ න්යෂ්ටික මධ්යස්ථානවලට එල්ල වූ ඇමෙරිකානු ප්රහාරවලින් ඉරාන න්යෂ්ටික වැඩසටහන විනාශ වී නොමැති අතර සිදුව ඇත්තේ ඒවායේ කටයුතු මාස ගණනකින් පමණ පසුබෑමට ලක්වීම බව බුද්ධි අංශ වාර්තා පවසනවා.
පෙන්ටගනයේ ආරක්ෂක බුද්ධි ඒජන්සියේ මූලික හානි තක්සේරුව පිළිබඳ තොරතුරු බීබීසීයේ ඇමෙරිකානු හවුල්කරු සීබීඑස් සහ අනෙකුත් මාධ්ය වෙත හෙළි වී වීමත් සමග මේ බව අනාවරණය වුණා.
නමුත් ධවල මන්දිරය පවසන්නේ, මෙම තක්සේරුව "සම්පූර්ණයෙන් ම වැරදි" බවත් එය ජනාධිපති ට්රම්ප් පහත් කොට සැලකීමේ "පැහැදිලි උත්සහයක්" බවත් ය.
එමෙන් ම, බුද්ධි අංශ ඇගයීමකින් ඒවායේ සාර්ථකත්වය පිළිබඳව සැක පහළ වුව ද, ඉරානයේ න්යෂ්ටික මධ්යස්ථාන ඇමෙරිකානු හමුදා ප්රහාර මගින් "සම්පූර්ණයෙන් ම විනාශ වූ" බව ජනාධිපති ඩොනල්ඩ් ට්රම්ප් නැවතත් අවධාරණය කර තිබෙනවා.
ඔබ යළිත් එක්ව සිටින්නේ, ඉරාන-ඊශ්රායල ගැටුමේ තොරතුරු සජීවීව ගෙන වෙබ් පිටුව සමගයි.
මැද පෙරදිග තත්ත්වය පිළිබඳ සජීව තොරතුරු ගෙන ඒම අප තාවකාලිකව අවසන් කරනවා.
නමුත්, යම් විශේෂ සිදුවීමක් වුවහොත් අප ඒ පිළිබඳව ඔබ වෙත තොරතුරු එසැණින් ගෙන ඒමට සූදානමින් සිටිනවා.
අප සමග රැඳී සිටි ඔබට ස්තූතියි.
ඇමෙරිකානු ජනාධිපති ඩොනල්ඩ් ට්රම්ප් නැවතත් ඔහුගේ සමාජ මාධ්ය වේදිකාව වන Truth Social හි සටහනක් තබා තිබෙනවා.
"ඊශ්රායලය සහ ඉරානය යන රටවල් දෙකටම යුද්ධය නැවැත්වීමට එක හා සමානව අවශ්යතාවක් තිබිය යුතුයි" ජනපති ඩොනල්ඩ් ට්රම්ප් කියා සිටියා.
"සියලු න්යෂ්ටික පහසුකම් සහ හැකියාවන් විනාශ කිරීමට ලැබීම සහ පසුව යුද්ධය නැවැත්වීමට ලැබීම මට ලැබුණු මහත් ගෞරවයක්” යැයි ඔහු සඳහන් කළා.
ජනාධිපතිවරයා මීට පෙර රටවල් දෙකටම බැණ වැදුණේ ඔවුන් තමන් විසින් ප්රකාශයට පත් කරන ලද සටන් විරාමයක් උල්ලංඝණය කර ඇති බව පවසමිනි.
ජනපති ට්රම්ප් දෙපාර්ශ්වයටම චෝදනා එල්ල කිරීමෙන් පසුව ඊශ්රායලය සහ ඉරානය අතර සටන් විරාමයක් පවතින බව මේවන විට පෙනී යනවා.
ඊශ්රායල හමුදාව ඉරානය සමඟ සටන් විරාමයක් පිළිගනිමින් නිවේදනයක් නිකුත් කර ඇති අතර "දැන් අවධානය ගාසා තීරයට නැවත යොමු වී ඇත" යනුවෙන් පවසා තිබෙනවා.
ඡායාරූප මූලාශ්රය, Getty Images
ලෝක වෙළෙඳපොලේ බොර තෙල් මිල 5% කින් පමණ පහත වැටී තිබෙනවා.
සති දෙකකට ආසන්න ගැටුමකින් පසු ඊශ්රායලය ඉරානය සමඟ සටන් විරාමයකට එකඟ වීමෙන් පසු තෙල්මිල පහළ ගියා.
ජාත්යන්තර තෙල් මිල පිළිබඳ මිණුමක් ලෙස සලකන බ්රෙන්ට් බොරතෙල් බැරලයක මිල මුළින්ම ඩොලර් 68 දක්වා පහත වැටුණා.
නමුත් ඉරානය සහ ඊශ්රායලය පැය කිහිපයක් ඇතුළත සටන් විරාමය කඩ කළ බවට එකිනෙකාට චෝදනා කිරීමෙන් පසුව එය යම් ප්රමාණයකට යළි ඉහළ යාමක් දක්නට ලැබුණා.
තෙල් හා ගෑස් ප්රවාහනය කරන ප්රධාන නාවික මාර්ගයක් වන හෝමූස් සමුද්ර සන්ධිය අවහිර කිරීමෙන් ඉරානය ගෝලීය සැපයුම්වලට බාධා කළ හැකි බවට ඇති බිය වර්ධනය වීමත් සමඟ මෑත දිනවල බොරතෙල් මිල ගණන් ඉහළ ගොස් තිබුණා.
ඡායාරූප මූලාශ්රය, Reuters
එක්සත් ජනපද ජනාධිපති ඩොනල්ඩ් ට්රම්ප් ඔහුගේ Truth Social වේදිකාවේ ඊශ්රායලයට අනතුරු ඇඟවීමක් නිකුත් කර තිබෙනවා.
ඔහු පවසන්නේ, ඔවුන් ප්රහාර එල්ල නොකළ යුතු බවයි. ඇමෙරිකානු ජනාධිපතිවරයා එහි මෙසේ ලියා තිබුණා: "ඊශ්රායලය. ඔය බෝම්බ දාන්න එපා. එහෙම කළොත් ඒක විශාල උල්ලංඝණයක්. දැන් ම ඔය ගුවන් නියමුවන් අරගෙන ආපහු එන්න!"
ට්රම්ප් ඉරානය සහ ඊශ්රායලය අතර සටන් විරාමයක් ප්රකාශයට පත් කිරීමෙන් පසුව මෙම අනතුරු ඇඟවීම සිදු කර ඇති අතර එය අද ක්රියාත්මක වුණා.
ඊශ්රායලය එම යෝජනාවට එකඟ වූ බව පැවසූ අතර, ඊශ්රායලය එසේ කළහොත් ප්රහාර එල්ල කිරීම නවත්වන බව ඉරානය පැවසුවා.
ඉරානය විසින් එල්ල කරන ලද මිසයිලයක් තමන් විසින් විනාශ කරන ලද බව ත් ඊශ්රායල හමුදාව පසුව ප්රකාශ කළා.
ටෙහෙරානය විසින් නව ප්රහාර ප්රතික්ෂේප කළා.
මේ අතර, හේග් නුවර නේටෝ සමුළුව පිටව යාමට පෙර ට්රම්ප් වාර්තාකරුවන් වෙත පවසා ඇත්තේ, තමන් "ඊශ්රායලයේ ක්රියාමාර්ග ගැන අසතුටින් පසුවන" බව ය.
"මම හිතන විදිහට කාල සීමාවෙන් පස්සේ ටිකක් පරක්කු වෙලා රොකට් ප්රහාරයක් එල්ල වුණා.
දැන් ඊශ්රායලය ප්රතිචාර දක්වන්න යන්නේ. මේ අය සන්සුන් වෙන්න [ඕනේ]. ඊයේ දුටු "ගොඩක් දේවල් " ඔහුට එතරම් ප්රිය ජනක නොවූ බව ඔහු තවදුරටත් පවසනවා.
"අපි එකඟතාව ඇති කරගත්ත ගමන් ඊශ්රායලය පහර දීම ගැන මම එච්චර කැමති වුණේ නැහැ," යැයි ඔහු මීට පෙර ප්රකාශ කළ සටන් විරාමය ගැන සඳහන් කරමින් පැවසුවා.
"පහර දෙන ඕනේ කමක් නැහැනේ." ජනාධිපතිවරයා තවදුරටත් මෙසේ පැවසුවා: "අපට මූලික වශයෙන් සෑහෙන කාලයක් තිස්සේ දැඩි ලෙස සටන් කරන රටවල් දෙකක් තියෙනවා. එයාලා දන්නේ නෑ එයාලා මොන හු* කරනවා ද කියලා..."
ඡායාරූප මූලාශ්රය, Reuters
"ටෙහෙරානයේ ඇති රජයේ ඉලක්ක වෙත දැඩි ප්රහාර එල්ල කරමින් ඉරානයේ සටන් විරාම උල්ලංඝණයට ප්රබලව ප්රතිචාර දක්වන ලෙස" ආරක්ෂක හමුදාවන්ට නියෝග කර ඇතැයි ඊශ්රායල ආරක්ෂක අමාත්යවරයා නිවේදනයක් නිකුත් කරමින් සඳහන් කළා.
ඊශ්රායලයට මිසයිල ප්රහාර එල්ල කළ බවට එල්ල වන චෝදනා ඉරානය ප්රතික්ෂේප කරයි
එහෙත් ඉරාන රාජ්ය මාධ්ය වාර්තා කරන පරිදි, පසුගිය පැය කිහිපය තුළ ඊශ්රායලය දෙසට මිසයිල ප්රහාර එල්ල කළ බවට එල්ල වන චෝදනා ඉරාන සන්නද්ධ හමුදා ජෙනරාල් අබ්දුල්රහිම් මවුසාවි ප්රතික්ෂේප කර තිබෙනවා.
ඡායාරූප මූලාශ්රය, Anadolu/Getty Images
පසුගිය පැය කිහිපය තුළ, ඇමෙරිකානු ජනාධිපති ඩොනල්ඩ් ට්රම්ප් ඉරානය සහ ඊශ්රායලය අතර සටන් විරාමයක් ප්රකාශයට පත් කළ නමුත්, ඒ වන විට දෙපාර්ශවය ම එය ප්රසිද්ධියේ තහවුරු කළේ නැහැ.
නමුත් මීට මද වේලාවකට පෙර ඉරානය කොන්දේසි සහිත ගිවිසුමක් වැනි යමක් සම්බන්ධයෙන් ඉඟියක් ලබා දුන්නා. නමුත් ඊශ්රායලය මේ දක්වා ප්රතිචාර දක්වා නැහැ.
එබැවින් දේවල් අවිනිශ්චිතව පවතිනවා.
මේ අප දන්නා දේ සහ නොදන්නා දේ ගැන කෙටියෙන්:
අප දන්නා දේ
අප නොදන්නා දේ
