පළාත් පාලන ආයතන ඡන්ද විමසීම කොට්ඨාස ක්රමයට පැවැත්වෙන බැවින් පළාත් පාලන ආයතන කොට්ඨාස කිහිපයකට බෙදී ඇති බැවින් එම ඡන්ද මධ්යස්ථානයේ දුර සහ පිහිටීම අනුව ඡන්ද ගණනය කිරීම සඳහා පියවර ගැනීමට මැතිවරණ කොමිෂන් සභාව පියවර ගෙන තිබෙනවා.
මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක සඳහන් කළේ, පළාත් පාලන ඡන්ද විමසීමට අදාළ පළමු ඡන්ද ප්රතිඵලය අද රාත්රි 11.00ට පෙර නිකුත් කිරීමට බලාපොරොත්තු වෙන බවයි.
ඔබ දැනුවත් සහ අවබෝධ කරගත යුතු ඉතා වැදගත් කාරණාව වන්නේ ඡන්ද ගණනය කරන ක්රමවේදය.
මෙවර පළාත් පාලන ඡන්ද විමසීමේ ඡන්ද ඡන්ද ගණන් කිරීමේ මධ්යස්ථාන සංඛ්යාව - 5783ක්.
පළමු ක්රමය යටතේ කොට්ඨාසයක් තුළ පවතින්නේ, එක් ඡන්ද මධ්යස්ථානයක් නම් අනිවාර්යයෙන් ම ඒ ඡන්ද මධ්යස්ථානයේ ඡන්ද ගණනය කිරීම සිදුකරනවා. ප්රතිඵලය ඒ ස්ථානයේදී ම ප්රකාශයට පත් කෙරෙනවා.
දෙවන ක්රමය යටතේ, එක් කොට්ඨාසයක් තුළ ඡන්ද මධ්යස්ථාන කිහිපයක් පවතී නම් සමහර ස්ථානවල ඡන්ද පොළේදී ම ඡන්ද ගණන් කරනවා. ඡන්ද ගණනය අවසන් කොට ප්රතිඵල ලේඛනය පමණක් එම අදාළ කොට්ඨාසයේ පවතින ප්රතිඵල ප්රකාශ කිරීමේ ප්රධාන මධ්යස්ථානයට ඉදිරිපත් කරනවා.
තෙවන ක්රමය යටතේ, කොට්ඨාසය තුළ පවතින සියලු ම ඡන්ද පෙට්ටි පස්වරු 4න් පසුව ප්රතිඵල නිකුත් කරන අවසන් මධ්යස්ථානයට රැගෙන යාම. එසේ රැගෙනවිත් වෙන වෙන ම ගණනය කොට ඒ මධ්යස්ථානයේදී කොට්ඨාසයේ ප්රතිඵලය සකස් කෙරෙනවා.
කොට්ඨාසයේ තියෙන ප්රතිඵල නිකුත් කරන මධ්යස්ථානයේදී ම එම කොට්ඨාසයේ අවසන් ප්රතිඵලය නිකුත් කරනවා. එතැනදි සිදු වන්නේ ඒ ඒ කොට්ඨාසයේ වැඩිපුර ඡන්ද ලබාගත් දේශපාලන පක්ෂය හෝ ස්වාධීන කණ්ඩායම නම් කිරීමය. එය සිදු කරනේ එම ඡන්ද මධ්යස්ථානයේදී ම යි.
එයින් අනතුරුව එම ස්ථානයේදී ම සියලු දෙනාගේ දැන ගැනීම සඳහා එහි එක් පිටපතක් ප්රදර්ශනය කරනවා. ඉන් අනතුරුව එහි මුල් පිටපත කලාපය භාර තේරීම් භාර නිලධාරිවරයා විසින් දිස්ත්රික් තේරීම් භාර නිලධාරිවරයා වෙතට ඉදිරිපත් කරනු ලබනවා.
එක් එක් පළාත් පාලන ආයතනවල ප්රතිඵල සකස් කිරීමේ මධ්යස්ථාන සෑම දිස්ත්රික්කයක ම පිහිටුවා තියෙනවා.
එහිදී සියලු ම ප්රතිඵල එක් කොට පළාත් පාලන ආයතන වල මුළු ප්රතිඵලය සකස් කරනවා.
මේ අවස්ථාවේදී එක් එක් දේශපාලන පක්ෂය ලබා ගත් ආසන සංඛ්යාව තීරණය වෙනවා. ඒ වගේ ම සමානුපාතික නියෝජනය යටතේ එක් එක් දේශපාලන පක්ෂයට හෝ ස්වාධීන කණ්ඩායමට ලැබිය යුතු මන්ත්රී ධූර සංඛ්යාව තීරණය කරනු ලබනවා.
