ਅਮਰੀਕੀ ਰਾਸਟਰਪਤੀ ਚੋਣਾਂ 2020 ਦੀ ਪੋਲਿੰਗ ਦੇ ਇੱਕ ਦਿਨ ਬਾਅਦ ਵੀ ਨਤੀਜਿਆਂ ਦਾ ਐਲਾਨ ਕਿਉਂ ਨਹੀਂ ਕੀਤਾ ਜਾ ਸਕਿਆ
ਅਮਰੀਕੀ ਰਾਸ਼ਟਰਪਤੀ ਚੋਣਾਂ ਵਿੱਚ ਬੀਬੀਸੀ ਪੰਜਾਬੀ ਦੇ ਵਿਸ਼ੇਸ਼ ਲਾਈਵ ਪੇਜ ਨਾਲ ਜੁੜੇ ਰਹਿਣ ਲਈ ਤੁਹਾਡਾ ਸਾਰਿਆਂ ਦਾ ਬਹੁਤ ਬਹੁਤ ਧੰਨਵਾਦ।
ਜਿਵੇਂ ਕਿ ਤੁਸੀਂ ਜਾਣਦੇ ਹੋ, ਬਾਇਡਨ ਫਿਲਹਾਲ ਅੱਗੇ ਚੱਲ ਰਹੇ ਹਨਪਰ ਵੋਟਾਂ ਦੀ ਗਿਣਤੀ ਅਜੇ ਵੀ ਜਾਰੀ ਹੈ। ਇਸ ਲਈ ਅੰਤਮ ਨਤੀਜੇ ਜਾਣਨ ਲਈ ਤੁਹਾਨੂੰ ਕੁਝ ਹੋਰ ਘੰਟਿਆਂ ਜਾਂ ਦਿਨਾਂ ਦੀ ਉਡੀਕ ਕਰਨੀ ਪੈ ਸਕਦੀ ਹੈ।
ਪਰ ਹੁਣ ਤੁਹਾਡੇ ਤੋਂ ਇਜਾਜ਼ਤ ਲੈਣ ਦਾ ਸਮਾਂ ਆ ਗਿਆ ਹੈ।
ਸਾਨੂੰ ਇਜਾਜ਼ਤ ਦਿਓ ਅਤੇ ਅਮਰੀਕੀ ਚੋਣਾਂ ਸਣੇ ਹੋਰ ਖਬਰਾਂ ਦੀ ਅਪਡੇਟ ਤੁਸੀਂ ਸਾਡੀ ਵੈੱਬਸਾਈਟ 'ਤੇ ਦੇਖ ਸਕਦੇ ਹੋ।
ਅਮਰੀਕਾ ਦੇ ਚੋਣ ਨਤੀਜਿਆਂ ਦੀ ਦਿਸ਼ਾ ਨੂੰ ਤੈਅ ਕਰਨ ਵਿੱਚ ਹੁਣ ਕੁਝ ਹੀ ਸੂਬਿਆਂ ਦੇ ਨਤੀਜਿਆਂ ਦੀ ਉਡੀਕ ਹੈ।
ਜੋਅ ਬਾਇਡਨ ਇਸ ਵੇਲੇ 243 ਇਲੈਕਟੋਰਲ ਕੌਲੇਜ ਵੋਟਾਂ ਨਾਲ ਡੋਨਲਡ ਟਰੰਪ (214) ਤੋਂ ਅੱਗੇ ਬਣੇ ਹੋਏ ਹਨ।
ਚੋਣਾਂ ਤੋਂ ਬਾਅਦ ਵ੍ਹਾਈਟ ਹਾਊਸ ਵਿੱਚ ਕੌਣ ਹੋਵੇਗਾ ਇਸ ਲਈ ਜਾਦੂਈ ਅੰਕੜਾ 270 ਵੋਟਾਂ ਦਾ ਹੈ। ਐਰੀਜ਼ੋਨਾ, ਜਾਰਜੀਆ, ਨੇਵਾਦਾ, ਪੈਨਸਿਲਵੇਨੀਆ, ਉੱਤਰੀ ਕੈਰੋਲਾਇਨਾ ਅਤੇ ਵਿਸਕਾਨਸਿਨ ਉਹ ਸੂਬੇ ਹਨ ਜੋ ਹੁਣ ਰਾਸ਼ਟਰਪਤੀ ਬਣਾਉਨ ਦੀ ਕੁੰਜੀ ਹਨ।
ਕੌਣ ਜਿੱਤੇਗਾ ਅਤੇ ਕੌਣ ਪਿੱਛੇ ਰਹਿ ਜਾਵੇਗਾ, ਇਹ ਇਨ੍ਹਾਂ ਸੂਬਿਆਂ ਦੇ ਨਤੀਜਿਆਂ 'ਤੇ ਨਿਰਭਰ ਹੀ ਕਰਦਾ ਹੈ।
ਬਾਇਡਨ ਪੈਨਸਿਲਵੇਨੀਆ ਦੇ ਬਿਨਾ ਵੀ ਜਿੱਤ ਦਰਜ ਕਰ ਸਕਦੇ ਹਨ। ਹਾਲਾਂਕਿ ਇਹ ਨਤੀਜੇ ਫਿਲਹਾਲ ਨਹੀਂ ਆਉਣ ਵਾਲੇ ਹਨ। ਪਰ ਉਨ੍ਹਾਂ ਨੂੰ ਐਰੀਜ਼ੋਨਾ, ਜਾਰਜੀਆ ਅਤੇ ਨੇਵਾਦਾ ਵਿਚ ਜਿੱਤਣਾ ਹੀ ਪਏਗਾ।
ਕੁਝ ਖ਼ਬਰ ਸੰਸਥਾਵਾਂ ਨੇ ਵਿਸਕਾਨਸਿਨ ਅਤੇ ਐਰੀਜ਼ੋਨਾ ਵਿੱਚ ਬਾਇਡਨ ਦੀ ਜਿੱਤ ਦਾ ਕਿਆਸ ਲਾਇਆ ਹੈ ਪਰ ਬੀਬੀਸੀ ਦਾ ਮੰਨਣਾ ਹੈ ਕਿ ਇਸ ਬਾਰੇ ਕੋਈ ਫੈਸਲਾ ਲੈਣਾ ਜਲਦਬਾਜ਼ੀ ਹੋਵੇਗਾ।
ਤਸਵੀਰ ਸਰੋਤ, Getty Images
ਨਵਾਡਾ ਵਿੱਚ ਰਿਪਬਲਿਕਨ ਪਾਰਟੀ ਨੇ ਇਹ ਇਲਜ਼ਾਮ ਲਗਾਏ ਹਨ ਕਿ ਕਰੀਬ 10 ਹਜ਼ਾਰ ਵੋਟਾਂ ਉਨ੍ਹਾਂ ਲੋਕਾਂ ਨੇ ਪਾਈਆਂ ਹਨ ਜੋ ਹੁਣ ਉਸ ਸੂਬੇ ਵਿੱਚ ਨਹੀਂ ਰਹਿੰਦੇ ਹਨ।
ਰਿਪਬਲਿਕਨ ਪਾਰਟੀ ਨੇ ਕੇਸ ਕਰਨ ਦਾ ਫੈਸਲਾ ਕੀਤਾ ਹੈ। ਨਵਾਡਾ ਉਨ੍ਹਾਂ ਸੂਬਿਆਂ ਵਿੱਚੋਂ ਸੀ ਜਿੱਥੇ ਸਾਰੇ ਰਜਿਸਟਰਡ ਵੋਟਰਾਂ ਨੂੰ ਪੋਸਟਲ ਬੈਲਟ ਭੇਜੇ ਗਏ ਸਨ।
ਡੌਨਲਡ ਟਰੰਪ ਨੇ ਆਪਣੇ ਚੋਣ ਪ੍ਰਚਾਰ ਦੌਰਾਨ ਕਿਹਾ ਸੀ ਕਿ ਪੋਸਟਲ ਬੈਲਟ ਕਾਰਨ ਚੋਣਾਂ ਵਿੱਚ ਧੋਖਾ ਹੋ ਸਕਦਾ ਹੈ। ਹਾਲਾਂਕਿ ਅਜੇ ਤੱਕ ਚੋਣਾਂ ਵਿੱਚ ਕਿਸੇ ਤਰ੍ਹਾਂ ਦੀ ਧੋਖਾਧੜੀ ਦੇ ਸਬੂਤ ਨਹੀਂ ਮਿਲੇ ਹਨ।
ਇਹ ਚੌਥਾ ਸੂਬਾ ਹੈ ਜਿੱਥੇ ਰਿਪਬਲਿਕਨ ਵੋਟਾਂ ਖਿਲਾਫ਼ ਕੇਸ ਕਰਨ ਜਾ ਰਹੇ ਹਨ। ਉਨ੍ਹਾਂ ਨੇ ਵਿਕਸਾਨਸਿਨ ਵਿੱਚ ਵੀ ਵੋਟਾਂ ਦੀ ਮੁੜ ਗਿਣਤੀ ਦੀ ਅਪੀਲ ਕੀਤੀ ਹੈ।
ਤਸਵੀਰ ਸਰੋਤ, EPA
ਅਮਰੀਕੀ ਚੋਣਾਂ ਦੇ ਆ ਰਹੇ ਨਤੀਜਿਆਂ ਦੌਰਾਨ ਦੋਹਾਂ ਉਮੀਦਵਾਰਾਂ ਨੇ ਜਿੱਤ ਦੇ ਦਾਅਵੇ ਕੀਤੇ ਹਨ ਅਤੇ ਦੋਵੇਂ ਹੀ ਉਮਦੀਵਾਰ ਕਾਨੂੰਨੀ ਲੜਾਈ ਲੜਨ ਲਈ ਵੀ ਤਿਆਰ ਹਨ।
ਰਾਸ਼ਟਰਪਤੀ ਅਹੁਦਾ ਜਿੱਤਣ ਲਈ 270 ਇਲੈਕਟੋਰਲ ਵੋਟਾਂ ਦੀ ਲੋੜ ਹੈ।
ਤਸਵੀਰ ਸਰੋਤ, Getty Images
ਅਮਰੀਕਾ ਦੀ ਇਮੀਗ੍ਰੇਸ਼ਨ ਨੀਤੀ ਭਾਰਤ ਲਈ ਮਾਅਨੇ ਰੱਖਦੀ ਹੈ। ਅਮਰੀਕਾ ਵਿੱਚ ਭਾਰਤੀ ਤਕਨੀਕੀ ਹੁਨਰਮੰਦਾਂ ਦਾ ਵਧੀਆ ਰਿਕਾਰਡ ਰਿਹਾ ਹੈ, ਐੱਚ1ਬੀ ਵੀਜ਼ਾ ਉੱਤੇ ਆਉਣ ਵਾਲੇ ਵਰਕਰ ਵੀ ਬਾਅਦ ਵਿੱਚ ਅਮਰੀਕੀ ਨਾਗਰਿਕ ਬਣ ਸਕਦੇ ਹਨ।
ਭਾਰਤੀ ਅਮਰੀਕੀ, ਮੁਲਕ ਦੇ ਰਾਸ਼ਟਰਪਤੀ ਨੂੰ ਆਪਣੀਆਂ ਵੋਟਾਂ ਪਾ ਸਕਦੇ ਹਨ, ਭਾਵੇਂ ਉਹ ਟਰੰਪ ਹੋਣ ਜਾਂ ਜੋ ਬਾਈਡਨ ਪਰ ਉਹ ਭਾਰਤ ਲਈ ਕੀ ਸਕਦੇ ਹਨ?
ਪੂਰੀ ਖ਼ਬਰ ਪੜ੍ਹਨ ਲਈ ਇੱਥੇ ਕਲਿਕ ਕਰੋ।
ਟਰੰਪ ਦੇ ਸਮਰਥਕਾਂ ਨੇ ਐਰੀਜ਼ੋਨਾ ਵਿੱਚ ਕਾਉਂਟੀ ਰਿਕਾਰਡਰ ਦਫ਼ਤਰ ਦੇ ਬਾਹਰ ਤਕਰਬੀਨ 200 ਰਿਪਬਲੀਕਨ ਸਮਰਥਕਾਂ ਨੇ ਡੋਨਲਡ ਟਰੰਪ ਦੀ ਹਿਮਾਇਤ ਵਿੱਚ ਪ੍ਰਦਰਸ਼ਨ ਕੀਤਾ।
ਇਸ ਦੌਰਾਨ ਦਫ਼ਤਰ ਦੇ ਅੰਦਰ ਬੈਲੇਟਾਂ ਦੀ ਗਿਣਤੀ ਜਾਰੀ ਰਹੀ।
ਪ੍ਰਦਰਸ਼ਨਕਾਰੀ ਸੋਸ਼ਲ ਮੀਡੀਆ 'ਤੇ ਕੀਤੇ ਗਏ ਉਨ੍ਹਾਂ ਦਾਅਵਿਆਂ ਦਾ ਜਵਾਬ ਦੇ ਰਹੇ ਸਨ ਜਿਸ ਵਿਚ ਡੋਨਲਡ ਟਰੰਪ ਦੇ ਵੋਟਾਂ ਦੀ ਗਿਣਤੀ ਨਹੀਂ ਕੀਤੇ ਜਾਣ ਦੀ ਗੱਲ ਕਹੀ ਗਈ ਸੀ। ਹਾਲਾਂਕਿ, ਸੋਸ਼ਲ ਮੀਡੀਆ 'ਤੇ ਕੀਤੇ ਗਏ ਇਸ ਦਾਅਵੇ ਦਾ ਕੋਈ ਸਬੂਤ ਨਹੀਂ ਹੈ।
ਅਧਿਕਾਰੀਆਂ ਨੇ ਦੁਹਰਾਇਆ ਕਿ ਉਹ ਪ੍ਰਕਿਰਿਆ ਦਾ ਪਾਲਣ ਕਰਦੇ ਹੋਏ ਸਾਰੀਆਂ ਵੋਟਾਂ ਦੀ ਗਿਣਤੀ ਕਰ ਰਹੇ ਹਨ। ਅਧਿਕਾਰੀਆਂ ਨੂੰ ਪੁਲਿਸ ਨੂੰ ਬੁਲਾਉਣਾ ਪਿਆ ਪਰ ਇਸ ਦੌਰਾਨ ਵਿਰੋਧ ਪ੍ਰਦਰਸ਼ਨ ਰੁਕਿਆ ਨਹੀਂ।
ਤਸਵੀਰ ਸਰੋਤ, Getty Images
ਐਰੀਜ਼ੋਨਾ ਸੂਬੇ ਦੇ ਅਧਿਕਾਰੀਆਂ ਨੇ ਦਾਅਵਿਆਂ ਨੂੰ ਖਾਰਜ ਕੀਤਾ ਹੈ ਕਿ ‘ਸ਼ਾਰਪੀਜ਼’(ਪੱਕੇ ਮਾਰਕਰਾਂ) ਵਾਲੇ ਬੈਲਟ ਪੇਪਰਾਂ ਨੂੰ ਅਯੋਗ ਕਰਾਰ ਦਿੱਤਾ ਗਿਆ ਹੈ।
ਟਵਿੱਟਰ ਉੱਤੇ ਇੱਕ ਪੋਸਟ ਵਿੱਚ ਸੂਬੇ ਦੇ ਮੁੱਖ ਚੋਣ ਅਧਿਕਾਰੀ, ਵਿਦੇਸ਼ ਮੰਤਰੀ ਕੇਟੀ ਹੋਬਜ਼ ਨੇ ਕਿਹਾ ਕਿ ਪੱਕੇ ਮਾਰਕਰ ਨਾਲ ਕੀਤੀ ਵੋਟਿੰਗ ਅਯੋਗ ਨਹੀਂ ਹੋਵੇਗੀ।
ਸੋਸ਼ਲ ਮੀਡੀਆ 'ਤੇ ਕੁੱਝ ਪੋਸਟਾਂ ਵਿੱਚ ਇਹ ਦਾਅਵਾ ਕੀਤਾ ਗਿਆ ਹੈ ਕਿ ਐਰੀਜ਼ੋਨਾ ਵਿੱਚ ਰਿਪਬਲੀਕਨ ਵੋਟਰਾਂ ਨੂੰ ਉਨ੍ਹਾਂ ਦੀਆਂ ਵੋਟਾਂ ਨੂੰ ਅਯੋਗ ਬਣਾਉਣ ਲਈ ਪੱਕੇ ਮਾਰਕਰ ਦਿੱਤੇ ਗਏ ਸਨ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post
ਤਸਵੀਰ ਸਰੋਤ, EPA
ਛੇਤੀ ਵੋਟਿੰਗ ਦਾ ਮਤਲਬ ਠੀਕ ਅਜਿਹਾ ਹੀ ਹੁੰਦਾ ਹੈ ਜਿਵੇਂ ਤੁਸੀਂ ਸਮਝ ਰਹੇ ਹੋ। ਯਾਨਿ ਚੋਣਾਂ ਦੀ ਉਹ ਪ੍ਰਕਿਰਿਆ ਜਿਸਦੇ ਤਹਿਤ ਲੋਕਾਂ ਨੂੰ ਵੋਟਿੰਗ ਦੇ ਦਿਨ ਤੋਂ ਪਹਿਲਾਂ ਹੀ ਵੋਟ ਪਾਉਣ ਦੀ ਇਜਾਜ਼ਤ ਦਿੱਤੀ ਜਾਂਦੀ ਹੈ।
ਇਹ ਦੋ ਤਰੀਕਿਆਂ ਨਾਲ ਕੀਤੀ ਜਾ ਸਕਦੀ ਹੈ। ਬੂਥ 'ਤੇ ਪਹੁੰਚ ਕੇ ਵੋਟਿੰਗ ਕਰਕੇ ਜਾਂ ਫਿਰ ਪੋਸਟ ਜ਼ਰੀਏ ਵੋਟਿੰਗ ਪੇਪਰ ਭੇਜ ਕੇ।
ਫਿਨਲੈਂਡ ਅਤੇ ਕੈਨੇਡਾ ਵਿੱਚ ਵਿਅਕਤੀਗਤ ਤੌਰ 'ਤੇ ਹਾਜ਼ਰ ਹੋ ਕੇ ਵੋਟ ਪਾਉਣਾ ਆਮ ਗੱਲ ਹੈ ਜਦਕਿ ਬ੍ਰਿਟੇਨ, ਸਵਿੱਟਜ਼ਰਲੈਂਡ ਅਤੇ ਜਰਮਨੀ ਵਿੱਚ ਪੋਸਟ ਦੇ ਜ਼ਰੀਏ ਵੋਟ ਸਵੀਕਾਰ ਕੀਤੇ ਜਾਂਦੇ ਹਨ।
ਪੂਰੀ ਖ਼ਬਰ ਪੜ੍ਹਨ ਲਈ ਇੱਥੇ ਕਲਿਕ ਕਰੋ।
ਐਰੀਜ਼ੋਨ ਵਿੱਚ ਮੈਰੀਕੋਪਾ ਦੇ ਵੋਟਿੰਗ ਗਿਣਤੀ ਕੇਂਦਰ ਦੇ ਬਾਹਰ ਰਿਪਬਲੀਕਨ ਹਮਾਇਤੀ ਇਕੱਠੇ ਹੋ ਗਏ। ਸੋਸ਼ਲ ਮੀਡੀਆ ਉੱਪਰ ਦਾਅਵੇ ਕੀਤੇ ਜਾ ਰਹੇ ਸਨ ਕਿ ਇੱਥੇ ਟਰੰਪ ਦੀਆਂ ਵੋਟਾਂ ਦੀ ਗਿਣਤੀ ਨਹੀਂ ਕੀਤੀ ਜਾ ਰਹੀ ਹੈ, ਜਿਸ ਮਗਰੋਂ ਇਹ ਲੋਕ ਇੱਥੇ ਇਕਠੇ ਹੋ ਗਏ।
ਇਨ੍ਹਾਂ ਵਿੱਚੋਂ ਕੁਝ ਲੋਕ ਸੈਂਟਰ ਦੇ ਅੰਦਰ ਦਾਖ਼ਲ ਹੋਣ ਵਿੱਚ ਕਾਮਯਾਬ ਹੋ ਗਏ ਜਿਨ੍ਹਾਂ ਨੂੰ ਸੁਰੱਖਿਆ ਕਰਮਚਾਰੀਆਂ ਨੇ ਬਾਹਰ ਕੱਢਿਆ। ਹਾਲਾਂਕਿ ਇਸ ਦੌਰਾਨ ਵੋਟਾਂ ਦੀ ਗਿਣਤੀ ਦਾ ਕੰਮ ਜਾਰੀ ਰਿਹਾ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 1
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 2
ਡੌਨਲਡ ਟਰੰਪ ਦੀ ਅਧਿਆਤਮਿਕ ਸਲਾਹਕਾਰ ਪਾਉਲਾ ਵ੍ਹਾਈਟ-ਕੇਨ ਵਿੱਚ ਪ੍ਰਮਾਤਮਾ ਨੂੰ ਰਾਸ਼ਟਰਪਤੀ ਟਰੰਪ ਦੀ ਮਦਦ ਕਰਨ ਲਈ ਜਜ਼ਬਾਤੀ ਅਤੇ ਊਰਜਾ ਭਰਭੂਰ ਪ੍ਰਰਾਥਨਾ ਕੀਤੀ।
ਪ੍ਰਾਰਥਨਾ ਦੌਰਾਨ ਉਨ੍ਹਾਂ ਨੇ ਉਨ੍ਹਾਂ “ਡੈਮੋਕ੍ਰੇਟਿਕ ਕਨਫੈਡਰੀਸੀਜ਼ ਉੱਪਰ ਨਿਸ਼ਾਨਾ ਸਾਧਿਆ ਜੋ ਟਰੰਪ ਤੋਂ ਚੋਣਾਂ ਚੁਰਾਉਣਾ ਚਾਹੁੰਦੀਆਂ ਹਨ”।
ਪ੍ਰਰਾਥਨਾ ਦੀਆਂ ਕਲਿਪ ਸੋਸ਼ਲ ਮੀਡੀਆ ਉੱਪਰ ਵੱਡੀ ਗਿਣਤੀ ਵਿੱਚ ਸਾਂਝੀਆਂ ਕੀਤੀਆਂ ਜਾ ਰਹੀਆਂ ਹਨ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post
ਚੋਣ ਨਤੀਜਿਆਂ ਲਈ ਮਹੱਤਵਪੂਰਨ ਸੂਬਾ ਪੈਨਸਿਲਵੇਨੀਆ ਦੇ ਫਿਲਡੈਲਫ਼ੀਆ ਵਿਚ ਸੈਂਕੜੇ ਪ੍ਰਦਰਸ਼ਨਕਾਰੀ ਵੋਟਾਂ ਦੀ ਗਿਣਤੀ ਦੌਰਾਨ ਸੜਕਾਂ ’ਤੇ ਉਤਰ ਆਏ ਹਨ ਅਤੇ ਉਨ੍ਹਾਂ ਦੀ ਮੰਗ ਹੈ ਕਿ ਹਰ ਇਕ ਵੋਟ ਦੀ ਗਿਣਤੀ ਕੀਤੀ ਜਾਵੇ।
ਟਰੰਪ ਦੀ ਚੋਣ ਮੁਹਿੰਮ ਨੇ ਵਿਨਕਾਨਸਿਨ, ਮਿਸ਼ੀਗਨ ਅਤੇ ਜਾਰਜੀਆ ਸਮੇਤ ਪੈਨਸਿਲਵੇਨੀਆ ਵਿਚ ਬਚੇ ਬੈਲਟ ਦੀ ਗਿਣਤੀ ਨਾ ਕਰਨ ਲਈ ਕਾਨੂੰਨੀ ਲੜਾਈ ਸ਼ੁਰੂ ਕਰ ਦਿੱਤੀ ਹੈ।
ਬੀਬੀਸੀ ਪੱਤਰਕਾਰ ਹੈਨਾ ਲੌਂਗ-ਹਿਗਿਨਸ ਅਤੇ ਸ਼ਿਨਯੇਨ ਉਥੇ ਮੌਜੂਦ ਸਨ ਅਤੇ ਉਨ੍ਹਾਂ ਨੇ ਪ੍ਰਦਰਸ਼ਨਕਾਰੀਆਂ ਨਾਲ ਗੱਲਬਾਤ ਕੀਤੀ। ਇਨ੍ਹਾਂ ਵਿੱਚੋਂ ਵਧੇਰੇ ਡੈਮੋਕਰੇਟ ਉਮੀਦਵਾਰ ਬਾਈਡਨ ਦੇ ਸਮਰਥਕ ਸਨ।
27 ਸਾਲਾ ਮਾਰਕ ਵਾਲ ਨੇ ਕਿਹਾ, “ਮੈਂ ਪ੍ਰਕਿਰਿਆ ਤੋਂ ਨਿਰਾਸ਼ ਨਹੀਂ ਹਾਂ। ਮੈਂ ਜਾਣਦਾ ਹਾਂ ਕਿ ਅਸੀਂ ਇੱਕ ਮਹਾਂਮਾਰੀ ਵਿੱਚ ਹਾਂ। ਮੈਂ ਜਾਣਦਾ ਹਾਂ ਕਿ ਜੇ ਅਜਿਹੀਆਂ ਚੀਜ਼ਾਂ ਹੁੰਦੀਆਂ ਹਨ, ਤਾਂ ਉਸ ਲਈ ਕੋਈ ਪ੍ਰੋਟੋਕੋਲ ਨਹੀਂ ਹੈ।”
ਪ੍ਰਦਰਸ਼ਨ ਅਜੇ ਵੀ ਸ਼ਾਂਤੀਪੂਰਨ ਹਨ ਅਤੇ ਭਾਰੀ ਸੁਰੱਖਿਆ ਬਲ ਵੀ ਉਥੇ ਤਾਇਨਾਤ ਹਨ।
ਤਸਵੀਰ ਸਰੋਤ, Getty Images
ਤਸਵੀਰ ਸਰੋਤ, Getty Images
ਤਸਵੀਰ ਸਰੋਤ, Getty Images
ਤਸਵੀਰ ਸਰੋਤ, Reuters
ਸੰਖੇਪ ਵਿੱਚ ਕਹੀਏ ਤਾਂ ਸਾਨੂੰ ਹਾਲੇ ਵੀ ਨਹੀਂ ਪਤਾ ਕਿ ਅਮਰੀਕਾ ਦਾ ਅਗਲਾ ਰਾਸ਼ਟਰਪਤੀ ਕੋਣ ਹੋਣ ਜਾ ਰਿਹਾ ਹੈ।
ਪੂਰੀ ਰਾਤ ਵਿੱਚ ਕੋਈ ਵੱਡਾ ਫੇਰ ਬਦਲ ਤਾਂ ਨਹੀਂ ਹੋਇਆ ਪਰ ਛੇ ਮਹੱਤਵਪੂਰਨ ਸੂਬਿਆਂ ਵਿੱਚ ਗਿਣਤੀ ਜਾਰੀ ਹੈ ਜੋ ਪਾਸਾ ਪਲਟ ਸਕਦੇ ਹਨ। ਹਾਲਾਂਕਿ ਜੋ ਬਾਇਡਨ ਦਾ ਰਾਹ ਸਾਫ਼ ਨਜ਼ਰ ਆ ਰਿਹਾ ਹੈ ਪਰ ਹਾਲੇ ਵੀ ਦੋਵਾਂ ਵਿੱਚੋਂ ਕੋਈ ਵੀ ਬਾਜ਼ੀ ਮਾਰ ਸਕਦਾ ਹੈ।
ਬਾਇਡਨ ਕੋਲ ਫਿਲਹਾਲ ਇਲੈਕਟੋਰਲ ਕਾਲਜ ਦੀਆਂ 243 ਵੋਟਾਂ ਹਨ ਅਤੇ ਟਰੰਪ ਕੋਲ 214, ਜਦਕਿ ਰਾਸ਼ਟਰਪਤੀ ਬਣਨ ਲਈ 270 ਦੀ ਲੋੜ ਹੈ।
ਅਮਰੀਕੀ ਰਾਸ਼ਟਰਪਤੀ ਚੋਣਾਂ ਵਿਚ ਜੋ ਵੀ ਉਮੀਦਵਾਰ ਜਿੱਤ ਹਾਸਲ ਕਰਦਾ ਹੈ, ਉਹ ਜਨਵਰੀ ਵਿਚ ਵ੍ਹਾਈਟ ਹਾਊਸ ਵਿਚ ਪਹੁੰਚਣ ਦੀ ਤਿਆਰੀ ਤੋਂ ਪਹਿਲਾਂ ਆਪਣੀ ਇਕ ਟ੍ਰਾਂਜ਼ਿਸ਼ਨ ਟੀਮ ਬਣਾਉਂਦਾ ਹੈ।
ਜਿਵੇਂ ਕਿ ਅਸੀਂ ਜਾਣਦੇ ਹਾਂ ਕਿ ਅਜੇ ਤੱਕ ਚੋਣਾਂ ਵਿਚ ਕੋਈ ਵਿਜੇਤਾ ਨਹੀਂ ਹੈ, ਪਰ ਦੋਵੇਂ ਉਮੀਦਵਾਰਾਂ ਨੂੰ ਪੂਰਾ ਭਰੋਸਾ ਹੈ ਕਿ ਉਹ ਜਿੱਤ ਰਹੇ ਹਨ। ਦੋਵੇਂ ਇਸ ਤਰ੍ਹਾਂ ਦਾ ਨਜ਼ਰਿਆ ਪੇਸ਼ ਕਰ ਰਹੇ ਹਨ ਤਾਂਕਿ ਉਹ ਇਸ ਅਹੁਦੇ ਦੀ ਦੌੜ ਵਿਚ ਅੱਗੇ ਨਜ਼ਰ ਆਉਣ।
ਹੁਣ ਜੋ ਬਾਈਡਨ ਨੇ 'ਬਿਲਡ ਬੈਕ ਬੈਟਰ' ਨਾਮਕ ਇਕ ਟ੍ਰਾਂਜ਼ਿਸ਼ਨ ਵੈਬਸਾਈਟ ਸ਼ੁਰੂ ਕੀਤੀ ਹੈ।
ਇਸ ਵਿਚ ਲਿਖਿਆ ਹੈ, “ਦੇਸ਼ ਜਿਸ ਸੰਕਟ ਵਿਚੋਂ ਲੰਘ ਰਿਹਾ ਹੈ, ਉਸ ਵਿਚ ਮਹਾਂਮਾਰੀ ਤੋਂ ਲੈ ਕੇ ਆਰਥਿਕ ਮੰਦੀ ਅਤੇ ਮੌਸਮ ਵਿਚ ਤਬਦੀਲੀ ਤੋਂ ਲੈ ਕੇ ਨਸਲੀ ਬੇਇਨਸਾਫ਼ੀ ਤੱਕ ਦੇ ਗੰਭੀਰ ਮੁੱਦੇ ਸ਼ਾਮਲ ਹਨ। ਟ੍ਰਾਂਜ਼ਿਸ਼ਨ ਦੀ ਟੀਮ ਪੂਰੀ ਤੇਜ਼ੀ ਨਾਲ ਤਿਆਰੀ ਕਰੇਗੀ ਤਾਂ ਜੋ ਬਾਈਡਨ-ਹੈਰਿਸ ਪ੍ਰਸ਼ਾਸਨ ਪਹਿਲੇ ਦਿਨ ਤੋਂ ਹੀ ਕੰਮ ਸ਼ੁਰੂ ਕਰ ਸਕੇ।”
ਤਸਵੀਰ ਸਰੋਤ, Reuters
ਅਮਰੀਕਾ ਦੀਆਂ ਚੋਣਾਂ ਨੂੰ ਲੈ ਕੇ ਹਰ ਕੋਈ ਆਪਣੀ ਸਿਆਸੀ ਰਾਇ ਰੱਖ ਰਿਹਾ ਹੈ। ਅਸੀਂ ਤੁਹਾਨੂੰ ਅਮਰੀਕਾ ਦੇ ਅਜੀਹੇ ਪਤੀ-ਪਤਨੀ ਨਾਲ ਮਿਲਾਉਂਦੇ ਹਾਂ ਜਿਨ੍ਹਾਂ ਦੇ ਘਰ ’ਚ ਹੀ ਵਿਚਾਰਾਂ ਦਾ ਮਤਭੇਦ ਉਭਰ ਆਇਆ ਹੈ। ਪਰ ਕੀ ਇਸ ਦਾ ਅਸਰ ਉਨ੍ਹਾਂ ਦੇ ਰਿਸ਼ਤਿਆਂ ’ਤੇ ਵੀ ਪਿਆ ਹੈ।
ਅਮਰੀਕੀ ਰਾਸ਼ਟਰਪਤੀ ਦੇ ਅਹੁਦੇ ਦੀਆਂ ਚੋਣਾਂ ਦਾ ਅਸਰ ਦੇਸ਼ ਅਤੇ ਵਿਦੇਸ਼ਾਂ ਦੋਹਾਂ ’ਚ ਹੁੰਦਾ ਹੈ। ਤਿੰਨ ਨਵੰਬਰ ਨੂੰ ਅਮਰੀਕਾ ’ਚ ਚੋਣਾਂ ਹੋਈਆਂ ਹਨ। ਜੋ ਵੀ ਨਤੀਜੇ ਆਉਣਗੇ, ਉਹ ਸਭ ਨੂੰ ਪ੍ਰਭਾਵਿਤ ਕਰਨਗੇ।
ਅਮਰੀਕਾ ਦੀ ਸਿਆਸਤ ’ਚ ਦੋ ਹੀ ਮੁੱਖ ਪਾਰਟੀਆਂ ਹਨ। ਰਿਪਬਲੀਕਨਜ਼ ਅਤੇ ਡੈਮੌਕ੍ਰੇਟਜ਼।
ਰਿਪਬਲਿਕਨਜ਼ ਅਮਰੀਕਾ ਦੀ ਕੰਜ਼ਰਵੇਟਿਵ ਪਾਰਟੀ ਹੈ ਅਤੇ ਮੌਜੂਦਾ ਰਾਸ਼ਟਰਪਤੀ ਡੌਨਲਡ ਟਰੰਪ ਦੂਜੀ ਵਾਰ ਰਾਸ਼ਟਰਪਤੀ ਦੇ ਅਹੁਦੇ ਦੇ ਉਮੀਦਵਾਰ ਹਨ।
ਡੈਮੌਕ੍ਰੇਟਜ਼ ਅਮਰੀਕਾ ਦੀ ਲਿਬਰਲ ਪਾਰਟੀ ਹੈ ਜਿਸ ਦੇ ਇਸ ਵਾਰ ਰਾਸ਼ਟਰਪਤੀ ਅਹੁਦੇ ਦੇ ਉਮੀਦਵਾਰ ਜੋਅ ਬਾਇਡਨ ਹਨ। 8 ਸਾਲ ਉਹ ਬਰਾਕ ਓਬਾਮਾ ਦੇ ਨਾਲ ਉਪ-ਰਾਸ਼ਟਰਪਤੀ ਵਜੋ ਸੇਵਾ ਨਿਭਾ ਚੁੱਕੇ ਹਨ। ਪੂਰੀ ਰਿਪੋਰਟ ਪੜ੍ਹਨ ਲਈ ਕਲਿੱਕ ਕਰੋ
ਅਮਰੀਕਾ ਵਿੱਚ ਰਾਸ਼ਟਰਪਤੀ ਦੇ ਅਹੁਦੇ ਦੇ ਡੇਮੋਕਰੇਟ ਉਮੀਦਵਾਰ ਜੋ ਬਾਇਡਨ ਨੇ ਕਿਹਾ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਉਨ੍ਹਾਂ ਨੇ ਵ੍ਹਾਈਟ ਹਾਊਸ ਪਹੁੰਚਣ ਲਈ ਲੋੜੀਦੀਆਂ ਵੋਟਾਂ ਹਾਸਲ ਕਰ ਲਈਆਂ ਹਨ।
ਹਾਲਾਂਕਿ ਉਨ੍ਹਾਂ ਨੇ ਕਈ ਸੂਬਿਆਂ ਵਿੱਚ ਗਿਣਤੀ ਹਾਲੇ ਜਾਰੀ ਹੋਣ ਕਾਰਨ ਜਿੱਤ ਦਾ ਦਾਅਵਾ ਕਰਨ ਤੋਂ ਗੁਰੇਜ਼ ਕੀਤਾ।
ਬੀਬੀਸੀ ਮੁਤਾਬਕ ਬਾਇਡਨ ਦੇ ਮਿਸ਼ੀਗਨ ਵਿਚ ਜਿੱਤਣ ਦੀ ਸੰਭਾਵਨਾ ਹੈ ਪਰ ਅਮਰੀਕੀ ਮੀਡੀਆ ਮੁਤਾਬਕ ਉਹ ਵਿਸਕਾਸਿਨ ਤੋਂ ਜਿੱਤ ਗਏ ਹਨ। ਪੈਨਸਲਵੇਨੀਆ ਵਿੱਚ ਹਾਲਾਂਕਿ ਕੋਈ ਨਤੀਜਾ ਨਹੀਂ ਆਇਆ ਹੈ ਪਰ ਬਾਇਡਨ ਨੇ ਕਿਹਾ ਹੈ ਕਿ ਉਨ੍ਹਾਂ ਨੂੰ ਇਸ ਬਾਰੇ “ਚੰਗਾ ਮਹਿਸੂਸ ਹੋ ਰਿਹਾ” ਹੈ।
ਇਸੇ ਦੌਰਾਨ ਟਰੰਪ ਖੇਮੇ ਨੇ ਮਿਸ਼ੀਗਨ, ਪੈਨਸਲਵੇਨੀਆ ਅਤੇ ਜੌਰਜੀਆ ਵਿੱਚ ਕਾਨੂੰਨੀ ਚਾਰਾਜੋਈ ਆਰੰਭ ਦਿੱਤੀ ਹੈ।
ਟਰੰਪ ਨੇ ਕਿਹਾ ਹੈ ਕਿ ਜਿਹੜੀਆਂ ਥਾਵਾਂ ’ਤੇ ਉਹ ਕਹਿੰਦੇ ਹਨ ਕਿ ਵੋਟਾਂ “ਫਰਾਡ” ਹਨ ਉੱਥੇ ਗਿਣਤੀ ਰੋਕ ਦਿੱਤੀ ਜਾਵੇ। ਹਾਲਾਂਕਿ ਇਸ ਬਾਰੇ ਟਰੰਪ ਕੋਈ ਸਬੂਤ ਪੇਸ਼ ਨਹੀਂ ਕਰ ਸਕੇ ਹਨ। ਇਸ ਤੋਂ ਇਲਾਵਾ ਕੌਮਾਂਤਰੀ ਸਰਵੇਖਕਾਂ ਮੁਤਾਬਕ ਵੀ ਚੋਣਾਂ ਵਿੱਚ ਕਿਸੇ ਵਿਆਪਕ ਧੋਖਾਧੜੀ ਦਾ ਕੋਈ ਸਬੂਤ ਨਹੀਂ ਹੈ।
ਸਿਵਾਏ ਕੁਝ ਥਾਵਾਂ ਦੇ ਸਮੁੱਚੇ ਤੌਰ ਉੱਤੇ ਦੇਸ਼ ਵਿੱਚ ਅਮਨੋ-ਅਮਾਨ ਹੈ। ਜਿਵੇਂ ਡਿਟਰੋਇਟ ਜਿੱਥੇ ਡੈਮੋਕਰੇਟਸ ਅਤੇ ਰਿਪਬਲੀਕਨ ਪਾਰਟੀਆਂ ਦੇ ਹਮਾਇਤੀਆਂ ਨੂੰ ਵੋਟਾਂ ਵਾਲੀ ਗਿਣਤੀ ਦੇ ਥਾਂ ਉੱਤੇ ਜਾਣ ਤੋਂ ਰੋਕਿਆ ਗਿਆ ਤਾਂ ਕੁਝ ਟਕਰਾਅ ਨਜ਼ਰ ਆਇਆ।
ਤਸਵੀਰ ਸਰੋਤ, Reuters
ਤਸਵੀਰ ਸਰੋਤ, Getty Images
