ਚੋਣ ਨਤੀਜੇ: ਰਾਜਸਥਾਨ, ਮੱਧ ਪ੍ਰਦੇਸ਼ ਤੇ ਛੱਤੀਸਗੜ੍ਹ ਵਿੱਚ ਜਿੱਤ ਦੇ ਭਾਜਪਾ ਨੇ 3 ਕਾਰਨ ਗਿਣਾਏ ਤੇ ਕਾਂਗਰਸ ਨੇ ਹਾਰ ਤੋਂ ਬਾਅਦ ਇਹ ਕਿਹਾ

ਲਾਈਵ ਕਵਰੇਜ

1. 3 ਦਸੰਬਰ 20233 ਸੂਬਿਆਂ ’ਚ ਭਾਜਪਾ ਦੀ ਜਿੱਤ ਸਣੇ ਅੱਜ ਦੀਆਂ ਖ਼ਾਸ ਖ਼ਬਰਾਂ

   

   ਤਸਵੀਰ ਸਰੋਤ, ANI

   ਤਿੰਨ ਸੂਬਿਆਂ ਵਿੱਚ ਸ਼ਾਨਦਾਰ ਜਿੱਤ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਹੈ ਕਿ ਇਸ ਹੈਟ੍ਰਿਕ ਤੋਂ ਬਾਅਦ ਕੁਝ ਲੋਕ ਕਹਿ ਰਹੇ ਹਨ ਕਿ ਇਸ ਨੇ 2024 ਦੀ ਹੈਟ੍ਰਿਕ ਦੀ ਗਾਰੰਟੀ ਦਿੱਤੀ ਹੈ।

   ਪੀਐਮ ਮੋਦੀ ਨੇ ਕਿਹਾ, "ਜਿਸ ਕਾਂਗਰਸ ਨੇ ਕਦੇ ਆਦਿਵਾਸੀ ਭਾਈਚਾਰੇ ਦਾ ਹਾਲ ਵੀ ਨਹੀਂ ਪੁੱਛਿਆ, ਉਸ ਨੇ ਕਾਂਗਰਸ ਦਾ ਸਫਾਇਆ ਕਰ ਦਿੱਤਾ। ਇਹੋ ਭਾਵਨਾ ਅਸੀਂ ਮੱਧ ਪ੍ਰਦੇਸ਼, ਛੱਤੀਸਗੜ੍ਹ ਅਤੇ ਰਾਜਸਥਾਨ ਵਿੱਚ ਵੇਖੀ ਹੈ। ਇਨ੍ਹਾਂ ਸੂਬਿਆਂ ਦੀਆਂ ਆਦਿਵਾਸੀ ਸੀਟਾਂ ਤੋਂ ਕਾਂਗਰਸ ਸਾਫ ਹੋ ਗਈ ਹੈ।"

   ਇਸ ਦੇ ਨਾਲ ਹੀ ਮੋਦੀ ਨੇ ਕਿਹਾ ਕਿ ਭਾਜਪਾ ਦੀ ਜਿੱਤ ਤੋਂ ਬਾਅਦ, "ਅੱਜ ਹਰ ਗਰੀਬ ਕਹਿ ਰਿਹਾ ਹੈ, ਉਹ ਖੁਦ ਜਿੱਤਿਆ ਹੈ। ਅੱਜ ਹਰ ਵਾਂਝੇ ਵਿਅਕਤੀ ਦੇ ਮਨ ਵਿੱਚ ਇੱਕ ਭਾਵਨਾ ਹੈ, ਉਹ ਖੁਦ ਜਿੱਤ ਗਿਆ ਹੈ। ਅੱਜ ਹਰ ਕਿਸਾਨ ਇਹੀ ਸੋਚ ਰਿਹਾ ਹੈ, ਉਹ ਖੁਦ ਜਿੱਤਿਆ ਹੈ।’’

   ਚੋਣ ਨਤੀਜਿਆਂ ਮੁਤਾਬਕ ਮੱਧ ਪ੍ਰਦੇਸ਼, ਛੱਤੀਸਗੜ੍ਹ ਅਤੇ ਰਾਜਸਥਾਨ ਵਿੱਚ ਭਾਜਪਾ ਦੀ ਸਰਕਾਰ ਬਣ ਰਹੀ ਹੈ ਅਤੇ ਤੇਲੰਗਾਨਾ ਵਿੱਚ ਕਾਂਗਰਸ ਸਰਕਾਰ ਬਣਾ ਰਹੀ ਹੈ।

   ਰਾਜਸਥਾਨ, ਐੱਮਪੀ ਅਤੇ ਛੱਤੀਸਗੜ੍ਹ ਜਿੱਤਣ ਮਗਰੋਂ ਭਾਜਪਾ ਹੱਥ 12 ਸੂਬੇ ਹੋਣਗੇ ਅਤੇ ਕਾਂਗਰਸ ਕੋਲ 3 ਸੂਬੇ ਰਹਿ ਜਾਣਗੇ।

   ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਤਿੰਨ ਸੂਬਿਆਂ ’ਚ ਕਾਂਗਰਸ ਦੀ ਹਾਰ ਨੂੰ ਮੰਨਦਿਆ ਕਿਹਾ ਕਿ, ‘‘ਵਿਚਾਰਧਾਰਾ ਦੀ ਲੜਾਈ ਜਾਰੀ ਰਹੇਗੀ।’’

   ਹੁਣ ਅਸੀਂ ਇੱਥੇ ਹੀ ਅੱਜ ਦਾ ਲਾਈਵ ਪੇਜ ਬੰਦ ਕਰਦੇ ਹਾਂ।

   ਤੁਹਾਡੇ ਤੱਕ ਜਾਣਕਾਰੀ ਪਹੁੰਚਾ ਰਹੇ ਸਨ, ਅਵਤਾਰ ਸਿੰਘ ਤੇ ਸੁਨੀਲ ਕਟਾਰੀਆ। ਧੰਨਵਾਦ!

2. 3 ਦਸੰਬਰ 2023ਤਿੰਨ ਸੂਬਿਆਂ ’ਚ ਭਾਜਪਾ ਦੀ ਜਿੱਤ ਮਗਰੋਂ ਪੀਐੱਮ ਮੋਦੀ ਦਾ ਸੰਬੋਧਨ

3. 3 ਦਸੰਬਰ 2023ਵੋਟਰਾਂ ਦਾ ਧੰਨਵਾਦ ਕਰਨ ਲਈ ਮੋਦੀ ਪਹੁੰਚੇ ਭਾਜਪਾ ਦਫ਼ਤਰ

   ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਦਿੱਲੀ ਵਿੱਚ ਭਾਜਪਾ ਦਫ਼ਤਰ ਪਹੁੰਚਣ ’ਤੇ ਸਮਾਗਮ ਕੀਤਾ ਗਿਆ। ਇਸ ਮੌਕੇ ਪਾਰਟੀ ਪ੍ਰਧਾਨ ਜੇਪੀ ਨੱਢਾ ਅਤੇ ਦੇਸ਼ ਦੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਵੀ ਮੌਜੂਦ ਹਨ।

   

   ਤਸਵੀਰ ਸਰੋਤ, ANI

4. 3 ਦਸੰਬਰ 2023ਰਾਜਸਥਾਨ, ਮੱਧ ਪ੍ਰਦੇਸ਼ ਤੇ ਛਤੀਸਗੜ੍ਹ ਵਿੱਚ ਭਾਜਪਾ ਦੀ ਸ਼ਾਨਦਾਰ ਜਿੱਤ ’ਤੇ ਕੀ ਬੋਲੇ ਪੀਐੱਮ ਮੋਦੀ

   

   ਤਸਵੀਰ ਸਰੋਤ, ANI

   ਰਾਜਸਥਾਨ, ਮੱਧ ਪ੍ਰਦੇਸ਼ ਤੇ ਛਤੀਸਗੜ੍ਹ ਦੇ ਚੋਣ ਨਤੀਜੇ ਭਾਜਪਾ ਦੇ ਪੱਖ ਵਿੱਚ ਆਉਣ ਮਗਰੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਹਨਾਂ ਤਿੰਨੇ ਸੂਬਿਆਂ ਦੇ ਲੋਕਾਂ ਨੂੰ ਧੰਨਵਾਦ ਕੀਤਾ ਹੈ।

   ‘ਐਕਸ’ ’ਤੇ ਪੀਐੱਮ ਮੋਦੀ ਨੇ ਲਿਖਿਆ, ‘‘ਜਨਤਾ-ਜਨਾਰਦਨ ਨੂੰ ਨਮਨ!''

   ਉਨ੍ਹਾਂ ਮੁਤਾਬਕ, ‘‘ਮੱਧ ਪ੍ਰਦੇਸ਼, ਰਾਜਸਥਾਨ ਤੇ ਛਤੀਸਗੜ੍ਹ ਦੇ ਚੋਣ ਨਤੀਜੇ ਦੱਸ ਰਹੇ ਹਨ ਕਿ ਭਾਰਤ ਦੀ ਜਨਤਾ ਦਾ ਭਰੋਸਾ ਸਿਰਫ਼ ਤੇ ਸਿਰਫ਼ ਸੁਸ਼ਾਸਨ ਅਤੇ ਵਿਕਾਸ ਦੀ ਰਾਜਨੀਤੀ ਵਿੱਚ ਹੈ, ਉਨ੍ਹਾਂ ਦਾ ਭਰੋਸਾ ਭਾਜਪਾ ਵਿੱਚ ਹੈ।”

   Skip X post

   X ਸਮੱਗਰੀ ਦੀ ਇਜਾਜ਼ਤ?

   ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।

   ਸਵੀਕਾਰ ਕਰੋ ਤੇ ਜਾਰੀ ਰੱਖੋ

   ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।

   End of X post

   ਪੀਐੱਮ ਮੋਦੀ ਨੇ ਲਿਖਿਾ, ‘‘ਭਾਜਪਾ ਉੱਤੇ ਆਪਣਾ ਪਿਆਰ, ਵਿਸ਼ਵਾਸ ਤੇ ਆਸ਼ੀਰਵਾਦ ਰੱਖਣ ਲਈ ਮੈਂ ਇਹਨਾਂ ਸਾਰੇ ਸੂਬਿਆਂ ਦੇ ਪਰਿਵਾਰ ਵਾਲਿਆਂ ਦਾ, ਵਿਸ਼ੇਸ਼ ਤੌਰ ਉੱਤੇ ਮਾਵਾਂ, ਭੈਣਾਂ ਅਤੇ ਧੀਆਂ ਦਾ, ਸਾਡੇ ਨੌਜਵਾਨ ਵੋਟਰਾਂ ਦਾ ਦਿਲੋਂ ਧੰਨਵਾਦ ਕਰਦਾ ਹਾਂ। ਮੈਂ ਉਨ੍ਹਾਂ ਨੂੰ ਭਰੋਸਾ ਦਿੰਦਾ ਹਾਂ ਕਿ ਤੁਹਾਡੀ ਭਲਾਈ ਲਈ ਅਸੀਂ ਨਿਰੰਤਰ ਅਣਥੱਕ ਮਿਹਨਤ ਕਰਦੇ ਰਹਾਂਗੇ।”

   ਉਨ੍ਹਾਂ ਨੇ ਵਰਕਰਾਂ ਬਾਰੇ ਲਿਖਿਆ, “ਇਸ ਮੌਕੇ ਉੱਤੇ ਪਾਰਟੀ ਦੇ ਸਾਰੇ ਮਿਹਨਤੀ ਵਰਕਰਾਂ ਦਾ ਵਿਸ਼ੇਸ਼ ਤੌਰ ਉੱਤੇ ਧੰਨਵਾਦ! ਤੁਸੀਂ ਸਾਰਿਆਂ ਨੇ ਕਮਾਲ ਦੀ ਮਿਸਾਲ ਪੇਸ਼ ਕੀਤੀ ਹੈ। ਭਾਜਪਾ ਦੀ ਵਿਕਾਸ ਤੇ ਗਰੀਬ ਕਲਿਆਣ ਦੀਆਂ ਨੀਤੀਆਂ ਨੂੰ ਤੁਸੀਂ ਜਿਸ ਤਰ੍ਹਾਂ ਲੋਕਾਂ ਵਿਚਾਲੇ ਪਹੁੰਚਾਇਆ, ਉਸ ਦੀ ਜਿੰਨੀ ਵੀ ਸ਼ਲਾਘਾ ਕੀਤੀ ਜਾਵੇ, ਉਹ ਘੱਟ ਹੈ।"

   ਪੀਐੱਮ ਮੋਦੀ ਨੇ ਲਿਖਿਆ, ''ਅਸੀਂ ਵਿਕਸਤ ਭਾਰਤ ਦੇ ਟੀਚੇ ਨੂੰ ਲੈ ਕੇ ਅੱਗੇ ਵੱਧ ਰਹੇ ਹਾਂ। ਅਸੀਂ ਨਾ ਰੁਕਣਾ ਹੈ, ਨਾ ਥੱਕਣਾ ਹੈ, ਅਸੀਂ ਭਾਰਤ ਨੂੰ ਜੇਤੂ ਬਣਾਉਣਾ ਹੈ। ਅੱਜ ਇਸ ਦਿਸ਼ਾ ਵਿੱਚ ਅਸੀਂ ਮਿਲ ਕੇ ਇੱਕ ਮਜ਼ਬੂਤ ਕਦਮ ਚੁੱਕਿਆ ਹੈ।''

5. 3 ਦਸੰਬਰ 2023ਰਾਹੁਲ ਗਾਂਧੀ ਨੇ ਮੰਨੀ ਤਿੰਨ ਸੂਬਿਆਂ ’ਚ ਕਾਂਗਰਸ ਦੀ ਹਾਰ, ਕਿਹਾ - ਜਾਰੀ ਰਹੇਗੀ ਵਿਚਾਰਧਾਰਾ ਦੀ ਲੜਾਈ

   

   ਤਸਵੀਰ ਸਰੋਤ, ANI

   ਕਾਂਗਰਸ ਆਗੂ ਰਾਹੁਲ ਗਾਂਧੀ ਨੇ ਰਾਜਸਥਾਨ, ਮੱਧ ਪ੍ਰਦੇਸ਼ ਅਤੇ ਛਤੀਸਗੜ੍ਹ ਵਿੱਚ ਪਾਰਟੀ ਦੀ ਸੰਭਾਵਿਤ ਹਾਰ ਸਵੀਕਾਰ ਕਰਦਿਆਂ ਕਿਹਾ ਕਿ ਵਿਚਾਰਧਾਰਾ ਦੀ ਲੜਾਈ ਅੱਗੇ ਵੀ ਜਾਰੀ ਰਹੇਗੀ।

   ‘ਐਕਸ’ ਉੱਤੇ ਇੱਕ ਪੋਸਟ ਵਿੱਚ ਉਨ੍ਹਾਂ ਨੇ ਲਿਖਿਆ, ‘‘ਮੱਧ ਪ੍ਰਦੇਸ਼, ਰਾਜਸਥਾਨ ਅਤੇ ਛਤੀਸਗੜ੍ਹ ਵਿੱਚ ਲੋਕਾਂ ਦੇ ਆਦੇਸ਼ ਨੂੰ ਅਸੀਂ ਨਿਮਰਤਾ ਨਾਲ ਸਵੀਕਾਰ ਕਰਦੇ ਹਾਂ, ਵਿਚਾਰਧਾਰਾ ਦੀ ਲੜਾਈ ਜਾਰੀ ਰਹੇਗੀ।’’

   Skip X post

   X ਸਮੱਗਰੀ ਦੀ ਇਜਾਜ਼ਤ?

   ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।

   ਸਵੀਕਾਰ ਕਰੋ ਤੇ ਜਾਰੀ ਰੱਖੋ

   ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।

   End of X post

   ਉਨ੍ਹਾਂ ਨੇ ਲਿਖਿਆ, ‘‘ਤੇਲੰਗਾਨਾ ਦੇ ਲੋਕਾਂ ਨੂੰ ਮੇਰਾ ਬਹੁਤ ਧੰਨਵਾਦ - ਲੋਕਾਂ ਦਾ ਤੇਲੰਗਾਨਾ ਬਣਾਉਣ ਦਾ ਵਾਅਦਾ ਅਸੀਂ ਜ਼ਰੂਰ ਪੂਰਾ ਕਰਾਂਗੇ।''

   ਰਾਹੁਲ ਗਾਂਧੀ ਨੇ ਕਾਂਗਰਸ ਦੇ ਸਾਰੇ ਵਰਕਰਾਂ ਨੂੰ ਉਨ੍ਹਾਂ ਦੀ ਮਿਹਨਤ ਤੇ ਸਮਰਥਨ ਲਈ ਦਿਲੋਂ ਸ਼ੁਕਰੀਆ ਕਿਹਾ ਹੈ।

6. 3 ਦਸੰਬਰ 2023ਭਾਜਪਾ ਮੁਤਾਬਕ ਇਹ ਹਨ ਜਿੱਤ ਦੇ ਕਾਰਨ

   

   ਤਸਵੀਰ ਸਰੋਤ, X

7. 3 ਦਸੰਬਰ 2023ਕਮਲ ਨਾਥ ਕਿਉਂ ਨਹੀਂ ਕਰ ਸਕੇ ਮੱਧ ਪ੍ਰਦੇਸ਼ ਦੇ ਸਿਆਸੀ ਕਿਲ੍ਹੇ ਉੱਤੇ ਕਬਜ਼ਾ

   

   ਤਸਵੀਰ ਸਰੋਤ, GETTY IMAGES

   ਮੱਧ ਪ੍ਰਦੇਸ਼ ਵਿੱਚ ਭਾਰਤੀ ਜਨਤਾ ਪਾਰਟੀ ਨੂੰ ਜ਼ਬਰਦਸਤ ਜਿੱਤ ਮਿਲੀ ਹੈ। ਕਮਲ ਨਾਥ ਦੀ ਅਗਵਾਈ ਵਿੱਚ ਚੋਣ ਲੜ ਰਹੀ ਕਾਂਗਰਸ ਨੂੰ ਨਮੋਸ਼ੀ ਭਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ।

   ਕਮਲ ਨਾਥ ਨੇ ਹਾਰ ਨੂੰ ਸਵਿਕਾਰ ਕਰਦਿਆਂ ਭਾਰਤੀ ਜਨਤਾ ਪਾਰਟੀ ਨੂੰ ਵਧਾਈ ਦਿੱਤੀ।

   ਭੋਪਾਲ ਵਿੱਚ ਮੀਡੀਆ ਨਾਲ ਗੱਲਬਾਤ ਦੌਰਾਨ ਉਨ੍ਹਾਂ ਕਿਹਾ, ‘‘ਮੈਂ ਮੱਧ ਪ੍ਰਦੇਸ਼ ਦੇ ਲੋਕਾਂ ਉੱਤੇ ਭਰੋਸਾ ਕਰਦਾ ਹਾਂ ਤੇ ਅੱਜ ਵੀ ਕਰਦਾ ਹਾਂ ਅਤੇ ਮੈਨੂੰ ਉਮੀਦ ਹੈ ਕਿ ਭਾਰਤੀ ਜਨਤਾ ਪਾਰਟੀ ਲੋਕਾਂ ਨਾਲ ਧੋਖਾ ਨਹੀਂ ਕਰੇਗੀ।’’

   ਹਾਰ ਬਾਰੇ ਪੁੱਛੇ ਜਾਣ ਉੱਤੇ ਕਮਲ ਨਾਥ ਨੇ ਕਿਹਾ, ‘‘ਅਸੀਂ ਹਾਰ ਉੱਤੇ ਵਿਚਾਰ ਕਰਾਂਗੇ ਅਤੇ ਕੀ ਕਮੀਆਂ ਸੀ, ਕਿਉਂ ਅਸੀਂ ਆਪਣੀ ਗੱਲ ਲੋਕਾਂ ਤੱਕ ਨਹੀਂ ਪਹੁੰਚਾ ਸਕੇ, ਇਸ ਦਾ ਸਾਰੇ ਉਮੀਦਵਾਰਾਂ ਨਾਲ ਬੈਠ ਕੇ ਮੰਥਨ ਕਰਾਂਗੇ।’’

   ਕਮਲ ਨਾਥ ਮੀਡੀਆ ਸਾਹਮਣੇ ਆਏ ਅਤੇ Eਪਣੀ ਸੰਖੇਪ ਜਿਹੀ ਗੱਲ ਰੱਖ ਕੇ ਪੱਤਰਕਾਰਾਂ ਦੇ ਸਵਾਲਾਂ ਦੇ ਬਿਨਾਂ ਜਵਾਬ ਦਿੱਤੇ ਚਲੇ ਗਏ।

   ਕੁਝ ਜਾਣਕਾਰਾਂ ਦਾ ਕਹਿਣਾ ਸੀ ਕਿ ਕਾਂਗਰਸ ਨੇ ਕਮਲ ਨਾਥ ਉੱਤੇ ਕੁਝ ਜ਼ਿਆਦਾ ਹੀ ਭਰੋਸਾ ਕਰ ਲਿਆ ਅਤੇ ਉਨ੍ਹਾਂ ਸਹਾਰੇ ਸਾਰਾ ਕੁਝ ਛੱਡ ਦਿੱਤਾ ਸੀ। ਦੂਜੇ ਪਾਸੇ ਭਾਰਤੀ ਜਨਤਾ ਪਾਰਟੀ ਨੇ ਕੇਂਦਰ ਤੋਂ ਕਈ ਮੰਤਰੀਆਂ ਤੇ ਸੰਸਦ ਮੈਂਬਰਾਂ ਨੂੰ ਮੈਦਾਨ ਵਿੱਚ ਉਤਾਰ ਕੇ ਮੁੱਖ ਮੰਤਰੀ ਸ਼ਿਵ ਰਾਜ ਸਿੰਘ ਚੌਹਾਨ ਦੀ ਸੱਤਾ ਵਿਰੋਧੀ ਲਹਿਰ ਨੂੰ ਮੱਠਾ ਪਾ ਦਿੱਤਾ ਸੀ।

   ਭਾਜਪਾ ਨੇ ਮੱਧ ਪ੍ਰਦੇਸ਼ ਦੇ ਚਾਰ ਮੁੱਖ ਖੇਤਰਾਂ ਵਿੱਚ ਨਰਿੰਦਰ ਤੋਮਰ ਵਰਗੇ ਅਜਿਹੇ ਉਮੀਦਵਾਰ ਉਤਾਰੇ ਜਿਨ੍ਹਾਂ ਦੇ ਸਮਰਥਕਾਂ ਨੂੰ ਲੱਗਦਾ ਹੈ ਕਿ ਉਹ ਮੁੱਖ ਮੰਤਰੀ ਬਣ ਸਕਦੇ ਹਨ।

   ਉੱਧਰ ਕਮਲ ਨਾਥ ਮੈਦਾਨ ਵਿੱਚ ਇਕੱਲੇ ਹੀ ਜੂਝਦੇ ਰਹੇ, ਉੱਤੋਂ ਭਾਜਪਾ ਦੀ ਚੋਣ ਮੁਹਿੰਮ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਅਮਿਤ ਸ਼ਾਹ ਤੇ ਜੇਪੀ ਨੱਡਾ ਨੇ ਜ਼ਬਰਦਸਤ ਹੁਲਾਰਾ ਦਿੱਤਾ।

   ਕਮਲ ਨਾਥ ਨੇ ਬਗੇਸ਼ਵਰ ਧਾਮ ਵਾਲੇ ਧੀਰੇਂਦਰ ਸ਼ਾਸਤਰੀ ਦੇ ਮੱਧ ਪ੍ਰਦੇਸ਼ ਵਿੱਚ ਦਰਬਾਰ ਸਜਾ ਕੇ ਸਾਫ਼ਟ ਹਿੰਦੂਤਵੀ ਪੱਤਾ ਖੇਡਣ ਦੀ ਕੋਸ਼ਿਸ਼ ਕੀਤੀ।

   ਪਰ ਭਾਰਤੀ ਜਨਤਾ ਪਾਰਟੀ ਨੇ ਉਨ੍ਹਾਂ ਖਿਲਾਫ਼ 1984 ਦੇ ਸਿੱਖ ਵਿਰੋਧੀ ਕਤਲੇਆਮ ਵਿੱਚ ਸ਼ਾਮਲ ਹੋਣ ਵਰਗੇ ਲੰਬੇ ਸਮੇਂ ਤੋਂ ਲੱਗਣ ਵਰਗੇ ਇਲਜ਼ਾਮਾਂ ਨੂੰ ਮੁੜ ਦੁਹਰਾਇਆ।

8. 3 ਦਸੰਬਰ 2023ਰਾਜਸਥਾਨ, ਐੱਮਪੀ, ਛਤੀਸਗੜ੍ਹ ਜਿੱਤਣ ਮਗਰੋਂ ਭਾਜਪਾ ਹੱਥ ਹੋਣਗੇ 12 ਸੂਬੇ, ਕਾਂਗਰਸ ਕੋਲ ਬਚਣਗੇ 3 ਸੂਬੇ

   

   ਤਸਵੀਰ ਸਰੋਤ, ANI

   ਰਾਜਸਥਾਨ, ਮੱਧ ਪ੍ਰਦੇਸ਼, ਤੇਲੰਗਾਨਾ ਅਤੇ ਛਤੀਸਗੜ੍ਹ ਸੂਬਿਆਂ ਵਿੱਚ ਭਾਜਪਾ ਜਿੱਤ ਵੱਲ ਵਧਦੀ ਦਿੱਖ ਰਹੀ ਹੈ।

   ਜਿੱਤ ਉੱਤੇ ਅਸਲ ਮੁਹਰ ਲੱਗਣ ਤੋਂ ਬਾਅਦ ਭਾਜਪਾ ਆਪਣੇ ਬਲਬੂਤੇ ਦੇੇਸ਼ ਦੇ 12 ਸੂਬਿਆਂ ਵਿੱਚ ਸੱਤਾ ਦੀ ਵਾਗਡੋਰ ਸੰਭਾਲੇਗੀ। ਜਦਕਿ ਦੂਜੀ ਸਭ ਤੋਂ ਵੱਡੀ ਰਾਜਨੀਤਿਕ ਪਾਰਟੀ ਕਾਂਗਰਸ ਕੋਲ ਰਾਜਸਥਾਨ ਅਤੇ ਛਤੀਸਗੜ੍ਹ ਦੀ ਹਾਰ ਤੋਂ ਬਾਅਦ ਸਿਰਫ਼ ਤਿੰਨ ਸੂਬਿਆਂ ਦੀ ਕਮਾਨ ਰਹੇਗੀ।

   ਦਿੱਲੀ ਤੇ ਪੰਜਾਬ ਵਿੱਚ ਸਰਕਾਰ ਚਲਾ ਰਹੀ ਆਮ ਆਦਮੀ ਪਾਰਟੀ ਇਸ ਲਿਹਾਜ਼ ਨਾਲ ਤੀਜੇ ਨੰਬਰ ਉੱਤੇ ਕਹੀ ਜਾ ਸਕਦੀ ਹੈ।

   

   ਤਸਵੀਰ ਸਰੋਤ, ANI

   ਖ਼ਬਰ ਏਜੰਸੀ ਪੀਟੀਆਈ ਦੀ ਰਿਪੋਰਟ ਮੁਤਾਬਕ, ਕੇਂਦਰ ਵਿੱਚ ਸੱਤਾਧਿਰ ਭਾਜਪਾ ਇਸ ਸਮੇਂ ਝਾਰਖੰਡ, ਹਰਿਆਣਾ, ਉੱਤਰ ਪ੍ਰਦੇਸ਼, ਗੁਜਰਾਤ, ਗੋਆ, ਅਸਮ, ਤ੍ਰਿਪਰਾ, ਮਣੀਪੁਰ, ਅਰੁਣਚਾਲ ਪ੍ਰਦੇਸ਼ ਅਤੇ ਮੱਧ ਪ੍ਰਦੇਸ਼ ਵਿੱਚ ਸੱਤਾ ’ਚ ਹੈ।

   ਵੋਟਾਂ ਦੀ ਗਿਣਤੀ ਤੋਂ ਬਾਅਦ ਲਗਭਗ ਇਹ ਤੈਅ ਮੰਨਿਆ ਜਾ ਰਿਹਾ ਹੈ ਕਿ ਭਾਜਪਾ ਮੱਧ ਪ੍ਰਦੇਸ਼ ਵਿੱਚ ਸੱਤਾ ’ਚ ਬਣੀ ਰਹੇਗੀ ਅਤੇ ਉਹ ਰਾਜਸਥਾਨ ਤੇ ਛਤੀਸਗੜ੍ਹ ਕਾਂਗਰਸ ਤੋਂ ਖੋਹਣ ਜਾ ਰਹੀ ਹੈ।

   ਇਹਨਾਂ 12 ਸੂਬਿਆਂ ਤੋਂ ਇਲਾਵਾ 5 ਹੋਰ ਸੂਬਿਆਂ - ਮਹਾਰਾਸ਼ਟਰ, ਮੇਘਾਲਿਆ, ਨਾਗਾਲੈਂਡ, ਸਿਕਿੱਮ ਅਤੇ ਪੁਡੁਚੇਰੀ ਵਿੱਚ ਉਹ ਸੱਤਾਧਿਰ ਗਠਜੋੜ ਦਾ ਹਿੱਸਾ ਹੈ।

   

   ਤਸਵੀਰ ਸਰੋਤ, ANI

   ਦੂਜੇ ਪਾਸੇ ਕਾਂਗਰਸ ਸਿਰਫ਼ ਹਿਮਾਚਲ ਪ੍ਰਦੇਸ਼ ਅਤੇ ਕਰਨਾਟਕ ’ਚ ਸੱਤਾ ਵਿੱਚ ਹੈ। ਰਾਜਸਥਾਨ ਅਤੇ ਛਤੀਸਗੜ੍ਹ ਉਹ ਗਵਾਉਂਦੀ ਹੋਈ ਦਿਖ ਰਹੀ ਹੈ ਤਾਂ ਤੇਲੰਗਾਨਾ ਵਿੱਚ ਉਸ ਦੀ ਜਿੱਤ ਹੁਣ ਤੈਅ ਮੰਨੀ ਜਾ ਰਹੀ ਹੈ।

   ਇਸ ਤੋਂ ਇਲਾਵਾ ਬਿਹਾਰ ਤੇ ਝਾਰਖੰਡ ਵਿੱਚ ਕਾਂਗਰਸ ਸੱਤਾਧਿਰ ਗਠਜੋੜ ਵਿੱਚ ਸ਼ਾਮਲ ਹੈ। ਤਾਮਿਲਨਾਡੂ ਵਿੱਚ ਉਹ ਦ੍ਰਮੁਕ ਦੀ ਸਹਿਯੋਗੀ ਜ਼ਰੂਰ ਹੈ ਪਰ ਸੂਬਾ ਸਰਕਾਰ ਦਾ ਉਹ ਹਿੱਸਾ ਨਹੀਂ ਹੈ।

   ਭਾਰਤ ਵਿੱਚ ਇਸ ਸਮੇਂ 6 ਰਾਸ਼ਟਰੀ ਪਾਰਟੀਆਂ ਹਨ। ਇਹ ਹਨ - ਭਾਜਪਾ, ਕਾਂਗਰਸ, ਬਸਪਾ, ਸੀਪੀਐੱਮ, ਨੈਸ਼ਨਲ ਪੀਪੁਲਸ ਪਾਰਟੀ ਅਤੇ ਆਮ ਆਦਮੀ ਪਾਰਟੀ।

   

   ਤਸਵੀਰ ਸਰੋਤ, ANI

   ਅਰੁਣਾਚਲ ਪ੍ਰਦੇਸ਼, ਓਡੀਸ਼ਾ, ਸਿਕਿੱਮ, ਆਂਧਰ ਪ੍ਰਦੇਸ਼, ਹਰਿਆਣਾ, ਮਹਾਰਾਸ਼ਟਰ ਅਤੇ ਝਾਰਖੰਡ ਵਿੱਚ ਅਗਲੀਆਂ ਵਿਧਾਨ ਸਭਾ ਚੋਣਾਂ ਹੁਣ 2024 ਵਿੱਚ ਹੋਣਗੀਆਂ। ਜੰਮੂ ਤੇ ਕਸ਼ਮੀਰ ਵਿੱਚ ਵੀ ਵਿਧਾਨ ਸਭਾ ਚੋਣਾਂ ਹੋਣੀਆਂ ਹਨ।

   ਹਾਲ ਹੀ ਵਿੱਚ ਹੋਈਆਂ ਵਿਧਾਨ ਸਭਾ ਚੋਣਾਂ ਵਿੱਚ ਕਈ ਸੰਸਦ ਮੈਂਬਰਾਂ ਨੇ ਹਿੱਸਾ ਲਿਆ ਹੈ।

   ਉਨ੍ਹਾਂ ਦੇ ਜਿੱਤਣ ਦੀ ਸੂਰਤ ਵਿੱਚ ਕਈ ਸੀਟਾਂ ਖਾਲ੍ਹੀ ਹੋਣਗੀਆਂ। ਕਿਉਂਕਿ ਅਗਲੇ ਸਾਲ ਲੋਕ ਸਭਾ ਚੋਣਾਂ ਵੀ ਹੋਣੀਆਂ ਹਨ, ਇਸ ਲਈ ਹੁਣ ਕਿਸੇ ਜ਼ਿਮੀ ਚੋਣ ਦੀ ਸੰਭਾਵਨਾ ਨਹੀਂ ਦਿਖਾਈ ਦਿੰਦੀ।

9. 3 ਦਸੰਬਰ 2023ਭਾਜਪਾ ਨੂੰ ਜਿੱਤ ਵੱਲ ਦੇਖਿਆਂ ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਨੇ ਪੁੁੱਛਿਆ - ਪਨੌਤੀ ਕੌਣ?

   

   ਤਸਵੀਰ ਸਰੋਤ, Getty Images

   ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਦਾਨਿਸ਼ ਕਨੇਰੀਆ ਨੇ ਭਾਰਤ ਦੇ ਚਾਰ ਵਿੱਚੋਂ ਤਿੰਨ ਸੂਬਿਆਂ ਵਿੱਚ ਭਾਜਪਾ ਨੂੰ ਅੱਗੇ ਜਾਂਦਿਆਂ ਦੇਖ ਵਿਰੋਧੀ ਪਾਰਟੀਆਂ ਉੱਤੇ ਨਿਸ਼ਾਨਾ ਸਾਧਿਆ ਹੈ।

   ਸੋਸ਼ਲ ਮੀਡੀਆ ਸਾਈਟ ‘ਐਕਸ’ ਉੱਤੇ ਉਨ੍ਹਾਂ ਨੇ ਸਿਰਫ਼ ਇਹੀ ਲਿਖਿਆ, ‘ਪਨੌਤੀ ਕੌਣ?’

   ਕਨੇਰੀਆ ਦੇ ਤਾਜ਼ਾ ਪ੍ਰਤੀਕਰਮ ਤੋਂ ਅਜਿਹਾ ਲੱਗ ਰਿਹਾ ਹੈ ਕਿ ਉਹ ਰਾਹੁਲ ਗਾਂਧੀ ਦੇ ਪਹਿਲਾਂ ਦੇ ਬਿਆਨ ਉੱਤੇ ਤੰਜ ਕੱਸ ਰਹੇ ਹਨ।

   Skip X post

   X ਸਮੱਗਰੀ ਦੀ ਇਜਾਜ਼ਤ?

   ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।

   ਸਵੀਕਾਰ ਕਰੋ ਤੇ ਜਾਰੀ ਰੱਖੋ

   ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।

   End of X post

   ਕੀ ਹੈ ਮਾਮਲਾ?

   ਕਾਂਗਰਸ ਆਗੂ ਰਾਹੁਲ ਗਾਂਧੀ ਨੇ 21 ਨਵੰਬਰ ਨੂੰ ਰਾਜਸਥਾਨ ਦੇ ਬਾੜਮੇਰ ਦੇ ਬਾਯਤੂ ਵਿੱਚ ਇੱਕ ਚੋਣ ਰੈਲੀ ਦੌਰਾਨ ਕ੍ਰਿਕਟ ਵਿਸ਼ਵ ਕੱਪ ਵਿੱਚ ਭਾਰਤ ਦੀ ਹਾਰ ਦਾ ਜ਼ਿਕਰ ਕਰਦਿਆਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਉੱਤੇ ਤੰਜ ਕੀਤਾ ਸੀ।

   ਉਸ ਰੈਲੀ ਵਿੱਚ ਰਾਹੁਲ ਗਾਂਧੀ ਨੇ ਪੀਐੱਮ ਮੋਦੀ ਨੂੰ ‘ਪਨੌਤੀ ਮੋਦੀ’ ਦੱਸਿਆ ਸੀ।

   ਗਾਂਧੀ ਨੇ ਕਿਹਾ ਸੀ, ‘‘ਪੀਐੱਮ ਮਤਲਬ ਪਨੌਤੀ ਮੋਦੀ। ਚੰਗਾ ਭਲਾ ਸਾਡੇ ਮੁੰਡੇ ਉੱਥੇ ਵਰਲਡ ਕੱਪ ਜਿੱਤ ਜਾਂਦੇ, ਹਰਵਾ ਦਿੱਤਾ। ਟੀਵੀ ਵਾਲੇ ਇਹ ਨਹੀਂ ਕਹਿਣਗੇ। ਪਰ, ਜਨਤਾ ਜਾਣਦੀ ਹੈ।"

   ਪੀਐੱਮ ਮੋਦੀ 19 ਨਵੰਬਰ ਨੂੰ ਵਰਲਡ ਕੱਪ ਦਾ ਫ਼ਾਈਨਲ ਦੇਖਣ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਪਹੁੰਚੇ ਸਨ। ਪਰ ਆਸਟ੍ਰੇਲੀਆ ਨੇ ਭਾਰਤ ਨੂੰ ਹਰਾ ਕੇ ਵਰਲਡ ਕੱਪ ਜਿੱਤ ਲਿਆ ਸੀ।

   

   ਤਸਵੀਰ ਸਰੋਤ, Getty Images

10. 3 ਦਸੰਬਰ 2023ਕਦੇ ਟਿਕਟ ਨਹੀਂ ਮਿਲੀ ਸੀ, ਹੁਣ ਮੁੱਖ ਮੰਤਰੀ ਦੀ ਦੌੜ ਵਿੱਚ ਸ਼ਾਮਲ ਰੇਵੰਥ ਰੈੱਡੀ ਕੌਣ ਹਨ

    ਰੁਝਾਨਾਂ ਮੁਤਾਬਕ ਕਾਂਗਰਸ ਤੇਲੰਗਾਨਾ ਵਿੱਚ ਜਿੱਤ ਵੱਲ ਵੱਧ ਰਹੀ ਹੈ, ਕਾਂਗਰਸੀ ਆਗੂ ਰੇਵੰਥ ਰੈੱਡੀ ਮੁੱਖ ਮੰਤਰੀ ਦੇ ਅਹੁਦੇ ਲਈ ਦਾਅਵੇਦਾਰ ਹਨ।

    ਇੱਕ ਸਮਾਂ ਸੀ ਰੇਵੰਥ ਰੈੱਡੀ ਨੂੰ ਤੇਲੂਗੂ ਦੇਸਮ ਪਾਰਟੀ ਦੇ ਵੱਲੋਂ ਜ਼ਿਲ੍ਹਾ ਪਰਿਸ਼ਦ ਚੋਣਾਂ ਲਈ ਟਿਕਟ ਦੇਣ ਤੋਂ ਨਾਂਹ ਕਰ ਦਿੱਤੀ ਗਈ ਸੀ।

    54 ਸਾਲਾ ਰੇਵੰਥ ਰੈੱਡੀ ਦਾ ਰੁਤਬਾ ਤੇਲੰਗਾਨਾ ਦੀ ਸਿਆਸਤ ਵਿੱਚ ਵੱਡਾ ਹੋ ਗਿਆ ਹੈ।

    ਰੇਵੰਥ ਰੈੱਡੀ ਥੋੜ੍ਹੇ ਹੀ ਸਮੇਂ ਵਿੱਚ ਕਾਂਗਰਸ ਦਾ ਚਿਹਰਾ ਬਣ ਗਏ ਹਨ।

    ਰੇਵੰਥ ਰੈੱਡੀ ਨੂੰ 2015 ਦੀਆਂ ਵਿਧਾਨ ਸਭਾ ਚੋਣਾਂ ਵੇਲੇ ਐਂਟੀ ਕਰੱਪਸ਼ਨ ਬਿਊਰੋ ਵੱਲੋਂ ਇੱਕ ਵਿਧਾਇਕ ਨੂੰ ਰਿਸ਼ਵਤ ਦੇਣ ਦੇ ਇਲਜ਼ਾਮਾਂ ਤਹਿਤ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।

    ਉਨ੍ਹਾਂ ਨੇ ਆਪਣੀ ਪੜ੍ਹਾਈ ਓਸਮਾਨੀਆ ਯੂਨੀਵਰਸਿਟੀ ਤੋਂ ਕੀਤੀ ਸੀ।

    ਉਹ ਸ਼ੁਰੂ ਵਿੱਚ ਅਖਿਲ ਭਾਰਤੀ ਵਿਦਿਆਰਥੀ ਪਰਿਸ਼ਦ ਵਿੱਚ ਰਹੇ ਸਨ।

    ਉਹ ਤੇਲੁਗੂ ਦੇਸਮ ਪਾਰਟੀ ਵਿੱਚ ਵੀ ਸ਼ਾਮਲ ਰਹੇ ਹਨ।

    ਤੇਲੰਗਾਨਾ ਦੀਆਂ ਚੋਣਾਂ ਦੇ ਲਾਈਵ ਅਪਡੇਟਸ ਲਈ ਇੱਥੇ ਕਲਿੱਕ ਕਰੋ - ਵਿਧਾਨ ਸਭਾ: ਤੇਲੰਗਾਨਾ ਵਿਧਾਨ ਸਭਾ ਚੋਣਾਂ 2023 ਦੇ ਨਤੀਜੇ

    

    ਤਸਵੀਰ ਸਰੋਤ, X/ Rewanth Reddy

11. 3 ਦਸੰਬਰ 2023ਆਮ ਆਦਮੀ ਪਾਰਟੀ ਖਾਤਾ ਨਹੀਂ ਖੋਲ੍ਹ ਸਕੀ, ਤਿੰਨ ਸੂਬਿਆਂ ਵਿੱਚ ਉਮੀਦਵਾਰ ਉਤਾਰੇ ਸਨ

    ਆਮ ਆਦਮੀ ਪਾਰਟੀ ਨੇ ਛੱਤੀਸਗੜ੍ਹ, ਮੱਧ ਪ੍ਰਦੇਸ਼ ਅਤੇ ਰਾਜਸਥਾਨ ਵਿੱਚ ਆਪਣੇ ਉਮੀਦਵਾਰ ਚੋਣ ਮੈਦਾਨ ਵਿੱਚ ਉਤਾਰੇ ਸਨ।

    ਚੋਣ ਕਮਿਸ਼ਨ ਦੀ ਵੈੱਬਸਾਈਟ ਮੁਤਾਬਕ ਹੁਣ ਤੱਕ ਦੇ ਰੁਝਾਨਾਂ ਵਿੱਚ ਆਮ ਆਦਮੀ ਪਾਰਟੀ ਕਿਸੇ ਇੱਕ ਸੀਟ ਉੱਤੇ ਵੀ ਅੱਗੇ ਨਹੀਂ ਚੱਲ ਰਹੀ।

    ਚੋਣ ਕਮਿਸ਼ਨ ਮੁਤਾਬਕ ਛੱਤੀਸਗੜ੍ਹ ਵਿੱਚ ਆਮ ਆਦਮੀ ਪਾਰਟੀ ਦੇ ਹਿੱਸੇ ਸਿਰਫ਼ 0.97 ਫ਼ੀਸਦ ਵੋਟਾਂ ਆਈਆਂ ਹਨ।

    ਰਾਜਸਥਾਨ ਵਿੱਚ ਆਮ ਆਦਮੀ ਪਾਰਟੀ ਨੂੰ 0.36 ਫੀਸਦ ਵੋਟਾਂ ਪਈਆਂ ਹਨ।

    ਮੱਧ ਪ੍ਰਦੇਸ਼ ਵਿੱਚ ਆਮ ਆਦਮੀ ਪਾਰਟੀ ਨੂੰ 0.42 ਫ਼ੀਸਦ ਵੋਟਾਂ ਪਈਆਂ ਹਨ।

    

    ਤਸਵੀਰ ਸਰੋਤ, Getty Images

12. 3 ਦਸੰਬਰ 2023ਚਾਰ ਸੂਬਿਆਂ ਦੀਆਂ ਵਿਧਾਨ ਸਭਾ ਚੋਣਾਂ ਦੇ ਸਾਹਮਣੇ ਆ ਰਹੇ ਨਤੀਜਿਆਂ ਤੋਂ ਕੀ ਮਿਲਦੇ ਹਨ ਸੰਕੇਤ

    ਚਾਰ ਸੂਬਿਆਂ ਦੀਆਂ ਵਿਧਾਨ ਸਭਾ ਚੋਣਾਂ ਦੇ ਸਾਹਮਣੇ ਆ ਰਹੇ ਨਤੀਜਿਆਂ ਤੋਂ ਕੀ ਮਿਲਦੇ ਹਨ ਸੰਕੇਤ, ਬੀਬੀਸੀ ਪੰਜਾਬ ਨਾਲ ਖ਼ਾਸ ਗੱਲਬਾਤ ’ਚ ਦੱਸ ਰਹੇ ਹਨ ਸੀਨੀਅਰ ਪੱਤਰਕਾਰ ਜਸਪਾਲ ਸਿੰਘ।

13. 3 ਦਸੰਬਰ 2023ਰਾਜਸਥਾਨ: ਆਪਣੀ ਸੀਟ 'ਤੇ ਅਸ਼ੋਕ ਗਹਿਲੋਤ ਅਤੇ ਸਚਿਨ ਪਾਇਲਟ ਦਾ ਕੀ ਹਾਲ ਹੈ

    ਰਾਜਸਥਾਨ ਦੇ ਟੌਂਕ ਵਿਧਾਨ ਸਭਾ ਹਲਕੇ 'ਤੇ ਕਾਂਗਰਸ ਦੇ ਸਚਿਨ ਪਾਇਲਟ 31 ਹਜ਼ਾਰ ਤੋਂ ਵੱਧ ਵੋਟਾਂ ਹਾਸਲ ਕਰਕੇ ਹਾਲ ਦੀ ਘੜੀ ਅੱਗੇ ਚੱਲ ਰਹੇ ਹਨ।

    ਸ਼ੁਰੂਆਤੀ ਰੁਝਾਨਾਂ ਦੇ ਮੁਤਾਬਕ ਅਜੀਤ ਸਿੰਘ ਮਹਿਤਾ ਸਚਿਨ ਪਾਇਲਟ ਦੇ ਪਿੱਛੇ ਚੱਲ ਰਹੇ ਹਨ।

    ਇਸ ਸੀਟ ਉੱਤੇ 20 ਵਿੱਚੋਂ ਸੱਤ ਰਾਊਂਡ ਦੀ ਗਿਣਤੀ ਹੋਈ ਹੈ।

    ਭਾਜਪਾ ਨੇ ਇਸ ਸੀਟ 'ਤੇ ਸੰਸਦ ਮੈਂਬਰ ਰਮੇਸ਼ ਬਿਧੂੜੀ ਨੂੰ ਇੰਚਾਰਜ ਬਣਾਇਆ ਸੀ।

    ਬਿਧੂੜੀ ਸੰਸਦ ਵਿੱਚ ਬਸਪਾ ਵੱਲੋਂ ਸੰਸਦ ਮੈਂਬਰ ਦਾਨਿਸ਼ ਅਲੀ ਦੇ ਖ਼ਿਲਾਫ਼ ਕੀਤੀ ਗਈ ਆਪਣੀ ਟਿੱਪਣੀ ਨੂੰ ਲੈ ਕੇ ਚਰਚਾ ਵਿੱਚ ਰਹੇ ਸਨ।

    ਰਾਜਸਥਾਨ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਨੂੰ ਆਪਣੇ ਹਲਕੇ ਵਿੱਚ 44 ਹਜ਼ਾਰ ਤੋਂ ਵੱਧ ਵੋਟਾਂ ਪੈ ਚੁੱਕੀਆਂ ਹਨ। ਹੁਣ ਤੱਕ ਆਏ ਰੁਝਾਨਾਂ ਵਿੱਚ ਰਾਜਸਥਾਨ 'ਚ ਭਾਜਪਾ ਅੱਗੇ ਚੱਲ ਰਹੀ ਹੈ।

    

    ਤਸਵੀਰ ਸਰੋਤ, Getty Images

    

    ਤਸਵੀਰ ਸਰੋਤ, Getty Images

14. 3 ਦਸੰਬਰ 2023ਦੁਪਹਿਰ 12 ਵਜੇ ਤੱਕ ਦੇ ਰੁਝਾਨਾਂ ਵਿੱਚ ਭਾਜਪਾ ਅਤੇ ਕਾਂਗਰਸ ਕਿੱਥੇ

    ਤੇਲੰਗਾਨਾ, ਮੱਧ ਪ੍ਰਦੇਸ਼, ਰਾਜਸਥਾਨ ਅਤੇ ਛੱਤੀਸਗੜ੍ਹ ਵਿੱਚ ਹੋਈਆਂ ਵਿਧਾਨ ਸਭਾ ਚੋਣਾਂ ਦੀ ਗਿਣਤੀ ਜਾਰੀ ਹੈ। ਰੁਝਾਨਾਂ ਮੁਤਾਬਕ ਤਿੰਨ ਸੂਬਿਆਂ ਵਿੱਚ ਭਾਜਪਾ ਨੇ ਕਾਂਗਰਸ ਨੂੰ ਪਛਾੜ ਦਿੱਤਾ ਹੈ।

    ਭਾਜਪਾ ਦੇ ਵਰਕਰਾਂ ਜਿੱਤ ਦੇ ਜਸ਼ਨ ਮਨਾ ਰਹੇ ਹਨ।

    ਪੰਜ ਸੂਬਿਆਂ ਦੇ ਰੁਝਾਨਾਂ/ਨਤੀਜਿਆਂ ਦੀ ਅਪਡੇਟ

    ਰਾਜਸਥਾਨ- ਭਾਜਪਾ - 110, ਕਾਂਗਰਸ - 70, ਹੋਰ - 19

    ਮੱਧਪ੍ਰਦੇਸ਼- ਭਾਜਪਾ - 140, ਕਾਂਗਰਸ - 89, ਹੋਰ - 1

    ਛੱਤੀਸਗੜ੍ਹ- ਭਾਜਪਾ - 51, ਕਾਂਗਰਸ - 38, ਹੋਰ - 1

    ਤੇਲੰਗਾਨਾ- ਕਾਂਗਰਸ - 63, ਬੀਆਰਐੱਸ - 41, ਭਾਜਪਾ - 11, ਹੋਰ - 4

    ਪੰਜਾਬੀ ਵਿੱਚ ਲਾਈਵ ਰੁਝਾਨਾਂ ਲਈ ਇੱਥੇ ਕਲਿੱਕ ਕਰੋ-

    ਵਿਧਾਨ ਸਭਾ: ਤੇਲੰਗਾਨਾ ਵਿਧਾਨ ਸਭਾ ਚੋਣਾਂ 2023 ਦੇ ਨਤੀਜੇ

    ਵਿਧਾਨ ਸਭਾ: ਛੱਤੀਸਗੜ੍ਹ ਵਿਧਾਨ ਸਭਾ ਚੋਣਾਂ 2023 ਦੇ ਨਤੀਜੇ

    ਵਿਧਾਨ ਸਭਾ:ਮੱਧ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ 2023 ਦੇ ਨਤੀਜੇ

    ਵਿਧਾਨ ਸਭਾ: ਰਾਜਸਥਾਨ ਵਿਧਾਨ ਸਭਾ ਚੋਣਾਂ 2023 ਦੇ ਨਤੀਜੇ

    

    ਤਸਵੀਰ ਸਰੋਤ, X/ BJP Madhya Pradesh

    

    ਤਸਵੀਰ ਸਰੋਤ, X/BJP Madhya Pradesh

15. 3 ਦਸੰਬਰ 2023'ਮੋਦੀ ਮੱਧ ਪ੍ਰਦੇਸ਼ ਦੇ ਮਨ ਵਿੱਚ ਹਨ ਅਤੇ ਮੱਧ ਪ੍ਰਦੇਸ਼ ਦੇ ਮਨ ਵਿੱਚ ਮੋਦੀ'

    ਮੱਧ ਪ੍ਰਦੇਸ਼ ਵਿੱਚ ਭਾਜਪਾ 200 ਸੀਟਾਂ ਵਿੱਚੋਂ 138 ਉੱਤੇ ਅੱਗੇ ਚੱਲ ਰਹੀ ਹੈ।

    ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਪਾਰਟੀ ਦੀ ਲੀਡਰਸ਼ਿਪ ਦੀ ਪ੍ਰਸ਼ੰਸਾ ਕੀਤੀ ਹੈ।

    ਉਨ੍ਹਾਂ ਨੇ ਕਿਹਾ, "ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਜੀ ਐੱਮਪੀ ਦੇ ਮਨ ਵਿੱਚ ਹਨ ਅਤੇ ਪ੍ਰਧਾਨ ਮੰਤਰੀ ਜੀ ਦੇ ਮਨ ਵਿੱਚ ਐੱਮਪੀ ਹੈ।"

    ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਦੇ ਭਾਸ਼ਣ ਮੱਧ ਪ੍ਰਦੇਸ਼ ਦੇ ਲੋਕਾਂ ਦੇ ਮਨ ਨੂੰ ਛੂਹ ਗਏ, ਇਸੇ ਕਾਰਨ ਇਹ ਰੁਝਾਨ ਆ ਰਹੇ ਹਨ।

    

    ਤਸਵੀਰ ਸਰੋਤ, X/Shivraj Singh Chauhan

16. 3 ਦਸੰਬਰ 2023ਕਾਂਗਰਸ ਪਾਰਟੀ ਨੇ ਹਰਿਆਣੇ ਤੋਂ ਲਿਆਂਦੇ ਢੋਲੀ ਵਾਪਸ ਭੇਜੇ

    ਕਾਂਗਰਸ ਪਾਰਟੀ ਦੇ ਦਫ਼ਤਰ ਵਿੱਚ ਸ਼ੁਰੂਆਤੀ ਰੁਝਾਨਾਂ ਤੋਂ ਬਾਅਦ ਢੋਲੀਆਂ ਨੇ ਰੌਣਕ ਲਾਈ ਹੋਈ ਸੀ ਪਰ ਹੁਣ ਚਾਰ ਵਿੱਚੋਂ ਤਿੰਨ ਸੂਬਿਆਂ ਵਿੱਚ ਕਾਂਗਰਸ ਪਾਰਟੀ ਭਾਜਪਾ ਤੋਂ ਕਾਫੀ ਪਿੱਛੇ ਰਹਿ ਗਈ ਹੈ।

    ਤੇਲੰਗਾਨਾ ਨੂੰ ਛੱਡ ਕੇ ਕਾਂਗਰਸ ਪਾਰਟੀ ਰਾਜਸਥਾਨ, ਛੱਤੀਸਗੜ੍ਹ ਅਤੇ ਮੱਧ ਪ੍ਰਦੇਸ਼ ਵਿੱਚ ਭਾਜਪਾ ਤੋਂ ਪਿੱਛੇ ਚੱਲ ਰਹੀ ਹੈ।

    ਹਰਿਆਣਾ ਤੋਂ ਆਏ ਢੋਲੀਆਂ ਦੀ ਟੀਮ ਨੂੰ ਵਾਪਸ ਭੇਜ ਦਿੱਤਾ ਗਿਆ ਹੈ।

    

    

17. 3 ਦਸੰਬਰ 2023ਰਾਜਸਥਾਨ ਵਿੱਚ ਭਾਜਪਾ 200 ਵਿੱਚੋਂ 114 ਸੀਟਾਂ ਉੱਤੇ ਅੱਗੇ

    ਰਾਜਸਥਾਨ ਵਿੱਚ ਵਸੁੰਧਰਾ ਰਾਜੇ ਦੀ ਅਗਵਾਈ ਵਾਲੀ ਭਾਜਪਾ ਕਾਂਗਰਸ ਨੂੰ ਕਾਫੀ ਪਿੱਛੇ ਛੱਡ ਚੁੱਕੀ ਹੈ, ਹੁਣ ਤੱਕ ਦੇ ਰੁਝਾਨਾਂ ਮੁਤਾਬਕ ਭਾਜਪਾ 114 ਸੀਟਾਂ ਉੱਤੇ ਅੱਗੇ ਹੈ ਜਦਕਿ ਕਾਂਗਰਸ 69 ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ।

    ਪੰਜਾਬੀ ਵਿੱਚ ਚੋਣ ਨਤੀਜਿਆਂ ਦੇ ਲਾਈਵ ਅਪਡੇਟਸ ਲਈ ਇੱਥੇ ਕਲਿੱਕ ਕਰੋ - ਵਿਧਾਨ ਸਭਾ: ਰਾਜਸਥਾਨ ਵਿਧਾਨ ਸਭਾ ਚੋਣਾਂ 2023 ਦੇ ਨਤੀਜੇ

    

18. 3 ਦਸੰਬਰ 2023ਛੱਤੀਸਗੜ੍ਹ ਵਿੱਚ ਭਾਜਪਾ ਅਤੇ ਕਾਂਗਰਸ ਵਿਚਾਲੇ ਸੀਟਾਂ ਦਾ ਪਾੜਾ ਵਧਿਆ

    ਸ਼ੁਰੂਆਤੀ ਰੁਝਾਨਾਂ ਮੁਤਾਬਕ ਕਾਂਗਰਸ ਅਤੇ ਭਾਜਪਾ ਵਿਚਾਲੇ ਛੱਤੀਸਗੜ੍ਹ ਵਿੱਚ ਸਖ਼ਤ ਮੁਕਾਬਲਾ ਚੱਲ ਰਿਹਾ ਸੀ।

    ਪਰ ਹੁਣ ਭਾਜਪਾ ਨੇ ਕਾਂਗਰਸ ਨੂੰ ਪਿੱਛੇ ਛੱਡ ਦਿੱਤਾ ਹੈ, ਭਾਜਪਾ 51 ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ ਜਦਕਿ ਕਾਂਗਰਸ 37 ਸੀਟਾਂ 'ਤੇ ਅੱਗੇ ਹੈ।

    ਪੰਜਾਬੀ ਵਿੱਚ ਲਾਈਵ ਅਪਡੇਟਸ ਲਈ ਇੱਥੇ ਕਲਿੱਕ ਕਰੋ - ਵਿਧਾਨ ਸਭਾ: ਛੱਤੀਸਗੜ੍ਹ ਵਿਧਾਨ ਸਭਾ ਚੋਣਾਂ 2023 ਦੇ ਨਤੀਜੇ

    

19. 3 ਦਸੰਬਰ 2023ਮੱਧ ਪ੍ਰਦੇਸ਼ ਵਿੱਚ ਡਬਲ ਇੰਜਨ ਦੀ ਸਰਕਾਰ ਆ ਰਹੀ ਹੈ - ਜਯੋਤੀਰਾਦਿੱਤਿਆ ਸਿੰਧੀਆ

    ਕੇਂਦਰੀ ਮੰਤਰੀ ਅਤੇ ਭਾਜਪਾ ਆਗੂ ਜਯੋਤੀਰਾਦਿਤਿਆ ਸਿੰਧੀਆ ਨੇ ਮੀਡੀਆ ਨੂੰ ਦੱਸਿਆ, "ਮੈਂ ਹਮੇਸ਼ਾ ਤੋਂ ਤੁਹਾਨੂੰ ਕਿਹਾ ਸੀ ਜਿ ਜਿੱਥੋਂ ਤੱਕ ਮੱਧ ਪ੍ਰਦੇਸ਼ ਦੀ ਗੱਲ ਹੈ, ਡਬਲ ਇੰਜਨ ਦੀ ਸਰਕਾਰ ਆ ਰਹੀ ਹੈ।"

    "ਜਨਤਾ ਦਾ ਪੂਰਾ ਭਰੋਸਾ ਭਾਜਪਾ ਦੇ ਨਾਲ ਰਹੇਗਾ, ਜਨਤਾ ਦੀ ਭਲਾਈ ਲਈ ਸਾਡੀਆਂ ਯੋਜਨਾਵਾਂ ਕਰਕੇ ਲੋਕਾਂ ਦੀਆਂ ਅਸੀਸਾਂ ਭਾਜਪਾ ਦੇ ਨਾਲ ਰਹਿਣਗੀਆਂ।"

    

20. 3 ਦਸੰਬਰ 2023ਪਾਰਟੀਆਂ ਦੇ ਦਫ਼ਤਰਾਂ ਦਾ ਕੀ ਹੈ ਮਾਹੌਲ

    ਚਾਰ ਸੂਬਿਆਂ ਦੀਆਂ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ ਆ ਰਹੇ ਹਨ। ਇਸ ਮੌਕੇ ਸਿਆਸੀ ਪਾਰਟੀਆਂ ਦੇ ਦਫ਼ਤਰਾਂ ਵਿੱਚ ਚੋਣਾਂ ਦੇ ਰੰਗ ਦੇਖੋ-