ਤੁਹਾਡਾ ਸਭ ਦਾ ਧੰਨਵਾਦ!
ਭਾਰਤ ਦੇ ਕੇਂਦਰੀ ਬਜਟ 2023 ਨਾਲ ਸਬੰਧਤ ਬੀਬੀਸੀ ਪੰਜਾਬੀ ਦੇ ਇਸ ਲਾਈਵ ਪੰਨੇ ਨੂੰ ਅਸੀਂ ਇੱਥੇ ਹੀ ਵਿਰਾਮ ਦੇ ਰਹੇ ਹਾਂ। ਸਾਡੇ ਨਾਲ ਜੁੜਨ ਲਈ ਤੁਹਾਡਾ ਸਭ ਦਾ ਧੰਨਵਾਦ
ਬੀਬੀਸੀ ਪੰਜਾਬੀ ਉੱਤੇ ਨਵੀਂਆਂ ਤੇ ਤਾਜ਼ਾ ਖ਼ਬਰਾਂ ਦੇਖਣ ਲ਼ਈ ਇਸ ਲਿੰਕ ਨੂੰ ਕਲਿੱਕ ਕਰੋ :
ਬਜਟ 2023: ਨਵੀਂ ਜਾਂ ਪੁਰਾਣੀ - ਕਿਸ ਟੈਕਸ ਪ੍ਰਣਾਲੀ ਵਿੱਚ ਜ਼ਿਆਦਾ ਫਾਇਦੇ ਹਨ, ਮਾਹਰਾਂ ਤੋਂ ਜਾਣੋ
ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਨਰਿੰਦਰ ਮੋਦੀ ਸਰਕਾਰ ਦੇ ਦੂਜੇ ਕਾਰਜਕਾਲ ਦਾ ਆਖਰੀ ਪੂਰਨ ਬਜਟ ਪੇਸ਼ ਕੀਤਾ
ਲਾਈਵ ਕਵਰੇਜ
ਬਜਟ 2023 : ਕਿਸ ਨੂੰ ਕੀ ਮਿਲਿਆ, ਕਿਸ ਦੀ ਝੋਲੀ ਰਹੀ ਖ਼ਾਲੀ - ਸਮਝੋ 5 ਨੁਕਤਿਆਂ ਰਾਹੀਂ
ਤਸਵੀਰ ਸਰੋਤ, Getty Images
ਮੋਦੀ ਸਰਕਾਰ ਨੇ 2024 'ਚ ਹੋਣ ਵਾਲੀਆਂ ਆਮ ਚੋਣਾਂ ਤੋਂ ਪਹਿਲਾਂ, ਆਪਣੇ ਮੌਜੂਦਾ ਕਾਰਜਕਾਲ ਦਾ ਇਹ ਆਖ਼ਰੀ ਬਜਟ ਪੇਸ਼ ਕਰ ਦਿੱਤਾ ਹੈ।
ਇਸ ਬਜਟ ਵਿੱਚ ਪੂੰਜੀ ਖ਼ਰਚ ਵਧਾ ਦਿੱਤਾ ਗਿਆ ਹੈ ਅਤੇ ਮੱਧ ਵਰਗ ਨੂੰ ਟੈਕਸ 'ਚ ਰਾਹਤ ਦਿੱਤੀ ਗਈ ਹੈ।
ਬੀਬੀਸੀ ਪੱਤਰਕਾਰ ਨਿਖਿਲ ਇਨਾਮਦਾਰ ਦੱਸ ਰਹੇ ਹਨ ਬਜਟ ਦੀਆਂ 5 ਮੁੱਖ ਗੱਲਾਂ:
ਬਜਟ ਉੱਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਪ੍ਰਤੀਕਰਮ
ਤਸਵੀਰ ਸਰੋਤ, Getty Images
ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੇ ਬਜਟ ਭਾਸ਼ਣ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਹੈ ਕਿ 'ਅੰਮ੍ਰਿਤ ਕਾਲ' ਦਾ ਪਹਿਲਾ ਬਜਟ ਵਿਕਸਿਤ ਭਾਰਤ ਦੇ ਸ਼ਾਨਦਾਰ ਵਿਜ਼ਨ ਨੂੰ ਪੂਰਾ ਕਰਨ ਲਈ ਮਜ਼ਬੂਤ ਨੀਂਹ ਬਣਾਏਗਾ।
- ਇਸ ਬਜਟ ਵਿੱਚ ਗਰੀਬ ਵਰਗ ਨੂੰ ਪਹਿਲ ਦਿੱਤੀ ਗਈ ਹੈ। ਇਹ ਬਜਟ ਅੱਜ ਦੇ ਅਭਿਲਾਸ਼ੀ ਸਮਾਜ, ਪਿੰਡਾਂ, ਗਰੀਬਾਂ, ਕਿਸਾਨਾਂ ਅਤੇ ਮੱਧ ਵਰਗ ਦੇ ਸੁਪਨਿਆਂ ਨੂੰ ਪੂਰਾ ਕਰੇਗਾ। ਇਸ ਬਜਟ ਵਿੱਚ ਪਹਿਲੀ ਵਾਰ ਕਈ ਪ੍ਰੋਤਸਾਹਨ ਸਕੀਮਾਂ ਲਿਆਂਦੀਆਂ ਗਈਆਂ ਹਨ।
- ਅਜਿਹੇ ਲੋਕਾਂ ਲਈ ਟ੍ਰੇਨਿੰਗ, ਟੈਕਨਾਲੋਜੀ, ਕ੍ਰੈਡਿਟ ਅਤੇ ਮਾਰਕੀਟ ਸਪੋਰਟ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਪ੍ਰਧਾਨ ਮੰਤਰੀ-ਵਿਕਾਸ ਸਾਡੇ ਕਰੋੜਾਂ ਵਿਸ਼ਵਕਰਮਾਂ ਦੇ ਜੀਵਨ ਵਿੱਚ ਇੱਕ ਵੱਡਾ ਬਦਲਾਅ ਲਿਆਏਗਾ।
- ਪਿੰਡ ਤੋਂ ਸ਼ਹਿਰ ਤੱਕ ਰਹਿਣ ਵਾਲੀਆਂ ਸਾਡੀਆਂ ਔਰਤਾਂ ਦੇ ਜੀਵਨ ਪੱਧਰ ਵਿੱਚ ਬਦਲਾਅ ਲਿਆਉਣ ਲਈ ਕਈ ਵੱਡੇ ਕਦਮ ਚੁੱਕੇ ਗਏ ਹਨ, ਉਨ੍ਹਾਂ ਨੂੰ ਹੁਣ ਹੋਰ ਮਜ਼ਬੂਤੀ ਨਾਲ ਅੱਗੇ ਵਧਾਇਆ ਜਾਵੇਗਾ। ਇਹ ਬਜਟ ਸਹਿਕਾਰੀ ਸਭਾਵਾਂ ਨੂੰ ਪੇਂਡੂ ਆਰਥਿਕਤਾ ਦੇ ਵਿਕਾਸ ਦਾ ਧੁਰਾ ਬਣਾਏਗਾ।
- ਸਰਕਾਰ ਨੇ ਸਹਿਕਾਰੀ ਖੇਤਰ ਵਿੱਚ ਦੁਨੀਆ ਦੀ ਸਭ ਤੋਂ ਵੱਡੀ ਅਨਾਜ ਭੰਡਾਰਨ ਯੋਜਨਾ ਬਣਾਈ ਹੈ। ਬਜਟ ਵਿੱਚ ਨਵੀਆਂ ਪ੍ਰਾਇਮਰੀ ਸਹਿਕਾਰੀ ਸਭਾਵਾਂ ਬਣਾਉਣ ਦੀ ਅਭਿਲਾਸ਼ੀ ਯੋਜਨਾ ਦਾ ਐਲਾਨ ਵੀ ਕੀਤਾ ਗਿਆ ਹੈ।
ਬਜਟ 2023: ਨਵੀਂ ਜਾਂ ਪੁਰਾਣੀ - ਕਿਸ ਟੈਕਸ ਪ੍ਰਣਾਲੀ ਵਿੱਚ ਜ਼ਿਆਦਾ ਫਾਇਦੇ ਹਨ, ਮਾਹਰਾਂ ਤੋਂ ਜਾਣੋ
ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ ਵਧੇਰੇ ਕਰ ਦੇਣ ਵਾਲੇ, ਜ਼ਿਆਦਾ ਕਮਾਈ ਕਰਨ ਵਾਲਿਆਂ ਲਈ ਇਹ ਬਜਟ ਰਾਹਤ ਲੈ ਕੇ ਆਇਆ ਹੈ।
ਮੱਧ ਵਰਗ ਲਈ ਵੀ ਇਹ ਬਜਟ ਚੰਗੀ ਖ਼ਬਰ ਲੈ ਕੇ ਆਇਆ ਹੈ। ਬੈਂਕਬਾਜ਼ਾਰ ਡਾਟ ਕਾਮ ਦੇ ਮੁੱਖ ਅਧਿਕਾਰੀ ਆਦਿਲ ਸ਼ੇੱਟੀ ਕਹਿੰਦੇ ਹਨ ਕਿ ਦੇਖਿਆ ਜਾਵੇ ਤਾਂ ਨਵੀਂ ਟੈਕਸ ਪ੍ਰਣਾਲੀ ਦੇ ਤਹਿਤ ਸਲਾਨਾ 7.5 ਲੱਖ ਰੁਪਏ ਦੀ ਆਮਦਨ 'ਤੇ ਹੁਣ ਕੋਈ ਟੈਕਸ ਨਹੀਂ ਦੇਣਾ ਪਵੇਗਾ।
ਇਸ ਨਾਲ, ਇਸ ਦਾਇਰੇ 'ਚ ਆਉਣ ਵਾਲੇ ਕਰਦਾਤਾ ਦਾ ਭਰੋਸਾ ਵਧੇਗਾ ਕਿਉਂਕਿ ਹੁਣ ਉਨ੍ਹਾਂ ਦੇ ਹੱਥ 'ਚ ਥੋੜ੍ਹਾ ਜ਼ਿਆਦਾ ਪੈਸਾ ਰਹੇਗਾ।
ਉਹ ਕਹਿੰਦੇ ਹਨ ਕਿ ਨਵੀਂ ਟੈਕਸ ਪ੍ਰਣਾਲੀ ਦੇ ਤਹਿਤ 7 ਲੱਖ ਤੋਂ 15 ਲੱਖ ਰੁਪਏ ਦੀ ਸਲਾਨਾ ਆਮਦਨ ਵਾਲਿਆਂ ਲਈ ਟੈਕਸ ਦੀ ਦਰ 'ਚ ਥੋੜ੍ਹੀ ਰਾਹਤ ਦਿੱਤੀ ਗਈ ਹੈ।
ਉਨ੍ਹਾਂ ਹੁਣ ਇਹ ਫੈਸਲਾ ਕਰਨਾ ਹੈ ਕਿ ਉਹ ਪੁਰਾਣੀ ਟੈਕਸ ਪ੍ਰਣਾਲੀ 'ਚ ਰਹਿਣ ਜਾਂ ਫਿਰ ਨਵੀਂ ਟੈਕਸ ਪ੍ਰਣਾਲੀ ਅਪਣਾਉਣ।
ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦਾ ਕਹਿਣਾ ਹੈ ਕਿ ਨਵੀਂ ਟੈਕਸ ਪ੍ਰਣਾਲੀ ਹੀ ਹੁਣ ਡਿਫਾਲਟ ਟੈਕਸ ਪ੍ਰਣਾਲੀ ਰਹੇਗੀ ਪਰ ਜੇ ਕਰਦਾਤਾ ਚਾਹੁੰਣ ਤਾਂ ਅਜੇ ਵੀ ਪੁਰਾਣੀ ਜਾਂ ਨਵੀਂ ਟੈਕਸ ਪ੍ਰਣਾਲੀ ਨੂੰ ਅਪਨਾਉਣ ਦਾ ਫੈਸਲਾ ਕਰ ਸਕਦੇ ਹਨ।
ਪੁਰਾਣੀ ਟੈਕਸ ਪ੍ਰਣਾਲੀ ਦੀ ਗੱਲ ਕਰੀਏ ਤਾਂ ਇਸ ਨੂੰ ਸਾਲ 2013 ਵਿੱਚ ਲਗਭਗ ਫ੍ਰੀਜ਼ ਕਰ ਦਿੱਤਾ ਗਿਆ ਸੀ ਅਤੇ ਹੁਣ ਇਸ 'ਚ ਕਿਸੇ ਵੀ ਤਰ੍ਹਾਂ ਦੇ ਵਾਧੇ ਦੀ ਉਮੀਦ ਨਹੀਂ ਹੈ। ਅਜਿਹੀ ਸਥਿਤੀ 'ਚ ਪੁਰਾਣੀ ਟੈਕਸ ਪ੍ਰਣਾਲੀ 'ਚ ਬਣੇ ਰਹਿਣਾ ਕਰਦਾਤਾ ਲਈ ਮੁਸ਼ਕਲ ਫੈਸਲਾ ਹੋ ਸਕਦਾ ਹੈ।
ਆਦਿਲ ਸ਼ੈੱਟੀ ਕਹਿੰਦੇ ਹਨ ਕਿ ਕਿਹੜੀ ਟੈਕਸ ਪ੍ਰਣਾਲੀ 'ਚ ਕਰਦਾਤਾ ਦੇ ਹੱਥ 'ਚ ਪੈਸਾ ਬਚੇਗਾ, ਇਹ ਜਾਣਨ ਲਈ ਉਨ੍ਹਾਂ ਨੂੰ ਆਨਲਾਈਨ ਟੈਕਸ ਕੈਲਕੁਲੇਟਰ ਦਾ ਇਸਤੇਮਾਲ ਕਰਨਾ ਚਾਹੀਦਾ ਹੈ।
ਨਵੀਂ ਪ੍ਰਣਾਲੀ 'ਚ ਸਟੈਂਡਰਡ ਡਿਡਕਸ਼ਨ (ਸਧਾਰਨ ਕਟੌਤੀ) ਦਾ ਫ਼ਾਇਦਾ ਨਹੀਂ ਦਿੱਤਾ ਗਿਆ ਹੈ। ਜਦਕਿ ਪੁਰਾਣੇ ਪ੍ਰਣਾਲੀ 'ਚ ਹੋਮ ਲੋਨ 'ਤੇ ਇੰਟਰੇਸਟ (ਵਿਆਜ), ਬੀਮਾ ਅਤੇ ਪ੍ਰੋਵੀਡੈਂਟ ਫ਼ੰਡ 'ਚ ਜਮਾਂ ਕਰਨ ਵਾਲੇ ਪੈਸੇ 'ਤੇ ਡਿਡਕਸ਼ਨ (ਕਟੌਤੀ) ਦਾ ਫ਼ਾਇਦਾ ਮਿਲਦਾ ਹੈ।
ਆਦਿਲ ਕਹਿੰਦੇ ਹਨ, ਜੇ ਮਹਿੰਗਾਈ ਨੂੰ ਦੇਖਿਆ ਜਾਵੇ ਤਾਂ ਕਰਦਾਤਾ ਲਈ ਇਸ ਦੀ ਅਸਲ ਦਰ ਜ਼ਿਆਦਾ ਹੋ ਜਾਂਦੀ ਹੈ, ਭਾਵ ਜਿਨ੍ਹਾਂ ਲੋਕਾਂ ਨੇ 30 ਫ਼ੀਸਦ ਦੀ ਦਰ ਨਾਲ ਟੈਕਸ ਦੇਣਾ ਹੁੰਦਾ ਹੈ, ਉਨ੍ਹਾਂ ਲਈ ਇਹ ਦਰ ਲਗਭਗ 40 ਫ਼ੀਸਦ ਦੇ ਬਰਾਬਰ ਹੋ ਜਾਂਦੀ ਹੈ।
ਮਹਿਲਾ ਸਨਮਾਨ ਬੱਚਤ ਸਰਟੀਫਿਕੇਟ ਸਕੀਮ 'ਚ ਕੀ ਹੈ ਖਾਸ, ਜਾਣੋ ਕਿੰਨਾ ਮਿਲੇਗਾ ਵਿਆਜ
ਤਸਵੀਰ ਸਰੋਤ, Getty Images
ਤਸਵੀਰ ਕੈਪਸ਼ਨ, ਸੰਕੇਤਿਕ ਤਸਵੀਰਾ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਬੁੱਧਵਾਰ ਨੂੰ ਔਰਤਾਂ ਲਈ ਇੱਕ ਨਵੀਂ ਬੱਚਤ ਯੋਜਨਾ 'ਮਹਿਲਾ ਸਨਮਾਨ ਬੱਚਤ ਸਰਟੀਫਿਕੇਟ' ਦਾ ਐਲਾਨ ਕੀਤਾ। ਇਸ 'ਤੇ ਦੋ ਸਾਲਾਂ ਲਈ 7.5 ਫੀਸਦੀ ਦੀ ਦਰ ਨਾਲ ਸਥਿਰ ਵਿਆਜ ਦਿੱਤਾ ਜਾਵੇਗਾ।
ਇਸ ਯੋਜਨਾ ਦੇ ਤਹਿਤ ਇਹ ਖਾਤਾ ਔਰਤ ਦੇ ਨਾਂ 'ਤੇ ਸ਼ੁਰੂ ਕੀਤਾ ਜਾ ਸਕਦਾ ਹੈ। ਇਸ ਸਕੀਮ ਤਹਿਤ ਵੱਧ ਤੋਂ ਵੱਧ ਦੋ ਲੱਖ ਰੁਪਏ ਜਮ੍ਹਾਂ ਕਰਵਾਏ ਜਾ ਸਕਦੇ ਹਨ ਅਤੇ ਅੰਸ਼ਿਕ ਕਢਵਾਉਣ ਦੀ ਸਹੂਲਤ ਵੀ ਉਪਲੱਬਧ ਹੋਵੇਗੀ।
ਨਿਰਮਲਾ ਸੀਤਾਰਮਨ ਨੇ ਕਿਹਾ ਹੈ ਕਿ ਔਰਤਾਂ ਦੇ ਆਰਥਿਕ ਸਸ਼ਕਤੀਕਰਨ ਲਈ ਦੀਨਦਿਆਲ ਅੰਤੋਦਿਆ ਯੋਜਨਾ ਰਾਸ਼ਟਰੀ ਗ੍ਰਾਮੀਣ ਰੁਜ਼ਗਾਰ ਮਿਸ਼ਨ ਤਹਿਤ ਦੇਸ਼ ਭਰ ਵਿੱਚ 81 ਲੱਖ ਸਵੈ-ਸਹਾਇਤਾ ਸਮੂਹ ਬਣਾਏ ਗਏ ਹਨ।
ਇਸ ਤੋਂ ਇਲਾਵਾ ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਤਹਿਤ ਛੋਟੇ ਕਿਸਾਨਾਂ ਨੂੰ 2.25 ਲੱਖ ਕਰੋੜ ਰੁਪਏ ਦੀ ਵਿੱਤੀ ਸਹਾਇਤਾ ਦਿੱਤੀ ਗਈ ਹੈ।
ਬੈਂਕ ਬਜ਼ਾਰ ਡਾਕ ਕੌਮ ਦੇ ਸੀਈਓ ਆਦਿਲ ਸ਼ੈੱਟੀ ਦਾ ਕਹਿਣਾ ਹੈ ਕਿ MIS (ਮਹੀਨਾਵਾਰ ਆਮਦਨ ਯੋਜਨਾ ਖਾਤਾ) ਅਤੇ SCSS ਵਰਗੀਆਂ ਛੋਟੀਆਂ ਬੱਚਤ ਯੋਜਨਾਵਾਂ 'ਤੇ ਸੀਮਾ ਨੂੰ ਦੁੱਗਣਾ ਕਰਨ ਨਾਲ ਵੱਡੀ ਰਾਹਤ ਮਿਲੀ ਹੈ।
MIS ਸੀਮਾ ਹੁਣ 4.5 ਲੱਖ ਰੁਪਏ ਤੋਂ ਵਧਾ ਕੇ 9 ਲੱਖ ਰੁਪਏ ਕਰ ਦਿੱਤੀ ਗਈ ਹੈ।
ਸੰਯੁਕਤ ਖਾਤਿਆਂ ਦੇ ਮਾਮਲੇ 'ਚ ਹੁਣ 15 ਲੱਖ ਰੁਪਏ ਤੱਕ ਦਾ ਨਿਵੇਸ਼ ਕੀਤਾ ਜਾ ਸਕਦਾ ਹੈ ਜਦਕਿ ਸੀਨੀਅਰ ਨਾਗਰਿਕਾਂ ਦੀ ਬਚਤ ਯੋਜਨਾ 'ਚ ਨਿਵੇਸ਼ ਦੀ ਸੀਮਾ ਹੁਣ 15 ਲੱਖ ਰੁਪਏ ਦੀ ਬਜਾਏ 30 ਲੱਖ ਰੁਪਏ ਕਰ ਦਿੱਤੀ ਗਈ ਹੈ।
ਔਰਤਾਂ ਲਈ ਦੋ ਸਾਲ ਦੀ ਫਿਕਸਡ ਡਿਪਾਜ਼ਿਟ ਸਕੀਮ 'ਚ 7.5 ਫੀਸਦੀ ਵਿਆਜ ਦਿੱਤਾ ਜਾਵੇਗਾ ਅਤੇ ਉਨ੍ਹਾਂ ਨੂੰ ਅੰਸ਼ਿਕ ਕਢਵਾਉਣ ਦੀ ਸਹੂਲਤ ਵੀ ਮਿਲੇਗੀ।
ਬਜਟ ਭਾਸ਼ਣ ਦੇ 10 ਮੁੱਖ ਐਲਾਨ
ਤਸਵੀਰ ਸਰੋਤ, ANI
- ਰੇਲਵੇ ਬਜਟ ਲਈ 2.40 ਲੱਖ ਕਰੋੜ ਰੁਪਏ ਦਾ ਪ੍ਰਬੰਧ, 2013 -14 ਦੇ ਮੁਕਾਬਲੇ ਰੇਲਵੇ ਬਜਟ ਵਿਚ 9 ਗੁਣਾ ਦਾ ਵਾਧਾ
- ਮੁਫ਼ਤ ਅਨਾਜ ਯੋਜਨਾ ਤਹਿਤ ਲੋਕਾਂ ਨੂੰ ਇੱਕ ਸਾਲ ਹੋਰ ਮੁਫ਼ਤ ਅਨਾਜ ਮਿਲੇਗਾ
- ਢਾਂਚਾਗਤ ਵਿਕਾਸ ਲਈ 10 ਹਜ਼ਾਰ ਕਰੋੜ ਰੁਪਏ ਦਾ ਪ੍ਰਬੰਧ
- ਪੀਐੱਮ ਅਵਾਸ ਯੋਜਾਨਾ ਵਿਚ 66 ਫੀਸਦੀ ਵਾਧਾ, 79 ਹਜ਼ਾਰ ਕਰੋੜ ਰਪਏ
- ਖੇਤੀ ਲਈ ਕਰਜ਼ ਵਧਾ ਕੇ 20 ਲੱਖ ਕਰੋੜ ਰੁਪਏ ਕੀਤਾ ਜਾਵੇਗਾ
- ਸੂਬਾ ਸਰਕਾਰਾਂ ਨੂੰ 15 ਸਾਲਾਂ ਲਈ ਵਿਆਜ਼ ਮੁਕਤ ਕਰਜ਼ ਦੀ ਸੁਵਿਧਾ
- ਪੱਛੜੀਆਂ ਸ਼੍ਰੇਣੀਆਂ ਮਿਸ਼ਨ ਤਹਿਤ 15 ਹਜ਼ਾਰ ਕਰੋੜ ਦਾ ਪ੍ਰਬੰਧ ਹੋਵੇਗਾ
- ਪੀਐੱਮ ਸੁਰੱਖਿਆ ਦੇ ਤਹਿਤ 44.6 ਕਰੋੜ ਲੋਕਾਂ ਨੂੰ ਬੀਮਾ ਸੁਵਿਧਾ
- ਗੋਵਰਧਨ ਯੋਜਨਾ ਲਈ 10 ਹਜ਼ਾਰ ਕਰੋੜ ਦਾ ਪ੍ਰਬੰਧ ਕੀਤਾ ਜਾਵੇਗਾ
- ਖੇਤਰੀ ਸੰਪਰਕ ਵਧਾਉਣ ਲਈ 50 ਨਵੇਂ ਏਅਰਪੋਰਟ, ਹੈਲੀਪੈਡ, ਐਂਡਵਾਂਸ ਲੈਂਡਿੰਗ ਗਰਾਉਂਡਸ, ਵਾਟਰ ਐਰੋ ਡਰੋਨ ਬਣਾਏ ਜਾਣਗੇ
ਸਿੱਧੇ ਟੈਕਸ ਵਿੱਚ ਛੂਟ ਦਾ ਕਿਸ ਨੂੰ ਕਿੰਨਾ ਫਾਇਦਾ
ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਬਜਟ 2023 ਦੇ ਬਜਟ ਵਿਚ ਸਿੱਧੇ ਅਤੇ ਅਸਿੱਧੇ ਟੈਕਸਾਂ ਬਾਰੇ ਕਈ ਐਲਾਨ ਕੀਤੇ ਹਨ।
ਵਿੱਤ ਮੰਤਰੀ ਵਲੋਂ ਕੀਤੇ ਐਲਾਨ ਮੁਤਾਬਕ ਪੁਰਾਣੀ 6 ਟੈਕਸ ਪ੍ਰਣਾਲੀ ਵਿਚ ਸੋਧ ਕਰਕੇ 5 ਸਲੈਬਾਂ ਵਾਲੀ ਪ੍ਰਣਾਲੀ ਲਾਗੂ ਕਰਨ ਦਾ ਐਲਾਨ ਕੀਤਾ ਗਿਆ ਹੈ।
7 ਲੱਖ ਤੱਕ ਛੂਟ ਦਾ ਐਲਾਨ
7 ਲੱਖ ਰੁਪਏ ਤੱਕ ਆਮਦਨ ਵਾਲਿਆਂ ਨੂੰ ਹੁਣ ਆਮਦਨ ਕਰ ਦੇਣ ਤੋਂ ਛੂਟ ਦੇਣ ਦਾ ਐਲਾਨ ਕੀਤਾ ਗਿਆ ਹੈ।
ਪੁਰਾਣੀ ਟੈਕਸ ਪ੍ਰਣਾਲੀ ਵਿਚ 5 ਲੱਖ ਆਮਦਨ ਵਾਲੇ ਟੈਕਸ ਨਹੀਂ ਅਦਾ ਕਰਦੇ ਪਰ ਨਵੀਂ ਪ੍ਰਣਾਲੀ ਵਿੱਚ ਟੈਕਸ ਸੀਮਾ 7 ਲੱਖ ਰਪਏ ਕਰ ਦਿੱਤੀ ਗਈ ਹੈ।
ਕਹਿਣਾ ਦਾ ਅਰਥ ਹੈ ਕਿ ਜੇਕਰ ਤੁਹਾਡੀ ਆਮਦਨ 7 ਲੱਖ ਰੁਪਏ ਹੈ ਤਾਂ ਤੁਹਾਨੂੰ ਕੋਈ ਟੈਕਸ ਅਦਾ ਨਹੀਂ ਕਰਨਾ ਪਵੇਗਾ।
ਕਿਸ ਨੂੰ ਲਾਭ ਮਿਲੇਗਾ
ਵਿੱਤ ਮੰਤਰੀ ਵਲੋਂ ਕੀਤੇ ਐਲਾਨ ਨੂੰ ਸਮਝਣ ਲਈ ਅਸੀਂ ਟੈਕਸ ਪ੍ਰਣਾਲੀ ਦੇ ਮਾਹਰ ਪ੍ਰਮੋਦ ਬਿੰਦਲ ਨਾਲ ਗੱਲ ਕੀਤੀ।
ਪ੍ਰਮੋਦ ਬਿੰਦਲ ਮੁਤਾਬਕ ਪਹਿਲਾਂ 2.5 ਲੱਖ ਰੁਪਏ ਬੱਚਤ ਤੱਕ ਟੈਕਸ ਨਹੀਂ ਲੱਗਦਾ ਸੀ। ਅਤੇ ਪਰ ਹੁਣ ਇਹ ਸੀਮਾ ਵਧਾ ਕੇ 3 ਲੱਖ ਕਰ ਦਿੱਤੀ ਗਈ ਹੈ।
ਹੁਣ ਤੱਕ 5 ਲੱਖ ਆਮਦਨ ਵਾਲੇ ਨੂੰ ਕੋਈ ਟੈਕਸ ਨਹੀਂ ਦੇਣਾ ਪੈਦਾ ਸੀ, ਹੁਣ ਇਸ ਸੀਮਾਂ ਨੂੰ ਵਧਾ ਕੇ 7 ਲੱਖ ਰੁਪਏ ਕਰ ਦਿੱਤਾ ਗਿਆ ਹੈ।
ਜੇਕਰ ਤੁਹਾਡੀ ਤਨਖਾਹ 7 ਲੱਖ ਤੋਂ ਵੱਧ ਹੈ ਤਾਂ 5 ਸਲੈਬਾਂ ਵਿਚ ਰੱਖਿਆ ਜਾਵੇਗਾ।
ਆਮਦਨ ਕਰ ਦੀਆਂ 5 ਸਲੈਬਾਂ
- 3- 6 ਲੱਖ ਰੁਪਏ ਆਮਦਨ ਟੈਕਸ ਉੱਤੇ 5 ਫੀਸਦ ਕਰ
- 6-9 ਲੱਖ ਆਮਦਨ ਵਾਲੇ ਨੂੰ 10 ਫੀਸਦ ਕਰ ਦੇਣਾ ਪਵੇਗਾ
- 9-12 ਲੱਖ ਆਮਦਨ ਵਾਲੇ ਨੂੰ 15 ਫੀਸਦ ਕਰ
- 12-15 ਲੱਖ ਉੱਤੇ 20 ਫੀਸਦ ਕਰ
- 15 ਲੱਖ ਤੋਂ ਉੱਤੇ 30 ਫੀਸਦ ਕਰ
ਜੇਕਰ ਤੁਹਾਡੀ ਤਨਖਾਹ 10 ਲੱਖ ਰੁਪਏ ਹੈ ਤਾਂ ਨਵੀਂ ਪ੍ਰਣਾਲੀ ਮੁਤਾਬਕ ਟੈਕਸ ਇਸ ਤਰ੍ਹਾਂ ਲੱਗੇਗਾ
ਤਿੰਨ ਲੱਖ ਤੱਕ ਕੋਈ ਟੈਕਸ ਨਹੀਂ
3 ਤੋਂ 6 ਲੱਖ ਤੱਕ 5 ਫੀਸਦ ਦੇ ਹਿਸਾਬ ਨਾਲ 15 ਹਜ਼ਾਰ ਟੈਕਸ
6 ਲੱਖ ਤੋਂ 9 ਲੱਖ ਤੱਕ 10 ਫੀਸਦ ਦੇ ਹਿਸਾਬ ਨਾਲ 30 ਹਜ਼ਾਰ ਟੈਕਸ
ਆਖਰੀ ਇੱਕ ਲੱਖ ਰੁਪਏ ਉੱਤੇ 15 ਫੀਸਦ ਦੇ ਹਿਸਾਬ ਨਾਲ 15 ਹਜ਼ਾਰ ਟੈਕਸ ਲੱਗੇਗਾ
ਅਤੇ ਕੁੱਲ 60 ਹਜ਼ਾਰ ਰੁਪਏ ਟੈਕਸ ਅਦਾ ਕਰਨਾ ਪਵੇਗਾ
ਨਿੱਜੀ ਆਮਦਨ ਕਰ ਬਾਰੇ 5 ਐਲਾਨ
7 ਲੱਖ ਆਮਦਨ ਕਰ ਤੋਂ ਛੂਟ
5 ਲੱਖ ਆਮਦਨ ਵਾਲੇ ਟੈਕਸ ਨਹੀਂ ਅਦਾ ਕਰਦੇ ਪਰ ਨਵੀਂ ਸੀਮਾ 7 ਲੱਖ ਰਪਏ ਕੀਤੀ
ਨਵੀਂ ਸਕੀਮ ਤਹਿਤ ਕਰ ਸਲੈਬਾਂ ਦੀ ਸੰਖਿਆ 6 ਤੋਂ 5 ਕੀਤੀਆਂ
7 ਲੱਖ ਰੁਪਏ ਆਮਦਨ ਵਾਲੇ ਨੂੰ ਟੈਕਸ ਅਦਾ ਕਰਨ ਤੋਂ ਛੂਟ
- 3- 6 ਲੱਖ ਰੁਪਏ ਆਮਦਨ ਟੈਕਸ ਉੱਤੇ 5 ਫੀਸਦ ਕਰ
- 6-9 ਲੱਖ ਆਮਦਨ ਵਾਲੇ ਨੂੰ 10 ਫੀਸਦ ਕਰ ਦੇਣਾ ਪਵੇਗਾ
- 9-12 ਲੱਖ ਆਮਦਨ ਵਾਲੇ ਨੂੰ 15 ਫੀਸਦ ਕਰ
- 12-15 ਲੱਖ ਉੱਤੇ 20 ਫੀਸਦ ਕਰ
- 15 ਲੱਖ ਤੋਂ ਉੱਤੇ 30 ਫੀਸਦ ਕਰ
ਕੀ ਮਹਿੰਗਾ ਹੋਇਆ
- ਵਿਦੇਸ਼ ਤੋਂ ਆਉਣ ਵਾਲਾ ਸੋਨਾ, ਚਾਂਦੀ ਅਤੇ ਪਲਾਟੀਨਮ ਵਾਧਾ ਹੋਇਆ
- ਸਿਗਰਟ, ਇਪੋਰਟਿਡ ਦਰਵਾਜੇ ਵੀ ਮਹਿੰਗੇ ਕੀਤੇ
- ਰਸੋਈ ਦੀ ਚਿਮਨੀ ਵੀ ਮਹਿੰਗੀ ਹੋਈ
ਕੀ ਸਸਤਾ ਹੋਇਆ
- ਕਸਟਮ ਡਿਊਟੀ ਘਟਾ ਕੇ 13 ਫੀਸਦ ਕੀਤੀ
- ਐਕਸਾਇਜ਼ ਖਿਲੋਣੇ, ਸਾਇਕਲ ਅਤੇ ਆਟੋ ਮੋਬਾਇਲ ਸਸਤੇ ਹੋਣਗੇ
- ਮੋਬਾਇਲ ਫੋਨ ਅਤੇ ਕੈਮਰੇ ਲੈੱਜ਼
- ਇਸੇ ਤਰ੍ਹਾ ਚੋਣਵੀਆਂ ਚੀਜ਼ਾਂ ਉੱਤੇ ਕਰ ਘਟਾਇਆ ਗਿਆ ਹੈ
ਮਹਿਲਾ ਤੇ ਬਜ਼ੁਰਗਾਂ ਲ਼ਈ ਰਾਹਤ
2025 ਤੱਕ : 2 ਸਾਲਾਂ ਲਈ ਨਵੀਂ ਮਹਿਲਾ ਸਨਮਾਨ ਪੱਤਰ ਬੱਚ ਸਕੀਮ , 2 ਲੱਖ ਦੀ ਬੱਚਤ
ਬਜ਼ੁਰਗਾਂ ਲ਼ਈ ਬੱਚਤ 15 ਲੱਖ ਤੋਂ ਵਧਾ ਕੇ 30 ਲੱਖ ਕੀਤਾ
ਬੈਕਿੰਗ ਸੈਂਕਟਰ ਲਈ ਨਵੀਆਂ ਯੋਜਨਾਵਾਂ
ਸੂਬਿਆਂ ਨੂੰ 50 ਸਾਲਾਂ ਲਈ ਬਿਨਾਂ ਵਿਆਜ਼ ਕਰਜ਼ ਦੇਣ ਦਾ ਐਲਾਨ
ਖੇਤੀ ਲ਼ਈ ਅਹਿਮ ਐਲਾਨ
ਬਜਟ ਵਿੱਚ ਯੁਵਾ ਸ਼ਕਤੀ ਲ਼ਈ ਕੀ ਹੈ
- 30 ਸਕਿੱਲ ਇੰਡਿਆ ਇੰਟਰਨੈਸ਼ਨਲ ਸੈਂਟਰ ਸਥਾਪਿਤ ਹੋਣਗੇ
- ਪੀਐੱਮ ਕੌਸ਼ਲ ਵਿਕਾਸ ਯੋਜਨਾ, 4.0 ਲਾਂਚ ਕੀਤੀ ਜਾਵੇਗੀ
- ਦੇਸ਼ ਵਿਚ ਨਵੇਂ 157 ਨਰਸਿੰਗ ਕਾਲਜ ਬਣਨਗੇ
- 47 ਲੱਖ ਨੌਜਵਾਨਾਂ ਨੂੰ 3 ਸਾਲ ਤੱਕ ਭੱਤਾ
- ਗੋਲਬਲ ਪੱਧਰ ਦੀ ਟ੍ਰੇਨਿੰਗ ਦੁਆਈ ਜਾਵੇਗੀ
ਇੱਕ ਕਰੋੜ ਕਿਸਾਨਾਂ ਨੂੰ ਜੈਵਿਕ ਖੇਤੀ ਵਿਚ ਆਉਣ ਲਈ ਮਦਦ ਕਰਾਂਗੇ
- ਪੂੰਜੀ ਨਿਵੇਸ਼ ਨੂੰ 33 ਫੀਸਦ ਵਧਾ ਕੇ 10 ਲੱਖ ਕਰੋੜ ਕੀਤਾ ਗਿਆ ਹੈ, ਜੋ ਜੀਡੀਪੀ ਦਾ 3.3 ਫੀਸਦ ਹੈ
- ਰੇਲਵੇ ਲਈ 2.4 ਲੱਖ ਕਰੋੜ ਪ੍ਰਬੰਧ, 54 ਹਜ਼ਾਰ ਕਰੋੜ ਦੀਆਂ ਨਵੀਆਂ ਯੋਜਾਨਾਵਾਂ
- 50 ਨਵੇਂ ਏਅਰ ਪੋਰਟ ਬਣਾਏ ਜਾਣਗੇ
- ਹਾਈਡ੍ਰੋਜਨ ਮਿਸ਼ਨ ਲਈ 197000 ਕਰੋੜ
- ਇੱਕ ਕਰੋੜ ਕਿਸਾਨਾਂ ਨੂੰ ਜੈਵਿਕ ਖੇਤੀ ਲਈ ਮਦਦ ਕਰਾਂਗੇ
- ਵਾਹਨ ਸਕਰੈਪਿੰਗ ਨੀਤੀ ਲਈ ਸਹਾਇਤਾ ਦਿੱਤੀ ਜਾਵੇਗੀ
- ਪੁਰਾਣੇ ਕੇਂਦਰੀ ਵਾਹਨਾਂ ਖਤਮ ਕਰਨ ਲਈ ਪੈਸੇ ਦਾ ਪ੍ਰਬੰਧ, ਰਾਜਾਂ ਨੂੰ ਵੀ ਮਦਦ ਮਿਲੇਗੀ
ਅੰਤਿਮ ਕਿਨਾਰੇ ਉੱਤੇ ਖੜ੍ਹੇ ਵਿਅਕਤੀ ਤੱਕ ਪਹੁੰਚ
ਘੱਟ ਵਿਕਸਤ ਬਲਾਕਾਂ ਦੀ ਸ਼ਨਾਖ਼ਤ ਕੀਤੀ ਜਾਵੇਗੀ
ਪੱਛੜੀਆਂ ਯੋਜਨਾ 3 ਸਾਲਾਂ ਵਿਚ 15 ਹਜ਼ਾਰ ਰਾਸ਼ੀ ਦਾ ਪ੍ਰਬੰਧ
ਏਕਲੱਵਿਆ ਯੋਜਨਾ ਤਹਿਤ 750 ਨਵੇਂ ਸਕੂਲ ਖੋਲ੍ਹ ਜਾਣਗੇ, 38 500 ਨਵੇਂ ਟੀਚਰਾਂ ਦੀ ਨਿਯੁਕਤੀ ਹੋਵੇਗੀ
ਜੇਲ੍ਹ ਵਿਚ ਬੰਦ ਕੈਦੀ ਜੋ ਜੁਰਮਾਨਾ ਅਦਾ ਕਰਨ ਵਿਚ ਅਸਮਰੱਥ ਹਨ, ਉਨ੍ਹਾਂ ਦੀ ਮਦਦ
ਬਜਟ : ਸਮਾਵੇਸ਼ੀ ਵਿਕਾਸ
ਸਭ ਦਾ ਸਾਥ ਸਭ ਦਾ ਵਿਕਾਸ ਨਾਅਰੇ ਹੇਠ, ਮਹਿਲਾਵਾਂ, ਨੌਜਵਾਨਾਂ, ਦਲਿਤਾਂ ਅਤੇ ਪਛੜੇ ਲੋਕਾਂ ਨੂੰ ਪ੍ਰਮੁੱਖਤਾ
- ਖੇਤੀ ਲਈ ਡਿਜੀਟਲ ਢਾਂਚਾਗਤ ਸਹੂਲਤਾ
- ਖੇਤੀ ਪ੍ਰੋਸਤਾਹਨ ਫੰਡ ਸਥਾਪਿਤ ਕੀਤਾ ਜਾਵੇਗਾ
- 2200 ਕਰੋੜ ਸਵੱਛ ਬਾਗਬਾਨੀ ਪ੍ਰੋਗਰਾਮ
- ਮੋਟੇ ਅਨਾਜ ਉਤਪਾਦਨ ਲ਼ਈ ਭਾਰਤ ਨੂੰ ਸਰਬੋਤਮ ਪੱਧਰ ਉੱਤੇ ਲਿਜਾਉਣਾ
- ਖੇਤੀ ਕਰਜ਼ਿਆ ਅਤੇ ਪਸ਼ੂ ਪਾਲਣ ਲ਼ਈ 20 ਹਜ਼ਾਰ ਕਰੋੜ ਦੇ ਕਰਜ਼ਿਆਂ ਦਾ ਪ੍ਬੰਧ
- 6000 ਕਰੋੜ ਮਤਸਤਿਆ ਯੋਜਨਾ ( ਮੱਛੀ ਪਾਲਕਾ ਤੇ ਸਹਾਇਕ ਧੰਦਿਆਂ ਲਈ)
- ਨੌਜਵਾਨਾਂ ਨੂੰ ਖੇਤੀ ਵਿਚ ਸਟਾਰਟ ਅੱਪ ਪ੍ਰਮੁੱਖਤਾ ਦਿੱਤੀ ਜਾਵੇਗੀ
- ਵਿਆਪਕ ਕੇਂਦਰੀਕਰਨ ਭੰਡਾਰਨ ਦੀ ਯੋਜਨਾ
ਕੋਈ ਭੁੱਖਾ ਨਾ ਸੌਂਵੇ ਇਹ ਕੋਸ਼ਿਸ ਹੈ
ਕੋਸ਼ਿਸ਼ ਹੈ ਕੋਈ ਭੁੱਖਾ ਨਾ ਸੌਂਵੇ ਅਤੇ 80 ਕਰੋੜ ਲੋਕਾਂ ਨੂੰ ਮੁਫ਼ਤ ਅਨਾਜ ਦਿੱਤਾ ਜਾਵੇ
ਮੁਫ਼ਤ ਅਨਾਜ ਲਈ 2 ਲੱਖ ਕਰੋੜ ਦਾ ਬਜਟ
2014 ਤੋਂ ਬਾਅਦ ਪ੍ਰਤੀ ਵਿਅਕਤੀ ਦੀ ਆਮਦਨ ਦੁੱਗਣੀ ਹੋਈ
ਬਜਟ ਦੀ ਭੂਮਿਕਾ ਦੇ ਅੰਸ਼
- ਇਹ ਅਮ੍ਰਿਤਕਾਲ ਦਾ ਪਹਿਲਾ ਬਜਟ ਹੈ।
- ਦੂਨੀਆਂ ਵਿਚ ਮੰਦੀ ਹੈ ਪਰ ਭਾਰਤ ਦਾ ਆਰਥਿਕ ਵਿਕਾਸ ਤੇਜ਼ ਹੈ।
- ਭਾਰਤੀ ਆਰਥਿਕਤਾ ਸਹੀ ਰਸਤੇ ਉੱਤੇ ਚੱਲ ਰਹੀ ਹੈ।
- ਭਾਰਤੀ ਆਰਥਿਕ ਵਿਵਸਥਾ ਦੁਨੀਆਂ ਦੀਆਂ 10ਵੀਂ ਤੋਂ 5 ਵੀਂ ਆਰਥਿਕਤਾ
- ਇਹ ਬਜਟ ਅਗਲੇ 25 ਸਾਲ ਦਾ ਬਲੂ ਪ੍ਰਿਟ ਹੈ
- ਈਪੀਐੱਫ਼ਓ ਵਿਚ 7 ਕਰੋੜ ਲੋਕ ਜੁੜੇ
- 11,7 ਕਰੋੜ ਘਰਾਂ ਵਿਚ ਗੁਸਲਖ਼ਾਨੇ ਬਣਾਏ
- 14 ਕਰੋੜ ਲੋਕਾਂ ਦਾ ਜਨਧਨ ਖਾਤਾ
- 9.6 ਕਰੋੜ ਲੋਕਾਂ ਨੂੰ ਗੈਸ ਕੂਨੈਕਸ਼ਨ
ਬਜਟ ਪੇਸ਼ ਕਰਨ ਤੋਂ ਪਹਿਲਾਂ ਦੀਆਂ ਕੁਝ ਤਸਵੀਰਾਂ
ਤਸਵੀਰ ਸਰੋਤ, ANI
ਤਸਵੀਰ ਕੈਪਸ਼ਨ, ਬਜਟ ਪੇਸ਼ ਕਰਨ ਤੋਂ ਪਹਿਲਾਂ ਰਾਸ਼ਟਰਪਤੀ ਨਾਲ ਮੁਲਾਕਾਤ 
ਤਸਵੀਰ ਸਰੋਤ, ANI
ਤਸਵੀਰ ਕੈਪਸ਼ਨ, ਬਜਟ ਦੀਆਂ ਸੰਸਦ ਪਹੁੰਚੀਆਂ ਕਾਪੀਆਂ 
ਤਸਵੀਰ ਸਰੋਤ, ANI
ਤਸਵੀਰ ਕੈਪਸ਼ਨ, ਬਜਟ ਪੇਸ਼ ਕਰਨ ਤੋਂ ਪਹਿਲਾਂ ਸੀਤਾਰਮਨ ਆਪਣੀ ਟੀਮ ਨਾਲ
