ਕੋਰੋਨਾਵਾਇਰਸ ਅਪਡੇਟ: ਪੰਜਾਬ ਵਿੱਚ ਦਾਖਲ ਹੋਣ ਵਾਲਿਆਂ ਲਈ ਨਿਯਮ ਜਾਰੀ, ਇੱਥੇ ਪੌਜ਼ਿਟਿਵਿਟੀ ਦਰ ਸਭ ਤੋਂ ਘੱਟ

ਭਾਰਤ ਵਿਚ ਪਿਛਲੇ 24 ਘੰਟਿਆਂ ਦੌਰਾਨ 24 ਹਜ਼ਾਰ ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ। ਭਾਰਤ ਪੂਰੀ ਦੁਨੀਆਂ ਵਿੱਚ ਕੇਸਾਂ ਦੇ ਮਾਮਲੇ ਵਿੱਚ ਤੀਜੇ ਨੰਬਰ 'ਤੇ ਹੈ

ਲਾਈਵ ਕਵਰੇਜ

6 ਜੁਲਾਈ 2020ਕੋਰੋਨਾਵਾਇਰਸ ਨਾਲ ਜੁੜੀਆਂ ਹੁਣ ਤੱਕ ਦੀਆਂ ਅਪਡੇਟਸ
- ਪੰਜਾਬ ਵਿੱਚ ਕੋਰੋਨਾਵਾਇਰਸ ਦੇ ਫੈਲਾਅ ਨੂੰ ਰੋਕਣ ਲਈ ਅੱਜ ਅੱਧੀ ਰਾਤ ਤੋਂ ਸੂਬੇ ਵਿੱਚ ਬਾਹਰੋਂ ਆਉਣ ਵਾਲੇ ਹਰ ਵਿਅਕਤੀ ਲਈ ਈ-ਰਜਿਸਟ੍ਰੇਸ਼ਨ ਦਾ ਨਿਯਮ ਲਾਜ਼ਮੀ ਹੋਵੇਗਾ।
- ਪੰਜਾਬ ਵਿਚ ਕੋਰੋਨਾਵਾਇਰਸ ਦੇ ਮਾਮਲਿਆਂ ਦੀ ਗਿਣਤੀ 6491 ਹੋ ਗਈ ਹੈ, ਜਿਨ੍ਹਾਂ ‘ਚੋਂ 4494 ਮਰੀਜ਼ ਠੀਕ ਹੋ ਚੁੱਕੇ ਹਨ। ਹੁਣ ਤੱਕ ਸੂਬੇ ਵਿਚ ਮਰਨ ਵਾਲਿਆਂ ਦੀ ਗਿਣਤੀ 169 ਹੈ।
- ਜੌਨਜ਼ ਹੌਪਕਿੰਨਜ਼ ਯੂਨੀਵਰਿਸਿਟੀ ਦੇ ਅੰਕੜਿਆਂ ਮੁਤਾਬਕ ਅਮਰੀਕਾ ਤੇ ਬ੍ਰਾਜ਼ੀਲ ਤੋਂ ਬਾਅਦ ਹੁਣ ਭਾਰਤ ਤੀਜੇ ਨੰਬਰ ਉੱਤੇ ਦੁਨੀਆਂ ਦਾ ਕੋਰੋਨਾਵਾਇਰਸ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਦੇਸ਼ ਬਣ ਗਿਆ ਹੈ।
- ਭਾਰਤ ਵਿਚ ਪਿਛਲੇ 24 ਘੰਟਿਆਂ ਦੌਰਾਨ 24 ਹਜ਼ਾਰ ਤੋਂ ਵੱਧ ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਅਤੇ ਹੁਣ ਕੋਰੋਨਾ ਦੇ ਕੇਸਾਂ ਦੀ ਗਿਣਤੀ 6 ਲੱਖ 97 ਹਜ਼ਾਰ ਨੂੰ ਪਾਰ ਕਰ ਗਈ ਹੈ।15 ਅਗਸਤ ਨੂੰ ਫਾਰਮਾ ਕੰਪਨੀ ਭਾਰਤ ਬਾਇਓਟੈਕ ਵਲੋਂ ਕੋਰੋਨਾ ਦਾ ਟੀਕਾ ਲਾਂਚ ਕਰਨ ਦੇ ਦਾਅਵਿਆਂ ‘ਤੇ ਭਾਰਤੀ ਵਿਗਿਆਨਕਾਂ ਨੇ ਚਿੰਤਾ ਜ਼ਾਹਿਰ ਕੀਤੀ ਹੈ।
- ਮੱਧ ਪ੍ਰਦੇਸ਼ ਦੇ ਗਵਾਲੀਅਰ ਵਿੱਚ ਜਨਤਕ ਥਾਵਾਂ 'ਤੇ ਮਾਸਕ ਦੀ ਵਰਤੋਂ ਨਾ ਕਰਨ 'ਤੇ ਲੋਕਾਂ ਨੂੰ ਤਿੰਨ ਦਿਨ ਕੋਵਿਡ ਹਸਪਤਾਲ ਜਾਂ ਪੁਲਿਸ ਚੌਕੀ ਵਿਚ ਕੰਮ ਕਰਨਾ ਪਏਗਾ।
- ਸਾਊਦੀ ਅਰਬ ਨੇ ਪਰਵਾਸੀਆਂ ਲਈ ਬਿਨਾਂ ਕਿਸੇ ਸ਼ਰਤ ਦੇ ਤਿੰਨ ਮਹੀਨੇ ਲਈ ਵੀਜ਼ਾ ਅਤੇ ਰੇਜ਼ੀਡੇਂਟ ਪਰਮਿਟ ਵਧਾਉਣ ਦਾ ਐਲਾਨ ਕੀਤਾ ਹੈ।
- ਕੁਵੈਤ ਇਥੋਂ ਪਰਵਾਸੀ ਕਾਮਿਆਂ ਦੀ ਗਿਣਤੀ ਘਟਾਉਣ ਲਈ ਬਿੱਲ ਪਾਸ ਕਰਨ ਜਾ ਰਿਹਾ ਹੈ ਤਾਂ ਜੋ ਉਥੋਂ ਦੇ ਲੋਕਾਂ ਲਈ ਰੁਜ਼ਗਾਰ ਦੇ ਮੌਕੇ ਘੱਟ ਨਾ ਹੋਣ। ਜੇ ਇਹ ਨਵਾਂ ਬਿੱਲ ਮਨਜ਼ੂਰ ਹੋ ਜਾਂਦਾ ਹੈ, ਤਾਂ ਘੱਟੋ ਘੱਟ ਅੱਠ ਲੱਖ ਭਾਰਤੀਆਂ ਨੂੰ ਕੁਵੈਤ ਤੋਂ ਵਾਪਸ ਆਉਣਾ ਪਏਗਾ।
- ਅਮਰੀਕਾ ਦੇ ਬਿਮਾਰੀ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰਾਂ ਨੇ ਕੋਰੋਨਾ ਦੀ ਲਾਗ ਬਾਰੇ ਇੱਕ ਜਾਤੀ ਅਧਾਰਤ ਅੰਕੜੇ ਜਾਰੀ ਕੀਤੇ ਹਨ ਜਿਸ ਅਨੁਸਾਰ, ਲਾਗ ਦਾ ਜੋਖ਼ਮ ਚਿੱਟੇ ਅਮਰੀਕੀਆਂ ਨਾਲੋਂ ਲੈਟਿਨ ਅਤੇ ਅਫ਼ਰੀਕੀ (ਕਾਲੇ) ਅਮਰੀਕੀਆਂ ਵਿੱਚ ਤਿੰਨ ਗੁਣਾ ਜ਼ਿਆਦਾ ਪਾਇਆ ਗਿਆ ਹੈ।
ਤਸਵੀਰ ਸਰੋਤ, Getty Images
6 ਜੁਲਾਈ 2020ਕੋਰੋਨਾਵਾਇਰਸ - ਗੋਰੇ ਅਮਰੀਕੀਆਂ ਨਾਲੋਂ ਕਾਲੇ ਅਮਰੀਕੀ ਵਧੇਰੇ ਜੋਖ਼ਮ ਵਿੱਚ ਹਨ
ਅਮਰੀਕਾ ਦੇ ਬਿਮਾਰੀ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰਾਂ (ਸੀਡੀਸੀ) ਨੇ ਕੋਰੋਨਾ ਦੀ ਲਾਗ ਬਾਰੇ ਇੱਕ ਜਾਤੀ ਅਧਾਰਤ ਅੰਕੜੇ ਜਾਰੀ ਕੀਤੇ ਹਨ।
ਇਨ੍ਹਾਂ ਅੰਕੜਿਆਂ ਦੇ ਅਨੁਸਾਰ, ਕੋਰੋਨਾ ਦੀ ਲਾਗ ਦਾ ਜੋਖ਼ਮ ਚਿੱਟੇ ਅਮਰੀਕੀਆਂ ਨਾਲੋਂ ਲੈਟਿਨ ਅਤੇ ਅਫ਼ਰੀਕੀ (ਕਾਲੇ) ਅਮਰੀਕੀਆਂ ਵਿੱਚ ਤਿੰਨ ਗੁਣਾ ਜ਼ਿਆਦਾ ਪਾਇਆ ਗਿਆ ਹੈ।
ਇਹ ਅੰਕੜਾ ਅਮਰੀਕਾ ਦੀਆਂ ਇਕ ਹਜ਼ਾਰ ਕਾਉਂਟੀਆਂ ਦੇ ਛੇ ਲੱਖ 40 ਹਜ਼ਾਰ ਲੋਕਾਂ ਦੇ ਅਧਾਰ ‘ਤੇ ਤਿਆਰ ਕੀਤਾ ਗਿਆ ਸੀ।
ਅਮਰੀਕੀ ਸਰਕਾਰ ਨੇ ਇਹ ਅੰਕੜੇ ਨਿਊਯਾਰਕ ਟਾਈਮਜ਼ ਨੂੰ ਉਪਲਬਧ ਕਰਵਾਏ ਹਨ। ਨਿਊ ਯਾਰਕ ਟਾਈਮਜ਼ ਨੇ ਫ੍ਰੀਡਮ ਆਫ਼ ਇਨਫੋਰਮੇਸ਼ਨ ਐਕਟ ਦੀ ਵਰਤੋਂ ਕਰਦਿਆਂ ਅਮਰੀਕੀ ਸਰਕਾਰ ਤੋਂ ਇਹ ਅੰਕੜਾ ਮੰਗਿਆ ਸੀ।
ਜੌਹਨ ਹਾਪਕਿਨਜ਼ ਯੂਨੀਵਰਸਿਟੀ ਦੇ ਅੰਕੜਿਆਂ ਦੇ ਅਨੁਸਾਰ, ਹੁਣ ਤੱਕ 28 ਲੱਖ ਲੋਕ ਅਮਰੀਕਾ ਵਿੱਚ ਕੋਰੋਨਾ ਦੀ ਲਾਗ ਨਾਲ ਸੰਕਰਮਿਤ ਹੋਏ ਹਨ ਅਤੇ ਇੱਕ ਲੱਖ 32 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਤਸਵੀਰ ਸਰੋਤ, Getty Images
6 ਜੁਲਾਈ 2020ਮਾਸਕ ਦੀ ਵਰਤੋਂ ਨਾ ਕਰਨ ‘ਤੇ ਕੋਵਿਡ ਹਸਪਤਾਲ ‘ਚ ਤਾਇਨਾਤੀ
ਨਿਊਜ਼ ਏਜੰਸੀ ਪੀਟੀਆਈ ਦੇ ਅਨੁਸਾਰ, ਮੱਧ ਪ੍ਰਦੇਸ਼ ਦੇ ਗਵਾਲੀਅਰ ਵਿੱਚ ਜਨਤਕ ਥਾਵਾਂ 'ਤੇ ਮਾਸਕ ਦੀ ਵਰਤੋਂ ਨਾ ਕਰਨ ਜਾਂ ਕੋਵਿਡ -19 ਦੀ ਰੋਕਥਾਮ ਲਈ ਲਾਗੂ ਕੀਤੇ ਜਾ ਰਹੇ ਪ੍ਰਬੰਧਾਂ ਨੂੰ ਸਵੀਕਾਰ ਨਾ ਕਰਨ 'ਤੇ ਇਕ ਅਨੌਖੀ ਸਜ਼ਾ ਦਿੱਤੀ ਗਈ ਹੈ।
ਇਸ ਦੇ ਤਹਿਤ ਫੜੇ ਗਏ ਲੋਕਾਂ ਨੂੰ ਤਿੰਨ ਦਿਨ ਕੋਵਿਡ ਹਸਪਤਾਲ ਜਾਂ ਪੁਲਿਸ ਚੌਕੀ ਵਿਚ ਕੰਮ ਕਰਨਾ ਪਏਗਾ।
ਪੀਟੀਆਈ ਅਨੁਸਾਰ ਇਹ ਹੁਕਮ ਜ਼ਿਲ੍ਹਾਧਿਕਾਰੀ ਵਿਕਰਮ ਸਿੰਘ ਜ਼ਿਲ੍ਹਾ ਮੈਜਿਸਟਰੇਟ ਗਵਾਲੀਅਰ ਨੇ ਜਾਰੀ ਕੀਤੇ ਹਨ।
ਇਸ ਆਦੇਸ਼ ਅਨੁਸਾਰ ਵਿਵਸਥਾਵਾਂ ਦੀ ਉਲੰਘਣਾ ਕਰਨ ਵਾਲੇ ਲੋਕਾਂ ਨੂੰ ਨਾ ਸਿਰਫ਼ ਜੁਰਮਾਨਾ ਲਗਾਇਆ ਜਾਵੇਗਾ ਬਲਕਿ ਕੋਵਿਡ -19 ਹਸਪਤਾਲ ਜਾਂ ਪੁਲਿਸ ਚੌਕੀ ਵਿਚ ਤਿੰਨ ਦਿਨ ਕੰਮ ਕਰਨਾ ਪਏਗਾ।
ਤਸਵੀਰ ਸਰੋਤ, EPA
6 ਜੁਲਾਈ 2020ਕੋਰੋਨਾ ਦਾ ਟੀਕਾ ਲਾਂਚ ਕਰਨ ਦੇ ਦਾਅਵਿਆਂ ‘ਤੇ ਭਾਰਤੀ ਵਿਗਿਆਨਕਾਂ ਨੇ ਚਿੰਤਾ ਜ਼ਾਹਿਰ ਕੀਤੀ
15 ਅਗਸਤ ਨੂੰ ਫਾਰਮਾ ਕੰਪਨੀ ਭਾਰਤ ਬਾਇਓਟੈਕ ਵਲੋਂ ਕੋਰੋਨਾ ਦਾ ਟੀਕਾ ਲਾਂਚ ਕਰਨ ਦੇ ਦਾਅਵਿਆਂ ‘ਤੇ ਭਾਰਤੀ ਵਿਗਿਆਨਕਾਂ ਨੇ ਚਿੰਤਾ ਜ਼ਾਹਿਰ ਕੀਤੀ ਹੈ।
ਇੰਡੀਅਨ ਅਕੇਡਮੀ ਆਫ਼ ਸਾਈਂਸਿਸ ਨੇ ਚੇਤਾਇਆ ਹੈ ਕਿ ਇੰਨੀ ਜਲਦਬਾਜ਼ੀ ਨਾਲ scientific processes and standards ਦੀ ਉਲੰਘਣਾ ਹੋ ਸਕਦੀ ਹੈ।
ਤੇ ਦੂਜੇ ਪਾਸੇ ਇੰਡੀਅਨ ਕਾਉੰਸਿਲ ਆਫ਼ ਮੈਡੀਕਲ ਰਿਸਰਚ (ICMR) ਦਾ ਕਹਿਣਾ ਹੈ ਕਿ ਇਹ ਡੇਟ ਹੈ ਡੈਡਲਾਈਨ ਨਹੀਂ।
ਤਸਵੀਰ ਸਰੋਤ, Getty Images
6 ਜੁਲਾਈ 2020Coronavirus Round-Up: ਪੰਜਾਬ ਦਾਖ਼ਲ ਹੋਣ ਤੋਂ ਪਹਿਲਾਂ ਕਰਾਓ ਰਜਿਸਟ੍ਰੇਸ਼ਨ, ਕੀ ਹਵਾ ਦੇ ਕਣਾਂ ‘ਚ ਮੌਜੂਦ ਹੈ ਕੋਰੋਨਾਵਾਇਰਸ?
ਹੁਣ ਪੰਜਾਬ ‘ਚ ਦਾਖ਼ਲ ਹੋਣਾ ਹੈ ਤਾਂ ਅੱਜ ਅੱਧੀ ਰਾਤ ਤੋਂ ਨਿਯਮ ਬਦਲ ਰਹੇ ਹਨ...ਰੂਸ ਨੂੰ ਪਛਾੜ ਕੇ ਭਾਰਤ ਹੁਣ ਦੁਨੀਆਂ ਦਾ ਤੀਜਾ ਅਜਿਹਾ ਦੇਸ਼ ਬਣ ਗਿਆ ਹੈ ਜਿਥੇ ਕੋਰੋਨਾ ਦੀ ਲਾਗ ਦੇ ਮਾਮਲੇ ਸਭ ਤੋਂ ਵੱਧ ਹਨ....
ਕੀ ਹਵਾ ਦੇ ਕਣਾਂ ‘ਚ ਮੌਜੂਦ ਹੈ ਕੋਰੋਨਾਵਾਇਰਸ??..ਇਸ ਦਾ ਜਵਾਬ ਦੇਵਾਂਗੇ ਅੱਜ ਦੇ ਕੋਰੋਨਾਵਾਇਰਸ ਰਾਊਂਡ-ਅਪ ‘ਚ...
ਵੀਡੀਓ ਕੈਪਸ਼ਨ, ਪੰਜਾਬ ਦਾਖ਼ਲ ਹੋਣ ਤੋਂ ਪਹਿਲਾਂ ਕਰਾਓ ਰਜਿਸਟ੍ਰੇਸ਼ਨ, ਕੀ ਹਵਾ ਦੇ ਕਣਾਂ ‘ਚ ਮੌਜੂਦ ਹੈ ਕੋਰੋਨਾਵਾਇਰਸ?
6 ਜੁਲਾਈ 2020ਪੰਜਾਬ ‘ਚ ਕੋਰੋਨਾ ਦੇ ਮਾਮਲਿਆਂ ਦੀ ਗਿਣਤੀ ਹੋਈ 6491
ਪੰਜਾਬ ਵਿਚ ਕੋਰੋਨਾਵਾਇਰਸ ਦੇ ਮਾਮਲਿਆਂ ਦੀ ਗਿਣਤੀ 6491 ਹੋ ਗਈ ਹੈ, ਜਿਨ੍ਹਾਂ ‘ਚੋਂ 4494 ਮਰੀਜ਼ ਠੀਕ ਹੋ ਚੁੱਕੇ ਹਨ। ਸੂਬੇ ਵਿਚ ਸਰਗਰਮ ਮਾਮਲਿਆਂ ਦੀ ਗਿਣਤੀ 1828 ਹੈ।
ਪਿਛਲੇ 24 ਘੰਟਿਆਂ ਵਿਚ 5 ਲੋਕਾਂ ਦੀ ਮੌਤ ਹੋਈ ਹੈ। ਹੁਣ ਤੱਕ ਸੂਬੇ ਵਿਚ ਮਰਨ ਵਾਲਿਆਂ ਦੀ ਗਿਣਤੀ 169 ਹੈ।
ਇਸ ਵੇਲੇ ਸੂਬੇ ਵਿਚ ਸਭ ਤੋਂ ਵੱਧ ਐਕਟਿਵ ਕੇਸ ਅੰਮ੍ਰਿਤਸਰ ਵਿਚ ਹੈ।
ਤਸਵੀਰ ਸਰੋਤ, punjab PR
6 ਜੁਲਾਈ 2020
ਭਾਰਤ ਸਰਕਾਰ ਦੇ ਸਿਹਤ ਮੰਤਰਾਲੇ ਮੁਤਾਬਕ ਪੰਜਾਬ ਵਿੱਚ ਪ੍ਰਤੀ 10 ਲੱਖ ਦੀ ਆਬਾਦੀ ਤੇ 10, 257 ਟੈਸਟ ਹੋ ਰਹੇ ਹਨ।
6 ਜੁਲਾਈ 2020ਸਾਊਦੀ ਅਰਬ ਨੇ ਪਰਵਾਸੀ ਵੀਜ਼ਾ ਅਤੇ ਰੇਜ਼ੀਡੇਂਟ ਪਰਮਿਟ ਸੰਬੰਧੀ ਮਹੱਤਵਪੂਰਨ ਫੈਸਲਾ ਲਿਆ
ਸਾਊਦੀ ਅਰਬ ਨੇ ਪਰਵਾਸੀਆਂ ਲਈ ਬਿਨਾਂ ਕਿਸੇ ਸ਼ਰਤ ਦੇ ਤਿੰਨ ਮਹੀਨੇ ਲਈ ਵੀਜ਼ਾ ਅਤੇ ਰੇਜ਼ੀਡੇਂਟ ਪਰਮਿਟ ਵਧਾਉਣ ਦਾ ਐਲਾਨ ਕੀਤਾ ਹੈ।
ਗ੍ਰਹਿ ਮੰਤਰਾਲੇ ਨੇ ਐਤਵਾਰ ਨੂੰ ਆਪਣੇ ਬਿਆਨ ਵਿਚ ਕਿਹਾ ਕਿ ਇਹ ਫੈਸਲਾ ਕੋਰੋਨਾ ਮਹਾਂਮਾਰੀ ਕਾਰਨ ਲੋਕਾਂ, ਵਪਾਰੀਆਂ, ਨਿਜੀ ਖੇਤਰ ਅਤੇ ਨਿਵੇਸ਼ਕਾਂ ‘ਤੇ ਪੈ ਰਹੇ ਪ੍ਰਭਾਵ ਨੂੰ ਘਟਾਉਣ ਦੇ ਉਦੇਸ਼ ਨਾਲ ਲਿਆ ਗਿਆ ਹੈ।
ਪਰਵਾਸੀ ਵੀਜ਼ਾ, ਰੇਜ਼ੀਡੇਂਟ ਪਰਮਿਟ ਜਿਨ੍ਹਾਂ ਦੀ ਮਿਆਦ ਕੋਰੋਨਾ ਮਹਾਂਮਾਰੀ ਦੌਰਾਨ ਖ਼ਤਮ ਹੋ ਗਈ ਸੀ, ਵਾਪਸ ਜਾਣ ਲਈ ਦਿੱਤੇ ਗਏ ਜਿਨ੍ਹਾਂ ਵੀਜ਼ੇ ਦੀ ਵਰਤੋਂ ਨਹੀਂ ਹੋ ਸਕੀ, ਉਨ੍ਹਾਂ ਪਰਵਾਸੀਆਂ ਦੇ ਵੀਜ਼ੇ ਜੋ ਇਸ ਮਿਆਦ ਦੇ ਦੌਰਾਨ ਦੇਸ਼ ਤੋਂ ਬਾਹਰ ਹਨ ਅਤੇ ਯਾਤਰਾ ਦੀ ਪਾਬੰਦੀ ਦੇ ਕਾਰਨ ਜਿਨ੍ਹਾਂ ਦੀ ਮਿਆਦ ਖਤਮ ਹੋਈ ਸੀ, ਸਭ ਦਾ ਸਮਾਂ ਤਿੰਨ ਮਹੀਨਿਆਂ ਲਈ ਵਧਾ ਦਿੱਤਾ ਗਿਆ ਹੈ।
ਸਾਊਦੀ ਪ੍ਰੈਸ ਏਜੰਸੀ ਨੇ ਕਿਹਾ ਕਿ ਇਨ੍ਹਾਂ ਨਿਯਮਾਂ ਦੀ ਸਮੀਖਿਆ ਕੀਤੀ ਜਾਵੇਗੀ ਅਤੇ ਲੋੜ ਅਨੁਸਾਰ ਤਬਦੀਲੀਆਂ ਕੀਤੀਆਂ ਜਾਣਗੀਆਂ।
ਤਸਵੀਰ ਸਰੋਤ, Getty Images
6 ਜੁਲਾਈ 2020ਅੱਜ ਅੱਧੀ ਰਾਤ ਤੋਂ ਪੰਜਾਬ ‘ਚ ਲਾਜ਼ਮੀ ਹੋਵੇਗਾ ਈ-ਰਜਿਸਟ੍ਰੇਸ਼ਨ ਦਾ ਨਿਯਮ
ਪੰਜਾਬ ਵਿੱਚ ਕੋਰੋਨਾਵਾਇਰਸ ਦੇ ਫੈਲਾਅ ਨੂੰ ਰੋਕਣ ਲਈ ਅੱਜ ਅੱਧੀ ਰਾਤ ਤੋਂ ਸੂਬੇ ਵਿੱਚ ਬਾਹਰੋਂ ਆਉਣ ਵਾਲੇ ਹਰ ਵਿਅਕਤੀ ਲਈ ਈ-ਰਜਿਸਟ੍ਰੇਸ਼ਨ ਦਾ ਨਿਯਮ ਲਾਜ਼ਮੀ ਹੋਵੇਗਾ।
ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਟ੍ਵੀਟ ਕਰ ਕੇ ਕਿਹਾ ਹੈ ਕਿ ਪੰਜਾਬ ਆਉਣ ਤੋਂ ਪਹਿਲਾਂ ਕੋਵਾ ਐਪ ਜਾਂ ਕੋਵਾ ਦੀ ਵੈਬਸਾਈਟ ‘ਤੇ ਰਜਿਸਟ੍ਰੇਸ਼ਨ ਕਰਵਾਓ।
- ਰਜਿਸਟ੍ਰੇਸ਼ਨ ਕੋਵਾ ਐਪ ਜਾਂ https://cova.punjab.gov.in/registration ਲਿੰਕ ‘ਤੇ ਕਰਵਾਈ ਜਾ ਸਕਦੀ ਹੈ।
- ਪਲੇ ਸਟੋਰ ਤੋਂ ਕੋਵਾ ਐਪ ਡਾਊਨਲੋਡ ਕਰੋ ਅਤੇ ‘Self -registration for travel into/ through Punjab’ ਕਲਿੱਕ ਕਰ ਕੇ ਸਾਰੀ ਡਿਟੇਲ ਭਰ ਸਕਦੇ ਹੋ। ਫਿਰ ਸਬਮਿਟ ਬਟਨ ਨੂੰ ਦਬਾ ਦਵੋ।
- ਜਾਂ ਫਿਰ https://cova.punjab.gov.in/registration ਲਿੰਕ ‘ਤੇ ਜਾ ਕੇ ਆਪਣੀ ਡਿਟੇਲ ਭਰੋ ਅਤੇ ਸਬਮਿਟ ਬਟਨ ਦਬਾ ਦੇਵੋ।
- ਫਿਰ ਇਕ ਐਸਐਮਐਸ ਤੁਹਾਨੂੰ ਕਨਫਰਮੇਸ਼ਨ ਦਾ ਮਿਲੇਗਾ।
- ਐਪ ਜਾਂ ਲਿੰਕ ਤੋਂ QR ਕੋਡ ਕੱਢ ਲਵੋ। ਇਸ ਦਾ ਪ੍ਰਿੰਟ ਕਰਾ ਕੇ ਗੱਡੀ ‘ਤੇ ਲਾ ਲਵੋ।
- ਬਾਰਡਰ ਚੈੱਕ ਪੁਆਇੰਟ ‘ਤੇ ਤੁਹਾਡਾ QR ਕੋਡ ਸਕੈਨ ਹੋਵੇਗਾ ਅਤੇ ਬੇਸਿਕ ਮੈਡੀਕਲ ਸਕ੍ਰੀਨਿੰਗ ਹੋਵੇਗੀ।
- ਫਿਰ 14 ਦਿਨਾਂ ਦੇ ਹੋਮ ਕੁਆਰੰਟੀਨ ਦੇ ਦੌਰਾਨ ਰੋਜ਼ਾਨਾ ਆਪਣੀ ਸਿਹਤ ਦੀ ਡਿਟੇਲ ਐਪ ਜਾਂ ਲਿੰਕ ‘ਤੇ ਅਪਡੇਟ ਕਰਨੀ ਹੋਵੇਗੀ।
Skip X post
X ਸਮੱਗਰੀ ਦੀ ਇਜਾਜ਼ਤ?
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।
End of X post
6 ਜੁਲਾਈ 2020ਅੱਠ ਲੱਖ ਭਾਰਤੀਆਂ ਨੂੰ ਕੁਵੈਤ ਤੋਂ ਪਰਤਣਾ ਪਏਗਾ?
ਕੋਰੋਨਾਵਾਇਰਸ ਦੀ ਲਾਗ ਨੇ ਪੂਰੀ ਦੁਨੀਆ ਦੀਆਂ ਆਰਥਿਕਤਾਵਾਂ ਨੂੰ ਪ੍ਰਭਾਵਤ ਕੀਤਾ ਹੈ। ਇਨ੍ਹਾਂ ਵਿੱਚ ਉਹ ਅਰਥਚਾਰੇ ਵੀ ਸ਼ਾਮਲ ਹਨ ਜੋ ਤੇਲ ਉੱਤੇ ਨਿਰਭਰ ਕਰਦੇ ਹਨ।
ਤੇਲ ਦੀ ਮੰਗ ਪੂਰੀ ਦੁਨੀਆ ਵਿੱਚ ਘੱਟ ਗਈ ਹੈ ਅਤੇ ਇਸ ਲਈ ਕੀਮਤਾਂ ਵਿੱਚ ਵੀ ਲਗਾਤਾਰ ਗਿਰਾਵਟ ਆਈ ਹੈ। ਅਜਿਹੀ ਸਥਿਤੀ ਵਿਚ ਬਹੁਤ ਸਾਰੇ ਦੇਸ਼ ਆਪਣੀਆਂ ਆਰਥਿਕ ਨੀਤੀਆਂ ਨੂੰ ਬਦਲਣਾ ਸ਼ੁਰੂ ਕਰ ਰਹੇ ਹਨ। ਕੁਵੈਤ ਵੀ ਉਨ੍ਹਾਂ ਦੇਸ਼ਾਂ ਵਿੱਚੋਂ ਇੱਕ ਹੈ।
ਕੁਵੈਤ ਇਥੋਂ ਪਰਵਾਸੀ ਕਾਮਿਆਂ ਦੀ ਗਿਣਤੀ ਘਟਾਉਣ ਲਈ ਬਿੱਲ ਪਾਸ ਕਰਨ ਜਾ ਰਿਹਾ ਹੈ ਤਾਂ ਜੋ ਉਥੋਂ ਦੇ ਲੋਕਾਂ ਲਈ ਰੁਜ਼ਗਾਰ ਦੇ ਮੌਕੇ ਘੱਟ ਨਾ ਹੋਣ।
ਕੁਵੈਤ ਟਾਈਮਜ਼ ਦੇ ਅਨੁਸਾਰ, ਇਸ ਬਿੱਲ ਦੇ ਅਨੁਸਾਰ, ਕੁਵੈਤ ਵਿੱਚ ਵਿਦੇਸ਼ੀ ਭਾਈਚਾਰੇ ਵਿੱਚ ਸਭ ਤੋਂ ਵੱਧ ਲੋਕ ਭਾਰਤ ਦੇ ਹਨ।
ਇਸ ਸਮੇਂ ਕੁਵੈਤ ਵਿਚ 1.4 ਮਿਲੀਅਨ ਤੋਂ ਵੱਧ ਭਾਰਤੀ ਰਹਿੰਦੇ ਹਨ। ਜੇ ਇਹ ਨਵਾਂ ਬਿੱਲ ਮਨਜ਼ੂਰ ਹੋ ਜਾਂਦਾ ਹੈ, ਤਾਂ ਘੱਟੋ ਘੱਟ ਅੱਠ ਲੱਖ ਭਾਰਤੀਆਂ ਨੂੰ ਕੁਵੈਤ ਤੋਂ ਵਾਪਸ ਆਉਣਾ ਪਏਗਾ।
ਤਸਵੀਰ ਸਰੋਤ, Getty Images
6 ਜੁਲਾਈ 2020ਦੁਨੀਆ ਦੇ 10 ਦੇਸ਼ ਜੋ ਕੋਰੋਨਾ ਨਾਲ ਸਭ ਤੋਂ ਜ਼ਿਆਦਾ ਪ੍ਰਭਾਵਿਤ ਹਨ
ਦੁਨੀਆਂ ਭਰ ਵਿੱਚ ਹੁਣ ਤੱਕ 1 ਕਰੋੜ 15 ਲੱਖ ਤੋਂ ਵੱਧ ਲਾਗ ਦੇ ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਜਾਣਦੇ ਹਾਂ ਦੁਨੀਆ ਦੇ ਉਨ੍ਹਾਂ 10 ਦੇਸ਼ਾਂ ਬਾਰੇ, ਜੋ ਕੋਰੋਨਾ ਨਾਲ ਸਭ ਤੋਂ ਜ਼ਿਆਦਾ ਪ੍ਰਭਾਵਿਤ ਹਨ।
ਅਮਰੀਕਾ-28,88,730
ਬ੍ਰਾਜ਼ੀਲ – 16,03,055
ਭਾਰਤ- 6,97,413
ਰੂਸ – 6,80,283
ਪੇਰੂ – 3,02,718
ਚਿਲੀ – 2,95,532
ਯੂਕੇ- 2,86,931
ਮੈਕਸੀਕੋ – 2,56,848
ਸਪੇਨ – 2,50,545
ਇਟਲੀ – 2,41,611
ਤਸਵੀਰ ਸਰੋਤ, Getty Images
6 ਜੁਲਾਈ 2020ਕੋਰੋਨਾਵਾਇਰਸ: ਲਾਂਚ ਹੋਣ ਵਾਲੇ ਟੀਕੇ ਬਾਰੇ ਕੀ ਹੈ ICMR ਦਾ ਸਪਸ਼ਟੀਕਰਨ
15 ਅਗਸਤ ਨੂੰ ਫਾਰਮਾ ਕੰਪਨੀ ਭਾਰਤ ਬਾਇਓਟੈਕ ਵਲੋਂ ਕੋਰੋਨਾ ਦਾ ਟੀਕਾ ਲਾਂਚ ਕਰਨ ਦੇ ਸੰਬੰਧ ਵਿੱਚ, ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ ਨੇ ਕਿਹਾ ਹੈ ਕਿ ਵੈਕਸੀਨ ਦੇ ਵਿਕਾਸ ਨੂੰ ਤੇਜ਼ ਕਰਨ ਦੀ ਪ੍ਰਕਿਰਿਆ ਗਲੋਬਲ ਮਾਪਦੰਡਾਂ ਦੇ ਅਨੁਸਾਰ ਹੈ।
ਆਈਸੀਐੱਮਆਰ ਦਾ ਕਹਿਣਾ ਹੈ ਕਿ ਟੀਕੇ ਦੀ ਜਾਂਚ ਜਾਨਵਰਾਂ ਅਤੇ ਮਨੁੱਖਾਂ ਉੱਤੇ ਇੱਕੋ ਸਮੇਂ ਕੀਤੀ ਜਾ ਸਕਦੀ ਹੈ।
ਅੱਜ ਜਾਰੀ ਕੀਤੇ ਇੱਕ ਬਿਆਨ ਵਿੱਚ ਆਈਸੀਐੱਮਆਰ ਨੇ ਕਿਹਾ ਹੈ ਕਿ ਲੋਕਾਂ ਦੀ ਸੁਰੱਖਿਆ ਸਭ ਤੋਂ ਜ਼ਰੂਰੀ ਹੈ।
ਪੂਰੀ ਰਿਪੋਰਟ ਪੜ੍ਹਨ ਲਈ ਕਲਿੱਕ ਕਰੋ
ਤਸਵੀਰ ਸਰੋਤ, Getty Images
6 ਜੁਲਾਈ 2020ਸਾਊਦੀ ਅਰਬ ਨੇ ਹਜ ਯਾਤਰੀਆਂ ਲਈ ਜਾਰੀ ਕੀਤੇ ਦਿਸ਼ਾ-ਨਿਰਦੇਸ਼
ਸਾਊਦੀ ਅਰਬ ਦੀ ਸਰਕਾਰੀ ਸਮਾਚਾਰ ਏਜੰਸੀ ਨੇ ਸੂਚਨਾ ਦਿੱਤੀ ਹੈ ਕਿ ਸਾਊਦੀ ਅਰਬ ਸਰਕਾਰ ਨੇ ਹਾਜੀਆਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰਖਦੇ ਹੋਏ ਹਜ ਯਾਤਰਾ ਦੌਰਾਨ ਸਿਹਤ ਸਬੰਧ ਪ੍ਰੋਟੋਕਲ ਲਾਗੂ ਕਰਨ ਦੀ ਗੱਲ ਆਖੀ ਹੈ।
ਸਾਊਦੀ ਅਰਬ ਸਰਕਾਰ ਨੂੰ ਚਿੰਤਾ ਹੈ ਕਿ ਹਜ ਯਾਤਰਾ ਦੌਰਾਨ ਲੋਕਾਂ ਵਿੱਚ ਕੋਰੋਨਾਵਾਇਰਸ ਫੈਲ ਸਕਦਾ ਹੈ ਅਤੇ ਇਸ ਨਾਲ ਵਾਇਰਸ ਹੋਰਨਾਂ ਥਾਵਾਂ 'ਤੇ ਵੀ ਪਹੁੰਚ ਸਕਦਾ ਹੈ।
ਇਸ ਨੂੰ ਧਿਆਨ ਵਿੱਚ ਰਖਦੇ ਹੋਏ ਹਜ ਯਾਤਰਾ ਦੌਰਾਨ ਇੱਕ ਥਾਂ ਇਕੱਠੇ ਨਾ ਹੋਣ, ਬੈਠਕਾਂ ਕਰਨ ਅਤੇ ਯਾਤਰੀਆਂ ਦੇ ਆਪਸ ਵਿੱਚ ਮੁਲਾਕਾਤ ਕਰਨ 'ਤੇ ਸਰਕਾਰ ਨੇ ਰੋਕ ਲਗਾ ਦਿੱਤੀ ਹੈ।
ਹਜ ਯਾਤਰਾ ਦੇ ਪ੍ਰਬੰਧਕਾਂ ਅਤੇ ਸ਼ਰਧਾਲੂਆਂ ਲਈ ਮਾਸਕ ਪਹਿਨਣਾ ਲਾਜ਼ਮਾ ਹੋਵੇਗੀ।
ਸਾਊਦੀ ਅਰਬ ਨੇ ਜੂਨ ਵਿੱਚ ਫੈਸਲਾ ਲਿਆ ਸੀ ਕਿ ਹਜ ਲਈ ਸਿਰਫ਼ ਇੱਕ ਹਜ਼ਾਰ ਘਰੇਲੂ ਸ਼ਰਧਾਲੂਆਂ ਨੂੰ ਹੀ ਇਜਾਜ਼ਤ ਦਿੱਤੀ ਜਾਵੇਗੀ ਅਤੇ ਕੋਰੋਨਾ ਮਹਾਂਮਾਰੀ ਦੇ ਕਾਰਨ ਬਾਹਰੀ ਯਾਤਰੀਆਂ ਤੇ ਸਰਕਾਰ ਨੇ ਰੋਕ ਲਗਾ ਦਿੱਤੀ ਸੀ।
ਇਸ ਸਾਲ ਹਜ ਯਾਤਰਾ 19 ਜੁਲਾਈ ਤੋਂ ਸ਼ੁਰੂ ਹੋ ਰਹੀ ਹੈ ਤੇ 2 ਅਗਸਤ ਤੱਕ ਚੱਲੇਗੀ।
ਤਸਵੀਰ ਸਰੋਤ, Getty Images
6 ਜੁਲਾਈ 2020ਜਦੋਂ ਤੱਕ ਵੈਕਸੀਨ ਨਹੀਂ ਬਣਦੀ, ਉਦੋਂ ਤੱਕ ਪਲਾਜ਼ਮਾ ਥੈਰੇਪੀ ਮਦਦਗਾਰ- ਅਰਵਿੰਦ ਕੇਜਰੀਵਾਲ
ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦਾ ਕਹਿਣਾ ਹੈ ਕਿ ਜਦੋਂ ਤੱਕ ਕੋਰੋਨਾਵਾਇਰਸ ਦੀ ਵੈਕਸੀਨ ਨਹੀਂ ਆ ਜਾਂਦੀ ਉਦੋਂ ਤੱਕ ਇਸਦਾ ਕੋਈ ਇਲਾਜ ਨਹੀਂ। ਹਾਲਾਂਕਿ ਪਲਾਜ਼ਮਾ ਥੈਰੇਪੀ ਕਾਫ਼ੀ ਮਦਦਗਾਰ ਸਾਬਿਤ ਹੋ ਰਹੀ ਹੈ।
ਉਨ੍ਹਾਂ ਕਿਹਾ ਸਾਡੇ ਟਰਾਇਲ ਵਿੱਚ ਪਤਾ ਲੱਗਿਆ ਹੈ ਕਿ ਪਲਾਜ਼ਮਾ ਥੈਰੇਪੀ ਹਲਕੇ ਲੱਛਣਾਂ ਵਾਲੇ ਮਰੀਜ਼ਾਂ ਲਈ ਬਿਹਤਰ ਸਾਬਿਤ ਹੋ ਰਹੀ ਹੈ। ਅਸੀਂ ਦੇਸ ਦਾ ਪਹਿਲਾ ਕੋਰੋਨਾ ਪਲਾਜ਼ਮਾ ਬੈਂਕ ਸ਼ੁਰੂ ਕੀਤਾ ਹੈ।
ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਮੈਂ ਉਨ੍ਹਾਂ ਲੋਕਾਂ ਨੂੰ ਕਹਾਂਗਾ ਜੋ ਪਲਾਜ਼ਮਾ ਦਾਨ ਕਰ ਸਕਦੇ ਹਨ, ਉਹ ਜ਼ਰੂਰ ਕਰਨ। ਸਾਡੀ ਟੀਮ ਲੋਕਾਂ ਨੂੰ ਫੋਨ ਕਰੇਗੀ।
ਕੇਜਰੀਵਾਲ ਨੇ ਕਿਹਾ ਦਿੱਲੀ ਲੋਕ ਬਿਮਾਰ ਤਾਂ ਹੋ ਰਹੇ ਹਨ, ਪਰ ਠੀਕ ਵੱਧ ਹੋ ਰਹੇ ਹਨ।
ਦਿੱਲੀ ਵਿੱਚ ਕੋਰੋਨਾ ਦੀ ਸਥਿਤੀ ਬਿਹਤਰ ਹੋਈ ਹੈ।
ਦਿੱਲੀ ਵਿੱਚ ਰੋਜ਼ਾਨਾ 20 ਤੋਂ 24 ਹਜ਼ਾਰ ਟੈਸਟ ਹੋ ਰਹੇ ਹਨ।
ਇਸ ਵੇਲੇ ਦਿੱਲੀ ਵਿੱਚ ਕੋਰੋਨਾ ਮਰੀਜ਼ਾਂ ਲਈ 15000 ਬੈੱਡ ਉਪਲਬਧ ਹਨ, ਜਿਨ੍ਹਾਂ ਵਿੱਚ 5100 ਬੈੱਡਾਂ ਉੱਥੇ ਮਰੀਜ਼ ਹਨ।
ਪਿਛਲੇ ਹਫ਼ਤੇ ਹਸਪਤਾਲਾਂ ਵਿੱਚ 6200 ਮਰੀਜ਼ ਸਨ, ਇੱਕ ਹਫ਼ਤੇ ਵਿੱਚ ਸੰਖਿਆਂ ਘਟ ਕੇ 5100 ਹੋ ਗਈ।
25000 ਐਕਟਿਵ ਮਰੀਜ਼ਾਂ ਵਿੱਚੋਂ 15000 ਵਿੱਚ ਹੀ ਠੀਕ ਹੋ ਰਹੇ ਹਨ। ਮੌਤ ਦਰ ਵੀ ਘਟੀ ਹੈ।
ਤਸਵੀਰ ਸਰੋਤ, ਅਰਵਿੰਦ ਕੇਜਰੀਵਾਲ
6 ਜੁਲਾਈ 2020ਭਾਰਤ ਗੋਲਬਲ ਪੱਧਰ ਅੰਕੜੇ ਵਿਚ ਤੀਜੇ ਥਾਂ 'ਤੇ ਪਹੁੰਚਿਆ
- ਭਾਰਤ ਵਿਚ ਪਿਛਲੇ 24 ਘੰਟਿਆਂ ਦੌਰਾਨ 24 ਹਜ਼ਾਰ 248 ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਅਤੇ ਹੁਣ ਪੌਜ਼ਿਟਿਵ ਕੇਸਾਂ ਦੀ ਮੁਲਕ ਵਿਚ ਕੁੱਲ ਗਿਣਤੀ 6ਲੱਖ 97 ਹਜ਼ਾਰ 413 ਹੋ ਗਈ ਹੈ।
- ਜੌਨਜ਼ ਹੌਪਕਿੰਨਜ਼ ਯੂਨੀਵਰਿਸਿਟੀ ਦੇ ਅੰਕੜਿਆਂ ਮੁਤਾਬਕ ਅਮਰੀਕ ਤੇ ਬ੍ਰਾਜ਼ੀਲ ਤੋਂ ਬਾਅਦ ਭਾਰਤ ਤੀਜੇ ਨੰਬਰ ਉੱਤੇ ਪਹੁੰਚ ਗਿਆ ਹੈ।
- ਇਸ ਸਮੇਂ ਮਹਾਰਾਸ਼ਟਰ ਵਿਚ ਕੁੱਲ ਕੇਸ192,990, ਨਵੇਂ ਕੇਸ 6,364 ਅਤੇ 8,376 ਮੌਤਾਂ ਦੇ ਅੰਕੜੇ ਨਾਲ ਸਭ ਤੋਂ ਵੱਧ ਪੀੜ੍ਹਤ ਹੈ।
- ਦੂਜੇ ਨੰਬਰ ਉੱਤੇ ਤਮਿਲਨਾਡੂ ਹੈ , ਜਿੱਥੇ ਕੁੱਲ 102,721 ਕੇਸ ਹਨ, 4.329ਨਵੇਂ ਕੇਸ ਅਤੇ 1,385 ਮੌਤਾਂ ਦਾ ਅੰਕੜਾ ਹੈ।
- ਤੀਜੇ ਨੰਬਰ ਉੱਤੇ ਦਿੱਲੀ ਹੈ, ਜਿੱਥੇ94,695 ਕੁੱਲ ਕੇਸ, 2,520 ਨਵੇਂ ਕੇਸ ਅਤੇ 2,923 ਮੌਤਾਂ ਦਾ ਅੰਕੜਾ ਹੈ।
- ਚੌਥੇ ਨੰਬਰ ਉੱਤੇ ਗੁਜਰਾਤ ਹੈ, ਜਿੱਥੇ 34,686 ਕੁੱਲ ਕੇਸ, 787 ਨਵੇਂ ਕੇਸ ਅਤੇ 1,906 ਮੌਤਾਂ ਦਾ ਅੰਕੜਾ ਹੈ।
- ਪੰਜਵੇਂ ਨੰਬਰ ਉੱਤੇ ਉੱਤਰ ਪ੍ਰਦੇਸ ਹੈ, ਜਿੱਥੇ 25,797 ਕੁੱਲ ਕੇਸ, 972 ਨਵੇਂ ਕੇਸ ਅਤੇ 749ਮੌਤਾਂ ਦਾ ਅੰਕੜਾ ਹੈ।
6 ਜੁਲਾਈ 2020ਕੋਰੋਨਾਵਾਇਰਸ: 6 ਮਹੀਨਿਆਂ 'ਚ ਕਿਵੇਂ ਬਦਲ ਗਈ ਸਾਡੀ ਦੁਨੀਆਂ
6 ਜੁਲਾਈ 2020ਭਾਰਤ 'ਚ ਪਿਛਲੇ 24 ਘੰਟਿਆਂ 'ਚ 24 ਹਜ਼ਾਰ ਤੋਂ ਵੱਧ ਨਵੇਂ ਮਾਮਲੇ, 425 ਮੌਤਾਂ
ਭਾਰਤ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ 24,248 ਨਵੇਂ ਮਾਮਲੇ ਦਰਜ ਕੀਤੇ ਗਏ ਹਨ ਅਤੇ 425 ਮੌਤਾਂ ਹੋਈਆਂ ਹਨ। ਭਾਰਤ ਵਿੱਚ ਕੋਰੋਨਾਵਾਇਰਸ ਦੇ ਹੁਣ ਤੱਕ ਕੁੱਲ ਮਾਮਲੇ 6,97,413 ਹਨ ਜਿਨ੍ਹਾਂ ਵਿੱਚੋਂ 2,53,287 ਐਕਟਿਵ ਕੇਸ ਹਨ ਅਤੇ 4,24,433 ਲੋਕ ਠੀਕ ਹੋ ਚੁੱਕੇ ਹਨ।
19,693 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
Skip X post
X ਸਮੱਗਰੀ ਦੀ ਇਜਾਜ਼ਤ?
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।
End of X post
6 ਜੁਲਾਈ 2020ਸਾਵਣ ਮਹੀਨਾ ਸ਼ੁਰੂ, ਪੂਰੇ ਨਿਯਮਾਂ ਨਾਲ ਮੰਦਰਾਂ 'ਚ ਹੋ ਰਹੀ ਐਂਟਰੀ
ਸਾਵਣ ਮਹੀਨੇ ਦਾ ਅੱਜ ਪਹਿਲਾ ਸੋਮਵਾਰ ਹੈ। ਤਸਵੀਰਾਂ ਦਿੱਲੀ ਦੇ ਚਾਂਦਨੀ ਚੌਂਕ ਦੇ ਗੌਰੀ ਸ਼ੰਕਰ ਮੰਦਰ ਦੀਆਂ ਹਨ। ਜਿੱਥੇ ਥਰਮਲ ਸਕ੍ਰੀਨਿੰਗ ਕਰਕੇ ਹੀ ਸ਼ਰਧਾਲੂਆਂ ਨੂੰ ਮੰਦਰ ਦੇ ਆਉਣ ਦਿੱਤਾ ਜਾ ਰਿਹਾ ਹੈ। ਨਾਲ ਹੀ ਸੋਸ਼ਲ ਡਿਸਟੈਂਸਿੰਗ ਦੇ ਨਿਯਮਾਂ ਦੀ ਪਾਲਣਾ ਵੀ ਕੀਤੀ ਜਾ ਰਹੀ ਹੈ।
Skip X post
X ਸਮੱਗਰੀ ਦੀ ਇਜਾਜ਼ਤ?
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
ਚਿਤਾਵਨੀ: ਬੀਬੀਸੀ ਦੂਜੀਆਂ ਵੈਬਸਾਈਟਸ ਦੀ ਸਮੱਗਰੀ ਲਈ ਜ਼ਿੰਮੇਵਾਰ ਨਹੀਂ ਹੈ।
End of X post
6 ਜੁਲਾਈ 2020ਕੋਰੋਨਾ: ਰੈਮਡੈਸੇਵੀਅਰ ਨਾਂ ਦੀ ਦਵਾਈ ਦੀ ਭਾਰਤ ਵਿੱਚ ਕਿੱਲਤ ਕਿਉਂ ਹੋ ਰਹੀ ਹੈ?, ਸਰੋਜ ਸਿੰਘ ਬੀਬੀਸੀ ਪੱਤਰਕਾਰ
ਕੋਵਿਡ-19 ਦਾ ਇਲਾਜ ਪੂਰੀ ਦੁਨੀਆ ਵਿੱਚ ਨਹੀਂ ਹੈ, ਇਹ ਸਭ ਜਾਣਦੇ ਹਨ। ਭਾਰਤ ਸਰਕਾਰ ਨੇ ਐਮਰਜੈਂਸੀ ਅਤੇ ਸੀਮਤ ਵਰਤੋਂ ਲਈ ਕੁਝ ਦਵਾਈਆਂ ਨੂੰ ਇਜ਼ਾਜਤ ਦਿੱਤੀ ਹੈ। ਇਹ ਗੱਲ ਵੀ ਅਸੀਂ ਸਾਰੇ ਜਾਣਦੇ ਹਾਂ।
ਅਜਿਹੀਆਂ ਦਵਾਈਆਂ ਦੀ ਸੂਚੀ ਵਿੱਚ ਇੱਕ ਹੋਰ ਨਾਮ ਰੈਮਡੈਸੇਵੀਅਰ ਡਰੱਗ ਦਾ ਹੈ-ਸੰਭਵ ਹੈ ਕਿ ਇਹ ਗੱਲ ਵੀ ਤੁਹਾਨੂੰ ਪਤਾ ਹੋਵੇ।
ਪਰ ਤੁਸੀਂ ਸ਼ਾਇਦ ਇਹ ਨਹੀਂ ਜਾਣਦੇ ਹੋਵੋਗੇ ਕਿ ਜੇਕਰ ਐਮਰਜੈਂਸੀ ਵਰਤੋਂ ਲਈ ਤੁਹਾਨੂੰ ਰੈਮਡੈਸੇਵੀਅਰ ਦਵਾਈ ਚਾਹੀਦੀ ਹੈ ਤਾਂ ਆਸਾਨੀ ਨਾਲ ਨਹੀਂ ਮਿਲ ਸਕਦੀ।
ਕੇਂਦਰ ਸਰਕਾਰ ਦੇ ਹਸਪਤਾਲ ਆਰਐੱਮਐੱਲ ਵਿੱਚ ਤਾਂ ਘੱਟ ਤੋਂ ਘੱਟ ਇਹ ਦਵਾਈ ਉਪਲੱਬਧ ਨਹੀਂ ਹੈ। ਕਈ ਮੀਡੀਆ ਰਿਪੋਰਟਾਂ ਵਿੱਚ ਮੁੰਬਈ, ਕਰਨਾਟਕ, ਤਮਿਲਨਾਡੂ ਤੋਂ ਵੀ ਇਸ ਦਵਾਈ ਦੀ ਕਿੱਲਤ ਦੀਆਂ ਖ਼ਬਰਾਂ ਆ ਰਹੀਆਂ ਹਨ।
ਆਰਐੱਮਐੱਲ ਹਸਪਤਾਲ ਦੇ ਬਾਹਰ ਕਿਸੇ ਵੀ ਦਵਾਈ ਦੀ ਦੁਕਾਨ 'ਤੇ ਰੈਮਡੈਸੇਵੀਅਰ ਉਪਲੱਬਧ ਨਹੀਂ ਹੈ।
ਪੂਰੀ ਖ਼ਬਰ ਪੜ੍ਹਨ ਲਈ ਇਸ ਲਿੰਕ 'ਤੇ ਕਲਿੱਕ ਕਰੋ।
ਤਸਵੀਰ ਸਰੋਤ, Getty Images
6 ਜੁਲਾਈ 2020ਕੋਰੋਨਾਵਾਇਰਸ: ਹੁਣ ਪੰਜਾਬ ਜਾਣ ਤੋਂ ਪਹਿਲਾ ਇਹ ਨਵੇਂ ਦਿਸ਼ਾ-ਨਿਰਦੇਸ਼ ਜਾਣ ਲਵੋ
ਕੋਵਿਡ -19 ਦੇ ਵੱਧ ਰਹੇ ਮਾਮਲਿਆਂ ਦੇ ਮੱਦੇਨਜ਼ਰ ਪੰਜਾਬ ਸਰਕਾਰ ਵੱਲੋਂ ਸੂਬੇ ਵਿੱਚ ਦਾਖ਼ਲ ਹੋਣ ਵਾਲੇ ਸਾਰੇ ਵਿਅਕਤੀਆਂ ਲਈ ਐਡਵਾਇਜ਼ਰੀ ਜਾਰੀ ਕੀਤੀ ਗਈ ਹੈ। ਇਹ ਦਿਸ਼ਾ-ਨਿਰਦੇਸ਼ 7 ਜੁਲਾਈ 2020 ਤੋਂ ਲਾਗੂ ਹੋਣਗੇ। ਰਿਪੋਰਟ- ਸਰਬਜੀਤ ਸਿੰਘ ਧਾਲੀ, ਐਡਿਟ- ਸਦਫ਼ ਖ਼ਾਨ
ਵੀਡੀਓ ਕੈਪਸ਼ਨ, ਕੋਰੋਨਾਵਾਇਰਸ: ਹੁਣ ਪੰਜਾਬ ਜਾਣ ਤੋਂ ਪਹਿਲਾ ਇਹ ਨਵੇਂ ਦਿਸ਼ਾ-ਨਿਰਦੇਸ਼ ਜਾਣ ਲਵੋ