ਰੂਸ: ਸ਼ਾਪਿੰਗ ਸੈਂਟਰ 'ਚ ਬਾਹਰ ਜਾਣ ਦੇ 'ਰਾਹ ਬੰਦ ਸਨ'
ਤਸਵੀਰ ਸਰੋਤ, REUTERS/Dmitry Saturin
ਰੂਸ ਦੇ ਸਾਈਬੇਰਿਆਈ ਸ਼ਹਿਰ ਕੇਮੇਰੋਫੋ 'ਚ ਇੱਕ ਸ਼ਾਪਿੰਗ ਸੈਂਟਰ 'ਚ ਭਿਆਨਕ ਅੱਗ ਲੱਗੀ। ਇਸ ਹਾਦਸੇ ਵਿੱਚ ਹੁਣ ਤੱਕ 60 ਤੋਂ ਵੱਧ ਲੋਕਾਂ ਦੀ ਮੌਤ ਹੋਣ ਦੀ ਖ਼ਬਰ ਹੈ।
ਜਾਂਚ ਅਫਸਰਾਂ ਦੇ ਚਸ਼ਮਦੀਦਾਂ ਦਾ ਦਾਅਵਾ ਹੈ ਕਿ ਇਮਾਰਤ ਵਿੱਚ ਕੋਈ ਫਾਇਰ ਅਲਾਰਮ ਨਹੀਂ ਸੀ ਅਤੇ ਐਮਰਜੈਂਸੀ ਦੇ ਹਾਲਾਤ ਵਿੱਚ ਬਾਹਰ ਜਾਣ ਦਾ ਰਾਹ ਬੰਦ ਸਨ।
ਸਥਾਨਕ ਮੀਡੀਆ ਦੀਆਂ ਖ਼ਬਰਾਂ ਅਨੁਸਾਰ ਅੱਗ ਵਿੰਟਰ ਚੇਰੀ ਮੌਲ ਦੀ ਚੌਥੀ ਮੰਜ਼ਿਲ ਤੋਂ ਸ਼ੁਰੂ ਹੋਈ, ਜਿੱਥੇ ਇੰਟਰਟੇਨਮੈਂਟ ਕੰਪਲੈਕਸ ਅਤੇ ਇੱਕ ਸਿਨੇਮਾ ਘਰ ਹੈ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post
ਦੱਸਿਆ ਜਾ ਰਿਹਾ ਹੈ ਕਿ ਮਾਰੇ ਜਾਣ ਵਾਲੇ ਜ਼ਿਆਦਾਤਰ ਲੋਕ ਮੌਲ ਦੇ ਸਿਨੇਮਾ ਘਰ 'ਚ ਸਨ।
ਕੇਮੇਰੋਫੋ ਦੇ ਡਿਪਟੀ ਗਵਰਨਰ ਵਲਾਦੀਮੀਰ ਚੈਨੋਰਫ ਨੇ ਕਿਹਾ ਹੈ ਕਿ ਹੁਣ ਤੱਕ 13 ਲਾਸ਼ਾਂ ਬਾਹਰ ਕੱਢੀਆਂ ਜਾ ਚੁੱਕੀਆਂ ਹਨ ਅਤੇ ਇਹ ਸਾਰੀਆਂ ਸਿਨੇਮਾ ਘਰ ਤੋਂ ਕੱਢੀਆਂ ਗਈਆਂ ਹਨ।
ਦੱਸਿਆ ਜਾ ਰਿਹਾ ਹੈ ਕਿ ਮੌਲ 'ਚ ਸਿਨੇਮਾ ਘਰ ਦੇ ਦੋ ਹਾਲਾਂ ਦੀ ਛੱਤ ਵੀ ਡਿੱਗ ਗਈ ਹੈ।
ਤਸਵੀਰ ਸਰੋਤ, Russian Emergencies Ministry via REUTERS
ਟੈਲੀਵਿਜ਼ਨ 'ਤੇ ਦਿਖਾਈਆਂ ਜਾ ਰਹੀਆਂ ਤਸਵੀਰਾਂ 'ਚ ਸ਼ਾਪਿੰਗ ਮੌਲ 'ਚੋਂ ਧੂੰਆਂ ਨਿਕਲਦਾ ਅਤੇ ਲੋਕਾਂ ਖਿੜਕੀਆਂ ਤੋਂ ਛਾਲ ਮਾਰਦੇ ਦਿਖੇ।
ਅੱਗ ਤੇ ਕਾਬੂ ਪਾਉਣ ਲਈ ਅੱਗ ਬੁਝਾਉ ਅਮਲੇ ਦੇ ਕਰਮੀ ਲੋਕਾਂ ਨੂੰ ਬਾਹਰ ਕੱਢ ਰਹੇ ਹਨ।
ਕੇਮੇਰੋਫੋ ਸ਼ਹਿਰ ਰੂਸ ਦੀ ਰਾਜਧਾਨੀ ਮੋਸਕੋ ਤੋਂ 2200 ਮੀਲ ਦੂਰ ਹੈ ਅਤੇ ਕੋਲਾ ਉਤਪਾਦ ਲਈ ਜਾਣਿਆ ਜਾਂਦਾ ਹੈ।
ਤਸਵੀਰ ਸਰੋਤ, Russian Emergencies Ministry via EPA
ਚਸ਼ਮਦੀਦਾਂ ਦਾ ਕਹਿਣਾ ਹੈ ਕਿ ਸਾਲ 2013 'ਚ ਬਣਿਆ ਇਹ ਮੌਲ ਕਾਫੀ ਪ੍ਰਸਿੱਧ ਹੈ।
ਇਸ ਵਿੱਚ ਇੱਕ ਛੋਟਾ ਜਿਹਾ ਚਿੜੀਆ ਘਰ ਵੀ ਹੈ, ਜਿੱਥੇ ਬੱਕਰੀਆਂ, ਛੋਟੇ ਸੂਰ, ਜੰਗਲੀ ਚੂਹੇ ਅਤੇ ਬਿੱਲੀਆਂ ਰੱਖੀਆਂ ਗਈਆਂ ਹਨ।
ਅੱਗ ਲੱਗਣ ਦੇ ਕਾਰਨਾਂ ਦਾ ਹੁਣ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ।
ਰੂਸ ਦੀ ਜਾਂਚ ਕਮੇਟੀ ਨੇ ਅੱਗ ਲੱਗਣ ਦੀ ਇਸ ਘਟਨਾ ਨੂੰ ਅਪਰਾਧਿਕ ਮਾਮਲਾ ਮੰਨਦੇ ਹੋਏ ਇਸ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
