Louise Alder

English

Ganwyd Louise yn Llundain ac astudiodd ym Mhrifysgol Caeredin a’r Coleg Cerdd Brenhinol. Mae’n aelod o ensemble Opera Frankfurt ers 2014, ac wedi chwarae rhannau’n cynnwys Susanna (Le nozze di Figaro), Cleopatra (Giulio Cesare), Gilda (Rigoletto), Musetta (La bohème), Gretel (Hänsel und Gretel), Sophie (Der Rosenkavalier) a’r rôl deitl yn The Cunning Little Vixen.

Ar wahân i hynny mae Louise wedi canu Eurydice yn Orpheus Luigi Rossi (Royal Opera); Ilia, (Idomeneo) yn Garsington; Sophie (Der Rosenkavalier) i Opera Cenedlaethol Cymru a Glyndebourne/BBC Proms a Lucia (The Rape of Lucretia) a Zerlina (Don Giovanni) yn Glyndebourne.

Ymysg ei huchafbwyntiau cyngherddol diweddar mae Symffoni rhif 3 Vaughan Williams; Il delirio amoroso Handel (Gŵyl Caeredin); Offeren Mozart yn C leiaf (BBC Proms); Poppea yn L’incoronazzionedi Poppea (gyda’r Academy of Ancient Music) ac Anne Trulove yn The Rake’s Progress (Gŵyl Beethoven Warsaw).

Mae rhannau sydd i ddod ganddi yn cynnwys y rôl deitl yn Semele a rhannau eraill yn Frankfurt, Garsington a Glyndebourne a’i hymddangosiad cyntaf i’r Teatro Real ym Madrid.

Mae Louise yn ddatgeiniad brwd, a bydd yn cydweithio’n rheolaidd â’r pianyddion Helmut Deutsch, Joseph Middleton, James Baillieu a Gary Matthewman. Enillodd Wobr John Christie Glyndebourne 2014 a’r Gystadleuaeth Unawdwyr Prydeinig gyntaf i’w chynnal yn 2015.