Telyneg: Potel

Aberhafren
Cerddaf yr holl draethau
dan rwyd o fore
yn corddi cregyn dy eiriau,
taflu neithiwr.

Gweld dim
rhwng y sbwriel sych
ond dau aderyn
yn cerdded oddi wrth ei gilydd.

Mi roddwn haf o haul
am gael dy weld,
agor neges,
agor dy law.

Ond dw i mor styfnig
â'r môr
ac arhosaf i'r llanw nesa
ddod â gwydr pigog fy nial
atat ti fesul darn.

Mari George - 10

05 Gorffennaf 2016

33 eiliad

Daw'r clip hwn o