The Modiewark

Ⓖ CONTAINS SCENES OF A SEXUAL NATURE

The modiewark has done me ill,
And below my apron has biggit a hill;
I maun consult some learned clark
About this wanton Modiewark.

An' o the wanton modiewark,
The weary wanton modiewark;
I maun consult some learned clark
About this wanton Modiewark.

O first it gat between my taes,
Out o'er my garter niest it gaes;
At length it crap below my sark,
The weary wanton modiewark.

This modiewark, tho' it be blin';
If ance its nose you lat it in,
Then to the hilts, within a crack
It's out o' sight, the modiewark.

When Marjorie was made a bride,
An Willy lay down by her side,
Syne nocht was hard, when a' was dark,
But kicking t the modiewark.

An' o the wanton modiewark,
The weary wanton modiewark;
I maun consult some learned clark
About this wanton Modiewark.