She's Hoy'd Me Out O' Lauderdale

Ⓖ CONTAINS SCENES OF A SEXUAL NATURE

There liv'd a lady in Lauderdale,
She lo'ed a fiddler fine;
She lo'ed him in her chamber,
She held him in her mind;
She made his bed at her bed-stock,
She said he was her brither;
But she's hoy'd him out o' Lauderdale,
His fiddle and a' thegither.

First when I cam to Lauderdale,
I had a fiddle gude,
My sounding-pin stood like the aik
That grows in Lauder-wood;
But now my sounding-pin's gaen down,
And tint the foot forever;
She's hoy'd me out o' Lauderdale,
My fiddle and a' thegither.

First when I came to Lauderdale,
Your Ladyship can declare,
I play'd a bow, a noble bow,
As e'er was strung wi' hair;
But dow'na do's come o'er me now,
And your Ladyship winna consider;
She's hoy'd me out of Lauderdale,
My fiddle and a' thegither.