Cerdd Rydd: Digon

Cerdd Rydd: Digon
(yng ngeiriau Leah)

“Byth eto!”
y llais lluddedig,
y llygaid trwm
a’r wên wan
yn syllu ar grud llawn
o ddeg pwys bodlon Ynyr.

“Pam?”
y llais lleddf,
y llygaid llaith
a’r wyneb gwelw
yn syllu ar ystafell lawn
o boen gwag colli Lleucu.

“Diolch.”
y llais llariaidd,
y llygaid mwyn
a’r goflaid dyner
yn syllu ar wên ddireidus Rhys,
y cyw melyn ola’.

Eifion Lloyd Jones

9.5