Chaidh an còmhlan air turas a dh'Ameireagaidh is Canada

An dèidh dhan treas clàr nochdadh, chaidh an còmhlan air turas a dh'Ameireagaidh is Canada – turas a bha gu math ainmeil agus cliùiteach. Is ged nach robh e comasach dha Noel a dhol air an turas, bha caraid aig Donnie a bha glè dheònach. B' esan an cleasaiche Albannach, Alex Norton.

Thàinig seo bhon phrògram tbh, Na h-Òganaich, a bha a' leantainn a' chòmhlan 's iad air ais anns an stiùidio a' clàradh às ùr. Chaidh am prògram a chraoladh ann an 2010, aig fìor thoiseach Bliadhna nan Òran.