Tyfu pwmpenni ym Mhen Llŷn

Dylan Evans o Fferm Tŷ Cynan yn Rhydyclafdy, Pen Llŷn sy'n sôn am dyfu pwmpenni ar gyfer Calan Gaeaf, a sut flwyddyn yw hi wedi bod ar gyfer eu tyfu.

Sgwrs hefyd gyda Carys Owen o Glwb Ffermwyr Ifanc Abergwaun sydd yn ddiweddar wedi ennill gwobr Stocmon Hŷn y Flwyddyn gyda mudiad yr NFYFC, a hithau heb gefndir amaethyddol o gwbl.

Y waliwr cerrig sych o Landyrnog, Barney Murray sy'n trafod ei waith, a sut y mae'n cadw'r hen draddodiad yn fyw yn Sir Ddinbych.

Megan Williams sydd â rhagolygon y tywydd am y mis i ddod, ac Aled Morgan Hughes, Pennaeth Cyfathrebu Undeb Amaethwyr Cymru, sy'n adolygu'r straeon amaethyddol yn y wasg yr wythnos hon.