le Maureen NicLeòid

'S iad Iain MacÌomhair agus Siùsaidh NicDhonnchaidh a tha a' toirt sùil air colbhan-beachd pàipearan na deireadh-sheachdain.

Tha taisbeanadh ùr ri fhaicinn aig Àros an Rubha ann an Leòdhas - cuimhneachain, dealbhan agus sgeulachdan bho na h-àirighean thar nam bliadhnaichean. Tha Coinneach Mac a' Ghobhainn a' bruidhinn ri Anndra Dunn, a chur an taisbeanadh ri chèile, mun obair a rinn iad agus mar a thathas fhathast a' sireadh an tuilleadh chuimhneachain bho mhuinntir an Rubha.

'S cluinnidh sinn an-diugh a-rithist bho Mhàiri NicIlleMhaoil a tha thall anns a' Ghearmailt aig na Euros. Tha Màiri air a bhith còmhla rinn gach Diluain bho thoiseach na farpais le sealladh air na tha dol thall am measg an othail!